Issaayyaas Kitaaba 35
35
Keesamimmi Gooqqi Bikkina
1Udma'i uullii gogaalli uullii liira'mmookko;
uulli udma'annem fiit fiitookko.
2Udma'i uullim liiranchi mazmuurinne ilil yookko;
Liibaanoos duu'nnisam lombaam ihookko;
Qarmeeloosisaa Saaroo'nnisaa hibbaam ihookko.
Ayyim ni Moollannika hibbaa
Waa'ikam lombaa moo'ookko.
3 #
Ibr 12:12
Hoogu wodduwwa qoxxissehe;
qacu malaayyuwwam qoxxissehe.
4Baachchaaninam
«Qoxxehe; badditakkotte!
Ki'nnuwwi Waa'i waarookko;
ixxi baado miqiseena waarookko;
baado miqisaa ki'nnuwwa
gatiseena waarookko» yi'llehe.
5 #
Mat 11:5; Luq 7:22 Ee ammane qooqquwwi moo'llamo;
gawwuwwim macceessamo.
6Dimmeewwi kukkussisa xophitamo;
wocceena xantambee'i duudduwwi zammattamo;
uulli udma'anne daajji wo'i daadookko.
7Shokkiisoo shashsharim delbi ihookko;
gogaalli uullim bu'i wo'inne qufookko;
wengereelli daabbaram hee'u beyyim
er hixii qara'ii mutoo beyyi ihookko.
8Eekke'enne lob bobba'i yookko;
ookkim «Keesamaakkoo googo» yamamookko;
ee googinne haashaarammuwwi taakke'ooyyo;
ihukkaarem Waa'i minaadab xale'i taakke'ookko;
maashaalluwwi ee googo huushooyyo.
9Hobbi ee beyyonne hee'ooyyo;
jor moochchim hance'ooyyo;
eehido'i keen googonne siidamooyyo;
Waa'i gatisu keen xale'i eekkeen daba'llamookko.
10Waa'i gatisu keen daba'llitamo;
zammatu'uuyyim Xiyoona aaggamo;
Heer heeraxxi liirancham
laakkisa siixxitamo;
liirammatoo heelloo siixxitamo;
hawwii kichchechchii ixxuwwiinsi qee'llookko.
Currently Selected:
Issaayyaas Kitaaba 35: KeesKita
Highlight
Copy
Compare
Share
Want to have your highlights saved across all your devices? Sign up or sign in
