Gara Worra Rooma'aa 8
8
Ayyaana Rabbiitiin Jiraachuu
1 #
8:33-34; 10:4; Yoh. 5:24 Eegasuu worri Kiristoos Yesuusiin keessa jiran amma murtii yakkaa jala hin jiran. 2#Yoh. 8:36; Qor. 2ffaa 3:17 Seerri Ayyaana Woyyu'uu ka Kiristoos Yesuusiin keessaa seera cubbu'uutii fi du'a jalaa wolabummaa waan nu baaseeruuf. 3#Yoh. 1:14; Hu. Er. 10:38; 15:10; Qor. 2ffaa 5:21; Gal. 4:4; Filph. 2:7-8; Ibr. 2:17 Namummaan namaa waan dadhabaa ta'eef, waan seerri godhuu dadhabe Rabbi godhe; Rabbi Ilma ufii ka fakkeenna namummaa keennaa cubbamaa fakkaate ergee akka cubbuu haqu godheera. 4#Gal. 5:16,25 Akka fedha Ayyaanaa malee, akka fedha fooniititti nu worra jiraanneef nuun seerri ajaja akka raawwatamuuf fooniin cubbuu irratti yakka mure. 5#Qor. 1ffaa 2:14 Worri akka fedha fooniititti jiraatan waan foonii yaadan; worri akka fedha Ayyaanaatitti jiraatan ammo waan Ayyaanaa yaadan. 6#6:21-22; Gal. 6:8 Waan foonii yaaduun du'a waan ta'eef; waan Ayyaana yaaduun ammo jireennaa fi nagaya. 7Waan foonii yaaduun Rabbiin wol nama dhabsiisa; seera Rabbiitiif waan hin ajajamneef, ajajamuullee dadhabeera. #Yaq. 4:4 8Worri fooniin jiraatan Rabbiin gammachiisuu hin danda'an.
9 #
Qor. 1ffaa 3:16
Isin ammo yoo Ayyaanni Rabbii isin keessa jiraate, Ayyaanaan malee fooniin hin jiraattan; ka Ayyaana Kiristoosii hin qabne ammo fira isaatii miti. 10#Gal. 2:20; Filph. 1:21; Qol. 2:13 Yoo Kiristoos isin keessa jiraate hagamillee nafti keessan sababaa cubbu'uutiif yoo ka du'e ta'ellee; sababaa qajeellumma'aatiif ammo Ayyaanni jireenna isinii kenna. 11#6:4; Qor. 2ffaa 4:14; Qor. 1ffaa 3:16 Ayyaanni Rabbii ka Yesuusiin du'aa kaase yoo isin keessa jiraate, ka Yesuus Kiristoosiin du'a keessaa kaase karaa Ayyaana ufiitiin nafa keessan ka du'uufillee jireenna kenna. 12#6:7,18 Eegasuu obboleeyyan tiyya! Waan jireenna keennaa waan nu irra barbaadamutu jira. Kunillee akka fedha fooniititti jiraachu'uufii miti. 13#8:6; Gal. 6:8; Efe. 4:22-24 Akka fedha fooniititti yoo jiraattan hin duutan; hujii Ayyaanaatiin hujii fedhii foonii yoo ajjeeftan hin jiraattan. 14Worri Ayyaana Rabbiitiin masakkaman maruu, isaan ijoollee Rabbiiti. 15#Gal. 4:1-6; Xim. 2ffaa 1:7; Mar. 14:36 Isinillee Ayyaana ilmumma'aa ka Aabba! Aabbaa! jennee ittiin waamnu argattan malee deebitanii Ayyaana soda'aatii fi garbumma'aa hin arganne. 16#Qor. 2ffaa 1:22 Ijoollee Rabbii ta'uu keenna Ayyaanni sunuu hafuura keenna woliin ragaa baya. 17#Gal. 4:7; Xim. 2ffaa 2:11-12; Yoh. 17:22,24; Mudh. Yoh. 21:7 Nu eega ijoollee Rabbii taane worra waa mara argatu; nu waa maraa Rabbiin biraa arganna. Eega Kiristoosiin woliin rakkinni nu irra gaye, nullee isa woliin ulfinnaa fi waan Kiristoos argatu maraa isa woliin arganna.
Ulfinna Dhufu
18 #
Qor. 2ffaa 4:17
Rakkinni bara kanaa kun ulfinna durana dhufee mudhatu woliin yoo wol bira qabamee laallamu womaa akka hin taane yaada. 19#Qol. 3:4 Uumamni mudhatuu ijoollee Rabbii hawwi'iin waan eeggataniif. 20#Ser. Uma. 3:17-19 Uumamni maruu ka gatii hin qabne akka ta'uuf itti murameera. Kun fedhii ufiitiin uduu hin ta'in fedhii Rabbiitiin; haa ta'uu ammo uumamni maruu akka abdi'iin eeggatu taasiseera. 21#Phex. 2ffaa 3:13; Yoh. 1ffaa 3:2 Abdiin sunillee uumamni garbummaa badi'ii jalaa bilisa bayee gara ulfinna ijoollee Rabbiitiif ta'u gara wolabumma'aa akka gayuuf. 22Uumamni maruu haga ammaa jigaan, worwaataa fi ciiniinsu'uun jiraatuu isaanii hin beenna. 23#Qor. 2ffaa 5:2-4; Gal. 5:5 Kana calla'aallee miti; nu worri kennaa Ayyaanaa ka ijoo ta'e qabnu ka akka ilmaatitti nu guddisee fi ka bakka bu'ee nu fure abdi'iin eeggata'aa keessa keennatti wixxifata'aarra. 24#Qor. 2ffaa 1:22; 5:7; Ibr. 11:1 Abdi'iin fayyineerra; haa ta'uu ammo wonti abdii godhatan sun yoo argame abdi'ii miti, waan arge eentu abdii godhataa? 25#Qor. 2ffaa 4:18; Gal. 5:5 Waan arga'aa hin jirre yoo abdii godhanne obsaan eegganna. 26Akkasuma Ayyaanni dadhabbii keenna nu gargaara; attamitti akka kadhannu nu waan hin beenneef haa ta'uu ammo Ayyaanninuu worwaata himamuu hin dandeenneen nuu kadhata. 27#Qor. 1ffaa 2:10; 4:5 Rabbi yaada Ayyaanaa ka garaa namaa qoratu maal akka ta'e hin beeka; akka fedha Rabbii waan woyyootaatiif kadhata.
28Worra Rabbiin jaalataniif, worra akka fedha isaatiin waamamaniif wonti maruu mishumma'aaf akka ta'u hin beenna. 29#Filph. 3:21; Qol. 1:15,18; Ibr. 1:6 Ilmi isaa obboleewwan hedduu jiddu'utti hangafa akka ta'u, duraan dursee ka beeke bifa ilma isaa akka fakkaatan dursee murteesseera. 30#Tas. 2ffaa 2:13-14; Xim. 2ffaa 1:9 Dursee ka murteesse kanniin ammo hin waameen; worra waame kanniin ammo qajeellota taasise, worra qajeellota taasise kanniin ammo hin kabajje.
Jaalala Rabbii
31 #
Far. 118:6
Eegasuu waan kanaaf maal jenna? Yoo Rabbi nu woliin ta'e eentu nu morma? 32#Yoh. 3:16; Qor. 1ffaa 3:21 Ilma ufiitiif uduu garaa hin laafne, eega waan nu maraatiif dabarsee isa kenne, akkasuma isa woliin waan maraa attamitti akkanumaan nuu hin kennine ree? 33#Isa. 50:8; Mudh. Yoh. 12:10-11 Worra Rabbi filate eentu isaan himata? ka qajeelchu Rabbi. 34#4:25; Ibr. 6:20; 7:25; Yoh. 1ffaa 2:1 Ka itti murteessu eennu? Ka du'e, caala'atti ka worra du'an keessaa ka'ee ka mirga Rabbii jiru akkasuma waan keenna ka nuu kadhatu#8:34 Waan keenna ka nuu kadhatu: worwaatu Yesuus Kiristoos. 35Jaalala Kiristoosii irraa eentu nu fooya? Rakko'oo dhiphinnaa, ari'amu'uu, beelaa, yookaan daaru'uu, soda'a mo'o guraade'e? 36#Far. 44:22; Qor. 2ffaa 4:11 Akkana jedhamee akkuma barreeffame,
«Waan keetiif guyyaa maraa hin ajjeefamna;
akka hoolota qalamaniititti laakkayamne»
37 #
Yoh. 1ffaa 5:4-5
Kana maraa keessatti ammo ka nu jaalate saniin mooyattoota hin caalla. 38#Efe. 1:21; 6:12; Qol. 2:15; Phex. 1ffaa 3:22 Du'a yookaan jireenna, Maleekkota, bulchiinsa, ka waa qabu, ka dhufullee yoo ta'e, 39#Yoh. 10:28 hunna qabeeyyii ol gubba'aa gad bu'u uumama addaallee yoo ta'e, jaalala Rabbii ka karaa Gooftaa keenna Yesuus Kiristoosiin keessaan arganne keessaa akka nu baasuu hin dandeenne hubadheera.
Currently Selected:
Gara Worra Rooma'aa 8: KitWoy
Highlight
Copy
Compare
Share
Want to have your highlights saved across all your devices? Sign up or sign in
