2 คูนดีคัม 12
12
ลอง ฆาน แปะ แฮะ โบง อาโยวอาด
1อาเยฮู ตึอน แฮะ อึบ บึง มืง อีซาเรลัะ อาดา บู ซีนัม, อาโยวอาด วี อึบ บึง มืง ยูดา กอย แคง มืง เยรูซาแลม อาดา พวน ฆึร ซีนัม. มา อัน จืร นาง ซีบียา อี ตัห มืง บีราเซบา. 2อาโยวอาด ตึอน โบง นา บอด นา หมึอม ปี อึง เฌาพรา. อัน กอย รึม โดบ ดา อี หลู ดี เฌาพรา อี จืร อาเยฮอยาดา ตึอน. อาเยฮอยาดา บอ มาโนว อัน. 3มาแล, อัน ยี ตู ดึห แวน โดง จา อี มูห โดง หลู เฆ ดี เฌา ปี อี เฮา. เฆ ดูอี ซี หลู ปี หลู เฆ อี โดะ ดี เงา บอ ปี หลู เฆ อี อูห หงูน ดี ตี.
4อาโยวอาด บอ ต็อห ดี เฆ ดูอี อี หลู ดี เฌาพรา, “อี มูห รึอน ปี ตัห อูน เฆ แคง โฮว เฌาพรา, อึณ บอ มูห รึอน จึง ปี โลว ฮับ ดอน อี บอ รึอน ปี กาแซณ อี ดี ดัว ดี เฌาพรา บอ รึอน ปี หลู เฆ อี มึห น็อห ซี หลู, แตห เบ ดึห โตต รึอน ตี. 5แตห เบ ดัว รึอน ตี ดี เฆ ดา อี อึบ รึอน, แตห เฆ วี กาซาง ดี ดูอี อี หลู ดี เฌาพรา ดอน อี, แตห เฆ อึณปราย โฮว เฌาพรา. ดี เหมา แฮะ ลึร, ดี เหมา อี แฮะ กาปยาต, ดี เหมา อี โลว อึณปราย, แตห เฆ อึณปราย โตต ดอน โมยว.”
6อาโยวอาด แฮะ ฮอต อึบ มืง อาดา อา ฆึร ดี โอย ซีนัม, เฆ ดูอี อี หลู ดี เฌาพรา ยี หณัม โบง, หณัม อึณปราย โฮว เฌาพรา อี แฮะ ลึร แฮะ กาปยาต ตึอน.
7ปัน ตี คูนดีคัม บอ แดะ อาเยฮอยาดา บอ เฆ ดา อี หลู ดี เฌาพรา ต็อห ดี เฆ, “โกบ อึณ ปาย เหมา เบ ตู อึณปราย โฮว เฌาพรา อี แฮะ ลึร, แฮะ กาปยาต? วาย นี, อาว ฮู โลว ดึห รึอน ดี เฆ อี อึบ รึอน. โลว อาบ ดัว ดี เฆ ดาลาก, แตห เฆ อึณปราย โฮว เฌาพรา.” 8ปัน ตี เฆ ดูอี อี หลู ดี เฌาพรา, เฆ บอ ลาย โพรม, อาว ฮู แฆบ รึอน ดี ดูอี กืน. เฆ มืร อาว ฮู โลว อึณปราย โฮว เฌาพรา ราง เฆ.
9ดา อี หลู ดี เฌาพรา อี จืร อาเยฮอยาดา, อัน บอ ดึห ฌีดืก อู โบ็ง, วี บลูห แตห อึณ มึห กาเดา ดี ซีบลึก อัน, วี เบลห โคบ กาโช็ง หลู, วี เบลห บลาก อาอัห อึณเตณ อี ฮาว ลึบ ดี โฮว เฌาพรา ตึอน. เฆ ดูอี อี หลู ดี เฌาพรา วี ดึห โตต รึอน ปี อูน เฆ แคง โฮว เฌาพรา, วี ฮับ อูน ดี ตี. 10เฆ บอ ยึร รึอน แคง ฌีดืก ตึอน แฮะ กืน กาเซา, ดา จาเร คูนดีคัม บอ ดา ตาง หลู ดี เฌาพรา ฆาย บอ ตัห ดึห รึอน แปะ แฮะ กาฌูะ อูน ดูอี แคง โฮว เฌาพรา ตี. ฆาย แฮะ ฮอต วี ตีห, ฆาย วี อูน แคง ฮู. 11ฆาย แฮะ ฮอต นับ แคะ มึห รึอน ตี, ฆาย วี อาบ ดัว ดี เฆ ดา ตาง อี อึบ ดูอี โบง ฆาน. เฆ วี ดัว รึอน ตี ดี เฆ อี แบน ลักซามา, อี อึณปราย โฮว เฌาพรา. 12เฆ บอ ดัว รึอน ดี เฆ อี โฆว มาว อี โบลห มาว. เฆ ดา ตาง ตึอน บอ จึห เฮ บอ มาว อี แฮะ ฮอต ด็อห บอ จึห ปี ดี โลว เฆ ดอน โมยว แตห เฆ ปึอน ดี อึณปราย โฮว เฌาพรา ตึอน.
13เฆ ยี ตู ดึห รึอน ปี ตัห หลู อี แคง โฮว เฌาพรา ตึอน, โบง อี มูห ก็อก รึอน, อึณเกียบ, ซีลัยะ, เวา เฆ ครึง ครีว, ครึง รึอน ปี ตา เฆ แคง โฮว เฌาพรา. 14รึอน ตี, เฆ ดัว มี ดี เฆ อี โบง ฆาน แคง โฮว เฌาพรา. 15เฆ มืร ตู หมาณ ดี ยอด ฌาราง ดี เฆ อี ดัว รึอน ดี ดูอี อี โบง ฆาน. โคว, เฆ อี ดัว รึอน เฆ โบง ซีคยา. น็อห เฆ มืร ซืร. 16รึอน ปี ดัว เฆ อี ดึอม โบง มืก โบง หมาบ, เฆ ตู แตห อึณ ตัห ลึบ แคง โฮว เฌาพรา ตี. อึณ วี แบน รึอน ปี ตา เฆ ดา อี หลู ดี เฌาพรา.
17ดอ โบง เฆ ฆาน ตี อึณ วี มูห อาฮาเจลัะ อี อึบ มืง อาราม, อัน วี แตห ดา ซึก อัน ฮาว กาโฆห ดี เฆ อี กอย แคง มืง ฆาทัะ. อัน บอ ปึอน มืง ตี, อัน ปี วี ต็อห ดี ฮาว กาโฆห บอ ดี มืง เยรูซาแลม.
18อาโยวอาด อี มูห คูนดีคัม แคง มืง ยูดา, อัน บอ ดึห โตต ดอน โมยว ครึง ตา อี บอด อี ซีคยา, ดัว ดี คูนดีคัม อาฮาเจลัะ. อี มูห โกรว ปี ดึอม หลู ดา อัน อี จืร อายอซาพาด, อาเยโฮวรัม บอ อาฮาฌียา, เฆ อี ดึอม มูห คูนดีคัม อี อึบ มืง ยูดา, บอ มูห ครีว อี กอย แคง โฮว เฌาพรา, บอ มูห โกรว ดอน โมยว ปี ดึอม หลู อัน, อัน วี ดึห โตต ดอน โมยว, วี ตึย ฮาว ดี อาฮาเจลัะ อี มูห คูนดีคัม อี อึบ มืง อาราม ตึอน. วาย อัน ตี อาฮาเจลัะ บอ วี เลห ดี มืง เยรูซาแลม.
19ลอง แปะ แฮะ โบง อาโยวอาด ดอน โมยว แฮะ แดม อูน แคง บับ คูนดีคัม ยูดา. 20อึณ ยี มึห อามาด อัน, เฆ บอ วี คราม ดี บลัวะ แวน อัน. เฆ บอ ง็อห ยัม อัน ดี แรง มืง อาดาวีด โคบ อึณเตณ อี โลง ดี โดง จืร ซีลัะ ตึอน. 21อึณ มูห อายอจาบาด อี มูห ฆอน อาซีมาด บอ อาเยโฮวฌาบาด อี มูห ฆอน อาโซวเมรา, ฆาย มูห อามู อามาด อาโยวอาด ตึอน. ฆาย แฮะ ง็อห ยัม อัน. เฆ บอ ฮาว ดีบ อัน โดบ ดา ดา อัน แคง มืง อาดาวีด ตึอน. ฆอน อีมาย อัน อี จืร อามาฌียา บอ วี แบน คูนดีคัม อี ปลูะ อัน.
Currently Selected:
2 คูนดีคัม 12: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
2 คูนดีคัม 12
12
ลอง ฆาน แปะ แฮะ โบง อาโยวอาด
1อาเยฮู ตึอน แฮะ อึบ บึง มืง อีซาเรลัะ อาดา บู ซีนัม, อาโยวอาด วี อึบ บึง มืง ยูดา กอย แคง มืง เยรูซาแลม อาดา พวน ฆึร ซีนัม. มา อัน จืร นาง ซีบียา อี ตัห มืง บีราเซบา. 2อาโยวอาด ตึอน โบง นา บอด นา หมึอม ปี อึง เฌาพรา. อัน กอย รึม โดบ ดา อี หลู ดี เฌาพรา อี จืร อาเยฮอยาดา ตึอน. อาเยฮอยาดา บอ มาโนว อัน. 3มาแล, อัน ยี ตู ดึห แวน โดง จา อี มูห โดง หลู เฆ ดี เฌา ปี อี เฮา. เฆ ดูอี ซี หลู ปี หลู เฆ อี โดะ ดี เงา บอ ปี หลู เฆ อี อูห หงูน ดี ตี.
4อาโยวอาด บอ ต็อห ดี เฆ ดูอี อี หลู ดี เฌาพรา, “อี มูห รึอน ปี ตัห อูน เฆ แคง โฮว เฌาพรา, อึณ บอ มูห รึอน จึง ปี โลว ฮับ ดอน อี บอ รึอน ปี กาแซณ อี ดี ดัว ดี เฌาพรา บอ รึอน ปี หลู เฆ อี มึห น็อห ซี หลู, แตห เบ ดึห โตต รึอน ตี. 5แตห เบ ดัว รึอน ตี ดี เฆ ดา อี อึบ รึอน, แตห เฆ วี กาซาง ดี ดูอี อี หลู ดี เฌาพรา ดอน อี, แตห เฆ อึณปราย โฮว เฌาพรา. ดี เหมา แฮะ ลึร, ดี เหมา อี แฮะ กาปยาต, ดี เหมา อี โลว อึณปราย, แตห เฆ อึณปราย โตต ดอน โมยว.”
6อาโยวอาด แฮะ ฮอต อึบ มืง อาดา อา ฆึร ดี โอย ซีนัม, เฆ ดูอี อี หลู ดี เฌาพรา ยี หณัม โบง, หณัม อึณปราย โฮว เฌาพรา อี แฮะ ลึร แฮะ กาปยาต ตึอน.
7ปัน ตี คูนดีคัม บอ แดะ อาเยฮอยาดา บอ เฆ ดา อี หลู ดี เฌาพรา ต็อห ดี เฆ, “โกบ อึณ ปาย เหมา เบ ตู อึณปราย โฮว เฌาพรา อี แฮะ ลึร, แฮะ กาปยาต? วาย นี, อาว ฮู โลว ดึห รึอน ดี เฆ อี อึบ รึอน. โลว อาบ ดัว ดี เฆ ดาลาก, แตห เฆ อึณปราย โฮว เฌาพรา.” 8ปัน ตี เฆ ดูอี อี หลู ดี เฌาพรา, เฆ บอ ลาย โพรม, อาว ฮู แฆบ รึอน ดี ดูอี กืน. เฆ มืร อาว ฮู โลว อึณปราย โฮว เฌาพรา ราง เฆ.
9ดา อี หลู ดี เฌาพรา อี จืร อาเยฮอยาดา, อัน บอ ดึห ฌีดืก อู โบ็ง, วี บลูห แตห อึณ มึห กาเดา ดี ซีบลึก อัน, วี เบลห โคบ กาโช็ง หลู, วี เบลห บลาก อาอัห อึณเตณ อี ฮาว ลึบ ดี โฮว เฌาพรา ตึอน. เฆ ดูอี อี หลู ดี เฌาพรา วี ดึห โตต รึอน ปี อูน เฆ แคง โฮว เฌาพรา, วี ฮับ อูน ดี ตี. 10เฆ บอ ยึร รึอน แคง ฌีดืก ตึอน แฮะ กืน กาเซา, ดา จาเร คูนดีคัม บอ ดา ตาง หลู ดี เฌาพรา ฆาย บอ ตัห ดึห รึอน แปะ แฮะ กาฌูะ อูน ดูอี แคง โฮว เฌาพรา ตี. ฆาย แฮะ ฮอต วี ตีห, ฆาย วี อูน แคง ฮู. 11ฆาย แฮะ ฮอต นับ แคะ มึห รึอน ตี, ฆาย วี อาบ ดัว ดี เฆ ดา ตาง อี อึบ ดูอี โบง ฆาน. เฆ วี ดัว รึอน ตี ดี เฆ อี แบน ลักซามา, อี อึณปราย โฮว เฌาพรา. 12เฆ บอ ดัว รึอน ดี เฆ อี โฆว มาว อี โบลห มาว. เฆ ดา ตาง ตึอน บอ จึห เฮ บอ มาว อี แฮะ ฮอต ด็อห บอ จึห ปี ดี โลว เฆ ดอน โมยว แตห เฆ ปึอน ดี อึณปราย โฮว เฌาพรา ตึอน.
13เฆ ยี ตู ดึห รึอน ปี ตัห หลู อี แคง โฮว เฌาพรา ตึอน, โบง อี มูห ก็อก รึอน, อึณเกียบ, ซีลัยะ, เวา เฆ ครึง ครีว, ครึง รึอน ปี ตา เฆ แคง โฮว เฌาพรา. 14รึอน ตี, เฆ ดัว มี ดี เฆ อี โบง ฆาน แคง โฮว เฌาพรา. 15เฆ มืร ตู หมาณ ดี ยอด ฌาราง ดี เฆ อี ดัว รึอน ดี ดูอี อี โบง ฆาน. โคว, เฆ อี ดัว รึอน เฆ โบง ซีคยา. น็อห เฆ มืร ซืร. 16รึอน ปี ดัว เฆ อี ดึอม โบง มืก โบง หมาบ, เฆ ตู แตห อึณ ตัห ลึบ แคง โฮว เฌาพรา ตี. อึณ วี แบน รึอน ปี ตา เฆ ดา อี หลู ดี เฌาพรา.
17ดอ โบง เฆ ฆาน ตี อึณ วี มูห อาฮาเจลัะ อี อึบ มืง อาราม, อัน วี แตห ดา ซึก อัน ฮาว กาโฆห ดี เฆ อี กอย แคง มืง ฆาทัะ. อัน บอ ปึอน มืง ตี, อัน ปี วี ต็อห ดี ฮาว กาโฆห บอ ดี มืง เยรูซาแลม.
18อาโยวอาด อี มูห คูนดีคัม แคง มืง ยูดา, อัน บอ ดึห โตต ดอน โมยว ครึง ตา อี บอด อี ซีคยา, ดัว ดี คูนดีคัม อาฮาเจลัะ. อี มูห โกรว ปี ดึอม หลู ดา อัน อี จืร อายอซาพาด, อาเยโฮวรัม บอ อาฮาฌียา, เฆ อี ดึอม มูห คูนดีคัม อี อึบ มืง ยูดา, บอ มูห ครีว อี กอย แคง โฮว เฌาพรา, บอ มูห โกรว ดอน โมยว ปี ดึอม หลู อัน, อัน วี ดึห โตต ดอน โมยว, วี ตึย ฮาว ดี อาฮาเจลัะ อี มูห คูนดีคัม อี อึบ มืง อาราม ตึอน. วาย อัน ตี อาฮาเจลัะ บอ วี เลห ดี มืง เยรูซาแลม.
19ลอง แปะ แฮะ โบง อาโยวอาด ดอน โมยว แฮะ แดม อูน แคง บับ คูนดีคัม ยูดา. 20อึณ ยี มึห อามาด อัน, เฆ บอ วี คราม ดี บลัวะ แวน อัน. เฆ บอ ง็อห ยัม อัน ดี แรง มืง อาดาวีด โคบ อึณเตณ อี โลง ดี โดง จืร ซีลัะ ตึอน. 21อึณ มูห อายอจาบาด อี มูห ฆอน อาซีมาด บอ อาเยโฮวฌาบาด อี มูห ฆอน อาโซวเมรา, ฆาย มูห อามู อามาด อาโยวอาด ตึอน. ฆาย แฮะ ง็อห ยัม อัน. เฆ บอ ฮาว ดีบ อัน โดบ ดา ดา อัน แคง มืง อาดาวีด ตึอน. ฆอน อีมาย อัน อี จืร อามาฌียา บอ วี แบน คูนดีคัม อี ปลูะ อัน.
© 2021, Wycliffe Bible Translator, Inc. All rights reserved.