เลห 20
20
ลอง ดารา ฆึร ณ็อง
1วาย อัน ตี เฌาพรา บอ กาลาง ดี ดูอี. อัน ต็อห,
2“โอว มูห อัน เฌา อี มูห เฌาพรา ปี กรึบ เบ. โอว แฮะ ตึย เบ เลห แคง มืง แอฆึบ อี มูห โดง แฮะ แบน เบ หมาย ดูอี เฮา.
3แกวะ แตห เบ กรึบ เฌา แบน กาดัง แบน กาดัง. แตห เบ กรึบ มี โอว.
4แกวะ โบง อารึบ ต็อห, อึณ มูห เฌาพรา. บอ มูห อาโมยว อี กอย แคง ฆางหราว บอ อาโมยว อี กอย แดง กาดาย บอ อาโมยว อี กอย แคง อึม, เบ แกวะ ดึห โกรว เฆ ตี, แกวะ โบง อารึบ มาเซ, ต็อห ดี กรึบ. 5แกวะ กรึบ อารึบ โมยว เหมา. แกวะ โฆม ดี อาต อารึบ, ต็อห อึณ บอด. โอว มูห อัน เฌา, โอว แฮะ มูห เฌาพรา ปี กรึบ เบ. โอว ยี ตู คัม เบ กรึบ แบน โมยว แบน โมยว, ต็อห อึณ มูห เฌาพรา. อาเซ ยี ตู โดบ โอว, อาเซ ฌ็อง โอว, โอว ดี แตห อึณ แบน หมาบ ดี อัน, แตห บอ หลูกหลาน อัน โลว คัม หมาบ ตี, แตห อึณ กอ โนะ โอย โจว, พวน โจว. 6อาเซ ยี ร็อก โอว, อาเซ โดบ ซีคยา บอ โบง ปี อึง โอว, โอว ดี ร็อก อัน เซเซ, บอ อัน บอ หลูกหลาน อัน, แตห กอ ฌัม อู แหรณ โจว.
7แกวะ กาลาง จืร โอว เซ อาว มึห ดีโคว. อาเซ ยี กาลาง ปาย ตี โอว เฌาพรา ดี แตห อึณ แบน หมาบ ดี อัน.
8เบ โลว โหลห ซีแง ดีเหลา. เบ โลว แตห อึณ แบน ซีแง บอด. 9อาดา เดา ซีแง เบ ปึอน โบง ฆาน แบน โมยว แบน โมยว. 10ดอ ฌัม ซีแง อึณบู, อึณ มูห ซีแง ดีเหลา. เบ โลว กรึบ เฌาพรา อี อึบ เบ. ซีแง ตี, แกวะ โบง ฆาน มาเซ. บอ มูห ฆอน เบ, บอ มูห หมาย อีบึณ บอ หมาย อีมาย เบ บอ ดูอี เฮา อี กอย รึม โดบ เบ, บอ มูห โดว ซัดดาวา เบ, เบ แกวะ แตห อาเซ โบง ฆาน ซีแง ตี. 11โคว, เดา ซีแง เฌาพรา โบง กาดาย บอ ฆางหราว. อัน บอ โบง ดอน โมยว อี กอย แดง กาดาย บอ แคง ฆางหราว บอ แคง อึม. ดอ ฌัม ซีแง อึณบู, เฌาพรา แฮะ ดีเหลา. โคว, เฌาพรา แฮะ วี ม็องการา แตห ซีแง ดีเหลา ตี, แตห อึณ วี แบน ซีแง บอด.
12เบ บอ โลว โรวเซ ฆูณ มา เบ. เซ เบ โบง ปาย ตี อาซาก เบ ดี บอ โต็ง, ปึอน กอย เหลณ แคง มืง ปี ดี ดัว อัน เฌา ดี เบ.
13แกวะ ง็อห ยัม ดูอี.
14อีมาย แกวะ ลูต อีบึณ อี. อีบึณ แกวะ มึห น็อห กืน.
15แกวะ ปรา โกรว อี.
16แกวะ กาโลว ดอ กาลาง เบ ซักเซ ลอง ดูอี เฮา.
17แกวะ แตห เบ มึห น็อห ซี ปึอน โกรวกราม อี เฮา. บอ มูห กาง อัน, อีบึณ อัน บอ หมาย อัน อี มูห อีมาย บอ อีบึณ, บอ มาโลว เฆ มามัก อัน, แคะ มูห โกรวกราม อี เฮา, แกวะ แตห แม มึห น็อห ซี ปึอน ฌึร ตี.”
ปาย ตี เฌาพรา แฮะ กาลาง ดารา อัน ดี เฆ ดูอี อีซาเรลัะ.
18ดอ โทม เฆ ดูอี ฮัม กานัม, ดอ ยึร เฆ ปลัะ อึณเปลต บอ ฮัม เวา, ดอ วี ยึร เฆ ดัก เงา ดี นอน ตึอน, เฆ บอ โยว กาเซา, แตห เฆ ดีเยณ ลอง อัน ตี. โคว, เฆ มืร กอย กาโต็ง, ตู ยัะ ฮาว กาตัด. 19เฆ ดูอี กืน วี ต็อห ดี อาโมวแซ, “แกวะ แตห เฌาพรา กาลาง ซืร ดี เย. เย โยว ดี ยัม โกบ ปึอน เย ดี โทม โฆรห เฌาพรา ตึอน. แตห แม กาลาง โฆรห ดี เฌาพรา. แฮะ ฮอต, เย ดี วี โทม โฆรห ปี วี ต็อห แม ดี เย.”
20อาโมวแซ วี ต็อห ดี ดูอี กืน ตึอน, “เบ แกวะ โยว. เฌาพรา แฮะ ตัห แตห อัน เทว น็อห เบ, แตห เบ บอ โยว เฌาพรา, แกวะ แตห เบ ยัะ โบง หมาบ.”
21วาย อัน ตี อาโมวแซ วี ฮาว ลึบ โดง กอย เฌาพรา แคง อึณอูะ ว็อง ตึอน. เฆ ดูอี กืน ยี กอย กาโต็ง. 22แฮะ ฮอต ปัน ตี เฌาพรา วี จัร อาโมวแซ กาลาง ดี เฆ ดูอี อีซาเรลัะ. อัน ต็อห, “เบ แฮะ ฮอต ยึร โฆรห ปี กาลาง โอว, โฆรห อี เลห ฆางหราว. 23แกวะ แตห เบ โบง อารึบ, ต็อห อึณ มูห เฌาพรา ปี โอว. อึณ บอ มูห รึอน, อึณ บอ มูห ครีว, แกวะ แตห เบ โบง อารึบ, แกวะ แตห เบ กรึบ.
24เบ ยี โลว ดึห กาดาย, โบง กาโช็ง หลู ดี โอว. แดง กาโช็ง ตี, เบ โลว หลู มามัก อาโล็ง บอ มาแป เฆ มาบู, โดะ ดี เงา, แตห เงา กาซึม มัง โดว. บอ มัง โดว เบ โลว หลู บอ โฮม ดอ กอย กาฌูะ เบ. เบ บอ ฮาว นา เหมา, ต็อห ดี โรวเซ โอว, ต็อห ดี หลู ดี โอว, โอว ดี บอ ตัห ฌัม ดี ตี. ดอน เฌณ ดอ หลู เบ ปาย ตี โอว ดี ม็องการา ดัว ดี เบ.
25เซ เบ ยี ต็อห ดี ดึห มาว, โบง กาโช็ง หลู ดี โอว, แกวะ ดึห มาว ปี ดึอม ดอย เบ. เซ เบ ตา อู โมยว อู โมยว, โบง แตห มาว กาลาต, มาว อาว ฮู บอด. 26แฮะ ฮอต, เซ เบ โบง กาโช็ง หลู ดี โอว, แกวะ โบง อึณแตง อี ปึอน โฮะ นา แดง. อาว กาอาบ แตห อี ยึร ดูอี โฮะ นา แดง, โยว อึณ หมึอม ซาย.”
Currently Selected:
เลห 20: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
เลห 20
20
ลอง ดารา ฆึร ณ็อง
1วาย อัน ตี เฌาพรา บอ กาลาง ดี ดูอี. อัน ต็อห,
2“โอว มูห อัน เฌา อี มูห เฌาพรา ปี กรึบ เบ. โอว แฮะ ตึย เบ เลห แคง มืง แอฆึบ อี มูห โดง แฮะ แบน เบ หมาย ดูอี เฮา.
3แกวะ แตห เบ กรึบ เฌา แบน กาดัง แบน กาดัง. แตห เบ กรึบ มี โอว.
4แกวะ โบง อารึบ ต็อห, อึณ มูห เฌาพรา. บอ มูห อาโมยว อี กอย แคง ฆางหราว บอ อาโมยว อี กอย แดง กาดาย บอ อาโมยว อี กอย แคง อึม, เบ แกวะ ดึห โกรว เฆ ตี, แกวะ โบง อารึบ มาเซ, ต็อห ดี กรึบ. 5แกวะ กรึบ อารึบ โมยว เหมา. แกวะ โฆม ดี อาต อารึบ, ต็อห อึณ บอด. โอว มูห อัน เฌา, โอว แฮะ มูห เฌาพรา ปี กรึบ เบ. โอว ยี ตู คัม เบ กรึบ แบน โมยว แบน โมยว, ต็อห อึณ มูห เฌาพรา. อาเซ ยี ตู โดบ โอว, อาเซ ฌ็อง โอว, โอว ดี แตห อึณ แบน หมาบ ดี อัน, แตห บอ หลูกหลาน อัน โลว คัม หมาบ ตี, แตห อึณ กอ โนะ โอย โจว, พวน โจว. 6อาเซ ยี ร็อก โอว, อาเซ โดบ ซีคยา บอ โบง ปี อึง โอว, โอว ดี ร็อก อัน เซเซ, บอ อัน บอ หลูกหลาน อัน, แตห กอ ฌัม อู แหรณ โจว.
7แกวะ กาลาง จืร โอว เซ อาว มึห ดีโคว. อาเซ ยี กาลาง ปาย ตี โอว เฌาพรา ดี แตห อึณ แบน หมาบ ดี อัน.
8เบ โลว โหลห ซีแง ดีเหลา. เบ โลว แตห อึณ แบน ซีแง บอด. 9อาดา เดา ซีแง เบ ปึอน โบง ฆาน แบน โมยว แบน โมยว. 10ดอ ฌัม ซีแง อึณบู, อึณ มูห ซีแง ดีเหลา. เบ โลว กรึบ เฌาพรา อี อึบ เบ. ซีแง ตี, แกวะ โบง ฆาน มาเซ. บอ มูห ฆอน เบ, บอ มูห หมาย อีบึณ บอ หมาย อีมาย เบ บอ ดูอี เฮา อี กอย รึม โดบ เบ, บอ มูห โดว ซัดดาวา เบ, เบ แกวะ แตห อาเซ โบง ฆาน ซีแง ตี. 11โคว, เดา ซีแง เฌาพรา โบง กาดาย บอ ฆางหราว. อัน บอ โบง ดอน โมยว อี กอย แดง กาดาย บอ แคง ฆางหราว บอ แคง อึม. ดอ ฌัม ซีแง อึณบู, เฌาพรา แฮะ ดีเหลา. โคว, เฌาพรา แฮะ วี ม็องการา แตห ซีแง ดีเหลา ตี, แตห อึณ วี แบน ซีแง บอด.
12เบ บอ โลว โรวเซ ฆูณ มา เบ. เซ เบ โบง ปาย ตี อาซาก เบ ดี บอ โต็ง, ปึอน กอย เหลณ แคง มืง ปี ดี ดัว อัน เฌา ดี เบ.
13แกวะ ง็อห ยัม ดูอี.
14อีมาย แกวะ ลูต อีบึณ อี. อีบึณ แกวะ มึห น็อห กืน.
15แกวะ ปรา โกรว อี.
16แกวะ กาโลว ดอ กาลาง เบ ซักเซ ลอง ดูอี เฮา.
17แกวะ แตห เบ มึห น็อห ซี ปึอน โกรวกราม อี เฮา. บอ มูห กาง อัน, อีบึณ อัน บอ หมาย อัน อี มูห อีมาย บอ อีบึณ, บอ มาโลว เฆ มามัก อัน, แคะ มูห โกรวกราม อี เฮา, แกวะ แตห แม มึห น็อห ซี ปึอน ฌึร ตี.”
ปาย ตี เฌาพรา แฮะ กาลาง ดารา อัน ดี เฆ ดูอี อีซาเรลัะ.
18ดอ โทม เฆ ดูอี ฮัม กานัม, ดอ ยึร เฆ ปลัะ อึณเปลต บอ ฮัม เวา, ดอ วี ยึร เฆ ดัก เงา ดี นอน ตึอน, เฆ บอ โยว กาเซา, แตห เฆ ดีเยณ ลอง อัน ตี. โคว, เฆ มืร กอย กาโต็ง, ตู ยัะ ฮาว กาตัด. 19เฆ ดูอี กืน วี ต็อห ดี อาโมวแซ, “แกวะ แตห เฌาพรา กาลาง ซืร ดี เย. เย โยว ดี ยัม โกบ ปึอน เย ดี โทม โฆรห เฌาพรา ตึอน. แตห แม กาลาง โฆรห ดี เฌาพรา. แฮะ ฮอต, เย ดี วี โทม โฆรห ปี วี ต็อห แม ดี เย.”
20อาโมวแซ วี ต็อห ดี ดูอี กืน ตึอน, “เบ แกวะ โยว. เฌาพรา แฮะ ตัห แตห อัน เทว น็อห เบ, แตห เบ บอ โยว เฌาพรา, แกวะ แตห เบ ยัะ โบง หมาบ.”
21วาย อัน ตี อาโมวแซ วี ฮาว ลึบ โดง กอย เฌาพรา แคง อึณอูะ ว็อง ตึอน. เฆ ดูอี กืน ยี กอย กาโต็ง. 22แฮะ ฮอต ปัน ตี เฌาพรา วี จัร อาโมวแซ กาลาง ดี เฆ ดูอี อีซาเรลัะ. อัน ต็อห, “เบ แฮะ ฮอต ยึร โฆรห ปี กาลาง โอว, โฆรห อี เลห ฆางหราว. 23แกวะ แตห เบ โบง อารึบ, ต็อห อึณ มูห เฌาพรา ปี โอว. อึณ บอ มูห รึอน, อึณ บอ มูห ครีว, แกวะ แตห เบ โบง อารึบ, แกวะ แตห เบ กรึบ.
24เบ ยี โลว ดึห กาดาย, โบง กาโช็ง หลู ดี โอว. แดง กาโช็ง ตี, เบ โลว หลู มามัก อาโล็ง บอ มาแป เฆ มาบู, โดะ ดี เงา, แตห เงา กาซึม มัง โดว. บอ มัง โดว เบ โลว หลู บอ โฮม ดอ กอย กาฌูะ เบ. เบ บอ ฮาว นา เหมา, ต็อห ดี โรวเซ โอว, ต็อห ดี หลู ดี โอว, โอว ดี บอ ตัห ฌัม ดี ตี. ดอน เฌณ ดอ หลู เบ ปาย ตี โอว ดี ม็องการา ดัว ดี เบ.
25เซ เบ ยี ต็อห ดี ดึห มาว, โบง กาโช็ง หลู ดี โอว, แกวะ ดึห มาว ปี ดึอม ดอย เบ. เซ เบ ตา อู โมยว อู โมยว, โบง แตห มาว กาลาต, มาว อาว ฮู บอด. 26แฮะ ฮอต, เซ เบ โบง กาโช็ง หลู ดี โอว, แกวะ โบง อึณแตง อี ปึอน โฮะ นา แดง. อาว กาอาบ แตห อี ยึร ดูอี โฮะ นา แดง, โยว อึณ หมึอม ซาย.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.