อาเอเซเคน 31
31
ลอง เฮ อารีด
1ดอ แฮะ ฌัม ฆึร ดี อู ซีนัม, มาเฆียน ฮาโอย, ซีแง ดอ โฆว, เฌาพรา วี กาลาง โฆรห ดี โอว ต็อห, 2“อึย ฆอน ดูอี, แตห แม กาลาง ดี คูนดีคัม อี อึบ มืง แอฆึบ บอ ดี เฆ ดูอี แคง มาน มืง อัน บอกาเฆลียด. แตห แม ต็อห, ‘อาพูง ดังโคว แม แฮะ ตาง กาเซา. อาว มึห มาเซ อี ปึอน ลาย กาเฆา ดี แม.
3แตห แม โหลห มืง อาซูรียา อี แฮะ ดึอม ปี เฮ อารีด อี กอย ดี นอน เลบานูน. รา อัน มืร แฮะ ชีด กาเซา, แฮะ จา หลึอม เฮ ดอน โมยว. กาปลูย อัน เฆ หลา อัน มืร แฮะ ฆลัม ซีคยา.
4อึณ บอ มึห อึม อี แตห อึณ ลัต, แตห อึณ ตาง. อึม อี กอย ลึก แคง กาดาย ตี บอ แตห อึณ เหรห. อึม แบลง บอ แหล โดบ เฮ ปี ซัม อูน เฆ ตี. อึณ บอ มึห อึม อี แหล ฮาว โดง กอย แปร เฆ เปต, แตห อึณ กอ กาลัต ดอน กาดัง.
5ปาย ตี เฮ ตึอน บอ จา หลึอม ดอน กาดัง. รา อัน มืร กืน, กอ กาดัน ลัน บอ ดี โต็ง ดี ตาง ดอน รา โกบ มึห อึม กืน.
6แคะ กอย มาซีม, เฆ บอกาเฆลียด บอ ตัห โบง กาฮูน ดี รา อัน ตี. เฆ มาโดว แปร บอ ตัห มึห ฆอน ครึม ยาบ อัน ตี. ดูอี แดง กาดาย นี มืร ตัห บึง, ตัห กอย ครึม กาปลูย อัน.
7เฮ ตี มืร ชีด กาเซา โกบ แฮะ จา อัน บอ แฮะ โต็ง รา อัน. เรียห อัน บอ ลึบ โลง โดง มึห อึม อี กอย ลึก กาเซา.
8เฮ อารีด อี กอย แคง กาปึม เฌาพรา, อึณ ตู ปึอน กาเฆา ดี เฮ ตี. เฮ อึณเก มืร ตู มึห รา ปาย ตี. เฮ อาราโมน มืร ตู มึห คอ อู กาดัง อี มึห รา อี ชีด ปี เฮ ตี. บอ เฮ บอกาเฆลียด อี กอย แคง กาปึม เฌาพรา, อึณ ตู มึห คอ อู กาดัง อี ชีด ปี เฮ ตี.
9โอว แฮะ โบง แตห อัน ชีด โกบ แฮะ มึห กืน รา อัน. รา อัน ตี มืร แฮะ อึณบลัห, แตห เฮ ดอน กาดัง อี กอย แคง กาปึม เอเดน กอ วี หลัยะ อัน.
10โคว, เฌาพรา อี อึบ โตต ดอน โมยว แฮะ กาลาง ปาย นี. โกบ แฮะ จา กาเซา เฮ ตี, แตห กาแดะ อัน กอย แดง เฮ ดอน โมยว, ชีด อัน แตห อัน แบน น็อห ปีคึก. 11โอว แฮะ แตห คูนดีคัม อี ตาง หลึอม โตต อึบ อัน. คูนดีคัม ตี ดี บอ ซูงพยาด อามู อัน, แตห อึณ โดบ แคะ ฮาย แคะ มืก อัน. โอว แฮะ แวน อัน ปาย ตี. 12เฆ ดูอี อี กอย มืง เตต มืง ตัะ อี ฮาย หลึอม อี เฮา, เฆ แฮะ ฆัร เกห อัน. รา อัน บอ กาบัก โจห ดอน นอน ดอน ดีลัยะ, แตห อึณ กอ โนะ บอ มืง. เฆ ดูอี อี แฮะ ดึอม บึง ดึอม กอย ยาบ อัน, เฆ แฮะ เลห ตัะ โดง กอย เฆ ตี. 13เฆ มาซีม แฮะ ตัห จูห แดง โงย อัน ตี. เฆ มาโดว แปร แฮะ ตัห กอย กาแต รา อัน. 14ปาย ตี นา อาต นี ฮาว, ปี บอ แฮะ ปึอน อึม กืน, อึณ ยี ตู มึห เฮ คอ อู โมยว อี จา หลึอม อัน ตี. เฆ บอกาเฆลียด โลว ยัม ปี ดูอี แฮะ ยัม โจห แคง มืง มารานัะ.”
15แฮะ ฮอต, เฌาพรา ปี วี ต็อห, “ซีแง ดอ โลง เฆ ดูอี อี ปี เฮ ตี แคง มืง มารานัะ, โอว แฮะ โบง แตห อึม อี กอย นา ครึม กาดาย กาปีด, แตห อี เฮา กอ กลึร กอ เหงา โกบ อัน ตี. โอว ดี แตห อึม แบลง ดอน แบลง ฮีด โตต. แคะ กอย แบลง, อาว ฮู มึห อี แหล โกบ แฮะ ยัม เฮ ตี. โอว ดี แตห อับ ว็อง ปลึก นอน เลบานูน, แตห เฮ บอกาเฆลียด แคง แปร กอ เฮียะ กาฮ็อห. 16โอว แฮะ แตห เฮ ตี โจห แคง มืง มารานัะ. ฆรัณ โจห อัน, อึณ แฮะ แตห อาโมยว ดูอี บอกาเฆลียด โยว ดียูห ดีเยณ. วาย อัน ตี แคะ กอย เฮ แคง กาปึม เฌาพรา บอ เฮ อี แฮะ หมึอม ซีคยา อี กอย แดง นอน เลบานูน บอ เฮ อี แฮะ ปึอน อึม เซเซ, เฆ บอกาเฆลียด แฮะ กอย ครึม กาดาย. เฆ แฮะ โคย โกบ แฮะ ชึม อัน. 17เฆ ดูอี อี ดึอม กอย ครึม ยาบ อัน, เฆ อาโมยว ดูอี อี แฮะ บึง อัน, เฆ มืร แฮะ โลง แคง มืง มารานัะ โดบ อัน. อึณ มูห ดูอี บอกาเฆลียด อี แฮะ ยัม ดี มาปัวะ ลาง.
18อาว มึห เฮ ปอ กาดัง อี ปึอน กาเฆา ดี แม. อาพูง ดังโคว แม แฮะ ตาง หลึอม ดอน โมยว. แม ยี วี โดบ เฮ อี กอย แคง กาปึม เฌาพรา อี จืร เอเดน, โจห แคง มืง มารานัะ. แม วี ชึม โดบ ดูอี อี ตู ซัวะ แวน ฮูน ลัะคานา อีมาย บอ โดบ ดูอี อี ยัม ดี มาปัวะ ลาง. เฮ ตี แฮะ ปี คูนดีคัม พาโรว บอ ดูอี แอฆึบ ปี อึบ อัน.” เฌาพรา อี อึบ โตต ดอน โมยว แฮะ กาลาง ปาย ตี.
Currently Selected:
อาเอเซเคน 31: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
