JAW JAU 19
19
Chyoi Pra Ai Hte Teng Man Rap Ra Ai Tara Ni
1Dai Madu gaw Mawshe hku nna 2Israela shawa hpung ting hpe, “Chyoi pra nga mu, hpa majaw nga yang ngai gaw dai Madu nanhte a Karai Kasang rai nna chyoi pra nga nngai.#Jaw 11:44-45; 1Pe 1:16. 3Nanhte langai hte langai gaw tinang a kanu kawa hpe hkungga lara na rai myit dai. Ngai hkang da sai Bansa Nhtoi hpe mung dum nga lu na rai myit dai. Ngai gaw dai Madu nanhte a Karai Kasang rai nga nngai. #Pru 20:8,12; Trj 5:12,16.
4“Ngai hpe kau da nna hpara sumla hkum nawku myit; nhprang arai hte hpara sumla ni hpe hkum galaw myit; dai ni hpe hkum nawku myit. Ngai gaw dai Madu nanhte a Karai Kasang nan rai nga nngai.#Jaw 26:1; Pru 20:23; 34:17; Trj 7:25.
5“Mahku hkungga a matu yam nga sat myit dai shaloi nanhte hpe ngai jaw da sai tara ni hpe hkan shatup mu; shaloi hkungga ni hpe ngai hkap la na nngai. 6Ashan hpe chyawm gaw yam nga sat ai shani shing n rai hpang shani hta sha lu na rai myit dai. Masum ya du hkra tawn da ai shan lusha hpa hpe mung nat kau na rai myit dai. 7Dai gaw n san n seng nga ai majaw dai sha ai rai yang, nawng ya ai hkungga hkap la ya na we ai n rai. 8Dai hpe sha ai wa kadai mung ngai hpe nawng ya sai arai hpe awu asin di kau na wu ai majaw mara lu na rai wu ai. Shi mung nye a amyu masha hta na sumri dan kau ai hkrum na rai wu ai.
9“Nanhte a yi hkauna hta na nai mam ni shu la yang, njut nnaw shingnawm hkan tu ai nsi naisi du hkra dan la lu na n rai; hkauling hta na ngam ai nlim hpe mung bai nhtang gut la lu na myit dai n rai.#Jaw 27:15; Trj 24:19-22. 10Nanhte a sabyi sun hta na nlim mung bai di lu na myit dai n rai; shi hkrai hkrat mat ai hpe mung hta la lu na myit dai n rai; dai gaw matsan mayan re ai ni hte hkrun lam hkawm sa ai manam ni a matu ngam da ya lu na rai myit dai. Ngai gaw dai Madu nanhte a Karai Kasang rai nga nngai.
11“Masha arai hkum lagu; maw sha mawp sha ai hte masu magaw ga hkum tsun myit.#Pru 20:15-16; Trj 5:19-20. 12Nye a ga sadi hkan shatup na matu n myit shatawng ai rai yang, nye a mying ningsang hte dai hpe hkum tawn da myit; dai gaw nye a mying hpe jahpoi kau na rai myit dai. Ngai gaw dai Madu nanhte a Karai Kasang rai nga nngai.#Pru 20:7; Trj 5:11; Mat 5:33.
13“Kadai hpe mung zai hte roi rip nna shi a arai kashun la lu na n rai. Nchyang ma a shabrai lana mi sha pyi hkum shadang da lu na myit dai n rai.#Trj 24:14-15. 14Na lahpang ai wa hpe matsa lu na n rai; myi kyaw ai wa a man e ahtu kataw ai baw tawn da nna ahtu kataw shangun lu na myit dai n rai. Ngai hpe hkrit hkungga lu na rai myit dai; ngai gaw dai Madu nanhte a Karai Kasang rai nga nngai.#Trj 27:18.
15“Tara shang amu ni tsun daw dan myit dai shaloi, myit malang ai hte teng man ai hku hparan ya na rai myit dai; matsan ai wa hpe n maga, lu su ai wa hpe mung n mada ai sha daw dan na rai myit dai.#Pru 23:6-8; Trj 16:19. 16Marai langai ngai a lam hpe shi wawn shi htawn hkum rai myit. Marai langai ngai gaw shi asak a majaw jeyang hkrum wu ai shaloi karum la na matu sakse hkam ya u. Ngai gaw dai Madu rai nga nngai.
17“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.#Mat 18:15. 18Kadai hpe mung matai hkum htang myit; masin n si hkraw ai myit hkum rawng myit; na a htingbu wa hpe na a hkum hte maren tsaw ra lu na rai ndai. Ngai gaw dai Madu rai nga nngai. #Mat 5:43; 19:19; 23:39; Mrk 12:31; Luk 10:27; Rom 13:9; Gal 5:14; Yak 2:8.
19“Nye a hkang da ai ga ni hpe madat mara lu na rai myit dai; dinghku kata rem ai yam nga ni hpe amyu kayau nna uli hkum shalun myit; yi hkauna langai hta sha nli amyu lahkawng hkai lu na n rai; ri amyu lahkawng hte kayau da ai hpun palawng ni hpe hkum hpun myit.#Trj 22:9-11.
20“Masha wa e lashi num hku nna garai n mari la, dat kau ai mung garai n hkrum ai laman e, kaga la wa hte shut kau ai rai yang, ari jaw hkrum na rai wu ai. Numsha chyawm gaw mayam num rai nga ai majaw si ari jaw hkrum na wu ai n rai. 21Dai la wa mahtang shi a matu mara raw hkungga shatai na nye a hpung shingkang shanu nga ai Sum a shang wa chyinghka lam de sagu la langai la sa na rai wu ai. 22Hkinjawng wa gaw dai hte rau shi a yubak mara yeng seng kau ya na matu jasan jaseng ai amu galaw ya na rai wu ai. Karai Kasang mung shi hpe mara dat ya na rai wu ai.
23“Nanhte Hkanan mung de du shang wa myit yang, namsi hpun hpa baw amyu hpe mung hkai shatut mu. Shawng na masum ning tup si ai mahtang n san n seng ai ngu myit la mu. Dai shaning laman ni hta namsi sha lu na myit dai n rai. 24Mali ning ngu na shaning hta si ai namsi yawng chyawm gaw nanhte ngai hpe chyeju dum ai lam madun dan na hkungga rai nga myit dai majaw dai hpe nawng ya lu na rai myit dai. 25Rai ti mung manga ning ngu na hta si ai gaw nanhte sha mai nga manit dai. Ndai amu hpe nanhte hkan galaw myit dai rai yang, nanhte a hpun ni hta namsi grau si wa na ra ai; Ngai gaw dai Madu nanhte a Karai Kasang rai nga nngai.
26“Asai naw rawng ai shan lusha hpe sha lu na myit dai n rai. Mandan lakle bau ai amu hpa mung nanhte hkan galaw lu na myit dai n rai.#Nin 9:4; Jaw 7:26-27; 17:10-14; Trj 12:16,23; 15:23. 27Nanhte gaw baw grup grup e tu ai kara hpe rep lu na n rai; nhka mun ahkut shara lu na n rai,#Jaw 2:5; Trj 14:1. 28si sai wa a matu yawn ai masat tinang hkum gadoi jahpye lu na n rai; tinang hkum hta masat hkang jahkang lu na n rai. Ngai gaw dai Madu rai nga nngai.
29“Nanhte a shayi sha ni hpe htingnu shawa num #19:29: Htingnu shawa num: Ndai shawa num ni hpe mayat maya ai karai ni hpe nawku ai Hkanan masha ni a htingnu ni hta mu lu nga ai. Ndai shawa num ni hte kanawn ai a majaw yi sun hkauna ni hte yam nga hpung ni hta nsi naisi hte yam nga teng teng law htam wa nga ai ngu kam ai lam rai nga ai.shatai nna sari jahpoi ya lu na myit dai n rai; shing re ai amu nanhte galaw myit dai rai yang, kaga hpara ni hpang de kayin mat wa nhtawm mung ting hta hpye ai amu hte n hkru n shawp ai hkrai pri rai mat na ra ai.#Trj 23:17. 30Bansa Nhtoi hpe hkan shadik nna, ngai hpe nawku ai shara hta hkrit hkungga lu na rai myit dai. Ngai gaw dai Madu rai nga nngai.#Jaw 26:2.
31“Si mat sai ni a wenyi hte ga shaga chye ai masha ni kaw hpaji hkum sa hpyi myit; nanhte gaw shing re ai amu galaw ai rai yang, nanhte n san n seng na rai myit dai. Ngai gaw dai Madu nanhte a Karai Kasang rai nga nngai.#Trj 18:11; 1Sa 28:3; 2Hk 23:4; Esa 8:19.
32“Asak kaba sai ni hpe hkungga lara ai lam madun dan mu; shanhte hpe shagrau sha-a mu. Ngai hpe hkrit hkungga lu na rai myit dai. Ngai gaw dai Madu rai nga ai.
33-34“Nanhte a mung hta shanu nga ai maigan masha ni hpe zingri zingrat di lu na myit dai n rai; shanhte hpe Israela manaw manang ni zawn sawn nna nanhte a hkum hte maren tsaw ra nga mu. Nanhte mung Egutu mung hta tsasam masha tai yu manit dai hpe dum nga mu. Ngai gaw dai Madu nanhte a Karai Kasang rai nga nngai.#Pru 22:21; Trj 24:17-18.
35“Nanhte gaw kadai hpe mung n teng n man ai shadawn shadang, shen ai joi jang hte hteng ai dang ni hta masu mawp sha lu na myit dai n rai.#Trj 25:13-16; Gsh 20:10; Eze 45:10. 36Teng man ai joi jang, teng man ai joi si hte teng man ai dang ni lang mu. Ngai gaw Egutu mung kaw na nanhte hpe woi shapraw wa ai dai Madu nanhte a Karai Kasang rai nga nngai. 37Nye a tara ni hte hkang da ai ga ni yawng hpe madat mara nga mu. Ngai gaw dai Madu rai nga nngai,” ngu nna tsun wu ai.
Currently Selected:
JAW JAU 19: JCLB
Highlight
Copy
Compare
Share
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
JAW JAU 19
19
Chyoi Pra Ai Hte Teng Man Rap Ra Ai Tara Ni
1Dai Madu gaw Mawshe hku nna 2Israela shawa hpung ting hpe, “Chyoi pra nga mu, hpa majaw nga yang ngai gaw dai Madu nanhte a Karai Kasang rai nna chyoi pra nga nngai.#Jaw 11:44-45; 1Pe 1:16. 3Nanhte langai hte langai gaw tinang a kanu kawa hpe hkungga lara na rai myit dai. Ngai hkang da sai Bansa Nhtoi hpe mung dum nga lu na rai myit dai. Ngai gaw dai Madu nanhte a Karai Kasang rai nga nngai. #Pru 20:8,12; Trj 5:12,16.
4“Ngai hpe kau da nna hpara sumla hkum nawku myit; nhprang arai hte hpara sumla ni hpe hkum galaw myit; dai ni hpe hkum nawku myit. Ngai gaw dai Madu nanhte a Karai Kasang nan rai nga nngai.#Jaw 26:1; Pru 20:23; 34:17; Trj 7:25.
5“Mahku hkungga a matu yam nga sat myit dai shaloi nanhte hpe ngai jaw da sai tara ni hpe hkan shatup mu; shaloi hkungga ni hpe ngai hkap la na nngai. 6Ashan hpe chyawm gaw yam nga sat ai shani shing n rai hpang shani hta sha lu na rai myit dai. Masum ya du hkra tawn da ai shan lusha hpa hpe mung nat kau na rai myit dai. 7Dai gaw n san n seng nga ai majaw dai sha ai rai yang, nawng ya ai hkungga hkap la ya na we ai n rai. 8Dai hpe sha ai wa kadai mung ngai hpe nawng ya sai arai hpe awu asin di kau na wu ai majaw mara lu na rai wu ai. Shi mung nye a amyu masha hta na sumri dan kau ai hkrum na rai wu ai.
9“Nanhte a yi hkauna hta na nai mam ni shu la yang, njut nnaw shingnawm hkan tu ai nsi naisi du hkra dan la lu na n rai; hkauling hta na ngam ai nlim hpe mung bai nhtang gut la lu na myit dai n rai.#Jaw 27:15; Trj 24:19-22. 10Nanhte a sabyi sun hta na nlim mung bai di lu na myit dai n rai; shi hkrai hkrat mat ai hpe mung hta la lu na myit dai n rai; dai gaw matsan mayan re ai ni hte hkrun lam hkawm sa ai manam ni a matu ngam da ya lu na rai myit dai. Ngai gaw dai Madu nanhte a Karai Kasang rai nga nngai.
11“Masha arai hkum lagu; maw sha mawp sha ai hte masu magaw ga hkum tsun myit.#Pru 20:15-16; Trj 5:19-20. 12Nye a ga sadi hkan shatup na matu n myit shatawng ai rai yang, nye a mying ningsang hte dai hpe hkum tawn da myit; dai gaw nye a mying hpe jahpoi kau na rai myit dai. Ngai gaw dai Madu nanhte a Karai Kasang rai nga nngai.#Pru 20:7; Trj 5:11; Mat 5:33.
13“Kadai hpe mung zai hte roi rip nna shi a arai kashun la lu na n rai. Nchyang ma a shabrai lana mi sha pyi hkum shadang da lu na myit dai n rai.#Trj 24:14-15. 14Na lahpang ai wa hpe matsa lu na n rai; myi kyaw ai wa a man e ahtu kataw ai baw tawn da nna ahtu kataw shangun lu na myit dai n rai. Ngai hpe hkrit hkungga lu na rai myit dai; ngai gaw dai Madu nanhte a Karai Kasang rai nga nngai.#Trj 27:18.
15“Tara shang amu ni tsun daw dan myit dai shaloi, myit malang ai hte teng man ai hku hparan ya na rai myit dai; matsan ai wa hpe n maga, lu su ai wa hpe mung n mada ai sha daw dan na rai myit dai.#Pru 23:6-8; Trj 16:19. 16Marai langai ngai a lam hpe shi wawn shi htawn hkum rai myit. Marai langai ngai gaw shi asak a majaw jeyang hkrum wu ai shaloi karum la na matu sakse hkam ya u. Ngai gaw dai Madu rai nga nngai.
17“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.#Mat 18:15. 18Kadai hpe mung matai hkum htang myit; masin n si hkraw ai myit hkum rawng myit; na a htingbu wa hpe na a hkum hte maren tsaw ra lu na rai ndai. Ngai gaw dai Madu rai nga nngai. #Mat 5:43; 19:19; 23:39; Mrk 12:31; Luk 10:27; Rom 13:9; Gal 5:14; Yak 2:8.
19“Nye a hkang da ai ga ni hpe madat mara lu na rai myit dai; dinghku kata rem ai yam nga ni hpe amyu kayau nna uli hkum shalun myit; yi hkauna langai hta sha nli amyu lahkawng hkai lu na n rai; ri amyu lahkawng hte kayau da ai hpun palawng ni hpe hkum hpun myit.#Trj 22:9-11.
20“Masha wa e lashi num hku nna garai n mari la, dat kau ai mung garai n hkrum ai laman e, kaga la wa hte shut kau ai rai yang, ari jaw hkrum na rai wu ai. Numsha chyawm gaw mayam num rai nga ai majaw si ari jaw hkrum na wu ai n rai. 21Dai la wa mahtang shi a matu mara raw hkungga shatai na nye a hpung shingkang shanu nga ai Sum a shang wa chyinghka lam de sagu la langai la sa na rai wu ai. 22Hkinjawng wa gaw dai hte rau shi a yubak mara yeng seng kau ya na matu jasan jaseng ai amu galaw ya na rai wu ai. Karai Kasang mung shi hpe mara dat ya na rai wu ai.
23“Nanhte Hkanan mung de du shang wa myit yang, namsi hpun hpa baw amyu hpe mung hkai shatut mu. Shawng na masum ning tup si ai mahtang n san n seng ai ngu myit la mu. Dai shaning laman ni hta namsi sha lu na myit dai n rai. 24Mali ning ngu na shaning hta si ai namsi yawng chyawm gaw nanhte ngai hpe chyeju dum ai lam madun dan na hkungga rai nga myit dai majaw dai hpe nawng ya lu na rai myit dai. 25Rai ti mung manga ning ngu na hta si ai gaw nanhte sha mai nga manit dai. Ndai amu hpe nanhte hkan galaw myit dai rai yang, nanhte a hpun ni hta namsi grau si wa na ra ai; Ngai gaw dai Madu nanhte a Karai Kasang rai nga nngai.
26“Asai naw rawng ai shan lusha hpe sha lu na myit dai n rai. Mandan lakle bau ai amu hpa mung nanhte hkan galaw lu na myit dai n rai.#Nin 9:4; Jaw 7:26-27; 17:10-14; Trj 12:16,23; 15:23. 27Nanhte gaw baw grup grup e tu ai kara hpe rep lu na n rai; nhka mun ahkut shara lu na n rai,#Jaw 2:5; Trj 14:1. 28si sai wa a matu yawn ai masat tinang hkum gadoi jahpye lu na n rai; tinang hkum hta masat hkang jahkang lu na n rai. Ngai gaw dai Madu rai nga nngai.
29“Nanhte a shayi sha ni hpe htingnu shawa num #19:29: Htingnu shawa num: Ndai shawa num ni hpe mayat maya ai karai ni hpe nawku ai Hkanan masha ni a htingnu ni hta mu lu nga ai. Ndai shawa num ni hte kanawn ai a majaw yi sun hkauna ni hte yam nga hpung ni hta nsi naisi hte yam nga teng teng law htam wa nga ai ngu kam ai lam rai nga ai.shatai nna sari jahpoi ya lu na myit dai n rai; shing re ai amu nanhte galaw myit dai rai yang, kaga hpara ni hpang de kayin mat wa nhtawm mung ting hta hpye ai amu hte n hkru n shawp ai hkrai pri rai mat na ra ai.#Trj 23:17. 30Bansa Nhtoi hpe hkan shadik nna, ngai hpe nawku ai shara hta hkrit hkungga lu na rai myit dai. Ngai gaw dai Madu rai nga nngai.#Jaw 26:2.
31“Si mat sai ni a wenyi hte ga shaga chye ai masha ni kaw hpaji hkum sa hpyi myit; nanhte gaw shing re ai amu galaw ai rai yang, nanhte n san n seng na rai myit dai. Ngai gaw dai Madu nanhte a Karai Kasang rai nga nngai.#Trj 18:11; 1Sa 28:3; 2Hk 23:4; Esa 8:19.
32“Asak kaba sai ni hpe hkungga lara ai lam madun dan mu; shanhte hpe shagrau sha-a mu. Ngai hpe hkrit hkungga lu na rai myit dai. Ngai gaw dai Madu rai nga ai.
33-34“Nanhte a mung hta shanu nga ai maigan masha ni hpe zingri zingrat di lu na myit dai n rai; shanhte hpe Israela manaw manang ni zawn sawn nna nanhte a hkum hte maren tsaw ra nga mu. Nanhte mung Egutu mung hta tsasam masha tai yu manit dai hpe dum nga mu. Ngai gaw dai Madu nanhte a Karai Kasang rai nga nngai.#Pru 22:21; Trj 24:17-18.
35“Nanhte gaw kadai hpe mung n teng n man ai shadawn shadang, shen ai joi jang hte hteng ai dang ni hta masu mawp sha lu na myit dai n rai.#Trj 25:13-16; Gsh 20:10; Eze 45:10. 36Teng man ai joi jang, teng man ai joi si hte teng man ai dang ni lang mu. Ngai gaw Egutu mung kaw na nanhte hpe woi shapraw wa ai dai Madu nanhte a Karai Kasang rai nga nngai. 37Nye a tara ni hte hkang da ai ga ni yawng hpe madat mara nga mu. Ngai gaw dai Madu rai nga nngai,” ngu nna tsun wu ai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.