2 KRONIKA 14
14
Italuken Raja Asa bangsa Sudan
1Mate Raja Abiya e maka ikuburken i bas kuburen raja-raja i Kuta Daud. Anakna Asa nggantiken ia jadi raja. Janah i bas pemerentahen Asa, lit sepuluh tahun dekahna dame negeri e. 2Ilakoken Asa kai si bujur dingen mehuli, e maka ngena ate TUHAN Dibatana man bana. 3Iaguina batar-batar bangsa si deban ras ingan-ingan ersembah kalak perbegu, ibulakkenna tugu batu si isembah kalak perbegu, janah itabanna gana-gana Dewi Asera. 4Iperentahkenna rayat Juda ngelakoken si ngena ate TUHAN, Dibata nini-ninina, dingen ngikutken pengajaren ras perentah-perentah TUHAN. 5Erkiteken imasapkenna i bas kerina kuta-kuta Juda ingan-ingan ersembah dingen batar-batar ingan kalak perbegu nutung kumenen, e maka kerajan e dame i teruh pemerentahenna. 6I bas paksa e ibahanna benteng kuta-kuta Juda. La lit perang piga-piga tahun dekahna erkiteken ibereken TUHAN man bana kedamen. 7Nina man kalak Juda, “Marilah sibahan benteng kuta enda alu erbahan dingding beton ras menara, dingen erbahan pintu gerbang si banci ipintu ras ieruk. Negeri enda banci sikuasai sabap enggo silakoken kai si ngena ate TUHAN Dibatanta. IkawaliNa kita dingen iberekenNa man banta keamanen i belang-belang negeri.” E maka ipantekina benteng-benteng e, seh dung ibahanna. 8Tentera Raja Asa lit 300.000 kalak i Juda nari, ipersenjatai alu ampang-ampang ras lembing dingen 280.000 kalak i Benyamin nari, ipersenjatai alu ampang-ampang ras panah. Kerina tentera e kalak si mbisa dingen cukup latihenna.
9Sekalak bangsa Sudan gelarna Sera, iperangna Juda alu sada juta kalak tentera dingen 300 gereta perang jenari maju ia seh i Maresa. 10Ndarat Asa ngelawan Sera e maka duana ia muat ingan petala-tala i Baluren Sepatah deher Maresa. 11Ertoto Asa man TUHAN Dibata nina, “O TUHAN, banci kap isampatiNdu subuk tentera si la megegeh ntah pe tentera si megegeh. Sampatilah kami genduari O TUHAN Dibata kami, sabap Kam kap penalemen kami, dingen i bas gelarNdu kami ndarat erperang ngelawan tentera si nterem enda. O TUHAN, Kam kap Dibata kami; la lit kalak si ngasup naluken Kam.”
12Italuken TUHAN tentera Sudan e asum ia iserang Asa ras tentera Juda e. Lompat kalak Sudan e, 13e maka ielis Asa ras pasukenna seh ku Gerar. Nterem kal tentera Sudan e mate ibunuh, e maka lanai ia banci ngelawan, erkiteken ia ikernepken TUHAN ras tentera Juda. E maka melala kal ibuat tentera Juda barang rampasen. 14Kenca bage bangsa Juda ngkernepken kuta-kuta i sekelewet daerah Gerar, sabap penduduk si i je nggirgir kerina i adep-adepen TUHAN. Irampasi tentera Juda kerina kuta-kuta e jenari ibuatna melala barang-barang rampasen. 15Iperang tentera Juda pe piga-piga perkemahen kalak permakan. Ibuatna melala biri-biri ras unta. Kenca bage mulih ia ku Jerusalem.
Currently Selected:
2 KRONIKA 14: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
2 KRONIKA 14
14
Italuken Raja Asa bangsa Sudan
1Mate Raja Abiya e maka ikuburken i bas kuburen raja-raja i Kuta Daud. Anakna Asa nggantiken ia jadi raja. Janah i bas pemerentahen Asa, lit sepuluh tahun dekahna dame negeri e. 2Ilakoken Asa kai si bujur dingen mehuli, e maka ngena ate TUHAN Dibatana man bana. 3Iaguina batar-batar bangsa si deban ras ingan-ingan ersembah kalak perbegu, ibulakkenna tugu batu si isembah kalak perbegu, janah itabanna gana-gana Dewi Asera. 4Iperentahkenna rayat Juda ngelakoken si ngena ate TUHAN, Dibata nini-ninina, dingen ngikutken pengajaren ras perentah-perentah TUHAN. 5Erkiteken imasapkenna i bas kerina kuta-kuta Juda ingan-ingan ersembah dingen batar-batar ingan kalak perbegu nutung kumenen, e maka kerajan e dame i teruh pemerentahenna. 6I bas paksa e ibahanna benteng kuta-kuta Juda. La lit perang piga-piga tahun dekahna erkiteken ibereken TUHAN man bana kedamen. 7Nina man kalak Juda, “Marilah sibahan benteng kuta enda alu erbahan dingding beton ras menara, dingen erbahan pintu gerbang si banci ipintu ras ieruk. Negeri enda banci sikuasai sabap enggo silakoken kai si ngena ate TUHAN Dibatanta. IkawaliNa kita dingen iberekenNa man banta keamanen i belang-belang negeri.” E maka ipantekina benteng-benteng e, seh dung ibahanna. 8Tentera Raja Asa lit 300.000 kalak i Juda nari, ipersenjatai alu ampang-ampang ras lembing dingen 280.000 kalak i Benyamin nari, ipersenjatai alu ampang-ampang ras panah. Kerina tentera e kalak si mbisa dingen cukup latihenna.
9Sekalak bangsa Sudan gelarna Sera, iperangna Juda alu sada juta kalak tentera dingen 300 gereta perang jenari maju ia seh i Maresa. 10Ndarat Asa ngelawan Sera e maka duana ia muat ingan petala-tala i Baluren Sepatah deher Maresa. 11Ertoto Asa man TUHAN Dibata nina, “O TUHAN, banci kap isampatiNdu subuk tentera si la megegeh ntah pe tentera si megegeh. Sampatilah kami genduari O TUHAN Dibata kami, sabap Kam kap penalemen kami, dingen i bas gelarNdu kami ndarat erperang ngelawan tentera si nterem enda. O TUHAN, Kam kap Dibata kami; la lit kalak si ngasup naluken Kam.”
12Italuken TUHAN tentera Sudan e asum ia iserang Asa ras tentera Juda e. Lompat kalak Sudan e, 13e maka ielis Asa ras pasukenna seh ku Gerar. Nterem kal tentera Sudan e mate ibunuh, e maka lanai ia banci ngelawan, erkiteken ia ikernepken TUHAN ras tentera Juda. E maka melala kal ibuat tentera Juda barang rampasen. 14Kenca bage bangsa Juda ngkernepken kuta-kuta i sekelewet daerah Gerar, sabap penduduk si i je nggirgir kerina i adep-adepen TUHAN. Irampasi tentera Juda kerina kuta-kuta e jenari ibuatna melala barang-barang rampasen. 15Iperang tentera Juda pe piga-piga perkemahen kalak permakan. Ibuatna melala biri-biri ras unta. Kenca bage mulih ia ku Jerusalem.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.