Иоел Китап ҳаққында мағлыўмат
Китап ҳаққында мағлыўмат
Иоел пайғамбар Яҳуда ҳәм Ерусалим турғынларына пайғамбаршылық қылып, оларды тәўбеге шақырады. Оның пайғамбаршылықлары анық ҳәм туўры болады. Иоел пайғамбардың қашан хызмет қылғаны белгисиз. Базы алымлардың шамалаўы бойынша, ол Бабилония Ерусалимди басып алыўынан алдын, яғный б. э. ш. 586-жылға дейин хызмет қылған.
Бул китапта Иоел пайғамбар Жаратқан Ийениң күни ҳаққында хабар береди. Сол дәўирде Яҳуда халқы Жаратқан Ийениң күнин интизарлық пенен күтетуғын еди. Олар сол күн келгенде Қудай барлық душпанларды жоқ қылады, яҳудийлер ушын абаданшылық дәўири басланады, деп ойлайтуғын еди. Бирақ пайғамбар буған келисим бермейди, негизинде Жаратқан Ийениң күни келгенде, Қудай биринши нәўбетте Өз халқын гүналары ушын жазалайтуғынын айтады. Соның ушын, пайғамбар халықты тәўбеге шақырады. Ол Яҳуда елине бастырып келетуғын үйин-үйин шегирткелер ҳәм елде болатуғын қорқынышлы қурғақшылық ҳаққында ескертеди. Ол Жаратқан Ийениң күнин тас түнек күн, булт қаплаған тас қараңғы күн, деп сүўретлейди.
Иоел пайғамбар халықты Қудайға қайтыўға шақырады. Қудайдың мийрими ҳәм реҳимлилиги ҳаққында сөз баслайды. Ол халық жаза алып болғаннан кейин, Қудайдың оларға реҳим ететуғынын, үстилерине Өз Руўхын мол қылып жаўдыратуғынын ҳәм душпанларын қатаң жазалайтуғынын айтып, пайғамбаршылық қылады.
Currently Selected:
Иоел Китап ҳаққында мағлыўмат: КркМК22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022