2 คร 13
13
1แฮะ มูห โอย เฌณ คา นี, โอว ดี ตัห จัร เบ. แคง บับ เฌาพรา แฮะ แดม ต็อห, “เซ เอ ดี พยาก อี เฮา, อึณ โลว มึห อา โอย วี อี แบน ซักเซ, อี กาลาง อู โมยว ลอง หมาบ อัน.” 2ดอ ตัห โอว โดง กอย เบ อาต นี, โอว แฮะ ฮอต ดัม ซาดีก ดี เบ. ดอ ตี นี, ดอ ซี กอย โต็ง โอว ดี เบ, โอว ดี วี กาลาง ปอ อู เฌณ, เซ โอว ฮี ตัห ฌัม โดง กอย เบ คา นี, บอ เฆ อี แฮะ โบง หมาบ อาต นี, บอ เฆ อี แฮะ ลูต ดอน อี, อาว มึห อาเซ อี ลอด คัม หมาบ อัน. 3โอว ดี โบง ปาย ตี โกบ ตู หณึม เบ โอว มึห ปวน เฌา เยซู. อัน เฌา ตู ดีหลัห, อัน ดี โบง ดี เบ แตห เบ นับ แคะ ตาง ปวน อัน. 4เฌา เยซู ปี บอ แฮะ ดีหลัห แฮะ คัม ดี ยัม แดง ร็อง กาแวะ มืร, อัน แฮะ วี ยีต วี อีม โกบ ปวน เฌาพรา. เย มืร แฮะ ดีหลัห ปี เฌา เยซู ตี. มาแล, ดอ ตี นี, เฌาพรา แฮะ แตห ปวน อัน ดี เย, แตห เย ปึอน ดี กอย รึม โดบ เฌา เยซู, แตห เย ปึอน ดี จอย เบ.
5แตห เบ วี เฌณฌา ลอง อาซาก เบ, แตห เบ วี แฌด ดี ยอด น็อห เบ, โยว เบ แฮะ หณึม ซีคยา. เบ แฮะ นับ, เฌา เยซู แฮะ ฮอต กอย แคง น็อห เบ. เซ เบ ตู นับ ลอง อัน ปาย ตี, เบ ตู หณึม ซีคยา. 6เย ยี ทาง เบ แฮะ นับ ลอง เย, เย แฮะ หณึม ซีคยา. 7เย บอ ซาคึร ดี เฌาพรา, แกวะ แตห เบ โบง กาลึบ. เย ตู ซาคึร, แตห อึณ ลึห ดี อี ลอง แฮะ หณึม ซีคยา เย. ซาเร เย ปี บอ แฮะ ลึร มืร, เย ซี แตห เบ โบง มี นา มูห นา หมาน. 8โคว, เอ ตู ปึอน โบง มาเซ แตห อึณ กาบัห ดี นา หมาน. เอ โลว โบง โดบ มี นา หมาน เซเซ. 9ดอน เฌณ ดอน เฌณ, ดอ ดีหลัห อึณจัม เย, เย แฮะ ดาคึย กาเซา เซ เบ แฮะ วี มึห โปลม มึห แฮณ. โกบ อึณ ปาย ตี, เย ซาคึร แตห ปี โบง เบ เฌะฌูง ดอน โมยว. 10โคว, ดอ ซี กอย โต็ง โอว ดี เบ, โอว แดม แปะ ปาย นี. ปัน ดี วี ตัห ฌัม โอว โดง กอย เบ, แกวะ แตห โอว โลว ดึห ปวน เฌาพรา โบง กาเซา ดี เบ. เฌาพรา ตู ดัว ปวน อัน ดี โอว, แตห อึณ ปยาต เบ. อัน แตห โอว ดึห ปวน อัน แตห อึณ จอย เบ.
11อึย เบ บีนอง, แคะ นี โฆรห ปี ดี แดม โอว ดี เบ. แตห เบ โฆยวฆยา ดี โบง, แตห อึณ เฌะฌูง ดอน โมยว. แตห เบ โทม โฆรห ปี กาลาง โอว นี. แตห เบ ลาย โพรม รึม บอ ลาย กาล็อะ, แตห อึณ ดาคึย. เซ เบ โบง ปาย ตี, เฌาพรา อี ร็อก เบ, อัน ดี แตห เบ มึห น็อห เฆียด. อัน ดี กอย รึม โดบ เบ.
12แตห เบ ลาย รวห ลาย อูห, ปี บีนอง อี แฮะ ลาย ร็อก. 13แคะ กอย เฆ ดูอี อี ซีงา บอด, เฆ บอ นัมโหลห เบ.
14เย บอ ซาคึร แตห เฌา เยซู เฆฌู เบ, แตห เฌาพรา ร็อก เบ เซเซ, แตห บอ น็อห พึอม เฌาพรา กอย ดี เบ เซเซ.
Currently Selected:
2 คร 13: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
