อาเยเรมี 47
47
ลอง ดูอี พีลีที
1เฌาพรา วี กาลาง โฆรห ดี อาเยเรมี อี มูห ดูอี อี บยาน โฆรห เฌาพรา. อัน กาลาง ลอง เฆ ดูอี พีลีที ซีณ อาต ตัห กาโฆห คูนดีคัม มืง แอฆึบ ดี มืง ฆาซา.
2เฌาพรา แฮะ กาลาง ปาย นี. “บัร เบ ยอด, อึณ ปี อึม ดี ตัห นา กัว บอ อึณปูน โตต บาง อัน. แฮะ ฮอต, อึณ ดี บอ วี แหล ปี อึม แบลง ตาง. อึม ตี อึณ ดี อึณปูน โตต กาดาย บอ อี กอย แดง กาดาย บอ มืง บอ โตต ดอน โมยว อี กอย แคง มืง. แคะ กอย เฆ ดูอี ดี ยาม ดัด, แตห อึณ มึห อี คยอด เฆ. ดูอี บอ เรา บอ มืง ดี กลึร บอ หงูน บอกาเฆลียด.
3เบ ดี บอ ยึร ฮัม ฆีบ มังปร็อง, ยึร บอ ฮัม กาเลณ ลักเลา อี ซีนัน ตัห. เบ ดี ยึร บอ ฮัม ลักเลา ปี ป็อะ เฆ ดา ซึก อี กาแบลบ ตัห. ดอ อัน ตี เฆ อี มูห ฆูณ, เฆ ดี ดีหลัห อึณจัม, ตู วี จาว กาบัด ยอด ฆอน เฆ.
4โคว, อึณ แฮะ ฌัม ซีแง ดี ปยาต แวน ดูอี อาโมยว พีลีที บอกาเฆลียด, แวน บอ เฆ อี จอย อี ฆัม ดา ซึก ดี มืง ทูโรว ฆาย มืง ซีโดน. เฌาพรา ดี ดึห แวน เฆ ดูอี พีลีที บอ เฆ ดูอี อี กอย โคบ อึม นัมมูกซารา, เฆ อี ซี ฆีด ซี กอย แดง กาดาย กาแต อึม โดง จืร กาเรเด.
5เฆ ดูอี แคง มืง ฆาซา, เฆ ดี แบน น็อห เตียะ, น็อห กลึร กาเซา. แคง มืง เฆ ดูอี อาซาเคโลน ดี บอ ง็อง. เฆ ดูอี พีลีที ดี บอ โลว กลึร โลว ยาม เหลณ แคะ เหมา?
6อึย แม เฌาพรา, อึณ ปี มาปัวะ ลาง แม อัน ดี บอ แดบ เหลณ แคะ เหมา? หมาณ, แตห แม วี เชียบ อูน แคง บราม อัน. หมาณ, แตห แม แตห อัน กอย หนีม หนีม.
7มาแล, เหมา อัน ดี ปาย ดี กอย หนีม หนีม? เฌาพรา แฮะ แตห อัน โบง ฆาน อี ซูงพยาด อามู. เฌาพรา แฮะ เบลห อามีง, แตห อึณ ลาย กาบัห ดี ดูอี อี กอย มืง อาซาเคโลน บอ เฆ อี กอย บาง อึม นัมมูกซารา, แตห อึณ ลาย กาโฆห ดี ดูอี เฆ ตี.”
Currently Selected:
อาเยเรมี 47: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
