Issaayyaas Kitaaba 6
6
Waa'i Issaayyaasa Hiraagina Weeshukkisa
1 #
2Adl 15:7; 2Aga 26:23 Adil Ooziy lehu hiinchonne Waa'i qeeraa'l lombi adilla'n barcumanne afuuraakkoo moo'ummo. Ixxek lombi eddechchim Keesammi Mine ifiisaa hee'ukko. 2Suraafeelluwwi ixxi kululleetanne uullita'a hee'llo'o; ixxuwwina annannichchinam loh lad hee'ukko; oo keen annannichchim lam ladinne ille, lam ladinne odim lokko ifiissam hee'llo'o; lam ladinnem barattam hee'llo'o. 3#Kal 4:8Oo asse'amaan ixxuwwina'i ixxuwwim aa'aqqantu'uuyyi
«Keesamma, keesamma, keesamma!
Gogoxxi Moollanni Waa'i keesamma!
uulli hundim ixxi lombinne wo'mmaakko» yitam hee'llo'o.
4 #
Kal 15:8
Ixxuwwi laachchi sagarim Keesammi Mi'n shooho'o heekkeesukko; oo minim wiriirinne wo'mmukko.
5Anim «Oono'o, i suum haashaaramma; hee'oommokim suum haashaaramaakkoo manninnette. I illinne gogoxxi Moollanni Waa'a adila moo'ummi bikkina bi'aammo, iina aayye!» yummo.
6Ee asse'amaaniinsim mat bararukkuuyyi i beyyo waarukko; ixxi angannem kiti'm beyyiinsi massaa amadu gii'l kashar yoo qaph hee'ukko. 7Ee gii'l kasharinnem i suume nakkaa «Oono'o, ku gii'l kashar ki suume nakku bikkina ki hawwojji shiinshamaakko; ki baaxiilim haafamaakko» yukko.
8Ee lasage Waa'i «Ayye asse'oommo? Iina asse'amoodu ayyette?» yukkuuyyi macceesummo; Anim «Oono'o, an maroommo; eese asse'e» yummo.
9 #
Mat 13:14,15; Mar 4:12; Luq 8:10; Yoh 12:40; Ass 28:26,27 Ixxim «Eehan ihulas ka minaadaphphi beyyo mattaa ‹Macceesimmina macceessakkamo; ihukkaarem qoossitakkamoyyo. Moo'immina moo'llakkamo; ihukkaarem hindihitakkamoyyo› yihe. 10Odim «Illinne moo'llambee'isa, maccinne macceessambee'isa, wodaninne qoossitambee'isaa i kollonnem daba'llita'a fayye'llambee'isaa ka minaadaphphek wodan duudoo'isa, macci gawwo'isaa illi moo'oobee'isaa isse» yukko.
11Anim «I Moollanna, kuk ihookkok hinki amman afeebe'e?» yaa xa'mmummo.
Ixxim «Beero'uwwi gindamaa, minneewwim manna hoogaa diiheebe'ee uulli mahimbee'i udma'i iheebe'ee. 12An ka minaadaba qee'l uulla holloommo; uullam udma'i issoommo. 13Tommiinsi mat manchi ee uullanne gatuta'nnim ixxim bi'ookko; ihukkaarem qilxo'oo giraaraa murakka'a lasage gatoo gugu'mmisa keesammi shumo'im uullanne gugu'mmisa ihaa hee'ookko» yaa dabarukko.
Currently Selected:
Issaayyaas Kitaaba 6: KeesKita
Highlight
Share
Copy
Want to have your highlights saved across all your devices? Sign up or sign in
Issaayyaas Kitaaba 6
6
Waa'i Issaayyaasa Hiraagina Weeshukkisa
1 #
2Adl 15:7; 2Aga 26:23 Adil Ooziy lehu hiinchonne Waa'i qeeraa'l lombi adilla'n barcumanne afuuraakkoo moo'ummo. Ixxek lombi eddechchim Keesammi Mine ifiisaa hee'ukko. 2Suraafeelluwwi ixxi kululleetanne uullita'a hee'llo'o; ixxuwwina annannichchinam loh lad hee'ukko; oo keen annannichchim lam ladinne ille, lam ladinne odim lokko ifiissam hee'llo'o; lam ladinnem barattam hee'llo'o. 3#Kal 4:8Oo asse'amaan ixxuwwina'i ixxuwwim aa'aqqantu'uuyyi
«Keesamma, keesamma, keesamma!
Gogoxxi Moollanni Waa'i keesamma!
uulli hundim ixxi lombinne wo'mmaakko» yitam hee'llo'o.
4 #
Kal 15:8
Ixxuwwi laachchi sagarim Keesammi Mi'n shooho'o heekkeesukko; oo minim wiriirinne wo'mmukko.
5Anim «Oono'o, i suum haashaaramma; hee'oommokim suum haashaaramaakkoo manninnette. I illinne gogoxxi Moollanni Waa'a adila moo'ummi bikkina bi'aammo, iina aayye!» yummo.
6Ee asse'amaaniinsim mat bararukkuuyyi i beyyo waarukko; ixxi angannem kiti'm beyyiinsi massaa amadu gii'l kashar yoo qaph hee'ukko. 7Ee gii'l kasharinnem i suume nakkaa «Oono'o, ku gii'l kashar ki suume nakku bikkina ki hawwojji shiinshamaakko; ki baaxiilim haafamaakko» yukko.
8Ee lasage Waa'i «Ayye asse'oommo? Iina asse'amoodu ayyette?» yukkuuyyi macceesummo; Anim «Oono'o, an maroommo; eese asse'e» yummo.
9 #
Mat 13:14,15; Mar 4:12; Luq 8:10; Yoh 12:40; Ass 28:26,27 Ixxim «Eehan ihulas ka minaadaphphi beyyo mattaa ‹Macceesimmina macceessakkamo; ihukkaarem qoossitakkamoyyo. Moo'immina moo'llakkamo; ihukkaarem hindihitakkamoyyo› yihe. 10Odim «Illinne moo'llambee'isa, maccinne macceessambee'isa, wodaninne qoossitambee'isaa i kollonnem daba'llita'a fayye'llambee'isaa ka minaadaphphek wodan duudoo'isa, macci gawwo'isaa illi moo'oobee'isaa isse» yukko.
11Anim «I Moollanna, kuk ihookkok hinki amman afeebe'e?» yaa xa'mmummo.
Ixxim «Beero'uwwi gindamaa, minneewwim manna hoogaa diiheebe'ee uulli mahimbee'i udma'i iheebe'ee. 12An ka minaadaba qee'l uulla holloommo; uullam udma'i issoommo. 13Tommiinsi mat manchi ee uullanne gatuta'nnim ixxim bi'ookko; ihukkaarem qilxo'oo giraaraa murakka'a lasage gatoo gugu'mmisa keesammi shumo'im uullanne gugu'mmisa ihaa hee'ookko» yaa dabarukko.
Currently Selected:
:
Highlight
Share
Copy
Want to have your highlights saved across all your devices? Sign up or sign in