แปร กาฮ็อห 20
20
ลอง อึม เลห ดี ดาอาง มาว
1แคะ กอย เฆ ดูอี อีซาเรลัะ บอกาเฆลียด แฮะ ตัห ฌัม แคง แปร กาฮ็อห อี จืร จีนา ดอ มูห มาเฆียน ดอ โฆว. เฆ บอ คยัะ กอย โดง จืร ซาเดด. ดอ อัน ตี นาง มีรียัม บอ ยัม ดี ตี. เฆ บอ ดีบ อัน ดี ตี.
2ดอ กอย เฆ ดี ตี, เฆ ตู มึห ดี เดียง อึม. แคะ กอย ดูอี เฆ ตึอน บอกาเฆลียด, เฆ บอ ตัห กาฌูะ บอ เอห อาโมวแซ ฆาย อาโรน. 3เฆ บอ ปึณ บอ เอห กาลาง โฆรห ตู หมึอม ต็อห, “เซ บอ เย ยัม โดบ บีนอง เย อี แฮะ ยัม ดี อาต เฌาพรา ตึอน, อึณ แฮะ หมึอม ดี เย. เหมา อึณ ปาย ปี โลว แม แยต ตัห เย ดี นี? 4บอ เย บอ โดว ซัดดาวา เย, เหมา อึณ ปาย ปี วี โลว แยต แม, แตห เย ตัห ยัม ดี นี? 5เหมา อึณ ปาย ปี โลว แยต แม เย เลห แคง มืง แอฆึบ, แตห เย วี ตัห กอย โดง ตู หมึอม นี? ดี นี, ซัม มาเซ มืร อาว ปึอน. ซัม เบล ดีปู, เบล มางูน เฆ เบล มาจัก มืร อาว ปึอน. อึม ปี ดี เดียง มืร, อาว มึห.”
6ปาย ตี อาโมวแซ ฆาย อาโรน บอ เลห โดง กอย ดูอี กืน เฆ ตี, วี ฮาว ดี บาง มาโลห ทึบ บีก บอด ตึอน, วี มูด ฆึบ ดี อาต เฌาพรา. ดอ อัน ตี อาพูง ดังโคว เฌาพรา บอ ลึห ซีคยา ดี ฆาย. 7เฌาพรา วี ต็อห ดี อาโมวแซ, 8“แตห แม ดึห อึณกรวน แม, แตห บาย อาโรน ฮาว แดะ กาฌูะ เฆ ดูอี กืน. แตห แม กาลาง ดี ดาอาง มาว อี กอย นา ตัะ ตึอน, แตห บอ ดูอี กืน เฆ ตี โทม, แตห อึณ เลห อึม. อึม มืร ดี เลห แคง ดาอาง มาว ตี, แตห บอ ดูอี บอ โดว ซัดดาวา ปึอน ดี เดียง แพ.”
9เฌาพรา แฮะ ฮอต กาลาง โฆรห ตี, อาโมวแซ บอ ฮาว ดึห อึณกรวน ตึอน. อัน บอ โบง โดบ ปี กาลาง เฌาพรา ตี. 10ฆาย อาโรน บอ แดะ กาฌูะ ดูอี กืน เฆ ตึอน ตัห ฌัม นา อาต ดาอาง มาว ตึอน. อาโมวแซ วี ต็อห, “อึย เบ ดูอี อี ออน ดี โบง กาบัห เซเซ, แตห เบ โทม. เบ ซี แตห ยาย โบง แตห อึม เลห แคง ดาอาง มาว ตาง นี?” 11แฮะ ฮอต, อาโมวแซ บอ ดึห อึณกรวน ตึอน, มัห ดาอาง มาว ตี อา เฌณ. ปาย ตี อึม ตาง บอ มาตูห เลห อู เฌณ. บอ ดูอี บอ โดว ซัดดาวา บอ ปึอน ดี เดียง แพ อึม ตี.
12เฌาพรา วี ต็อห ดี อาโมวแซ ฆาย อาโรน, “บาย ตู หณึม ซีคยา โอว. บาย ตู โบง แตห เฆ ดูอี อีซาเรลัะ โรวเซ โอว. โคว อัน ตี, บาย ตู ปึอน ดี แยต ฮาว เฆ, แตห เฆ ฌัม แคง มืง แปะ แฮะ ต็อห โอว ดี อาบ ดัว ดี เฆ.”
13ลอง อัน ตี, อึณ โบว แบน ดี โดง จืร เมรีบา. อึณ มูห โดง ปึณ, โดง กาบัห เฆ ดูอี อีซาเรลัะ ดี เฌาพรา. ดี ตี, เฌาพรา บอ บยัะ แคะ บอด แคะ มยาด อัน.
14ดอ กอย เฆ โดง อี จืร ซาเดด ตี, อาโมวแซ วี จัร ดาลาม อัน, แตห เฆ ฮาว โดง กอย คูนดีคัม แคง มืง เอโดม, แตห เฆ ฮาว กาลาง ดี คูนดีคัม ต็อห, “เย ตัห กาลาง ลอง เฆ บีนอง แม อี มูห ดูอี อีซาเรลัะ. แม คูนดีคัม มืร แฮะ นับ, แคะ ตาง ดูก เย. 15เฆ ฆูณ ดัง เย แฮะ ฮาว กอย แคง มืง แอฆึบ ตึอน. เย มืร แฮะ กอย แคง มืง ตี, แฮะ เหลณ กาเซา. เฆ ดูอี อาโมยว แอฆึบ มืร แฮะ คาหนาบ กาเซา เย บอ ฆูณ ดัง เย เฆ ตี. 16เย บอ วี ซาคึร ดี เฌาพรา, อัน เฌา บอ โทม ปี ซาคึร เย. อัน เฌา บอ จัร อามู อามาด อัน แยต เลห เย แคง มืง แอฆึบ ตี. ดอ ตี นี, เย แฮะ วี ตัห กอย ดี กาอูน กาดาย โคบ มืง แม คูนดีคัม นี. แม เฌา มืร แฮะ นับ ลอง อัน ตี. 17โคว, เย หมาณ, แตห แม ควาง แตห เย กาโลห ฮาว กาแต มืง แม นี. บอ เย บอ โดว ซัดดาวา เย, เย ดี ฮาว มี โดบ อึณเตณ. เย ตู ลึบ แณต มาน โหงว บอ มาน มางูน เบ. อึม คึม เบ มืร, เย ตู เดียง. เย ดี ฮาว ซืร โดบ อึณเตณ ตาง, แตห เย กอ กาโลห ปวน กาอูน กาดาย แคง มืง แม นี.”
18มาแล, คูนดีคัม แคง มืง เอโดม ตี วี ต็อห, “เบ ตู ปึอน กาโลห ฮาว กาแต มืง เย นี. เซ เบ กาโลห ฮาว กาแต มืง เย นี, เย ดี กาโฆห ดี เบ.”
19เฆ ดูอี อีซาเรลัะ วี ต็อห ดี คูนดีคัม แคง มืง เอโดม ตี, “เย ดี ฮาว ดี เปลา, ฮาว มี โดบ อึณเตณ. เซ เย บอ โดว ซัดดาวา เย บอ กาลูต ดี เดียง อึม แคง มืง เบ นี, เย ดี เค ง็อห อัน. เย หมาณ, แตห แม ควาง แตห เย กาโลห. เย ตู โบง มาเซ.”
20คูนดีคัม วี ต็อห ดี เฆ, “โอว ตู แตห เบ กาโลห.” ปาย ตี คูนดีคัม มืง เอโดม ตี บอ แรน กืน ดา ซึก อัน อี กยัะ, อี มึห โปลม ตาง, แตห เฆ กาโฆห ดี ดูอี อีซาเรลัะ.
21โกบ ตู ควาง คูนดีคัม แคง มืง เอโดม เฆ ดูอี อีซาเรลัะ กาโลห ฮาว กาแต มืง เฆ, เฆ ดูอี อีซาเรลัะ บอ วี กาดูห ดี วี วัห ฮาว ปอ อึณเตณ.
22เฆ ดูอี อีซาเรลัะ บอ เลห ดี โดง จืร ซาเดด ตึอน, วี ฮาว กอย ดี นอน โฮวรา. 23โดง ตี กอย โคบ กาอูน กาดาย มืง เอโดม ตึอน. ดอ กอย เฆ ดี ตี, เฌาพรา วี กาลาง ดี อาโมวแซ ฆาย อาโรน ต็อห, 24“อาโรน ตู ปึอน ฌัม แคง มืง แปะ แฮะ กาแซณ โอว ดี ดัว ดี เฆ ดูอี อีซาเรลัะ. โกบ แฮะ กาบัห อัน ดี โฆรห โอว ดอ กอย เบ ดี โดง จืร เมรีบา ตึอน, อัน โลว ยัม. 25แตห แม แดะ อาโรน บอ ฆอน อีมาย อัน อี จืร อาเลอาซา, แตห เบ โฮะ ดี นอน โฮวรา. 26แม โลว บูต เลห ครึง ดา อี หลู ดี เฌาพรา ปี ตา อาโรน, วี ชึบ ดี ฆอน อัน อี จืร อาเลอาซา ตี. อาโรน ดี ยัม ดี ตี. อัน โลว วี ฮาว กอย โดง กอย ดูอี อาโมยว อัน.”
27อาโมวแซ บอ โบง โดบ ปี กาลาง เฌาพรา ตี. เฆ บอ กาโดบ โฮะ ดี นอน โฮวรา, แตห บอ ดูอี อีซาเรลัะ บอกาเฆลียด ยึร. 28อาโมวแซ บอ บูต เลห ครึง ดา อี หลู ดี เฌาพรา ปี ตา อาโรน ตึอน, วี ชึบ ดี ฆอน อัน อี มูห อาเลอาซา. อาโรน บอ ยัม กาแดะ นอน ตี. วาย อัน ตี อาโมวแซ ฆาย อาเลอาซา วี ตัห โลง ดี นอน ตึอน. 29พึง เฆ ดูอี กืน บอ นับ ลอง แฮะ ยัม อาโรน ตี, เฆ บอ กาโพรม ดี ยาม, ดี กลึร อาดา อาโรน ตี, แตห อึณ กอ โนะ โอย ฆึร ซีแง.
Currently Selected:
แปร กาฮ็อห 20: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
แปร กาฮ็อห 20
20
ลอง อึม เลห ดี ดาอาง มาว
1แคะ กอย เฆ ดูอี อีซาเรลัะ บอกาเฆลียด แฮะ ตัห ฌัม แคง แปร กาฮ็อห อี จืร จีนา ดอ มูห มาเฆียน ดอ โฆว. เฆ บอ คยัะ กอย โดง จืร ซาเดด. ดอ อัน ตี นาง มีรียัม บอ ยัม ดี ตี. เฆ บอ ดีบ อัน ดี ตี.
2ดอ กอย เฆ ดี ตี, เฆ ตู มึห ดี เดียง อึม. แคะ กอย ดูอี เฆ ตึอน บอกาเฆลียด, เฆ บอ ตัห กาฌูะ บอ เอห อาโมวแซ ฆาย อาโรน. 3เฆ บอ ปึณ บอ เอห กาลาง โฆรห ตู หมึอม ต็อห, “เซ บอ เย ยัม โดบ บีนอง เย อี แฮะ ยัม ดี อาต เฌาพรา ตึอน, อึณ แฮะ หมึอม ดี เย. เหมา อึณ ปาย ปี โลว แม แยต ตัห เย ดี นี? 4บอ เย บอ โดว ซัดดาวา เย, เหมา อึณ ปาย ปี วี โลว แยต แม, แตห เย ตัห ยัม ดี นี? 5เหมา อึณ ปาย ปี โลว แยต แม เย เลห แคง มืง แอฆึบ, แตห เย วี ตัห กอย โดง ตู หมึอม นี? ดี นี, ซัม มาเซ มืร อาว ปึอน. ซัม เบล ดีปู, เบล มางูน เฆ เบล มาจัก มืร อาว ปึอน. อึม ปี ดี เดียง มืร, อาว มึห.”
6ปาย ตี อาโมวแซ ฆาย อาโรน บอ เลห โดง กอย ดูอี กืน เฆ ตี, วี ฮาว ดี บาง มาโลห ทึบ บีก บอด ตึอน, วี มูด ฆึบ ดี อาต เฌาพรา. ดอ อัน ตี อาพูง ดังโคว เฌาพรา บอ ลึห ซีคยา ดี ฆาย. 7เฌาพรา วี ต็อห ดี อาโมวแซ, 8“แตห แม ดึห อึณกรวน แม, แตห บาย อาโรน ฮาว แดะ กาฌูะ เฆ ดูอี กืน. แตห แม กาลาง ดี ดาอาง มาว อี กอย นา ตัะ ตึอน, แตห บอ ดูอี กืน เฆ ตี โทม, แตห อึณ เลห อึม. อึม มืร ดี เลห แคง ดาอาง มาว ตี, แตห บอ ดูอี บอ โดว ซัดดาวา ปึอน ดี เดียง แพ.”
9เฌาพรา แฮะ ฮอต กาลาง โฆรห ตี, อาโมวแซ บอ ฮาว ดึห อึณกรวน ตึอน. อัน บอ โบง โดบ ปี กาลาง เฌาพรา ตี. 10ฆาย อาโรน บอ แดะ กาฌูะ ดูอี กืน เฆ ตึอน ตัห ฌัม นา อาต ดาอาง มาว ตึอน. อาโมวแซ วี ต็อห, “อึย เบ ดูอี อี ออน ดี โบง กาบัห เซเซ, แตห เบ โทม. เบ ซี แตห ยาย โบง แตห อึม เลห แคง ดาอาง มาว ตาง นี?” 11แฮะ ฮอต, อาโมวแซ บอ ดึห อึณกรวน ตึอน, มัห ดาอาง มาว ตี อา เฌณ. ปาย ตี อึม ตาง บอ มาตูห เลห อู เฌณ. บอ ดูอี บอ โดว ซัดดาวา บอ ปึอน ดี เดียง แพ อึม ตี.
12เฌาพรา วี ต็อห ดี อาโมวแซ ฆาย อาโรน, “บาย ตู หณึม ซีคยา โอว. บาย ตู โบง แตห เฆ ดูอี อีซาเรลัะ โรวเซ โอว. โคว อัน ตี, บาย ตู ปึอน ดี แยต ฮาว เฆ, แตห เฆ ฌัม แคง มืง แปะ แฮะ ต็อห โอว ดี อาบ ดัว ดี เฆ.”
13ลอง อัน ตี, อึณ โบว แบน ดี โดง จืร เมรีบา. อึณ มูห โดง ปึณ, โดง กาบัห เฆ ดูอี อีซาเรลัะ ดี เฌาพรา. ดี ตี, เฌาพรา บอ บยัะ แคะ บอด แคะ มยาด อัน.
14ดอ กอย เฆ โดง อี จืร ซาเดด ตี, อาโมวแซ วี จัร ดาลาม อัน, แตห เฆ ฮาว โดง กอย คูนดีคัม แคง มืง เอโดม, แตห เฆ ฮาว กาลาง ดี คูนดีคัม ต็อห, “เย ตัห กาลาง ลอง เฆ บีนอง แม อี มูห ดูอี อีซาเรลัะ. แม คูนดีคัม มืร แฮะ นับ, แคะ ตาง ดูก เย. 15เฆ ฆูณ ดัง เย แฮะ ฮาว กอย แคง มืง แอฆึบ ตึอน. เย มืร แฮะ กอย แคง มืง ตี, แฮะ เหลณ กาเซา. เฆ ดูอี อาโมยว แอฆึบ มืร แฮะ คาหนาบ กาเซา เย บอ ฆูณ ดัง เย เฆ ตี. 16เย บอ วี ซาคึร ดี เฌาพรา, อัน เฌา บอ โทม ปี ซาคึร เย. อัน เฌา บอ จัร อามู อามาด อัน แยต เลห เย แคง มืง แอฆึบ ตี. ดอ ตี นี, เย แฮะ วี ตัห กอย ดี กาอูน กาดาย โคบ มืง แม คูนดีคัม นี. แม เฌา มืร แฮะ นับ ลอง อัน ตี. 17โคว, เย หมาณ, แตห แม ควาง แตห เย กาโลห ฮาว กาแต มืง แม นี. บอ เย บอ โดว ซัดดาวา เย, เย ดี ฮาว มี โดบ อึณเตณ. เย ตู ลึบ แณต มาน โหงว บอ มาน มางูน เบ. อึม คึม เบ มืร, เย ตู เดียง. เย ดี ฮาว ซืร โดบ อึณเตณ ตาง, แตห เย กอ กาโลห ปวน กาอูน กาดาย แคง มืง แม นี.”
18มาแล, คูนดีคัม แคง มืง เอโดม ตี วี ต็อห, “เบ ตู ปึอน กาโลห ฮาว กาแต มืง เย นี. เซ เบ กาโลห ฮาว กาแต มืง เย นี, เย ดี กาโฆห ดี เบ.”
19เฆ ดูอี อีซาเรลัะ วี ต็อห ดี คูนดีคัม แคง มืง เอโดม ตี, “เย ดี ฮาว ดี เปลา, ฮาว มี โดบ อึณเตณ. เซ เย บอ โดว ซัดดาวา เย บอ กาลูต ดี เดียง อึม แคง มืง เบ นี, เย ดี เค ง็อห อัน. เย หมาณ, แตห แม ควาง แตห เย กาโลห. เย ตู โบง มาเซ.”
20คูนดีคัม วี ต็อห ดี เฆ, “โอว ตู แตห เบ กาโลห.” ปาย ตี คูนดีคัม มืง เอโดม ตี บอ แรน กืน ดา ซึก อัน อี กยัะ, อี มึห โปลม ตาง, แตห เฆ กาโฆห ดี ดูอี อีซาเรลัะ.
21โกบ ตู ควาง คูนดีคัม แคง มืง เอโดม เฆ ดูอี อีซาเรลัะ กาโลห ฮาว กาแต มืง เฆ, เฆ ดูอี อีซาเรลัะ บอ วี กาดูห ดี วี วัห ฮาว ปอ อึณเตณ.
22เฆ ดูอี อีซาเรลัะ บอ เลห ดี โดง จืร ซาเดด ตึอน, วี ฮาว กอย ดี นอน โฮวรา. 23โดง ตี กอย โคบ กาอูน กาดาย มืง เอโดม ตึอน. ดอ กอย เฆ ดี ตี, เฌาพรา วี กาลาง ดี อาโมวแซ ฆาย อาโรน ต็อห, 24“อาโรน ตู ปึอน ฌัม แคง มืง แปะ แฮะ กาแซณ โอว ดี ดัว ดี เฆ ดูอี อีซาเรลัะ. โกบ แฮะ กาบัห อัน ดี โฆรห โอว ดอ กอย เบ ดี โดง จืร เมรีบา ตึอน, อัน โลว ยัม. 25แตห แม แดะ อาโรน บอ ฆอน อีมาย อัน อี จืร อาเลอาซา, แตห เบ โฮะ ดี นอน โฮวรา. 26แม โลว บูต เลห ครึง ดา อี หลู ดี เฌาพรา ปี ตา อาโรน, วี ชึบ ดี ฆอน อัน อี จืร อาเลอาซา ตี. อาโรน ดี ยัม ดี ตี. อัน โลว วี ฮาว กอย โดง กอย ดูอี อาโมยว อัน.”
27อาโมวแซ บอ โบง โดบ ปี กาลาง เฌาพรา ตี. เฆ บอ กาโดบ โฮะ ดี นอน โฮวรา, แตห บอ ดูอี อีซาเรลัะ บอกาเฆลียด ยึร. 28อาโมวแซ บอ บูต เลห ครึง ดา อี หลู ดี เฌาพรา ปี ตา อาโรน ตึอน, วี ชึบ ดี ฆอน อัน อี มูห อาเลอาซา. อาโรน บอ ยัม กาแดะ นอน ตี. วาย อัน ตี อาโมวแซ ฆาย อาเลอาซา วี ตัห โลง ดี นอน ตึอน. 29พึง เฆ ดูอี กืน บอ นับ ลอง แฮะ ยัม อาโรน ตี, เฆ บอ กาโพรม ดี ยาม, ดี กลึร อาดา อาโรน ตี, แตห อึณ กอ โนะ โอย ฆึร ซีแง.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.