แปร กาฮ็อห 8
8
ลอง เฆ ดูอี อาเลวี
1เฌาพรา ปี วี จัร อาโมวแซ 2แตห อัน กาลาง ดี อาโรน ต็อห, “เซ แม เบลห เงา ออม บู โบ็ง แดง ดัง อัน บอ ปีด็อะ เงา ตี, แม โลว ซาดีก แตห บลาง อัน ลึห ฮาว นา อาต.” 3อาโรน มืร โบง โดบ ปี กาลาง เฌาพรา ดี อาโมวแซ ตี. อัน มืร เบลห เงา ออม ตี, แตห อึณ บลาง นา อาต ดัง อัน. 4ดัง เงา ออม ตี, เฆ แฮะ โบง ตา ครีว จูห ดี ดัง อัน กอ ฌัม รา อัน อี มึห โดง ดี เบลห เงา ออม. เฆ แฮะ ดึห ครีว, ดอก แตห อึณ มูห อู โมยว, แกวะ แตห อึณ มึห โดง อี ลาย กาดูต, แตห อึณ ปี ปี บยัะ เฌาพรา ดี อาโมวแซ.
5วาย อัน ตี เฌาพรา ปี วี ดัม อาโมวแซ ต็อห, 6“แตห แม ร็อห ดูอี อาเลวี, แตห เฆ เลห ตัะ ดูอี อีซาเรลัะ, โบง แตห เฆ ซีงา บอด โดบ ปี ดัม ดารา. 7แม โลว ดึห อึม อี แตห อึณ บอด ซีงา ดอน โมยว, วี คร็อห แดง เฆ, แตห เฆ ซีงา บอด โดบ ปี ดัม ดารา. แฮะ ฮอต, แม โลว ฆาะ แวน ฮึก ดี โดว เฆ บอ โดว. แม โลว แตห เฆ ลัห บอ ครึง ตา เฆ. ปาย ตี เฆ ดี แบน ดูอี อี ซีงา บอด โดบ ปี ดัม ดารา. 8เซ แฮะ ฮอต ปาย ตี เฆ โลว ดึห ฆอน มามัก อาโล็ง อู โดว, บอ ปี ดี หลู ดีฆาว อี มูห กาแปะ อี แฮะ กามอต ซีคยา, อี แฮะ กาวัร นามัน. แม โลว วี ดึห ตัห มามัก อาโล็ง อี ซี หนึม ปอ อู โดว, แตห อึณ แบน ปี ดี หลู อี ฆ็อห แวน หมาบ. 9ปัน ตี แม โลว แตห ดูอี อาเลวี เฆ ตี ตัห กอย นา อาต ทึบ บีก บอด ตึอน, วี แดะ ตัห กาฌูะ บอ เฆ ดูอี อีซาเรลัะ บอกาเฆลียด. 10ปาย ตี แม โลว แตห เฆ ดูอี อาเลวี กอย นา อาต เฌาพรา, วี แตห เฆ ดูอี อีซาเรลัะ ดาง แด เฆ แดง ฆีณ ดูอี อาเลวี เฆ ตี. 11ปาย ตี อาโรน โลว วี หลู ดูอี อาเลวี เฆ ตี ดี โอว อี มูห เฌาพรา, แตห อึณ แบน ปี ดี หลู อี มาวัด วีว มาวัด เวณ. แฮะ ฮอต, เฆ ปึอน ดี โบง ฆาน โอว อี มูห เฌาพรา.
12เซ ฮี ฮอต ปาย ตี แตห แม วี แตห ดูอี อาเลวี เฆ ตี วี ดาง แด เฆ แดง ฆีณ มามัก อา โดว ตึอน. แม โลว วี ดึห มามัก อาดา อู โดว หลู, แตห อึณ แบน ปี ดี หลู อี ฆ็อห แวน หมาบ. อาดา ปอ อู โดว ตึอน, แตห อึณ แบน ปี ดี หลู ดี เฌาพรา อี โดะ แคง เงา, แตห อึณ แตห ดูอี อาเลวี วี กาล็อะ ดี เฌาพรา. 13แม โลว แตห เฆ ดูอี อาเลวี กอย ดี อาต อาโรน เฆ ฆอน อัน, แตห เฆ หลู ดูอี อาเลวี เฆ ตี ดี โอว, แตห เฆ แบน ปี ดี หลู อี มาวัด วีว มาวัด เวณ. 14ปาย ตี แตห แม ร็อห เฆ ดูอี อาเลวี, แตห เฆ กาย็อห ดี ดูอี อีซาเรลัะ, แตห เฆ แบน มี ดูอี ปี ซูต ปี จัร โอว.
15วาย แฮะ ฮอต โบง แม แตห เฆ ซีงา บอด, แฮะ ฮอต หลู เฆ, เฆ โลว โบง ฆาน แคง ทึบ บีก บอด. 16โอว แฮะ ดึห เฆ, แตห เฆ กาดาง ฆอน ฆีณ เฆ ดูอี อีซาเรลัะ, แตห เฆ กาดาง บอ ฆอน อีมาย ดอน อี อี มูห ฆอน ฆีณ. โอว แฮะ ดึห เฆ, แตห เฆ โบง มี ฆาน โอว. 17โคว, ดอ แฮะ ง็อห โอว เฆ ฆอน ฆีณ แคง มืง แอฆึบ ตึอน, โอว แฮะ ดึห แคะ กอย ฆอน ฆีณ เฆ ดูอี อีซาเรลัะ ดอน อี บอ ฆอน ฆีณ เฆ โดว ซัดดาวา อี มูห โดว อาโล็ง ดอน โดว, แตห เฆ บอกาเฆลียด แบน โตต โกรว โอว. 18ดอ ตี นี, โอว วี ร็อห เฆ ดูอี อาเลวี, แตห เฆ วี กาดาง เฆ ฆอน ฆีณ ดูอี อีซาเรลัะ. 19โอว แฮะ โบง แตห เฆ ดูอี อาเลวี ปี ลักซอง ปี ดัว โอว ดี อาโรน เฆ ฆอน อัน, แตห เฆ วี โบง ฆาน แคง ทึบ บีก บอด กาดาง เฆ ดูอี อีซาเรลัะ บอกาเฆลียด. โอว แตห เฆ หลู โดว ซัดดาวา ดี โอว ดาง เฆ ดูอี อีซาเรลัะ, แตห เฆ วี กาล็อะ ดี โอว, แกวะ แตห เฆ ดูอี อีซาเรลัะ โลว คัม อาเพ อาเร ดอ ตัห กาตัด เฆ ดี โดง กอย โอว.”
20เฌาพรา แฮะ ฮอต กาลาง โฆรห ตี, อาโมวแซ บอ อาโรน บอ เฆ ดูอี อีซาเรลัะ บอกาเฆลียด, เฆ บอ หลู ดูอี อาเลวี เฆ ตี, แตห อึณ โดบ ปี กาลาง เฌาพรา ดี อาโมวแซ ตึอน. 21ดูอี อาเลวี เฆ ตี มืร โบง แตห เฆ ซีงา บอด. เฆ มืร ลัห ครึง ปี ตา เฆ. แฮะ ฮอต, อาโรน มืร หลู เฆ ดี เฌาพรา, แตห เฆ ปี ปี ดี หลู อี มาวัด วีว มาวัด เวณ. อัน บอ หลู บอ โดว ซัดดาวา, แตห เฆ วี กาล็อะ ดี เฌาพรา, แตห เฆ บอ แบน ดูอี อี ซีงา บอด. 22วาย อัน ตี เฆ ดูอี อาเลวี เฆ มืร แฮะ ตัห ลึบ โบง ฆาน แคง ทึบ บีก บอด. ฆอน อีมาย อาโรน เฆ ตึอน บอ แบน อี อึบ อี แยต เฆ.
23เฌาพรา ปี วี กาลาง ดี อาโมวแซ ปอ อึณ ปัว ต็อห, 24“เฆ ดูอี อาเลวี ตี ดอน อี, อาซาก อี แฮะ โนะ อา ฆึร ดี พัน ซีนัม โฮะ นา แดง, เฆ แฮะ ปึอน ดี โบง ฆาน แคง ทึบ บีก บอด. 25เซ อาซาก เฆ ยี วี โนะ พัน ฆึร ซีนัม, แตห เฆ ดีเหลา, แตห เฆ จู โบง ฆาน เฆ ตี. 26เซ เฆ บอ ซี จอย อี เฮา โบง ฆาน เฆ, แฮะ ปึอน. เฆ ยี ตู โลว โบง ฆาน ราง เฆ. ปาย ตี แม บอ โลว อึบ โลว ยอด ฆาน ปี โบง ดูอี อาเลวี ดอน อี.”
Currently Selected:
แปร กาฮ็อห 8: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
