YAWHAN 16
16
1Yesu gaw, “Nanhte a makam masham n hten mat u ga ngu nna, ndai lam ngai nanhte hpe tsun da made ai. 2Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai. 3Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai. 4Rai ti mung shanhte a matu ndai lam ni galaw na nhtoi du wa ai shaloi nanhte bai dum lu myit ga ngu nna ga ndai ngai nanhte hpe tsun tawn da ni ai.
Chyoi Pra ai Wenyi A Magam Bungli
“Shawng de gaw ngai nanhte hte rau naw nga nga nngai majaw, ngai nanhte hpe dai lam ni n tsun yu nngai. 5Rai ti mung ya chyawm gaw, ngai hpe shangun dat ai wa hpang de wa na ni ai; dai rai yang, ngai gade wa na lam, nanhte hta na kadai mung ngai hpe n san yu myit dai. 6Rai ti mung ndai lam ni ngai nanhte hpe tsun made ai majaw nanhte a myit masin hta yawn hkyen ai lam hpring mat manit dai. 7Rai ti mung ngai nanhte hpe teng man ai lam tsun made ga, ngai wa ai gaw nanhte a matu grau nna kaja nga ai; hpa majaw nga yang, ngai n wa yang gaw, dai Shalan Shabran ai hte Karum Ai Wa nanhte kaw du sa na n rai; ngai wa jang gaw, ngai shi hpe nanhte hpang de shangun dat na we ai. 8Dai wa du jang, shi gaw mungkan masha ni hpe yubak mara hte seng nna mung, teng man ai lam hte seng nna mung, Karai Kasang a tara dawdan ai lam hte seng nna mung, shanhte kaning rai shut nga ai hpe dum hprang hkra madi shadan dan na ra ai. 9Shanhte gaw ngai hpe n kam n sham ma ai majaw, yubak mara hte seng nna shut nga ma ai. 10Ngai gaw nye Wa hpang de wa nna, nanhte ngai hpe htawm hpang de n mu lu na myit dai majaw, shanhte gaw dai teng man ai lam hte seng nna shut nga ma ai. 11Mungkan ga hpe up ai wa gaw tara dawdan ai hkrum sai majaw, shanhte gaw tara dawdan ai lam hte seng nna shut nga ma ai.
12Ngai nanhte hpe tsun dan na lam law law naw lu nngai, rai ti mung ya nanhte a matu law hpyau nga ai majaw nanhte hkam la lu na myit dai n rai. 13Rai ti mung Karai Kasang hte seng ai teng man ai lam hpe shadan dan ai Wenyi du sa jang, nanhte hpe dai teng man ai lam yawng mayawng hpe hpaw madun dan na ra ai. Dai Wenyi gaw shi a myit hte maren tsun na ra ai n rai, shi na la lu ai made tsun dan na ra ai; htawm hpang de byin na ra ai lam ni hpe mung, shi nanhte hpe tsun dan na ra ai.#Yhn 15:26; 1Yh 2:20,27. 14Dai wa gaw ngai tsun ai ga hpe la nna nanhte hpe bai htawn tsun dan na ra ai rai nna, nye a hpung shingkang shapraw ya na ra ai. 15Nye Wa lu malu gaw ngai lu ai rai nga ai; dai majaw, dai Wenyi gaw ngai kaw na lu la nna nanhte hpe tsun shana ya na mara ai, ngu nna ngai tsun ni ai.
Yawn Hkyen Ai Hte Kabu Gara Ai Lam
16“Hkring mi rai jang nanhte ngai hpe n mu lu na manit dai; dai hpang hkring mi bai rai jang nanhte ngai hpe bai mu lu na myit dai,” ngu mu ai.
17Shing nga ai majaw shi a sape ni hta na nkau mi gaw, “Hkring mi rai jang nanhte ngai hpe n mu na myit dai, hkring mi rai jang bai mu lu na myit dai, nga nna mung, ‘nye Wa hpang de ngai wa na nngai,’ nga nna mung, shi anhte hpe tsun mi ai ga gaw, hpa nga ai re ai i? 18Bai nna ‘Hkring mi rai jang,’ nga nna tsun ai mung, hpa nga ai ga re ai i? Shi tsun ai ga hpe anhte n chye na ga ai!,” nga ma ai.
19Shanhte shi e san mayu nga ma ai hpe Yesu chye da wu ai majaw, shi gaw, “Hkring mi rai jang nanhte ngai hpe n mu na myit dai, Hkring mi bai rai jang, bai mu na myit dai, ngu nna ngai tsun ai ga hpe nanhte shada da jawm san hkat nga myit ni? 20Ngai nanhte hpe kaja wa teng teng tsun made ga, nanhte gaw hkrap ngu hkrap ngoi ai hte sharung shayawt ai hkrum na marin dai. Mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai; rai ti mung nanhte a yawn hkyen ai gaw kabu gara ai bai tai na ra ai. 21Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai. 22Dai hte maren nanhte ya yawn hkyen nga myit dai; rai ti mung nanhte hte ngai bai hkrum lu nna, nanhte a kraw lawang ni hta kabu gara ai hte hpring na ra ai; dai nanhte a kabu gara ai hpe nanhte kaw na kadai mung kashun la ya lu sana n rai.
23“Dai shani nhtoi du jang, nanhte ngai hpe hpa mung n san na myit dai; ngai nanhte hpe kaja wa teng teng tsun made ga, nye a mying nsang hte nanhte hpyi mahpyi Wa gaw nanhte hpe jaw na ra ai. 24Ya du hkra nanhte nye a mying gang nna hpa mung n hpyi yu myit dai; nanhte a kabu gara ai lam hpring tup hkra lu la na matu hpyi nga mu; hpyi ai hte maren nanhte lu la na marin dai.
Mungkan Ga Hpe Awng Dang Kau Ai
25“Ndai lam ni hpe ga shadawn ni hte ngai nanhte hpe tsun dan ma sade ai; rai ti mung ga shadawn hku n re ai sha Wa a lam nanhte hpe dan dan leng leng tsun dan na ahkying gaw du na ra ai. 26Dai nhtoi du jang, nanhte gaw nye a mying gang nna shi kaw hpyi na marin dai; nanhte a matu mara nye Wa kaw ngai hpyi ya na n ngu nngai. 27Hpa majaw nga yang, Wa shi nan nanhte hpe tsaw ra nga ai. Nanhte ngai hpe tsaw ra nna, ngai gaw Wa kaw na du sa ai hpe kam sham myit dai majaw, Wa gaw nanhte hpe tsaw ra nga ai. 28Ngai gaw Wa kaw nna nan pru sa nna mungkan ga de du sa ni ai; bai ya ngai mungkan ga hpe kau da nna, Wa hpang de wa na nngai,” ngu mu ai.
29Shaloi shi a sape ni gaw, “Yu u, ya gaw ga shadawn n lang ai sha dan dan leng leng nang tsun nga nit dai. 30Nang gaw lam yawng mayawng hpe chye nga ndai mung, gade e mi nang hpe n san ra sai hpe mung, ya anhte chye saga ai; dai re ai majaw, nang Karai Kasang kaw na du sa ai wa re ai hpe anhte kam saga ai,” ngu nna tsun mu ai.
31Yesu gaw, “Nanhte ya kam manit ni? 32Yu mu, nanhte yawng bra mat nna, langai hte langai tinang a nta de wa mat nhtawm, ngai hpe hkrai sha kau da na ahkying gaw du wa ra ai rai nna, ya pyi du ra ai. Rai ti mung ngai gaw kaja wa ngai hkrai sha rai nga nngai n rai, hpa majaw nga yang Wa gaw ngai hte rau rai nga ai. 33Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.
Currently Selected:
YAWHAN 16: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
YAWHAN 16
16
1Yesu gaw, “Nanhte a makam masham n hten mat u ga ngu nna, ndai lam ngai nanhte hpe tsun da made ai. 2Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai. 3Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai. 4Rai ti mung shanhte a matu ndai lam ni galaw na nhtoi du wa ai shaloi nanhte bai dum lu myit ga ngu nna ga ndai ngai nanhte hpe tsun tawn da ni ai.
Chyoi Pra ai Wenyi A Magam Bungli
“Shawng de gaw ngai nanhte hte rau naw nga nga nngai majaw, ngai nanhte hpe dai lam ni n tsun yu nngai. 5Rai ti mung ya chyawm gaw, ngai hpe shangun dat ai wa hpang de wa na ni ai; dai rai yang, ngai gade wa na lam, nanhte hta na kadai mung ngai hpe n san yu myit dai. 6Rai ti mung ndai lam ni ngai nanhte hpe tsun made ai majaw nanhte a myit masin hta yawn hkyen ai lam hpring mat manit dai. 7Rai ti mung ngai nanhte hpe teng man ai lam tsun made ga, ngai wa ai gaw nanhte a matu grau nna kaja nga ai; hpa majaw nga yang, ngai n wa yang gaw, dai Shalan Shabran ai hte Karum Ai Wa nanhte kaw du sa na n rai; ngai wa jang gaw, ngai shi hpe nanhte hpang de shangun dat na we ai. 8Dai wa du jang, shi gaw mungkan masha ni hpe yubak mara hte seng nna mung, teng man ai lam hte seng nna mung, Karai Kasang a tara dawdan ai lam hte seng nna mung, shanhte kaning rai shut nga ai hpe dum hprang hkra madi shadan dan na ra ai. 9Shanhte gaw ngai hpe n kam n sham ma ai majaw, yubak mara hte seng nna shut nga ma ai. 10Ngai gaw nye Wa hpang de wa nna, nanhte ngai hpe htawm hpang de n mu lu na myit dai majaw, shanhte gaw dai teng man ai lam hte seng nna shut nga ma ai. 11Mungkan ga hpe up ai wa gaw tara dawdan ai hkrum sai majaw, shanhte gaw tara dawdan ai lam hte seng nna shut nga ma ai.
12Ngai nanhte hpe tsun dan na lam law law naw lu nngai, rai ti mung ya nanhte a matu law hpyau nga ai majaw nanhte hkam la lu na myit dai n rai. 13Rai ti mung Karai Kasang hte seng ai teng man ai lam hpe shadan dan ai Wenyi du sa jang, nanhte hpe dai teng man ai lam yawng mayawng hpe hpaw madun dan na ra ai. Dai Wenyi gaw shi a myit hte maren tsun na ra ai n rai, shi na la lu ai made tsun dan na ra ai; htawm hpang de byin na ra ai lam ni hpe mung, shi nanhte hpe tsun dan na ra ai.#Yhn 15:26; 1Yh 2:20,27. 14Dai wa gaw ngai tsun ai ga hpe la nna nanhte hpe bai htawn tsun dan na ra ai rai nna, nye a hpung shingkang shapraw ya na ra ai. 15Nye Wa lu malu gaw ngai lu ai rai nga ai; dai majaw, dai Wenyi gaw ngai kaw na lu la nna nanhte hpe tsun shana ya na mara ai, ngu nna ngai tsun ni ai.
Yawn Hkyen Ai Hte Kabu Gara Ai Lam
16“Hkring mi rai jang nanhte ngai hpe n mu lu na manit dai; dai hpang hkring mi bai rai jang nanhte ngai hpe bai mu lu na myit dai,” ngu mu ai.
17Shing nga ai majaw shi a sape ni hta na nkau mi gaw, “Hkring mi rai jang nanhte ngai hpe n mu na myit dai, hkring mi rai jang bai mu lu na myit dai, nga nna mung, ‘nye Wa hpang de ngai wa na nngai,’ nga nna mung, shi anhte hpe tsun mi ai ga gaw, hpa nga ai re ai i? 18Bai nna ‘Hkring mi rai jang,’ nga nna tsun ai mung, hpa nga ai ga re ai i? Shi tsun ai ga hpe anhte n chye na ga ai!,” nga ma ai.
19Shanhte shi e san mayu nga ma ai hpe Yesu chye da wu ai majaw, shi gaw, “Hkring mi rai jang nanhte ngai hpe n mu na myit dai, Hkring mi bai rai jang, bai mu na myit dai, ngu nna ngai tsun ai ga hpe nanhte shada da jawm san hkat nga myit ni? 20Ngai nanhte hpe kaja wa teng teng tsun made ga, nanhte gaw hkrap ngu hkrap ngoi ai hte sharung shayawt ai hkrum na marin dai. Mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai; rai ti mung nanhte a yawn hkyen ai gaw kabu gara ai bai tai na ra ai. 21Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai. 22Dai hte maren nanhte ya yawn hkyen nga myit dai; rai ti mung nanhte hte ngai bai hkrum lu nna, nanhte a kraw lawang ni hta kabu gara ai hte hpring na ra ai; dai nanhte a kabu gara ai hpe nanhte kaw na kadai mung kashun la ya lu sana n rai.
23“Dai shani nhtoi du jang, nanhte ngai hpe hpa mung n san na myit dai; ngai nanhte hpe kaja wa teng teng tsun made ga, nye a mying nsang hte nanhte hpyi mahpyi Wa gaw nanhte hpe jaw na ra ai. 24Ya du hkra nanhte nye a mying gang nna hpa mung n hpyi yu myit dai; nanhte a kabu gara ai lam hpring tup hkra lu la na matu hpyi nga mu; hpyi ai hte maren nanhte lu la na marin dai.
Mungkan Ga Hpe Awng Dang Kau Ai
25“Ndai lam ni hpe ga shadawn ni hte ngai nanhte hpe tsun dan ma sade ai; rai ti mung ga shadawn hku n re ai sha Wa a lam nanhte hpe dan dan leng leng tsun dan na ahkying gaw du na ra ai. 26Dai nhtoi du jang, nanhte gaw nye a mying gang nna shi kaw hpyi na marin dai; nanhte a matu mara nye Wa kaw ngai hpyi ya na n ngu nngai. 27Hpa majaw nga yang, Wa shi nan nanhte hpe tsaw ra nga ai. Nanhte ngai hpe tsaw ra nna, ngai gaw Wa kaw na du sa ai hpe kam sham myit dai majaw, Wa gaw nanhte hpe tsaw ra nga ai. 28Ngai gaw Wa kaw nna nan pru sa nna mungkan ga de du sa ni ai; bai ya ngai mungkan ga hpe kau da nna, Wa hpang de wa na nngai,” ngu mu ai.
29Shaloi shi a sape ni gaw, “Yu u, ya gaw ga shadawn n lang ai sha dan dan leng leng nang tsun nga nit dai. 30Nang gaw lam yawng mayawng hpe chye nga ndai mung, gade e mi nang hpe n san ra sai hpe mung, ya anhte chye saga ai; dai re ai majaw, nang Karai Kasang kaw na du sa ai wa re ai hpe anhte kam saga ai,” ngu nna tsun mu ai.
31Yesu gaw, “Nanhte ya kam manit ni? 32Yu mu, nanhte yawng bra mat nna, langai hte langai tinang a nta de wa mat nhtawm, ngai hpe hkrai sha kau da na ahkying gaw du wa ra ai rai nna, ya pyi du ra ai. Rai ti mung ngai gaw kaja wa ngai hkrai sha rai nga nngai n rai, hpa majaw nga yang Wa gaw ngai hte rau rai nga ai. 33Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.