อาอีซายัะ 4
4
1ดอ อัน ตี อีบึณ บู วี เฆ ดี บอ กาโพรม ดี ดึห อีมาย อู วี. เฆ ดี บอ ต็อห ดี อัน, ‘เย ดี เหรต ดี โฮม ราง เย. เย ดี เหรต ครึง ตา ราง เย. มาแล, เย หมาณ แตห เย ปึอน ดี ต็อห, แม มูห อีมาย เย, แกวะ แตห เย โลว ซาย อี โกบ มูห เย ดีบยา บลูย.’” อาอีซายัะ แฮะ ต็อห ปาย ตี.
ลอง เฌาพรา ดี วี แด มืง เยรูซาแลม
2แฮะ ฮอต, อาอีซายัะ ปี วี ต็อห, “ดอ อัน ตี เฌาพรา ดี วี โบง แตห อึณ วี หมึอม, แตห อึณ วี ชีด ดอน โมยว. ปี ดี โบง อัน ตี, อึณ ปี อัน วี แตห รา เฮ แปะ แฮะ ดึอม แดบ แวน อัน วี อึณโลห วี ตาง. แคะ ซี กอย เฆ ดูอี อีซาเรลัะ บอกาเฆลียด, เฆ ดี บอ มึห น็อห ตาง น็อห ดาคึย โกบ แฮะ วี มึห โหงว เฆ เบล กืน แคง มืง เฆ. 3อี มูห เฆ อี ลอด ยัม อี กอย แคง มืง เยรูซาแลม, อี เฮา ดี บอ ต็อห, เฆ บอกาเฆลียด มูห ดูอี อี ซีงา บอด. 4เฌาพรา ดี ดัม หมาบ ดี เฆ ดูอี แคง มืง เยรูซาแลม บอ แวน เฆ อี ตู หมึอม ดอน โมยว แคง มืง, แตห อึณ ปี อัน ดึห โตต อี ตู หมึอม, วี โดะ แคง เงา. อึณ บอ ปี อัน เฌา ดี บาย แวน อี กาดาต ดี อีบึณ อี กอย แคง มืง เยรูซาแลม บอ บาย แวน หนาม อี แฮะ ดึก ดี เฆ ดูอี อี กอย แคง มืง ตี. 5ดอ อัน ตี ดอ กาแต ซีแง, เฌาพรา แตห อึณอูะ ปลึก นอน ฌีโอน บอ เฆ ดูอี อี ตัห กอย กาฌูะ ดี ตี. แคง หมึร อัน เฌา ดี แตห อึณ วี มึห แปละ เงา, แตห อึณ บลาง ดี เฆ. นา แดง อี หมึอม อี ชีด แปะ แฮะ โบง เฌาพรา ดอน โมยว ตึอน อัน แตห อึณ มึห อี ปลึก, อี ฆ็อง แร เฆ. 6ดอ กาแต ซีแง อึณ ดี ปี ทึบ บอ ยาบ เฮ อี อับ ดี เฆ. อึณ บอ ปี บอ โดง ดี ปึอน เครียง ดอ มึห คูน ตาง บอ ฆลาย ตาง.” แคะ ตี อาอีซายัะ แฮะ กาลาง ดี เฆ ดา ตาง อี อึบ เฆ ดูอี อายูดา.
Currently Selected:
อาอีซายัะ 4: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
