อามีคา 6
6
ลอง เฌาพรา พยาก ดูอี อีซาเรลัะ
1แตห เบ โทม โฆรห ปี กาลาง เฌาพรา. อัน ต็อห, “แตห เบ ยีต บอ กาลาง ดี โอว ปี ตู อึง เบ. แตห เฆ นอน จา บอ นอน เตียะ แบน ซักเซ อี โทม ปี พยาก เบ ดี โอว. อัน เฌา แฮะ โบง อามู ลอง เฆ ดูอี อีซาเรลัะ อี มูห ดูอี ปี อึบ อัน. อัน ดี ซูงพยาด อามู ตี แตห อึณ โดบ โตต ดารา.
2แฮะ ฮอต, เบ นอน บอกาเฆลียด, แตห เบ วี โทม ปี พยาก โอว ดี ดูอี อีซาเรลัะ. โอว อี มูห เฌาพรา แฮะ มึห อามู ดี เฆ ดูอี ปี อึบ โอว. โอว บอ ดัม หมาบ ดี เฆ แตห อึณ โดบ ดารา, แกวะ แตห โอว กาเว เฆ.
3อึย เบ ดูอี ปี อึบ โอว, โอว แฮะ โบง มาเซ ดี เบ, แตห เบ แวน โอว? แตห โอว นับ มาเซ ปี โบง โอว, แตห อึณ ดูก อึณ หณาบ ดี เบ, แตห เบ กาลาง ดี โอว.
4โอว แฮะ ดึห เลห เบ แคง มืง แอฆึบ. โอว แฮะ ทูด เลห เบ โดง แฮะ ดึอม แบน เบ หมาย อี. โอว แฮะ จัร อาโมวแซ, อาโรน บอ นาง มีรียัม, แตห เฆ แบน อี แยต เบ.
5อึย เบ ดูอี ปี อึบ โอว, แตห เบ วี โหลห คูนดีคัม อาบาลาก อี อึบ มืง โมวอาบ ตึอน. อัน แฮะ จัร อาบาลาอัม อี มูห ฆอน อาปอซอ, แตห อัน ดืง เฆ ดูอี อีซาเรลัะ. อัน ยี ตู ดืง, อัน วี ม็องการา แตห ดี เฆ ดูอี อีซาเรลัะ. แตห เบ โหลห บอ ดอ ฮาว เบ โดบ อึณเตณ, จูห ดี โดง จืร ซีดีม กอ ฌัม ดี มืง ฆีลัะฆา. ดอ อัน ตี โอว อี มูห เฌาพรา แฮะ โบง แบน โมยว แบน โมยว แตห โอว คยอด เบ.
ลอง ปี อึง เฌาพรา
6มาเซ อึณ มูห ปี โลว ดัว เย ดี เฌาพรา, แตห เย วี กาล็อะ ดี อัน? เซ เย หลู ฆอน มัก อี แฮะ โนะ อู ซีนัม, แฮะ ปึอน?
7เบ ทาง อึณ ล็อะ น็อห เฌาพรา เซ เบ หลู มาบู อาโล็ง แบน แหรณ แบน แหรณ บอ นามัน อี ปี แบลง อึม แบน หมึณ แบน หมึณ แบลง? แฮะ กาอาบ ดึห หลู ฆอน อีมาย อี มูห ฆอน ฆีณ, แตห อึณ ฆ็อห แวน แปะ แฮะ ลูต เย? อาว มึห ฌึร ตี คอ อู โมยว อี ล็อะ น็อห เฌาพรา.
8เฌาพรา แฮะ ฮอต แตห เบ นับ อี หมึอม ปี ซี แตห เฌาพรา เบ โบง มูห มาเซ. อัน ซี แตห เบ โบง นา มูห นา หมาน, มึห น็อห ร็อก กาเว อี บอ มึห น็อห โฆม น็อห เตียม ดี อาต เฌาพรา ปี กรึบ เบ.
9แตห เบ โทม. เซ เบ มึห อางยาน แตห เบ โรวเซ เฌาพรา. อัน เฌา แดะ บอ กาลาง โฆรห ดี เฆ ดูอี อี กอย แคง มืง เยรูซาแลม. อัน ต็อห, เฆ ดา ซึก อี โบง กาปยาต ลึร โตต ดอน โมยว แฮะ กาตัด ดี ตัห. อึณ มูห เฌาพรา อี แฮะ ตึย ตัห เฆ.
10เฆ ดูอี อี ตู มึห น็อห ซืร น็อห หมาน, เฆ มึห โกรวกราม กืน แปะ แฮะ ปึอน เฆ โกบ กาโลว เฆ ดี อี. บอ ก็อก ปี เฆา เฆ แบน โมยว แบน โมยว, อาว หมาน.
11โอว มืร ตู คัม เฆ อี ตา ลัะจู อี ตู หมาน อี กาโลว.
12เฆ ดา ซาเท อี กอย แคง มืง เบ, เฆ แฮะ ปีหล็อก ดี อี บอ คาหนาบ อี แตห เฆ ครัม. เฆ ดูอี แคง มืง บอ มืง นับ ดี กาโลว เซเซ, กอ ฮู นับ ดี กาลาง โฆรห อี มูห อี หมาน.
13ปาย ตี โอว ดี ดัม หมาบ ดี เบ, แตห เบ มึห ดีม อี เซา กาเซา, แตห เบ คัม อี ปยาต แวน เบ โกบ หมาบ ปี โบง เบ.
14เบ ดี ปึอน ดี โฮม, เบ ยี ตู แพ. เบ ดี เอต ปี ดี โฮม อาคัร หมาน. เบ ปี บอ แฮะ ปึอน ดี แฆบ อูน รึอน มัง กาล็อะ มืร, อึณ ยี ตู ลอด ชึม. โอว ดี วี ดึห อาบ ดัว ดี รันซู เบ.
15เบ ปี บอ แฮะ ซัม โหงว มืร, เบ ยี ตู ปึอน ดี โซะ. เบ ปี บอ แฮะ กรีด นามัน มืร, อึณ ยี ตู ฆลึม แตห เบ พ็อห ดี โดว เบ. เบ ปี บอ กรีด เบล มางูน มืร, เบ ยี ตู ปึอน อึม มางูน แคะ ปี โลว เบ.
16เบ มืร แฮะ โดบ มี ดารา ปี เบลห อูน คูนดีคัม อาโอวมารี, เบ บอ โบง โดบ แคะ ปี ดึอม โบง คูนดีคัม อาฮับ อี ฮาย กาเซา. โกบ อึณ ปาย ตี โอว ดี แตห มืง เบ แบน โดง เยน โดง ง็อง ดูอี. ดูอี แคง มืง เบ บอกาเฆลียด, เฆ ดี บอ แบน ปี ลูกตาย อี เฮา, แบน ปี ฌ็อง ปี แนนัะ เฆ ดูอี กืน.
Currently Selected:
อามีคา 6: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
อามีคา 6
6
ลอง เฌาพรา พยาก ดูอี อีซาเรลัะ
1แตห เบ โทม โฆรห ปี กาลาง เฌาพรา. อัน ต็อห, “แตห เบ ยีต บอ กาลาง ดี โอว ปี ตู อึง เบ. แตห เฆ นอน จา บอ นอน เตียะ แบน ซักเซ อี โทม ปี พยาก เบ ดี โอว. อัน เฌา แฮะ โบง อามู ลอง เฆ ดูอี อีซาเรลัะ อี มูห ดูอี ปี อึบ อัน. อัน ดี ซูงพยาด อามู ตี แตห อึณ โดบ โตต ดารา.
2แฮะ ฮอต, เบ นอน บอกาเฆลียด, แตห เบ วี โทม ปี พยาก โอว ดี ดูอี อีซาเรลัะ. โอว อี มูห เฌาพรา แฮะ มึห อามู ดี เฆ ดูอี ปี อึบ โอว. โอว บอ ดัม หมาบ ดี เฆ แตห อึณ โดบ ดารา, แกวะ แตห โอว กาเว เฆ.
3อึย เบ ดูอี ปี อึบ โอว, โอว แฮะ โบง มาเซ ดี เบ, แตห เบ แวน โอว? แตห โอว นับ มาเซ ปี โบง โอว, แตห อึณ ดูก อึณ หณาบ ดี เบ, แตห เบ กาลาง ดี โอว.
4โอว แฮะ ดึห เลห เบ แคง มืง แอฆึบ. โอว แฮะ ทูด เลห เบ โดง แฮะ ดึอม แบน เบ หมาย อี. โอว แฮะ จัร อาโมวแซ, อาโรน บอ นาง มีรียัม, แตห เฆ แบน อี แยต เบ.
5อึย เบ ดูอี ปี อึบ โอว, แตห เบ วี โหลห คูนดีคัม อาบาลาก อี อึบ มืง โมวอาบ ตึอน. อัน แฮะ จัร อาบาลาอัม อี มูห ฆอน อาปอซอ, แตห อัน ดืง เฆ ดูอี อีซาเรลัะ. อัน ยี ตู ดืง, อัน วี ม็องการา แตห ดี เฆ ดูอี อีซาเรลัะ. แตห เบ โหลห บอ ดอ ฮาว เบ โดบ อึณเตณ, จูห ดี โดง จืร ซีดีม กอ ฌัม ดี มืง ฆีลัะฆา. ดอ อัน ตี โอว อี มูห เฌาพรา แฮะ โบง แบน โมยว แบน โมยว แตห โอว คยอด เบ.
ลอง ปี อึง เฌาพรา
6มาเซ อึณ มูห ปี โลว ดัว เย ดี เฌาพรา, แตห เย วี กาล็อะ ดี อัน? เซ เย หลู ฆอน มัก อี แฮะ โนะ อู ซีนัม, แฮะ ปึอน?
7เบ ทาง อึณ ล็อะ น็อห เฌาพรา เซ เบ หลู มาบู อาโล็ง แบน แหรณ แบน แหรณ บอ นามัน อี ปี แบลง อึม แบน หมึณ แบน หมึณ แบลง? แฮะ กาอาบ ดึห หลู ฆอน อีมาย อี มูห ฆอน ฆีณ, แตห อึณ ฆ็อห แวน แปะ แฮะ ลูต เย? อาว มึห ฌึร ตี คอ อู โมยว อี ล็อะ น็อห เฌาพรา.
8เฌาพรา แฮะ ฮอต แตห เบ นับ อี หมึอม ปี ซี แตห เฌาพรา เบ โบง มูห มาเซ. อัน ซี แตห เบ โบง นา มูห นา หมาน, มึห น็อห ร็อก กาเว อี บอ มึห น็อห โฆม น็อห เตียม ดี อาต เฌาพรา ปี กรึบ เบ.
9แตห เบ โทม. เซ เบ มึห อางยาน แตห เบ โรวเซ เฌาพรา. อัน เฌา แดะ บอ กาลาง โฆรห ดี เฆ ดูอี อี กอย แคง มืง เยรูซาแลม. อัน ต็อห, เฆ ดา ซึก อี โบง กาปยาต ลึร โตต ดอน โมยว แฮะ กาตัด ดี ตัห. อึณ มูห เฌาพรา อี แฮะ ตึย ตัห เฆ.
10เฆ ดูอี อี ตู มึห น็อห ซืร น็อห หมาน, เฆ มึห โกรวกราม กืน แปะ แฮะ ปึอน เฆ โกบ กาโลว เฆ ดี อี. บอ ก็อก ปี เฆา เฆ แบน โมยว แบน โมยว, อาว หมาน.
11โอว มืร ตู คัม เฆ อี ตา ลัะจู อี ตู หมาน อี กาโลว.
12เฆ ดา ซาเท อี กอย แคง มืง เบ, เฆ แฮะ ปีหล็อก ดี อี บอ คาหนาบ อี แตห เฆ ครัม. เฆ ดูอี แคง มืง บอ มืง นับ ดี กาโลว เซเซ, กอ ฮู นับ ดี กาลาง โฆรห อี มูห อี หมาน.
13ปาย ตี โอว ดี ดัม หมาบ ดี เบ, แตห เบ มึห ดีม อี เซา กาเซา, แตห เบ คัม อี ปยาต แวน เบ โกบ หมาบ ปี โบง เบ.
14เบ ดี ปึอน ดี โฮม, เบ ยี ตู แพ. เบ ดี เอต ปี ดี โฮม อาคัร หมาน. เบ ปี บอ แฮะ ปึอน ดี แฆบ อูน รึอน มัง กาล็อะ มืร, อึณ ยี ตู ลอด ชึม. โอว ดี วี ดึห อาบ ดัว ดี รันซู เบ.
15เบ ปี บอ แฮะ ซัม โหงว มืร, เบ ยี ตู ปึอน ดี โซะ. เบ ปี บอ แฮะ กรีด นามัน มืร, อึณ ยี ตู ฆลึม แตห เบ พ็อห ดี โดว เบ. เบ ปี บอ กรีด เบล มางูน มืร, เบ ยี ตู ปึอน อึม มางูน แคะ ปี โลว เบ.
16เบ มืร แฮะ โดบ มี ดารา ปี เบลห อูน คูนดีคัม อาโอวมารี, เบ บอ โบง โดบ แคะ ปี ดึอม โบง คูนดีคัม อาฮับ อี ฮาย กาเซา. โกบ อึณ ปาย ตี โอว ดี แตห มืง เบ แบน โดง เยน โดง ง็อง ดูอี. ดูอี แคง มืง เบ บอกาเฆลียด, เฆ ดี บอ แบน ปี ลูกตาย อี เฮา, แบน ปี ฌ็อง ปี แนนัะ เฆ ดูอี กืน.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.