2 KRONIKA 16
16
Juda iperang Israel
(1Raj 15:17-22)
1I bas tahun petelu puluh enemken pemerentahen Raja Asa i Juda, reh Raja Baasa i Israel nari merang Juda. E maka ibenaken Baasa erbahan benteng kuta Rama guna meltepken dalan ndarat i Juda nari. 2Erkiteken si e ibuat Asa pirak ras emas i bas perbendaharan Rumah Pertoton ras i bas perbendaharan istana nari, jenari ikiremna ku Damaskus man Benhadad raja Siria, alu tenah enda, 3“Sibahanlah sada perpadanen maka kita sisampat-sampaten, bali ras bapanta nai. Enda pirak ras emas jadi pemere man bandu. Genduari peltepkenlah perpadanenndu ras Baasa, raja Israel, gelah terpaksa itarikna mundur tenterana i bas daerahku nari.”
4Benhadad setuju kerna usul e. E maka ikiremna komendan ras tenterana merang kuta-kuta Israel. Italukenna Ion, Dan, Abel Bet Maaka, ras kerina kuta Naptali ingan lumbung-lumbung perbekalen. 5Kenca ibegi Raja Baasa si enggo jadi, ingadikenna erbahan benteng kuta Rama jenari itadingkenna dahin e. 6Kenca bage ipepulung Asa kerina kalak i Juda nari jenari isuruhna ngelegi batu ras kayu si ipergunaken Baasa i Rama, jenari ipakena e guna erbahan benteng kuta i Geba ras Mispa.
Nabi Hanani
7Tupung e lawes Nabi Hanani ndahi Raja Asa nina, “Erkiteken ernalem kam man raja Siria tapi la kam ernalem man TUHAN Dibatandu, e maka tentera Israel enggo pulah. 8Tentu ingetndu denga maka seh kal mbarenda teremna tentera Sudan ras tentera Libia. Bage pe la kurang buena gereta perang ras tenterana si erkuda. Tapi erkiteken kam ernalem man TUHAN, ibahanNa kam menang naluken kalak e. 9Iperdiateken TUHAN kerina doni enda, gelah iberekenNa gegeh man kalak si setia man baNa. Enggo ilakokenndu perbahanen si bodoh. E maka mulai genduari nari kam lalap erperang.” 10Megi si enda merawa kal ate Raja Asa kempak Nabi Hanani, e maka iperentahkenna ngiket nabi e alu rante. I bas paksa e me Asa mulai kejam man piga-piga rayatna.
Kedungen pemerentahen Asa
(1Raj 15:23-24)
11Kerina si jadi sanga pemerentahen Asa mula-mula nari seh kedungenna isuratken i bas Sejarah raja-raja Juda ras Israel. 12I bas tahun petelu puluh siwahken kenca Asa jadi raja, lumpuh ia erkiteken penakit si lit i bas nahena seh kal kelekna. Tapi amin bage pe labo ia mindo penampat man TUHAN, ipindona penampat man guru-guru. 13Dua tahun kenca si e mate ia, 14jenari ikuburken i bas kuburen batu si enggo ipahatna guna dirina jine i Kuta Daud. Itamaken kalak rempah-rempah ras minak wangi sanga nikapken badanna lako ikuburken, jenari ipasangna api pinugun si galang kerna ceda ate kematenna e.
Currently Selected:
2 KRONIKA 16: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
2 KRONIKA 16
16
Juda iperang Israel
(1Raj 15:17-22)
1I bas tahun petelu puluh enemken pemerentahen Raja Asa i Juda, reh Raja Baasa i Israel nari merang Juda. E maka ibenaken Baasa erbahan benteng kuta Rama guna meltepken dalan ndarat i Juda nari. 2Erkiteken si e ibuat Asa pirak ras emas i bas perbendaharan Rumah Pertoton ras i bas perbendaharan istana nari, jenari ikiremna ku Damaskus man Benhadad raja Siria, alu tenah enda, 3“Sibahanlah sada perpadanen maka kita sisampat-sampaten, bali ras bapanta nai. Enda pirak ras emas jadi pemere man bandu. Genduari peltepkenlah perpadanenndu ras Baasa, raja Israel, gelah terpaksa itarikna mundur tenterana i bas daerahku nari.”
4Benhadad setuju kerna usul e. E maka ikiremna komendan ras tenterana merang kuta-kuta Israel. Italukenna Ion, Dan, Abel Bet Maaka, ras kerina kuta Naptali ingan lumbung-lumbung perbekalen. 5Kenca ibegi Raja Baasa si enggo jadi, ingadikenna erbahan benteng kuta Rama jenari itadingkenna dahin e. 6Kenca bage ipepulung Asa kerina kalak i Juda nari jenari isuruhna ngelegi batu ras kayu si ipergunaken Baasa i Rama, jenari ipakena e guna erbahan benteng kuta i Geba ras Mispa.
Nabi Hanani
7Tupung e lawes Nabi Hanani ndahi Raja Asa nina, “Erkiteken ernalem kam man raja Siria tapi la kam ernalem man TUHAN Dibatandu, e maka tentera Israel enggo pulah. 8Tentu ingetndu denga maka seh kal mbarenda teremna tentera Sudan ras tentera Libia. Bage pe la kurang buena gereta perang ras tenterana si erkuda. Tapi erkiteken kam ernalem man TUHAN, ibahanNa kam menang naluken kalak e. 9Iperdiateken TUHAN kerina doni enda, gelah iberekenNa gegeh man kalak si setia man baNa. Enggo ilakokenndu perbahanen si bodoh. E maka mulai genduari nari kam lalap erperang.” 10Megi si enda merawa kal ate Raja Asa kempak Nabi Hanani, e maka iperentahkenna ngiket nabi e alu rante. I bas paksa e me Asa mulai kejam man piga-piga rayatna.
Kedungen pemerentahen Asa
(1Raj 15:23-24)
11Kerina si jadi sanga pemerentahen Asa mula-mula nari seh kedungenna isuratken i bas Sejarah raja-raja Juda ras Israel. 12I bas tahun petelu puluh siwahken kenca Asa jadi raja, lumpuh ia erkiteken penakit si lit i bas nahena seh kal kelekna. Tapi amin bage pe labo ia mindo penampat man TUHAN, ipindona penampat man guru-guru. 13Dua tahun kenca si e mate ia, 14jenari ikuburken i bas kuburen batu si enggo ipahatna guna dirina jine i Kuta Daud. Itamaken kalak rempah-rempah ras minak wangi sanga nikapken badanna lako ikuburken, jenari ipasangna api pinugun si galang kerna ceda ate kematenna e.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.