1 ทล 2
2
1เบ บีนอง อี หณึม เฌา เยซู ปี โอว, เบ บอ นับ, ดอ ตัห เย คา อาต เย ตู ตัห ปีเยณ. อึณ แฮะ มึห ดีโคว. 2อาต ตัห ฌัม เย โดง กอย เบ, เฆ ดูอี อี กอย แคง มืง พีลีพี, เฆ แฮะ โบง นา จาว ดี เย, แตห เย คัม ดูก ดอน โมยว. เฌาพรา ยี จอย เย, แกวะ แตห เย โยว เฆ ดูอี กืน อี ตู อึง เย. อัน แตห เย ยัะ กาลาง โฆรห เฌาพรา ดี เบ. อึณ มูห โฆรห อี แตห น็อห เบ ดาคึย. 3แคะ ปี มาโนว เย ดี เบ, แคะ ปี ต็อห เย แตห เบ หณึม, อึณ มูห โฆรห หมาน ตู กาโลว. เย บอ มึห น็อห ซืร ดี กาลาง ดี เบ. เย มืร ตู มึห น็อห ซี ปีหล็อก เย แดง เบ. 4โฆรห ปี กาลาง เย ดี เบ, อึณ ปาย นี. เฌาพรา แฮะ อาบ โฆรห อัน ดี เย. อึณ มูห โฆรห อี แตห น็อห ดูอี ดาคึย. เย วี โลว กาลาง โฆรห ตี ดี อี เฮา. โคว, เย ตู กาลาง มาเซ, แตห อึณ ล็อะ น็อห ดูอี. เย กาลาง โฆรห, แตห อึณ ล็อะ น็อห เฌาพรา. อึณ มูห เฌาพรา อี ยอด น็อห เย, โยว อึณ แฮะ หมาน ตู หมาน. 5เบ มืร นับ ซีคยา, ดอ กอย เย โดบ เบ, เย ตู กาลาง โฆรห งาม, แตห เบ อึง. เย มืร ตู มาโนว เบ โกบ ซี ปึอน เย รึอน เบ. บอ เฌาพรา แฮะ ยึร น็อห เย, แฮะ แบน ซักเซ ลอง อัน ตี. 6แคะ ปี โบง เย, เย ตู โบง แตห เบ อืบ เย. บอ เบ บอ อี เฮา, เย ตู ซี แตห อาเซ อืบ เย.
อึณ ยี หมาน, เย มูห ดูอี ปี ร็อห ปี ตึย เฌา เยซู. โคว, เย ปึอน จัร เบ, แตห เบ ลึมลา เย. เย ยี ตู โบง ฌึร ตี. 7ดอ กอย รึม เย โดบ เบ, เย มึห น็อห กาเว เบ. ปี โบง เย ดี เบ, อึณ ปี มา ลึมลา ฆอน อัน. 8ปาย ตี เย แฮะ ร็อก เบ. น็อห เย แฮะ ดาคึย กาเซา โกบ ปึอน เย กาลาง ดี เบ ลอง โฆรห เฌาพรา อี แตห น็อห ดูอี ดาคึย. อาว วัน มี แคะ ตี. เย แฮะ ดาคึย กาเซา ดี คัม ดี จูน บอ อาซาก เย ดาง เบ. แคะ ตี เย แฮะ ร็อก เบ. 9เบ บีนอง, เบ ดี บอ โหลห แคะ กืน ฆาน เย. ดอง วัน ดอง คืน เย แฮะ รัณ ฆาน แกวะ แตห อึณ หณาบ ดี เบ ดอ กอย รึม เย โดบ เบ, กาลาง ดี เบ ลอง โฆรห เฌาพรา อี แตห น็อห ดูอี ดาคึย.
10บอ เบ บอ เฌาพรา นับ ดี กาลาง ลอง อัน ตี. ดอ กอย รึม เย โดบ เบ ดูอี อี หณึม เฌา เยซู, เย ตู โบง นา ตู หมึอม. เย โบง นา บอด. อาว มึห อาเซ นับ ดี กาลาง นา ตู หมึอม ลอง เย. 11เบ บอ นับ, เย แฮะ กาลาง โฆรห ดี เบ ดอน อี, แตห อึณ ปี ฆูณ กาลาง ดี ฆอน อัน. 12ปาย ตี, เย แฮะ มาโนว เบ, แตห เบ มึห น็อห โปลม. เย มืร แฮะ กาลาง แตห น็อห เบ ฆัด เฆียด. เย มืร มาโนว เบ, แตห เบ นับ ดี โบง ปี อึง เฌาพรา. เฌาพรา มืร แฮะ แดะ เบ, แตห เบ ตัห กอย แคง มืง ปี อึบ อัน, แตห บอ เบ ปึอน อาพูง ดังโคว อัน.
13อึณ มึห ปอ อู โมยว อี แตห เย ดาง ฆูง เฆฌู ดี เฌาพรา เซเซ. ดอ โทม เบ โฆรห เฌาพรา ปี กาลาง เย ดี เบ, เบ ตู ต็อห, อึณ มูห โฆรห ดูอี. เบ แฮะ นับ อู เฌณ, อึณ มูห โฆรห เฌาพรา. แฮะ ฮอต, เบ แฮะ แตห โฆรห เฌาพรา ลึบ แคง น็อห เบ, แตห เบ หณึม, แตห อึณ แบน อาฆยึร ดี เบ. 14เบ บีนอง, เบ แฮะ โบง ปี เฆ ดูอี แคง พึง เฌา เยซู อี กอย แคง อืง ยูดา. เฆ ดูอี อายูดา แฮะ รู กาเซา ดี เฆ ดูอี แคง พึง เฌา เยซู ตี, แตห เฆ กาดูห ดูก ตาง. ปาย ตี บอ เบ แฮะ วี กาดูห ดูก ดี ดูอี อาโมยว เบ. 15คา อาต เฆ ดูอี อายูดา แฮะ ง็อห ยัม เฆ ดูอี อี บยาน โฆรห เฌาพรา. แฮะ ฮอต เฆ วี ง็อห บอ เฌา เยซู. ปัน ตี เฆ มืร แฮะ ซูต เย เลห โดง กอย เฆ. เฆ โบง ปี ตู อึง เฌาพรา. เฆ บอ แบน รันซู ดูอี ดอน อี. 16เฆ แฮะ เทว ดี แคร เย, แกวะ แตห เย กาลาง โฆรห ดี ดูอี อาโมยว เฮา, แกวะ แตห เฆ ปึอน ดี ลอด. โกบ โบง เฆ ปาย ตี, หมาบ เฆ ดอน โมยว แฮะ กืน กาเซา. ดอ ตี นี, เฌาพรา วี รู กาเซา ดี เฆ, แตห เฆ คัม โตต หมาบ เฆ ดอน โมยว.
17อึย เบ บีนอง, ดอ ตี นี เย ตู ปึอน กอย รึม โดบ เบ. โดว โบ็ง เย โลว กอย กาย็อห ดี เบ อาดา อู กาจัน. น็อห เย ยี โหลห เบ เซเซ. เย ดีเกน กาเซา เบ. โคว, เย เทว ดี วี ฮาว ฌัม โดง กอย เบ แตห เอ วี ลาย ยึร. 18แบน เฌณ แบน เฌณ เย แฮะ ต็อห ดี ฮาว โดง กอย เบ. บอ โอว อาปอลู แฮะ ซี ฮาว. โบว กานัม อี จืร ซาตาน, อัน แยะ แฮะ แคร เย, แกวะ แตห เย ฌัม. 19ปัน ดี วี ตัห เฌา เยซู บอ ปัน ดี กอย เย ดี อาต อัน, อึณ มูห มี อู โมยว, อี แตห น็อห เย โคย ดาคึย. เย หน็อะ อึณด็อะ มี ดี ปึอน ดี บยัะ เบ ดี อาต เฌาพรา. 20เซ เบ กอย รึม โดบ เย ดี อาต เฌาพรา, น็อห เย ดาคึย. เบ ดี แตห เย มึห บอ อาพูง ดังโคว ดี อาต เฌา เยซู.
Currently Selected:
1 ทล 2: pce
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
1 ทล 2
2
1เบ บีนอง อี หณึม เฌา เยซู ปี โอว, เบ บอ นับ, ดอ ตัห เย คา อาต เย ตู ตัห ปีเยณ. อึณ แฮะ มึห ดีโคว. 2อาต ตัห ฌัม เย โดง กอย เบ, เฆ ดูอี อี กอย แคง มืง พีลีพี, เฆ แฮะ โบง นา จาว ดี เย, แตห เย คัม ดูก ดอน โมยว. เฌาพรา ยี จอย เย, แกวะ แตห เย โยว เฆ ดูอี กืน อี ตู อึง เย. อัน แตห เย ยัะ กาลาง โฆรห เฌาพรา ดี เบ. อึณ มูห โฆรห อี แตห น็อห เบ ดาคึย. 3แคะ ปี มาโนว เย ดี เบ, แคะ ปี ต็อห เย แตห เบ หณึม, อึณ มูห โฆรห หมาน ตู กาโลว. เย บอ มึห น็อห ซืร ดี กาลาง ดี เบ. เย มืร ตู มึห น็อห ซี ปีหล็อก เย แดง เบ. 4โฆรห ปี กาลาง เย ดี เบ, อึณ ปาย นี. เฌาพรา แฮะ อาบ โฆรห อัน ดี เย. อึณ มูห โฆรห อี แตห น็อห ดูอี ดาคึย. เย วี โลว กาลาง โฆรห ตี ดี อี เฮา. โคว, เย ตู กาลาง มาเซ, แตห อึณ ล็อะ น็อห ดูอี. เย กาลาง โฆรห, แตห อึณ ล็อะ น็อห เฌาพรา. อึณ มูห เฌาพรา อี ยอด น็อห เย, โยว อึณ แฮะ หมาน ตู หมาน. 5เบ มืร นับ ซีคยา, ดอ กอย เย โดบ เบ, เย ตู กาลาง โฆรห งาม, แตห เบ อึง. เย มืร ตู มาโนว เบ โกบ ซี ปึอน เย รึอน เบ. บอ เฌาพรา แฮะ ยึร น็อห เย, แฮะ แบน ซักเซ ลอง อัน ตี. 6แคะ ปี โบง เย, เย ตู โบง แตห เบ อืบ เย. บอ เบ บอ อี เฮา, เย ตู ซี แตห อาเซ อืบ เย.
อึณ ยี หมาน, เย มูห ดูอี ปี ร็อห ปี ตึย เฌา เยซู. โคว, เย ปึอน จัร เบ, แตห เบ ลึมลา เย. เย ยี ตู โบง ฌึร ตี. 7ดอ กอย รึม เย โดบ เบ, เย มึห น็อห กาเว เบ. ปี โบง เย ดี เบ, อึณ ปี มา ลึมลา ฆอน อัน. 8ปาย ตี เย แฮะ ร็อก เบ. น็อห เย แฮะ ดาคึย กาเซา โกบ ปึอน เย กาลาง ดี เบ ลอง โฆรห เฌาพรา อี แตห น็อห ดูอี ดาคึย. อาว วัน มี แคะ ตี. เย แฮะ ดาคึย กาเซา ดี คัม ดี จูน บอ อาซาก เย ดาง เบ. แคะ ตี เย แฮะ ร็อก เบ. 9เบ บีนอง, เบ ดี บอ โหลห แคะ กืน ฆาน เย. ดอง วัน ดอง คืน เย แฮะ รัณ ฆาน แกวะ แตห อึณ หณาบ ดี เบ ดอ กอย รึม เย โดบ เบ, กาลาง ดี เบ ลอง โฆรห เฌาพรา อี แตห น็อห ดูอี ดาคึย.
10บอ เบ บอ เฌาพรา นับ ดี กาลาง ลอง อัน ตี. ดอ กอย รึม เย โดบ เบ ดูอี อี หณึม เฌา เยซู, เย ตู โบง นา ตู หมึอม. เย โบง นา บอด. อาว มึห อาเซ นับ ดี กาลาง นา ตู หมึอม ลอง เย. 11เบ บอ นับ, เย แฮะ กาลาง โฆรห ดี เบ ดอน อี, แตห อึณ ปี ฆูณ กาลาง ดี ฆอน อัน. 12ปาย ตี, เย แฮะ มาโนว เบ, แตห เบ มึห น็อห โปลม. เย มืร แฮะ กาลาง แตห น็อห เบ ฆัด เฆียด. เย มืร มาโนว เบ, แตห เบ นับ ดี โบง ปี อึง เฌาพรา. เฌาพรา มืร แฮะ แดะ เบ, แตห เบ ตัห กอย แคง มืง ปี อึบ อัน, แตห บอ เบ ปึอน อาพูง ดังโคว อัน.
13อึณ มึห ปอ อู โมยว อี แตห เย ดาง ฆูง เฆฌู ดี เฌาพรา เซเซ. ดอ โทม เบ โฆรห เฌาพรา ปี กาลาง เย ดี เบ, เบ ตู ต็อห, อึณ มูห โฆรห ดูอี. เบ แฮะ นับ อู เฌณ, อึณ มูห โฆรห เฌาพรา. แฮะ ฮอต, เบ แฮะ แตห โฆรห เฌาพรา ลึบ แคง น็อห เบ, แตห เบ หณึม, แตห อึณ แบน อาฆยึร ดี เบ. 14เบ บีนอง, เบ แฮะ โบง ปี เฆ ดูอี แคง พึง เฌา เยซู อี กอย แคง อืง ยูดา. เฆ ดูอี อายูดา แฮะ รู กาเซา ดี เฆ ดูอี แคง พึง เฌา เยซู ตี, แตห เฆ กาดูห ดูก ตาง. ปาย ตี บอ เบ แฮะ วี กาดูห ดูก ดี ดูอี อาโมยว เบ. 15คา อาต เฆ ดูอี อายูดา แฮะ ง็อห ยัม เฆ ดูอี อี บยาน โฆรห เฌาพรา. แฮะ ฮอต เฆ วี ง็อห บอ เฌา เยซู. ปัน ตี เฆ มืร แฮะ ซูต เย เลห โดง กอย เฆ. เฆ โบง ปี ตู อึง เฌาพรา. เฆ บอ แบน รันซู ดูอี ดอน อี. 16เฆ แฮะ เทว ดี แคร เย, แกวะ แตห เย กาลาง โฆรห ดี ดูอี อาโมยว เฮา, แกวะ แตห เฆ ปึอน ดี ลอด. โกบ โบง เฆ ปาย ตี, หมาบ เฆ ดอน โมยว แฮะ กืน กาเซา. ดอ ตี นี, เฌาพรา วี รู กาเซา ดี เฆ, แตห เฆ คัม โตต หมาบ เฆ ดอน โมยว.
17อึย เบ บีนอง, ดอ ตี นี เย ตู ปึอน กอย รึม โดบ เบ. โดว โบ็ง เย โลว กอย กาย็อห ดี เบ อาดา อู กาจัน. น็อห เย ยี โหลห เบ เซเซ. เย ดีเกน กาเซา เบ. โคว, เย เทว ดี วี ฮาว ฌัม โดง กอย เบ แตห เอ วี ลาย ยึร. 18แบน เฌณ แบน เฌณ เย แฮะ ต็อห ดี ฮาว โดง กอย เบ. บอ โอว อาปอลู แฮะ ซี ฮาว. โบว กานัม อี จืร ซาตาน, อัน แยะ แฮะ แคร เย, แกวะ แตห เย ฌัม. 19ปัน ดี วี ตัห เฌา เยซู บอ ปัน ดี กอย เย ดี อาต อัน, อึณ มูห มี อู โมยว, อี แตห น็อห เย โคย ดาคึย. เย หน็อะ อึณด็อะ มี ดี ปึอน ดี บยัะ เบ ดี อาต เฌาพรา. 20เซ เบ กอย รึม โดบ เย ดี อาต เฌาพรา, น็อห เย ดาคึย. เบ ดี แตห เย มึห บอ อาพูง ดังโคว ดี อาต เฌา เยซู.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.