MATIUS 16
16
Kalak Parisi mindo tanda
(Mrk 8:11-13; Luk 12:54-56)
1Piga-piga kalak Parisi ras kalak Saduki reh ncubai Jesus, e maka ipindona gelah icidahken Jesus tanda sengget mbuktikenca maka Dibata si nuruh IA. #Mat 12:38; Luk 11:16 2Tapi ngaloi Jesus, “Kenca ben wari, adi megara langit, ikatakenndu, ‘Berngi enda ugapa pe salang kal.’ 3Tapi adi erpagi-pagi megara langit janah embun mekapal, ikatakenndu, ‘Sendah ugapa pe udan me.’ Ietehndu kerna musim arah rupa langit, tapi la iangkandu kerna tanda-tanda jaman. 4Andiko, jahatna kalak si genduari enda! Ipindondu tanda man bangKu. Labo Kubahan! Seakatan tanda Nabi Juna ngenca.”
Jenari lawes Jesus, itadingkenNa kalak Parisi ras kalak Saduki e. #Mat 12:39; Luk 11:29
Kerna ragi kalak Parisi ras kalak Saduki
(Mrk 8:14-21)
5Asum Jesus ras ajar-ajarNa ngepari dano, lupa ajar-ajarNa maba roti. 6Nina Jesus man ajar-ajarNa, “Metenget dingen erjaga-jagalah kam nandangi ragi kalak Parisi ras kalak Saduki.” #Luk 12:1
7Rukur ajar-ajarNa e, jenari nina sapih-sapih ia, “Perbahan lupa kita maba roti maka bage nina.”
8Tapi ieteh Jesus kai si icakapken ajar-ajar e, e maka nina, “Engkai maka kerna la lit roti icakapkenndu? Kurang kal tuhu kinitekenndu! 9Langa kin lalap iangkandu? La kin ingetndu asum Kucepik-cepik roti si lima ngkibul guna lima ribu kalak? Piga sumpit asum si e ipepulung ibana? #Mat 14:17-21 10Bage pe kerna roti si pitu ngkibul guna empat ribu kalak, piga sumpit asum si e ipepulung ibana? #Mat 15:34-38 11Kuga maka la iangkandu, maka si Kukataken man bandu e labo kerna roti? Metengetlah kam nandangi ragi kalak Parisi ras kalak Saduki!”
12Kenca bage maka enggo iangka ajar-ajar maka maksud Jesus labo metenget nandangi ragi si lit i bas roti, tapi metenget nandangi ajaren kalak Parisi ras kalak Saduki.
Pengakun Petrus kerna Jesus
(Mrk 8:27-30; Luk 9:18-21)
13Kenca seh Jesus i daerah Kesarea Pilipi, nungkun IA man ajar-ajarNa nina, “Nina kalak, ise nge Anak Manusia si isuruh Dibata e?”
14Erjabap ajar-ajarNa, “Lit ngatakenca maka Kam kap Johanes Peridiken. Lit ka ngatakenca Elia, bage pe lit ngatakenca maka Kam Jeremia ntah pe sekalak i bas nabi-nabi si deban.” #Mat 14:1-2; Mrk 6:14-15; Luk 9:7-8
15Isungkun Jesus ka ajar-ajarNa, “Tapi iakapndu ise Aku enda?”
16Erjabap Simon Petrus, “Kam kap Mesias, Anak Dibata si Nggeluh.” #Joh 6:68-69
17Ngaloi Jesus, “O Simon, anak Jona, ketuahen me kam, sabap labo manusia ngataken si enda man bandu, tapi BapangKu si i Surga kap. 18Janah Kukataken pe man bandu: Kam kap Petrus, batu si enteguh, janah i babo batu palas enda me Kupajekken perpulungenKu, si la tertaluken aminna pe alu kinirajan kematen. 19Kubereken me man bandu kunci Kinirajan Surga. Kai si irakutindu i doni enda, i Surga pe enggo kap irakuti; kai si iosarindu i bas doni enda, i Surga pe enggo kap iosari.” #Mat 18:18; Joh 20:23
20Jenari ikataken Jesus man ajar-ajarNa gelah ola iturikenna man ise pe maka IA kap Mesias si ipadanken Dibata.
Ituriken Jesus kerna kiniseran ras kematenNa
(Mrk 8:31–9:1; Luk 9:22-27)
21I bas paksa si e nari mulai me ituriken Jesus alu jelas man ajar-ajarNa nina, “Aku la banci lang lawes ku Jerusalem, la banci lang Kunanami erbage-bage kiniseran i bas peminpin-peminpin Jahudi, imam-imam si mbelin ras i bas guru-guru agama Jahudi nari. Aku ibunuh tapi i bas wari si peteluken ipekeke ka i bas si mate nari.”
22Tapi iawin Petrus me Jesus, e maka ipandangna IA nina, “Mbera-mbera ipedauh Dibata si e i bas Kam nari o Tuhan! Labo banci jadi e man baNdu!”
23Itulihken Jesus, jenari nina man Petrus, “Laweslah i bas Aku nari, o, Iblis! Isidingindu kap Aku. Perukurenndu perukuren manusia, labo perukuren Dibata.”
24Jenari nina Jesus man ajar-ajarNa, “Ise atena ikut ras Aku arus ipersilahangna bana, ipersanna kayu persilangna jenari iikutkenna Aku. #Mat 10:38; Luk 14:27 25Sabap ise mpertahanken kegeluhenna, bene kap kegeluhenna e, tapi ise kebenen kegeluhenna erkiteken Aku, ialokenna me kegeluhenna e. #Mat 10:39; Luk 17:33; Joh 12:25 26Lit kin gunana man sekalak jelma, adi man bana gia kerina erta-erta doni enda tapi bene kegeluhenna si tuhu-tuhu? Tentu lang! Kai pe labo banci ibahan manusia gancih kesahna. 27Sabap reh me Anak Manusia si isuruh Dibata alu kemulian si mbelin dingen iarakken malekat-malekat Dibata. I bas paksa e pagi ibalasNa man sekalak-sekalak sue ras kai si enggo ibahanna. #Mat 25:31; Msm 62:13; Rom 2:6 28Ingetlah! I bas si pulung enda lit piga-piga kalak si langa mate ope denga idahna Anak Manusia si isuruh Dibata i bas KinirajanNa.”
Currently Selected:
MATIUS 16: BTX
Highlight
Share
Compare
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MATIUS 16
16
Kalak Parisi mindo tanda
(Mrk 8:11-13; Luk 12:54-56)
1Piga-piga kalak Parisi ras kalak Saduki reh ncubai Jesus, e maka ipindona gelah icidahken Jesus tanda sengget mbuktikenca maka Dibata si nuruh IA. #Mat 12:38; Luk 11:16 2Tapi ngaloi Jesus, “Kenca ben wari, adi megara langit, ikatakenndu, ‘Berngi enda ugapa pe salang kal.’ 3Tapi adi erpagi-pagi megara langit janah embun mekapal, ikatakenndu, ‘Sendah ugapa pe udan me.’ Ietehndu kerna musim arah rupa langit, tapi la iangkandu kerna tanda-tanda jaman. 4Andiko, jahatna kalak si genduari enda! Ipindondu tanda man bangKu. Labo Kubahan! Seakatan tanda Nabi Juna ngenca.”
Jenari lawes Jesus, itadingkenNa kalak Parisi ras kalak Saduki e. #Mat 12:39; Luk 11:29
Kerna ragi kalak Parisi ras kalak Saduki
(Mrk 8:14-21)
5Asum Jesus ras ajar-ajarNa ngepari dano, lupa ajar-ajarNa maba roti. 6Nina Jesus man ajar-ajarNa, “Metenget dingen erjaga-jagalah kam nandangi ragi kalak Parisi ras kalak Saduki.” #Luk 12:1
7Rukur ajar-ajarNa e, jenari nina sapih-sapih ia, “Perbahan lupa kita maba roti maka bage nina.”
8Tapi ieteh Jesus kai si icakapken ajar-ajar e, e maka nina, “Engkai maka kerna la lit roti icakapkenndu? Kurang kal tuhu kinitekenndu! 9Langa kin lalap iangkandu? La kin ingetndu asum Kucepik-cepik roti si lima ngkibul guna lima ribu kalak? Piga sumpit asum si e ipepulung ibana? #Mat 14:17-21 10Bage pe kerna roti si pitu ngkibul guna empat ribu kalak, piga sumpit asum si e ipepulung ibana? #Mat 15:34-38 11Kuga maka la iangkandu, maka si Kukataken man bandu e labo kerna roti? Metengetlah kam nandangi ragi kalak Parisi ras kalak Saduki!”
12Kenca bage maka enggo iangka ajar-ajar maka maksud Jesus labo metenget nandangi ragi si lit i bas roti, tapi metenget nandangi ajaren kalak Parisi ras kalak Saduki.
Pengakun Petrus kerna Jesus
(Mrk 8:27-30; Luk 9:18-21)
13Kenca seh Jesus i daerah Kesarea Pilipi, nungkun IA man ajar-ajarNa nina, “Nina kalak, ise nge Anak Manusia si isuruh Dibata e?”
14Erjabap ajar-ajarNa, “Lit ngatakenca maka Kam kap Johanes Peridiken. Lit ka ngatakenca Elia, bage pe lit ngatakenca maka Kam Jeremia ntah pe sekalak i bas nabi-nabi si deban.” #Mat 14:1-2; Mrk 6:14-15; Luk 9:7-8
15Isungkun Jesus ka ajar-ajarNa, “Tapi iakapndu ise Aku enda?”
16Erjabap Simon Petrus, “Kam kap Mesias, Anak Dibata si Nggeluh.” #Joh 6:68-69
17Ngaloi Jesus, “O Simon, anak Jona, ketuahen me kam, sabap labo manusia ngataken si enda man bandu, tapi BapangKu si i Surga kap. 18Janah Kukataken pe man bandu: Kam kap Petrus, batu si enteguh, janah i babo batu palas enda me Kupajekken perpulungenKu, si la tertaluken aminna pe alu kinirajan kematen. 19Kubereken me man bandu kunci Kinirajan Surga. Kai si irakutindu i doni enda, i Surga pe enggo kap irakuti; kai si iosarindu i bas doni enda, i Surga pe enggo kap iosari.” #Mat 18:18; Joh 20:23
20Jenari ikataken Jesus man ajar-ajarNa gelah ola iturikenna man ise pe maka IA kap Mesias si ipadanken Dibata.
Ituriken Jesus kerna kiniseran ras kematenNa
(Mrk 8:31–9:1; Luk 9:22-27)
21I bas paksa si e nari mulai me ituriken Jesus alu jelas man ajar-ajarNa nina, “Aku la banci lang lawes ku Jerusalem, la banci lang Kunanami erbage-bage kiniseran i bas peminpin-peminpin Jahudi, imam-imam si mbelin ras i bas guru-guru agama Jahudi nari. Aku ibunuh tapi i bas wari si peteluken ipekeke ka i bas si mate nari.”
22Tapi iawin Petrus me Jesus, e maka ipandangna IA nina, “Mbera-mbera ipedauh Dibata si e i bas Kam nari o Tuhan! Labo banci jadi e man baNdu!”
23Itulihken Jesus, jenari nina man Petrus, “Laweslah i bas Aku nari, o, Iblis! Isidingindu kap Aku. Perukurenndu perukuren manusia, labo perukuren Dibata.”
24Jenari nina Jesus man ajar-ajarNa, “Ise atena ikut ras Aku arus ipersilahangna bana, ipersanna kayu persilangna jenari iikutkenna Aku. #Mat 10:38; Luk 14:27 25Sabap ise mpertahanken kegeluhenna, bene kap kegeluhenna e, tapi ise kebenen kegeluhenna erkiteken Aku, ialokenna me kegeluhenna e. #Mat 10:39; Luk 17:33; Joh 12:25 26Lit kin gunana man sekalak jelma, adi man bana gia kerina erta-erta doni enda tapi bene kegeluhenna si tuhu-tuhu? Tentu lang! Kai pe labo banci ibahan manusia gancih kesahna. 27Sabap reh me Anak Manusia si isuruh Dibata alu kemulian si mbelin dingen iarakken malekat-malekat Dibata. I bas paksa e pagi ibalasNa man sekalak-sekalak sue ras kai si enggo ibahanna. #Mat 25:31; Msm 62:13; Rom 2:6 28Ingetlah! I bas si pulung enda lit piga-piga kalak si langa mate ope denga idahna Anak Manusia si isuruh Dibata i bas KinirajanNa.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.