2 ทม 1
1
1-2โอว อาปอลู แดม แปะ นี ดี แม อาทีโมวเท. แม แฮะ ปี ฆอน ปี ร็อก โอว. เฌาพรา แฮะ อึง ดี แตห โอว แบน ดูอี ปี ร็อห ปี ตึย เฌา เยซู, แตห โอว ปึอน ดี กาลาง ดี อี เฮา ลอง อาซาก กามาย ปี ดัว เฌา เยซู ดี เฆ.
แตห เฌาพรา อี มูห ฆูณ เอ บอ เฌา เยซู อี มูห ดา กาณา อี อึบ เอ เฆฌู แม บอ กาเว แม, ดัว บอ น็อห เฆียด ดี แม. 3ดอ กรึบ โอว ดี เฌาพรา, โอว ตู มึห น็อห อี พยาก โดว บรีม โอว. ปาย ตี โอว ซาคึร ปี ดึอม ซาคึร เฆ ดา ดา โอว. ดอ ซาคึร โอว ดอน หมึร ดอน หณา, ดอน เฌณ โอว บอ ดาง ฆูง เฆฌู ดี เฌาพรา บอ โหลห แม. 4เซ โอว โหลห ดอ แฮะ ยาม แม, อึณ แตห โอว ดีเกน แม. อึณ แตห โอว ซี ยึร กาเซา แม, แตห อึณ แบน น็อห ดาคึย ดี โอว. 5โอว บอ โหลห ปี หณึม ซีคยา แม. อึณ ปี ปี หณึม ยา แม อี จืร ยา ลออี. อึณ ปี บอ ปี หณึม มา แม อี จืร อูนีก อี แฮะ หณึม ดี อาต. ดอ ตี นี, โอว แฮะ นับ ซีคยา, ปี หณึม ฆาย ตี แฮะ วี ลึบ กอย บอ แคง น็อห แม. 6โคว อัน ตี โอว จัร แม, แตห แม โบง โดบ นังฆัน ปี เฆฌู เฌาพรา ดี แม, แปะ แฮะ อาบ อัน ดี แม ดอ แฮะ ซาคึร โอว บอ ดาง แด แดง ฆีณ แม ตึอน. 7โคว, เฌาพรา ตู แตห เอ มึห น็อห พึอม อี นับ ดี โยว. อัน แฮะ ดัว น็อห พึอม อี มึห ปวน, อี นับ ดี ร็อก, บอ น็อห พึอม อี แป ดี อึบ โดว บรีม เอ.
8โคว อัน ตี แกวะ ซาย ดี กาลาง ดี อี เฮา ลอง เฌาพรา. แกวะ ซาย บอ ลอง แฮะ โจห โอว แคง กาปึม โกบ โดบ โอว อัน เฌา. แตห แม ยี คัม ดูก ปี โอว แฮะ คัม ดูก โกบ กาลาง โอว ลอง อัน เฌา อี แตห น็อห ดูอี ดาคึย. แตห แม บอ บึง ปวน เฌาพรา อี แฮะ คยอด บอ แม บอ โอว. 9อัน เฌา แฮะ คยอด เอ, แตห เอ แบน ดูอี อี ซีงา บอด. อาว มูห อาฆยึร โกบ โบง เอ นา บอด. อัน เฌา แฮะ โบง โดบ ปี คราม อัน ดี โบง. อัน มืร แฮะ คยอด เอ โกบ มึห อัน น็อห ซี เฆฌู เอ. ปี เฆฌู อัน ตี เฌาพรา แฮะ ฮอต ดัว ดี เอ ซีณ อาต มึห กาดาย. ดอ อัน ตี อัน แฮะ ฮอต ซูงพยาด แตห เฌา เยซู คยอด เอ. 10มาแล, ปี เฆฌู เฌาพรา ตี, อึณ แฮะ วี ลึห ซีคยา ดอ ตัห คยอด เฌา เยซู ดี เอ. โคว, อัน แฮะ ปยาต แวน ปวน เฌา มารานัะ. อาซาก กามาย อี ตู แตห อี ยัม ดอ เหมา มืร, อึณ แฮะ วี ลึห ซีคยา โกบ โฆรห เฌาพรา อี แตห น็อห ดูอี ดาคึย. 11โกบ โฆรห เฌาพรา อี แตห น็อห ดูอี ดาคึย ตี, อัน เฌา แฮะ แตห โอว แบน ดูอี อี กาลาง แตห ดอน อี นับ. อัน แตห โอว แบน ดูอี ปี ร็อห ปี ตึย เฌา เยซู, แบน ดา ซารา อี มาโนว อี เฮา. 12โคว อัน ตี โอว มืร กอ คัม ดูก ปาย นี. ปี บอ ปาย ตี มืร, โอว ตู ซาย. โอว แฮะ นับ ซีคยา วี ปี หณึม โอว. โอว บอ นับ ซีคยา, แปะ แฮะ อาบ โอว ดี อัน เฌา, อัน ดี บัร ซีคยา, แตห อึณ กอ ฌัม ซีแง ปัน ดี วี ตัห อัน.
13แตห แม วี มาโนว อี แคะ ปี มาโนว โอว นี ดี แม. เซ แม มาโนว ฮาว ปาย ตี, แตห แม มึห น็อห หณึม บอ น็อห อี ร็อก เฌา เยซู. 14แตห แม ยอด แมน ซีคยา โฆรห เฌาพรา แปะ แฮะ อาบ ดัว อัน ดี แม. น็อห พึอม เฌาพรา อี กอย แคง น็อห แม, อัน ดี จอย แม.
15แม ยี แฮะ นับ, เฆ ดูอี อี หณึม เฌา เยซู อี กอย แคง อืง อาซียา, เฆ ดอน อี แฮะ เตา โอว. แคง พึง เฆ ตี, อึณ บอ บาะ บอ อาพูเฆลู บอ อาเฮรามอเกน.
16แตห เฌาพรา กาเว อึณโฮม อาออเนซีโบว. โคว, อัน แฮะ แตห แฮณ ดี น็อห โอว เซเซ. โอว ปี บอ แฮะ โจห กาปึม มืร, อัน ตู ซาย อี โกบ โอว. 17แดง ตี, ดอ ฌัม อัน แคง มืง โรวมา, อัน บอ โฆยวฆยา ดี เหรต โอว, แตห อัน กอ กาตูณ โอว. 18เซ ฮี ฌัม ซีแง ดี ซูงพยาด เฌาพรา อามู อี, แตห เฌาพรา กาเว บอ อัน. แม มืร แฮะ นับ, แคะ แฮะ จอย อัน ดี โอว แคง มืง แอแพ ตึอน.
Currently Selected:
2 ทม 1: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
2 ทม 1
1
1-2โอว อาปอลู แดม แปะ นี ดี แม อาทีโมวเท. แม แฮะ ปี ฆอน ปี ร็อก โอว. เฌาพรา แฮะ อึง ดี แตห โอว แบน ดูอี ปี ร็อห ปี ตึย เฌา เยซู, แตห โอว ปึอน ดี กาลาง ดี อี เฮา ลอง อาซาก กามาย ปี ดัว เฌา เยซู ดี เฆ.
แตห เฌาพรา อี มูห ฆูณ เอ บอ เฌา เยซู อี มูห ดา กาณา อี อึบ เอ เฆฌู แม บอ กาเว แม, ดัว บอ น็อห เฆียด ดี แม. 3ดอ กรึบ โอว ดี เฌาพรา, โอว ตู มึห น็อห อี พยาก โดว บรีม โอว. ปาย ตี โอว ซาคึร ปี ดึอม ซาคึร เฆ ดา ดา โอว. ดอ ซาคึร โอว ดอน หมึร ดอน หณา, ดอน เฌณ โอว บอ ดาง ฆูง เฆฌู ดี เฌาพรา บอ โหลห แม. 4เซ โอว โหลห ดอ แฮะ ยาม แม, อึณ แตห โอว ดีเกน แม. อึณ แตห โอว ซี ยึร กาเซา แม, แตห อึณ แบน น็อห ดาคึย ดี โอว. 5โอว บอ โหลห ปี หณึม ซีคยา แม. อึณ ปี ปี หณึม ยา แม อี จืร ยา ลออี. อึณ ปี บอ ปี หณึม มา แม อี จืร อูนีก อี แฮะ หณึม ดี อาต. ดอ ตี นี, โอว แฮะ นับ ซีคยา, ปี หณึม ฆาย ตี แฮะ วี ลึบ กอย บอ แคง น็อห แม. 6โคว อัน ตี โอว จัร แม, แตห แม โบง โดบ นังฆัน ปี เฆฌู เฌาพรา ดี แม, แปะ แฮะ อาบ อัน ดี แม ดอ แฮะ ซาคึร โอว บอ ดาง แด แดง ฆีณ แม ตึอน. 7โคว, เฌาพรา ตู แตห เอ มึห น็อห พึอม อี นับ ดี โยว. อัน แฮะ ดัว น็อห พึอม อี มึห ปวน, อี นับ ดี ร็อก, บอ น็อห พึอม อี แป ดี อึบ โดว บรีม เอ.
8โคว อัน ตี แกวะ ซาย ดี กาลาง ดี อี เฮา ลอง เฌาพรา. แกวะ ซาย บอ ลอง แฮะ โจห โอว แคง กาปึม โกบ โดบ โอว อัน เฌา. แตห แม ยี คัม ดูก ปี โอว แฮะ คัม ดูก โกบ กาลาง โอว ลอง อัน เฌา อี แตห น็อห ดูอี ดาคึย. แตห แม บอ บึง ปวน เฌาพรา อี แฮะ คยอด บอ แม บอ โอว. 9อัน เฌา แฮะ คยอด เอ, แตห เอ แบน ดูอี อี ซีงา บอด. อาว มูห อาฆยึร โกบ โบง เอ นา บอด. อัน เฌา แฮะ โบง โดบ ปี คราม อัน ดี โบง. อัน มืร แฮะ คยอด เอ โกบ มึห อัน น็อห ซี เฆฌู เอ. ปี เฆฌู อัน ตี เฌาพรา แฮะ ฮอต ดัว ดี เอ ซีณ อาต มึห กาดาย. ดอ อัน ตี อัน แฮะ ฮอต ซูงพยาด แตห เฌา เยซู คยอด เอ. 10มาแล, ปี เฆฌู เฌาพรา ตี, อึณ แฮะ วี ลึห ซีคยา ดอ ตัห คยอด เฌา เยซู ดี เอ. โคว, อัน แฮะ ปยาต แวน ปวน เฌา มารานัะ. อาซาก กามาย อี ตู แตห อี ยัม ดอ เหมา มืร, อึณ แฮะ วี ลึห ซีคยา โกบ โฆรห เฌาพรา อี แตห น็อห ดูอี ดาคึย. 11โกบ โฆรห เฌาพรา อี แตห น็อห ดูอี ดาคึย ตี, อัน เฌา แฮะ แตห โอว แบน ดูอี อี กาลาง แตห ดอน อี นับ. อัน แตห โอว แบน ดูอี ปี ร็อห ปี ตึย เฌา เยซู, แบน ดา ซารา อี มาโนว อี เฮา. 12โคว อัน ตี โอว มืร กอ คัม ดูก ปาย นี. ปี บอ ปาย ตี มืร, โอว ตู ซาย. โอว แฮะ นับ ซีคยา วี ปี หณึม โอว. โอว บอ นับ ซีคยา, แปะ แฮะ อาบ โอว ดี อัน เฌา, อัน ดี บัร ซีคยา, แตห อึณ กอ ฌัม ซีแง ปัน ดี วี ตัห อัน.
13แตห แม วี มาโนว อี แคะ ปี มาโนว โอว นี ดี แม. เซ แม มาโนว ฮาว ปาย ตี, แตห แม มึห น็อห หณึม บอ น็อห อี ร็อก เฌา เยซู. 14แตห แม ยอด แมน ซีคยา โฆรห เฌาพรา แปะ แฮะ อาบ ดัว อัน ดี แม. น็อห พึอม เฌาพรา อี กอย แคง น็อห แม, อัน ดี จอย แม.
15แม ยี แฮะ นับ, เฆ ดูอี อี หณึม เฌา เยซู อี กอย แคง อืง อาซียา, เฆ ดอน อี แฮะ เตา โอว. แคง พึง เฆ ตี, อึณ บอ บาะ บอ อาพูเฆลู บอ อาเฮรามอเกน.
16แตห เฌาพรา กาเว อึณโฮม อาออเนซีโบว. โคว, อัน แฮะ แตห แฮณ ดี น็อห โอว เซเซ. โอว ปี บอ แฮะ โจห กาปึม มืร, อัน ตู ซาย อี โกบ โอว. 17แดง ตี, ดอ ฌัม อัน แคง มืง โรวมา, อัน บอ โฆยวฆยา ดี เหรต โอว, แตห อัน กอ กาตูณ โอว. 18เซ ฮี ฌัม ซีแง ดี ซูงพยาด เฌาพรา อามู อี, แตห เฌาพรา กาเว บอ อัน. แม มืร แฮะ นับ, แคะ แฮะ จอย อัน ดี โอว แคง มืง แอแพ ตึอน.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.