3 ยฮ 1
1
คาน
1โอว อี มูห ดา ตาง, โอว แดม แปะ นี, ตึย ดี แม อาฆายู อี มูห ฆึก ปี ร็อก โอว คาคัร.
2อึย ฆึก ปี ร็อก โอว, โอว ซาคึร ดาง แม, แตห แม กอย ดาคึย โปลม คัะ. แตห โดว โบ็ง แม ดาคึย ปี น็อห แม แฮะ ดาคึย. 3น็อห โอว แฮะ ดาคึย กาเซา ดอ ยึร โอว เฆ บีนอง มัง อี, เฆ แฮะ ตัห กาลาง ลอง แฮะ หณึม ซีคยา แม อี มูห อี หมาน. เฆ กาลาง บอ ลอง โบง แม นา มูห นา หมาน. 4เซ โอว ยึร, ฆอน โอว แฮะ โบง นา มูห นา หมาน, อึณ แตห น็อห โอว ดาคึย กาเซา. อาว มึห มาเซ อี ดี แตห โอว ดาคึย หลึอม ตี.
5อึย ฆึก ปี ร็อก โอว, แม แฮะ จอย ซีคยา เฆ บีนอง บอ เฆ ปี ตู ดึอม นับ แม. แม แฮะ รวห ซีคยา เฆ. 6ดูอี เฆ ตี แฮะ กาลาง ปี ปาย แม ดี ร็อก เฆ. เฆ กาลาง แตห ดอน อี แคง พึง เฌา เยซู โทม. เซ แม บอ จอย เฆ แคะ กาอาบ จอย คราว อึณเตณ ดูอี อี โบง ฆาน เฌาพรา, บอ อาตี แฮะ มูห แฮะ หมึอม. 7โคว, ดูอี เฆ ตี, เฆ เลห ฮาว โดบ อึณเตณ โกบ หณึม เฆ เฌา เยซู. เฆ มืร ตู ดึห ตู โลว ปี จอย ดูอี อี ตู นับ เฌาพรา. 8ปาย ตี, เอ โลว จอย ดูอี ฌึร ตี, แตห เอ โบง รึม ฆาน อี กาลาง ดี อี ลอง นา มูห นา หมาน.
9โอว แฮะ แดม แปะ ตึย ดี เฆ ดูอี แคง พึง เฌา เยซู. มาแล, อึณ มูห อาตายอตายาบ, อัน ซี แบน ดา ตาง อี แยต อี เฮา. อัน ยี ตู ซี โพรม รึม โดบ เย. 10เซ โอว ฮี ตัห โดง กอย แม, โอว ดี กาลาง ลอง ปี โบง อัน. อัน แฮะ กาย็อง เย บอ กาลาง อี ตู หมึอม ลอง เย. อัน แฮะ โบง แคะ ตี, ยี หณัม เบระ ดี น็อห อัน. เฆ บีนอง มืร, อัน ตู รวห. แดง ตี, อัน ปี วี แคร บอ เฆ อี แฮะ มึห น็อห ซี รวห. อัน บอ โฮว เลห เฆ แคง พึง เฌา เยซู. 11อึย ฆึก ปี ร็อก โอว, แกวะ แตห แม ณึง โมยว อี ตู บอด อี ตู หมึอม. แตห แม ณึง โมยว อี บอด อี หมึอม. อาเซ โบง นา บอด นา หมึอม, อัน มูห ฆอน เฌาพรา. อาเซ ตู โบง นา บอด นา หมึอม, อัน ตู ดึอม นับ, ดึอม ยึร เฌาพรา.
12ดอน อี แฮะ กาลาง นา หมึอม ลอง อาเดเมด ตึอน. ปี โบง อัน นา มูห นา หมาน ดอน โมยว แฮะ บยัะ แคะ หมึอม อัน. บอ เย แฮะ กาลาง นา หมึอม ลอง อัน. แม มืร แฮะ นับ, ลอง ปี กาลาง เย ตี แฮะ หมาน.
13โอว ปี บอ แฮะ มึห กืน ปี ดี แดม ตึย ดี แม มืร, โอว ตู ซี ดึห อึม มึก แดม ดี เฌ. 14อาว เหลณ โอว ดี ตัห ฌัม โดง กอย แม. ปัน อัน ตี, อาย ดี ปึอน ดี ลาย กามวน ลาย ยึร.
15แตห แม ดาคึย ฆยามซา. เฆ ฆึก ดอน อี อี กอย โดบ โอว, เฆ นัมโหลห แม. แตห แม กาลาง ดี ฆึก อี กอย รึม โดบ แม ลอง ปี นัมโหลห โอว บอ ดี เฆ ดอน อี.
Currently Selected:
3 ยฮ 1: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.