Raajii Amootsii 1
1
1Bara Ooziyaan biyya Yihuuda'aa irratti, Iyyoorbi'aam ilmi Yoo'aasii Israa'eliin irratti mooyan dubbiin raagaa ka tissee Tequha'atti argaman keessaa Amootsi uduu lafti hin raafamne woggaa lamaan dura waan Israa'eliitiif dubbate kana.#Mot. 2ffaa 15:1-7; Sen. 2ffaa 26:1-23; Mot. 2ffaa 14:23-29
2Amootsi akkana jedhe,
«Rabbi gaara Tsiyoonii irra dhaabatee
akka leenca aaduu
laagaa ufii ka nama sodaachisu dhageessisa;
dubbiin isaa Israa'eliin keessatti dhageessisa;
margi tisseen horii itti bobbaafatanillee hin quura;
margi lalisaan gaara Qarmeloosii irratti argamu hin goga» jedhe.#Iyyu. 3:16
Murtii Rabbi Ollaa Israa'elii Jiran Irratti Murteesse
Sooriyaa
3Rabbi akkana jedha, «Ani waan baniin Damaasqoo keessa jiran deddeebi'a'aa cubbuu hojjataniif mamii malee isaan adaba; isaan banii Gala'aadii gaarii fardaa ka ilkaan sibiilaa qabuun xamadanii isaan rakkisan.#Isa. 17:1-3; Erm. 49:23-27; Zakk. 9:1 4Ani mana mootummaa Azaahelii irratti ibidda gad dhiisa; ibiddi sun kusheewwan mootichi Beenhaadaad hojjate guba. 5Balbala dallawa qachaa Damaasqo'oo maraa hin caccabsa; banii dhooqa Aawerii keessa jiraatanii fi bulchaa Beeti'eedanii hin balleessa; banii biyya Sooriya'aa booji'anii gara Qiirii fidan.»
Filisxeem
6Rabbi akkana jedha, «Baniin Gaaza'aa waan deddeebi'anii cubbuu hojjataniif mamii malee isaan adaba; isaan banii biyya keessa jiran maraa haga booji'aniin maayessa namoota Eedoomiititti dabarsanii isaan kennaniiran.#Isa. 14:29-31; Erm. 47:1-7; His. 25:15-17; Iyyu. 3:4-8; Sofo. 2:4-7; Zakk. 9:5-7 7Kanaafuu ani dallaya dhaga'aa ka qachaa Gaaza'aa irratti ibidda gad dhiisa; ibiddi sun kushee isi'ii maraa hin guba. 8Banii biyya Aashdoodii keessa jiraatanii fi bulchaa Asqaloona'aa hin balleessa; worra qachaa Eeqroonii keessa jiraatanillee hin balleessa; worri Filisxeemii ka hafanillee hin du'an.»
Xiroos
9Rabbi akkana jedha, «Baniin Xiroosii waan deddeebi'a'aa cubbuu hojjataniif ani mamii malee isaan adaba; isaan waadaa obbolumma'aa ka galan diiganii banii booji'an dabarsanii worra Eedoomiitii kennaniiran. 10Kanaafuu ani dallaya dhaga'aa ka qachaa Xiroosii irratti ibidda gad dhiisa; ibiddi sun kushee isi'ii maraa hin guba.» #Isa. 23:1-8; His. 26:1—28:19; Iyyu. 3:4-8; Zakk. 9:1-4; Mat. 11:21-22; Luq. 10:13-14
Eedoom
11Rabbi akkana jedha, «Baniin Eedoomii waan deddeebi'a'aa cubbuu hojjataniif ani mamii malee isaan adaba; isaan obboleewwan ufii worra Israa'elii guraade'een ari'aaniiran; haga qabaniin maayessallee garaa isaanii hin laafne; lolli isaan irra jiru hin qabbanoofne.#Isa. 34:5-17; 63:1-6; Erm. 49:7-22; His. 25:12-14; 35:1-15; Abd. 14; Mil. 1:2-5 12Kanaafuu ani qachaa Teemaamii irratti ibidda gad dhiisa; ibiddi sun kusheewwan Bootsiraanii hin guba.»
Amoon
13Rabbi akkana jedha, «Baniin Amoonii waan deddeebi'a'aa cubbuu hojjataniif ani mamii malee isaan adaba; marfama isaan bulchiinsa ufii babadhifatu'uuf godhaniin dubartoota biyya Gala'aadii keessa jiran garaa isaanii tarsaasaniiran.#Erm. 49:1-6; His. 21:28-32; 25:1-7; Sofo. 2:8-11 14Kanaafuu ani dallaya dhaga'aa ka qachaa Raaba'aa irratti ibidda gad dhiisa; ibiddi sun kusheewwan isi'ii maraa hin guba; achiin maayessa guyyaa lolaa san iyyansaa fi raafamatu baay'ata; lolli sun akka qilleensa bubbisuu ariifata. 15Mootichi isaaniitii fi abboonni murti'ii booji'amanii deeman.»
Currently Selected:
Raajii Amootsii 1: KitWoy
Highlight
Copy
Compare
Share
Want to have your highlights saved across all your devices? Sign up or sign in
