Dubbii Nagayaa Ka Maatewoosii 27
27
Yesuusiin Gara Philaaxoosii Fidan
(Mar. 15:1; Luq. 23:1-2; Yoh. 18:28-32)
1 #
Luq. 22:66
Haga lafti bari'e bulchoonni gadootaatii fi manguddoonni gumi'ii maruu Yesuusiin ajjeesu'uuf mari'atan. 2Yesuusiin hidhanii gara bulchaa Philaaxoos Pheenxenichaatitti dabarsanii kennan.
Du'uu Yihuudaa Yesuusiin Dabarsee Kennee
3Hennaa san Yihuudaan isa dabarsee kenne akka isatti murteeffame argee gaabbee birrii soddomaa san bulchaa gadootaatii fi manguddootaa deebisee, 4«Ani waan dhiiga nama Woyyu'uu dabarsee kenneef yakkeera» isaaniin jedhe.
Isaan ammo, «Maaltu nu dhibe ree? Hajaa keeti!» jedhaniin.
5Yihuudaan birrii mana woyyuu keessatti gatee deemee uf hudhee du'e.
6Bulchoonni gadootaa birrii san fuudhanii, «Birriin kun gatii dhiigaa waan ta'eef kennaa Mana Woyyu'uutitti makuun seeraa miti» jedhan. 7Isaan mari'atanii namicha faara dhayu irraa lafa awwaala keessummootaa bitaniin. 8Sababa kanaaf lafti sun haga adhaa, «Lafa dhiigaa» jedhamte.
9 #
Zakk. 11:12-13; Erm. 32:6-9 Akka kanaan raanni «Waan ijoolleen Israa'elii tilmaaman waan gatii isaa ta'u qarshii soddomaa fudhatan; hennaa san wonti raatticha Ermiyaasiitiin, 10Akkuma Gooftaan na ajaje waan lafa namicha faara dhayuutiif kaffalameef» jedhamee raanni dubbatame hin raawwatame.
Yesuus Philaaxoosiin Afoo Dhiyaate
(Mar. 15:2-5; Luq. 23:3-5; Yoh. 18:33-38)
11Yesuus bulchaa afoo dhaabate; bulchaanillee, «Ati mootii Yihuudotaatii?» jedhee isa gaafate.
Yesuus, «Maarre atuu jettee» jedheen. 12#26:63; Isa. 53:7 Bulchoonni gadootaatii fi manguddoonni hennaa isa himatan womaa isaanitti hin deebifne.
13Hennaa san Philaaxoos namni hagamii akka sitti rageesse hin dhageettuu? jedheen. 14#Yoh. 19:9 Inni waan tokkollee hin deebifneef; Kanaafuu bulchaan guddisee maalale. 15Hennaa ayyaanaa san mootiin biyyaa nama hidhame ka baniin jaalatu tokko isaanii hiikuu aadaa qaba. 16Hennaa san nama dharaan beekkamu ka Baarbaan jedhamu tokko mana hidha'aa keessa jira. 17Isaan wal gayanii uduu jiran Philaaxoos, «Eennuun isinii hiika? Baarbaaniin moo Yesuusii Kiristoos jedhamu?» isaaniin jedhe. 18#Yoh. 11:47,48; 12:19 Inni akka hinaaffa'aan dabarsanii isa kennan waan beekuuf. 19Uduu inni teessoo murti'ii irra taa'eeru haati manaa isaa, «Waan isaatiif adha eebju'uun rakkoo gudda'atu na irra gayeera; nama qajeelaa kana womaa hin godhin» jettee isatti ergite.
20 #
Hu. Er. 3:13-14
Bulchoonni gadootaatii fi manguddoonni Baarbaaniin akka isaanii hiikaniif; Yesuusiin ammo akka ajjeessisaniif gumii shelatan. 21Bulchaanillee deebisee, «Lamaan keessaa eennuun akka isinii hiiku feetan» isaaniin jedhe.
Isaanillee, «Baarbaaniin nuu hiiki!» jedhan.
22Philaaxoos eegasuu, «Yesuus Kiristoos ka jedhamu maal haa godhu ree?» isaaniin jedhe.
Isaan martinuu, «Inni haa fannifamuu!» jedhan.
23Bulchaan, «wonti inni godhe, balleessaan isaa maali'i?» jedhe. Isaan ammo, «haa fannifamuu» jedha'aa iyya'aa guddisanii wocan. 24#27:4; Kes. Deb. 21:6-9; Far. 26:6 Philaaxoos booreessuu ta'a malee womaa godhuu akka hin dandeenne haga arge, bisaan fudhatee, «Dhiiga nama qajeela'aa kana irraa ani qulqullu'u; isintu itti gaafatama» jedhee gumii afo'otti harka dhiqate. 25#23:35; Hu. Er. 5:28 Gumiin martinuu deebisanii, «Dhiinni isaa nu'uu fi ijoollee teenna irra haa ta'u» jedhan. 26Achiin maayessa inni Baarbaaniin isaanii hiikee, Yesuus ammo tumamee akka fannifamu dabarsee kenneen. 27Hennaa san hidhattoonni bulcha'aa, Yesuusiin gara dallawa bulcha'aa geessanii, hidhattoota maraa isa biratti wolitti qaban. 28Uffatallee isa irraa mulqanii uffata diimaa itti uwwisan. 29#Luq. 23:11 Gaalee qore'ee korbobboo maranii mataa isaa irra kaayan. Ulee harka mirgaatiin qabsiisanii, afoo isaatitti jilbiiffatanii, «Mootii Yihuudi'ii! nageenni siif haa ta'u!» jedha'aa itti balda'aa, 30#Isa. 50:6 Itti tufan; uleellee harkaa fuudhanii mataa keessa dhayan. 31Haga itti baldaniin maayessa uffata diimaa irraa mulqanii uffata isaa itti uwwisanii fannisu'uuf achi fidan.
Yesuus Fannifame
(Mar. 15:21-32; Luq. 23:26-43; Yoh. 19:17-27)
32Hennaa bayan namicha Simoon jedhamu ka biyya Qareena'aa arganii, fannoo Yesuusii akka baatu hunnaan isa giddisiisan#27:32 giddisiisan: dirqamsiisan 33Isaan hulee golgootaa jedhamtu dhufan; «Golgootaa» jechuun «Hulee buqqee mata'aa» jechu'u. 34#Far. 69:21 Daadhii woyini'ii ka hadhooftu'uun makame haa dhugu'uuf kennaniif. Afaaniin qabee dhuguu jibbe. 35#Far. 22:18 Haga fannisaniin maayessa uffata isaatitti hixaa buusanii qoodaman. 36Achuma taa'anii eega'aa turan. 37Isaan barreeffama ittiin isa himatan, «Yesuusiin kun mootii Yihuudi'iiti» jedhu mataa isaa gubbaa kaayan. 38#Isa. 53:12 Hennaa san shiftoonni lamaa tokko mirgaan, tokko bita'aan isa woliin fannifaman. 39#Far. 22:7; 109:25 Worri isa bira lufanillee mataa ufii sochoosa'aa arrabsa'aanii turan. 40#26:61; Yoh. 2:19 «Ati ka mana woyyuu diiddee guyyaa sadihitti ijaartu; mee uf fayyisi. Yoo Ilma Rabbii taate mee fannoo irraa gad bu'i.» jedhaniin.
41Akkasuma bulchoonni gadootaa, barsiisonni Seeraatii fi manguddoota woliin itti balda'aa akkana jedhan, 42«Inni kaawwan fayyiseera! uf fayyisuu hin danda'u! Inni mootii Israa'elii yoo ta'e, mee amma fannoo irraa gad haa bu'uu; nullee itti amannaa. 43#Far. 22:8 Rabbitti amanateera, ‹Ani Ilma Rabbiiti› waan ufiin jedheeruuf, yoo jaalateen mee amma Isa haa oolchuu!» jedhan. 44Akkasuma shiftoonni isa woliin fannifamanillee isa arrabsan.
Du'uu Yesuusii
(Mar. 15:33-41; Luq. 23:44-49; Yoh. 19:28-30)
45Sa'aatii jahaa irraa jalqabee haga sa'aatii sagalii biyyi martuu hin dukkanoofte. 46#Far. 22:1 Gara sa'aatii sagaliititti Yesuus, «Eloohee! Eloohee! lamaa sabaktanii?» jedhee laagaa gudda'aan iyye. Akkas jechuun, «Rabbii kiyya! Rabbii kiyya! maaf na dhiifte?» jechu'u.
47Namoonni achi dhaabatan dhagayanii, «Namichi kun Eliyaasiin waamata'aara» jedhan. 48#Far. 69:21 Yoma san isaan keessaa tokko fiigee dhufee carqii qaccee ule'eetitti hidhee dhangaggooftuu keessatti cuuphee, akka afaan isaatitti coccophu godhe. 49Kuuwwan ammo dhiisanii, «Dhiisi mee! Eeliyaas dhufee akka isa fayyisu arginaa!» jedhan. 50Yesuus lammeessoo laagaa gudda'aan iyyee lubbuu ufii kenne. 51#Ser. Ba'u. 26:31-33; Ibr. 10:19-20 Golgi mana woyyu'uu olii haga gadii bakka lamatti biinxame#27:51 biinxame: tarsa'e Lafti hin sochoote; dhagaan hin babbaqaqe; 52Awwaallan hin banaman; worra amanti'iin woyyoomanii du'anii turan keessaa hedduun isaanii fooniin ka'an. 53Du'aa ka'insaan maayessa awwaallan keessaa bayanii heddu isaanii gara qachaa woyyitti'ii galanii namoota heddutti mudhatan.
54Ajajaa loltoota dhibbaatii fi worri isa woliin Yesuusiin eega'aa turan raafamaa fi sochii ta'e arganii, «Kun dhugamaan Ilma Rabbiiti» jedhanii guddisanii sodaatan.
55 #
Luq. 8:2-3
Worri Yesuusiin tajaajila'aa Galiilaa irraa isa faana deeman dubartoonni heddu fago'oo hennaa laalan isaan achuma jiran. 56Isaan keessaa Maariyaam ta biyya Magidala'aa, Maariyaamii haadha Yaaqoobiitii fi haadha Yoosa'aa, Maariyaamii haadha ijoollee Zabdewoosii fa'atu ture.
Yesuus Awwaalame
(Mar. 15:42-47; Luq. 23:50-56; Yoh. 19:38-42)
57Hennaa galgalaaye namichi dureessi Yooseef jedhamu tokko qachaa Armaatiya'aatii achi dhufe; innillee akkasuma darasaa Yesuusii ture. 58#Kes. Deb. 21:23 Inni gara Philaaxoosii dhaqee reeffa Yesuusii kadhate. Philaaxoos akka kennaniif ajaje. 59Yooseef reeffa isaa fuudhee woccuu qulqullu'uun sattare. 60#Isa. 53:9 Awwaala dhaga'aa ka goda keessatti ufiif bocate keessa kaayee dhagaa gudda'aan balbala awwaalaa cufee deeme. 61Maariyaamiin biyya Magidala'aatii fi Maariyaamiin lammeessoon achi kolba awwaalaa afoo taa'anii turan.
Worra Goda Awwaalaa Eegu
62Ganama guyyaa qophi'iitiin maayessa bulchoonni gadootaatii fi Fariisonni Philaaxoosiin biratti wol gayanii, 63#16:21; 17:23; 20:19; Mar. 8:31; 9:31; 10:33-34; Luq. 9:22; 18:31-33; Yoh. 7:12; Qor. 2ffaa 6:8 «Gooftaa'a! dogoggorsaan sun uduu lubbu'uun jiru, ‹Guyyaa sadihiin maayessa hin ka'a› akka jedhe qaabanne. 64Eegasuu darasoonni dhufanii halkan hatanii gumi'iin, ‹Inni du'aa ka'e› akka hin jenne; dogoggorri maayessaa ka duraa caalaa hamaa waan ta'uuf awwaala haga guyyaa sadihii jabaatanii akka eegan ajaji» jedhaniin. 65Philaaxoosillee, «Worra eegu hin qabdanii dhaqa'aatii akka beettanitti eessisaa'a!» isaaniin jedhe. 66Isaan deemanii worra eegan woliin dhaqanii dhagaa awwaalaa irratti chaappeessanii eessisan.
Currently Selected:
Dubbii Nagayaa Ka Maatewoosii 27: KitWoy
Highlight
Copy
Compare
Share
Want to have your highlights saved across all your devices? Sign up or sign in
