Seera Bayu'uu 23
23
Murtii dhuga'aa
1«Oduu sobaa hin odeessin; akka sobaa si hin taasifne nama soba raguun hin shariikin;#Ser. Ba'u. 20:16; Ser. Lew. 19:11-12; Kes. Deb. 5:20 2hamaa hojjachu'uuf namoota hamaa hojjatan faanaa hin deemin; murtii dabsu'uuf namoota baay'e'een wolii galtee soba hin ragin. 3Yoo hiyyeessi murtii afo'otti dhiyaate, hiyyummaa isaa laaltee murtii hin dabsin.#Ser. Lew. 19:15
4«Sangaan yookaan harreen diina keetii ka bade yoo argite deebisiif. 5Nama si jibbu jalaa harreen fe'aa jissee yoo argite bira hin lufinii gargaarii fe'i.#Kes. Deb. 22:1-4
6«Hiyyeessa falmatu jalaa murtii hin dabsin. 7Waan soba ta'e irraa fagaadhu; nama qulqulluu hin ajjeesin; ani nama akkasii san cubbuu irraa waan hin qulqulleessineef; 8gabbarsuu hin nyaatin; waan worra murtii qajeelaa murteessan akka hin murteessine taasisuuf; qulqulloonnillee akka dubbii dabsan godha.#Ser. Lew. 19:15; Kes. Deb. 16:19; 23:9; Ser. Ba'u. 22:21; Ser. Lew. 19:33-34; Kes. Deb. 24:17-18; 27:19
9«Nama isinitti baqate irratti daba hin hujinaa'a; isin hennaa biyya Misiriititti baqattoota taatanii teettan namni baqate maal akka ta'e waan beettaniif.
Woggaa Torbeesso'ootii Fi Guyyaa Torbeesso'oo
10Woggaa jahaa lafa tee qotii facaasii midhaan galfadhu; 11Woggaa torbeesso'oo ammo lafa bulchi; waan lafa san irratti marge maraa akka hiyyeeyyiin biyya keetii irraa nyaatan, waan hafe busaawaan raasa'aa haa nyaatuu; woyiniinii fi munni ejersaallee akkasuma haa ta'uu.#Ser. Lew. 25:1-7
12«Guyyaa jahaa hujii kee hojjadhu; guyyaa torbeesso'oo garuu Sambata waan ta'eef sangaan kee, harriin kee, garbichi keetii fi ilmi garbicha kee ka sitti galeellee hara haa baafatuu.#Ser. Ba'u. 20:9-11; 31:15; 34:21; 35:2; Ser. Lew. 23:3; Kes. Deb. 5:13-14
13«Waan ani isiniin jedhe maraa eegaa'a; maqaa waaqolee kaawwanii hin waaminaa'a; afaan keessan irraallee hin dhagayamin.
Ayyaannan Sadiin Gugurdaa
(Ser. Ba'u. 34:18-26; Kes. Deb. 16:1-17)
14«Woggaa keessa hennaa sadihii ayyaana naa gootan. 15Ayyaana xorosho'oo ayyaanteeffadhu; waan ji'a Abiibii biyya Misirii keessaa baataniif akkuma si ajaje ji'a kana keessa guyyaa torbaa waan raacitii hin qabne nyaatta; harka duwwaallee na afoo hin dhufinaa'a.#Ser. Ba'u. 12:14-20; Ser. Lew. 23:6-8; Ser. Lak. 28:17-25
16Waan maasaa keetitti facaaftu keessaa hangafa ayyaanni haama'aa uduu hin lufne ayyaana hennaa midhaan galchanii ayyanteffadhaa'a;#Ser. Lew. 23:15-21; Ser. Lak. 28:26-31 17woggaa keessatti harka sadihii dhiirti mana keetii maruu, Rabbii Gooftaa afo'otti haa mudhatuu.
18«Dhiiga ciincaa naa dhiyeessitu keessa waan raacitii qabu woliin naa hin dhiyeessin; coomni ayyaana kiyyaaf dhiyaatu haga bari'uuf akka hin turre. 19«Daraaraa lafa kee irratti facaaftee marge keessaa hangafa filatamaa gara mana Rabbii Waaqa keetii fidi; ilmoo hoola'aa ka re'e'ee aannan haadhaatiin hin affeelin.#Ser. Ba'u. 34:26; Kes. Deb. 14:21; 26:2
Dubbii Abdi'iitii Fi Ajaja Isaa
20«Ani maleekkaa karaa irratti si eegu, gara hulee ani itti si galchullee akka si geessu sii erga. 21waan inni siin jedhu dhagayii ajajamiif; waan maqaan kiyya isa irra jiruuf yoo isin cubbuu hojjattan waan isinii hin dhiifneef uf eeggadhaa'a. 22Ati ammo yoo jecha isaa dhageette, waan ani siin jedhe maraa yoo goote, diintota tee hin jibba; worra si dhiphisan hin dhiphisa. 23Maleekkaan kiyyallee waan si afoo deemuuf gara biyya Amoorootaa, Keexotaa, Ferzotaa, Kana'aanotaa, Ewiyaanotaatii fi gara Iyyaabusootaa si geessa; anillee isaan balleessa. 24waaqolee isaaniitii hin sagadin; hin waaqeffatinille'e; waan isaan hojjatan hin hojjatin; sirimaa isaan diigi; soodduu isaaniillee caccabsi. 25Rabbii Waaqa keessan hin waaqeffattan; inni nyaataa fi dhuddoo keessan hin eebbisa; dhibeellee isin jiddu'uu balleessa. 26Lafa tee keessatti ta quuqamtu yookaan dubartiin dhabduun hin jiraattu; umurii dheeraallee sii kenna. 27«Sodaa kiyya afoo kee kaaya; banii itti dhaxxu maraa hin sodaachisa; diintonni kee martinuu dudda galanii akka dheessan godha. 28Qarxaasaa nama iddu ergee Eewwota, Kana'anotaa fi Keexota si afo'oo ariisisa. 29lafti akka duwwaa hin taane busaawaan lafa irraallee akka sitti hin baay'anne, haga woggaa tokko afoo keetii hin ari'u; 30garuu haga bay'attee Ardii dhaaltutti hago hago'oon ari'a; 31daangaa kee galaana diimaa#23:31 galaana diimaa hulee kana irratti galaana diimaa kaaba gara baya biiftu'uutiin jiru yoo ta'u yeroo ammaa deemsa galaana Aqaba'aaiin ka beekkame. irraa haga galaana Filisxeemii, lafa gammoojji'iitii haga laga Efraaxisii godha; worra biyya san keessa jiraatan maraa harka kee jala galcha; atillee isaan ariita. 32Isaanii fi waaqolee isaanii woliin waadaa hin galin; 33waaqolee isaanii yoo waaqeffatte siiboo sitti ta'anii akka na yakkitu akka si hin taasifne biyya kee keessa akka hin teenne.»
Currently Selected:
Seera Bayu'uu 23: KitWoy
Highlight
Copy
Compare
Share
Want to have your highlights saved across all your devices? Sign up or sign in
