Issaayyaas Kitaaba 8
8
Isaayyaas Beet Qeefadanchina Mare'i Ihukkisa
1Waa'i iina «Lob kirbaasa gudissaa ‹Bi'isseenaa qeefaddeenaa gaaggaabe› yitaa qabar fidalluwwinne kitaabe. 2Amma'nnanto'oo lamem manchom oohim qeessichchi Ooriyoo Baraakiy beet Zakkaaryaasaa naqaashshuwwi issitaa disse» yukko.
3Hofqax ammaniinsi lasonne hiraagaanchotte hee'llo'i i meentichcho iina siitto'o; goonchi beetom qatto'o. Waa'im iina «Summa ‹Bi'isseenaa qeefaddeenaa› yitaa weeshe. 4Oo ciil ‹Abba, aadde› yaa weeshimma la'oo'n gaassaa Damaasqo'i amaxxii Samaare'i qeefado'ii Aasoo'l adilinne bogamaa marookko» yukko.
Aasoo'l Adil Waarukkisa
5Waa'i la'mmaaggem iina 6«Ku minaadab qaphphaa daadoo Saliihoo'm bu'i wo'o sabaa adil Raaxiinaa adil Faaquhee doo'llaakko. 7Ee bikkina an Aasoo'l adila malaayyaam ixxi gogotinne maqirem ka minaadabanne ki'oo'isa issoommo; oohim Efiraaxiis daajji aqqaa tochchiinsi tochcho afaa wo'mmoohaannisa. 8Dirisukkuuyyim Yihuxxi uulla afookko; aqqaa hundi luwwam ifiisoo bikkina gaanji afeebe'e afookko» yukko.
Ihukkaarem Waa'i niinninnette! Biddiqu ixxi ladim ni uulla egerookko.
9Ka uulli minaadaba, sha'llammehe. Ihukkaarem baddehe; qee'l uullanne hee'llakkam keenim macceessehe; orina guddehe. Ihukkaarem baddehe. Orina guddehe; ihukkaarem baddehe. 10A'llammehe; ihukkaarem sawwitakko'isa ihooyyo. Qooddehe; ihukkaarem Waa'i niinninnetti ihu bikkina qooddakko'isa ihooyyo.
Waa'i Hiraagaanchina qoxxisaa Kurukkisa
11Ka minaadaphpheka googo awwonaa maroombee'isa Waa'i ixxaanninne wodaam malaayyinne qoxxisaa kurukko. 12#1Phex 3:14,15«Ixxuwwi dollotto'o yitamoka ki'nnuwwi yitakkotte; ixxuwwi badditamoka ki'nnuwwi badditakkotte; muggitakkotteme. 13An gogoxxi Moollanni keesammi ihummisa sawwi'llehe; xale'i eesem baddehe. 14#1Phex 2:8Iikki keesammoo'm lombi Yihuxxaanninaa Isra'ee'l minaadabinaa qolanta'a ubbam kina ee'isam Yerusaalee'm minaadabina qaash ihookko. 15Ee bikkina lobakat keen qolantamo; ubba'atim iiqantamo; qaashannem amadantamo» yukko.
Kiiraanii Wiidda Weeshsham Keenii Axeeranto'isa
16Iikka losano egere; i seeram iina awwonaa'n wodanonne koobe. 17#Ibr 2:13Waa'i Isra'ee'l minaadabiinsi ille dabarukkaarem i amma'nnato ixxonne issoommo.
18 #
Ibr 2:13
Oono'o, anii iina Waa'i uwwu i oosii Xiyoo'n duunanne hee'oo gogoxxi Moollanni Waa'iinsi Isra'ee'l minaadabina uwwammaammoo mare'ee maalallatoo.
19Manni ki'nnuwwa «Lobakata wocukkuuyyii hashaashshukkuuyyii kiiroo keenoo wiidda weeshoo keenoo xa'mmehe» yukkaare eehannah minaadab ixxi Waa'a xa'mmimmi hasisam hee'ukkoyyonnihe? Hee'oo kee'n bikkinne wiidda weeshimmi mahina hasisukko? 20Waa'i ki'nnuwwina uwwu seeraa ijaajoo moo'llehe; eehido'i sagaramdu woccobeelas caakki ixxuwwanne bee'e. 21Ixxuwwi sibaarinnee u'nninnee uullanne karkaaddamo; sibaa'l lobakatiinsi ki'aa gancattamo. Iimane moo'llu'uuyyi adilaa ixxuwwi waa'aa duuntamo. 22Uullam heeshta'a moo'llamo; ihukkaarem moo'llamok u'nna, tuunsoo baddisoo umbu'llaa. Ee kee'mmalli tuunsonnem uunjantamo.
Currently Selected:
Issaayyaas Kitaaba 8: KeesKita
Highlight
Share
Copy
Want to have your highlights saved across all your devices? Sign up or sign in
Issaayyaas Kitaaba 8
8
Isaayyaas Beet Qeefadanchina Mare'i Ihukkisa
1Waa'i iina «Lob kirbaasa gudissaa ‹Bi'isseenaa qeefaddeenaa gaaggaabe› yitaa qabar fidalluwwinne kitaabe. 2Amma'nnanto'oo lamem manchom oohim qeessichchi Ooriyoo Baraakiy beet Zakkaaryaasaa naqaashshuwwi issitaa disse» yukko.
3Hofqax ammaniinsi lasonne hiraagaanchotte hee'llo'i i meentichcho iina siitto'o; goonchi beetom qatto'o. Waa'im iina «Summa ‹Bi'isseenaa qeefaddeenaa› yitaa weeshe. 4Oo ciil ‹Abba, aadde› yaa weeshimma la'oo'n gaassaa Damaasqo'i amaxxii Samaare'i qeefado'ii Aasoo'l adilinne bogamaa marookko» yukko.
Aasoo'l Adil Waarukkisa
5Waa'i la'mmaaggem iina 6«Ku minaadab qaphphaa daadoo Saliihoo'm bu'i wo'o sabaa adil Raaxiinaa adil Faaquhee doo'llaakko. 7Ee bikkina an Aasoo'l adila malaayyaam ixxi gogotinne maqirem ka minaadabanne ki'oo'isa issoommo; oohim Efiraaxiis daajji aqqaa tochchiinsi tochcho afaa wo'mmoohaannisa. 8Dirisukkuuyyim Yihuxxi uulla afookko; aqqaa hundi luwwam ifiisoo bikkina gaanji afeebe'e afookko» yukko.
Ihukkaarem Waa'i niinninnette! Biddiqu ixxi ladim ni uulla egerookko.
9Ka uulli minaadaba, sha'llammehe. Ihukkaarem baddehe; qee'l uullanne hee'llakkam keenim macceessehe; orina guddehe. Ihukkaarem baddehe. Orina guddehe; ihukkaarem baddehe. 10A'llammehe; ihukkaarem sawwitakko'isa ihooyyo. Qooddehe; ihukkaarem Waa'i niinninnetti ihu bikkina qooddakko'isa ihooyyo.
Waa'i Hiraagaanchina qoxxisaa Kurukkisa
11Ka minaadaphpheka googo awwonaa maroombee'isa Waa'i ixxaanninne wodaam malaayyinne qoxxisaa kurukko. 12#1Phex 3:14,15«Ixxuwwi dollotto'o yitamoka ki'nnuwwi yitakkotte; ixxuwwi badditamoka ki'nnuwwi badditakkotte; muggitakkotteme. 13An gogoxxi Moollanni keesammi ihummisa sawwi'llehe; xale'i eesem baddehe. 14#1Phex 2:8Iikki keesammoo'm lombi Yihuxxaanninaa Isra'ee'l minaadabinaa qolanta'a ubbam kina ee'isam Yerusaalee'm minaadabina qaash ihookko. 15Ee bikkina lobakat keen qolantamo; ubba'atim iiqantamo; qaashannem amadantamo» yukko.
Kiiraanii Wiidda Weeshsham Keenii Axeeranto'isa
16Iikka losano egere; i seeram iina awwonaa'n wodanonne koobe. 17#Ibr 2:13Waa'i Isra'ee'l minaadabiinsi ille dabarukkaarem i amma'nnato ixxonne issoommo.
18 #
Ibr 2:13
Oono'o, anii iina Waa'i uwwu i oosii Xiyoo'n duunanne hee'oo gogoxxi Moollanni Waa'iinsi Isra'ee'l minaadabina uwwammaammoo mare'ee maalallatoo.
19Manni ki'nnuwwa «Lobakata wocukkuuyyii hashaashshukkuuyyii kiiroo keenoo wiidda weeshoo keenoo xa'mmehe» yukkaare eehannah minaadab ixxi Waa'a xa'mmimmi hasisam hee'ukkoyyonnihe? Hee'oo kee'n bikkinne wiidda weeshimmi mahina hasisukko? 20Waa'i ki'nnuwwina uwwu seeraa ijaajoo moo'llehe; eehido'i sagaramdu woccobeelas caakki ixxuwwanne bee'e. 21Ixxuwwi sibaarinnee u'nninnee uullanne karkaaddamo; sibaa'l lobakatiinsi ki'aa gancattamo. Iimane moo'llu'uuyyi adilaa ixxuwwi waa'aa duuntamo. 22Uullam heeshta'a moo'llamo; ihukkaarem moo'llamok u'nna, tuunsoo baddisoo umbu'llaa. Ee kee'mmalli tuunsonnem uunjantamo.
Currently Selected:
:
Highlight
Share
Copy
Want to have your highlights saved across all your devices? Sign up or sign in