ดา อี หลู 3
3
ลอง ปี หลู โมยว อี กอย กาฌูะ โฮม รึม
1เฌาพรา วี ต็อห, “เซ อึณ มึห ดูอี อี ดึห มามัก แบน ปี ดี หลู อี กอย กาฌูะ โฮม รึม, อัน โลว ดึห โดว อาโล็ง. เซ อาว ปาย ตี ดึห โดว อาหยาง อี ตู มึห โดง เช โดง แน, หลู ดี เฌาพรา. 2ดูอี อี หลู ตี โลว ดึห แด อัน, ดาง แดง ฆีณ มามัก ปี ดี หลู อัน ตี. อัน โลว ซัวะ แมง อัน โคบ มาโลห ทึบ บีก บอด. ฆอน อีมาย อาโรน อี แบน ดา อี หลู ดี เฌาพรา, เฆ โลว ดึห หนาม มามัก ตี, คร็อห ดี แรง กาโช็ง หลู บอ พวน บลาก. 3แคง ปี หลู ดี เฌาพรา อี มูห ปี หลู อี กอย กาฌูะ โฮม รึม ตี, เฆ โลว ดึห มัง โมยว, แตห อึณ แบน ปี ดี หลู อี โดะ ดี เงา. อี มูห เบรียง อี ดึก ดี โคงนัร อัน บอ โตต 4บอ เบล ลัม อัน อา โบ็ง บอ เบรียง อี ดึก ดี เบล ลัม อัน ตี บอ ดี กาโดม อัน, เฆ โลว ดึห โตต.
5เฆ โลว โดะ แดง กาโช็ง หลู โดบ ปี หลู อี โดะ ดี เงา เซเซ. อูห หงูน อัน ดี ล็อะ น็อห เฌาพรา. 6เซ อึณ ยี มูห มาบู เฆ มาแป อี แบน ปี ดี หลู อี กอย กาฌูะ โฮม รึม, เบ โลว ดึห โดว อาโล็ง. เซ อาว ปาย ตี ปึอน ดึห โดว อาหยาง อี ตู มึห โดง เช โดง แน. 7เซ อึณ มูห มาบู, ดูอี อี หลู ตี โลว ดึห โดว ตี, ตัห ดี อาต เฌาพรา. 8ดูอี อี หลู โดว ตี, อัน โลว ดึห ตัห โดว ตี ดี อาต เฌาพรา. อัน โลว ดึห แด อัน, ดาง แดง ฆีณ มาบู ตี, วี ซัวะ แมง อัน นา อาต ทึบ บีก บอด. เฆ ดา อี หลู ดี เฌาพรา โลว ดึห หนาม มาบู ตี, วี คร็อห ดี แรง กาโช็ง หลู บอ พวน บลาก. 9แคง ปี หลู ตี อี มูห ปี หลู อี กอย กาฌูะ โฮม รึม, เฆ โลว ดึห มัง โมยว, แตห อึณ แบน ปี หลู อี โดะ ดี เงา. อี มูห เบรียง อัน บอ โตต, บอ ซีดา ปี แดบ กาดัด ดี กาอาง กาตูะ อัน บอ เบรียง อัน, บอ เบรียง อี ดึก ดี โคงนัร อัน 10บอ เบล ลัม อัน อา โบ็ง, บอ เบรียง อี ดึก ดี เบล ลัม อัน บอ ดี กาโดม อัน, เฆ โลว ดึห โตต. 11เฆ โลว โดะ ฌึร ตี แดง กาโช็ง หลู. อึณ มูห ปี ดี โฮม ปี หลู เฆ ดี เฌาพรา อาต โฮม รึม เฆ.
12เซ อึณ มูห มาแป ปี ซี หลู อี, ดูอี อี หลู ตี โลว ดึห ตัห โดว ตี ดี อาต เฌาพรา. 13อัน โลว ดาง แด อัน แดง ฆีณ มาแป ตี, วี ซัวะ แมง อัน ดี อาต ทึบ บีก บอด. เฆ ดา อี หลู ดี เฌาพรา โลว ดึห หนาม มาแป ตี, คร็อห ดี แรง กาโช็ง หลู บอ พวน บลาก. 14แคง โดว ปี หลู อัน ตี, ดูอี อี หลู ตึอน, อัน โลว ดึห มัง โมยว แตห อึณ แบน ปี หลู อี โดะ ดี เงา. อึณ มูห เบรียง อี ดึก ดี โคงนัร อัน 15บอ เบล ลัม อัน อา โบ็ง บอ เบรียง อี ดึก ดี กาโดม อัน, อัน โลว ดึห โตต ฌึร ตี. 16ดา อี หลู ดี เฌาพรา โลว วี โดะ แคง เงา แดง กาโช็ง หลู. อึณ มูห ปี กาย็อห เลห เฆ, หลู ดี เฌาพรา อาต โฮม รึม เฆ. ปี หลู อัน อี โดะ แคง เงา ตี, อึณ ดี ล็อะ น็อห เฌาพรา. แคะ กอย เบรียง แคง โดว ซัดดาวา ปี หลู อี, อึณ แบน โตต โกรว เฌาพรา.
17ดูอี อีซาเรลัะ ดอน อี อาว ปึอน โฮม เบรียง โดว ซัด บอ หนาม โดว ซัด ดอ เหมา. อึณ มูห ดารา ปี โลว โดบ เฆ ดูอี อาโมยว อีซาเรลัะ เซเซ. เฆ บอ กอย ดี เหมา, อาว ปึอน แวน ดอน โจว ดอน บาน.” แคะ ตี เฌาพรา แฮะ กาลาง ดี อาโมวแซ ลอง ปี หลู อี โดะ ดี เงา บอ ลอง ปี หลู อี กอย กาฌูะ โฮม รึม.
Currently Selected:
ดา อี หลู 3: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
