ESAIA 21
21
Babelon Hkrat Sum Na Shingran
1Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai. 2Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai.
Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.
3Ngai mu ai hte na ai shingran hta shinggyim machyi ai num zawn hkam sha ai hkrit hpa lam hte nchyi nmu gaw ngai hta hpring nga li ai. 4Nye a baw sin mat li ai, ngai gaw hkrit gari nga nngai. Ngai gaw shana de du wa na matu la kau ni ai, rai ti mung dai gaw hkrit kahpra ai hta jan nna nye a matu kaman lila rai nga ai.
5Shingran hta lusha poi jin jin rai nga sai; manam ni dung na matu sagu panep ni hpe hpyan nep da nga sai. Shanhte gaw lu lu sha sha rai ma ai. Hpyen du langai mi gaw akajawng sha ning ngu sadi jaw dat wu ai: “Du salang ni e, nanhte a ninggang ni hpe hkyen da manu!”
6Dai hpang Madu gaw ngai hpe, “Sa nna sin langa langai tawn u, shi hpa mu ai lam shiga jaw na matu shi hpe tsun u. 7Marai lahkawng yep yep rai gumra jawn sa wa ai masha ni hte lawze ni hte gawla-uk ni hta jawn ai masha ni hpe shi mu ai rai yang, shi gaw shanhte hpe sadi maja ai hte maram yu nga u ga,” ngu nna tsun wu ai.
8Dai sin langa wa gaw, “Madu e, Ngai gaw nye a sin shara hta shani shana tsap let sin nngai,” ngu nna jahtau tsun wu ai.
9Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.
10Nye a amyu masha Israela e, nang gaw hkaulan mam zawn kabye anut ai hkrum nga nit dai, rai ti mung ya chyawm gaw Chyahtum Chyalai N-gun rawng ai dai Madu Israela a Karai Kasang kaw na ngai na ni ai kabu gara shiga ngai nang hpe tsun ndau ni ai.
Edom Hte Seng Ai Mungga
11Ndai gaw Edom hte seng ai mungga rai nga ai.
Marai langai mi gaw Edom mung kaw nna ngai hpe, “Sin langa wa e, Shana gaw kade na jang lai mat wa na rai nga a ta? Dai gaw kade na yang lai mat wa na lam, ngai hpe tsun dan e,” ngu nna shaga nga ai.
12Ngai gaw, “Jahpawt manap gaw du wa ra ai, rai ti mung shana bai du na ra ai. Nang bai san mayu ai rai yang, nhtang sa wa nna san u,” ngu nna htan we ai.
Arabi Hte Seng Ai Mungga
13Ndai gaw Arabi hte seng ai mungga rai nga ai.
Dedan masha ni e, nanhte gaw Arabi mung a hkun hkraw ai shara hta hpaga dabang hku but nga myit dai, 14nang kaw du sa wa ai hpang gara ai masha ni hpe lu na ntsin jaw ndai. Tema mung na masha ni e, nang gaw tsin-yam hkrum ai masha ni hpe lusha jaw nga ndai. 15Shanhte gaw shanhte hpe sat na matu jin jin rai nga ai nhtu kaw nna mung, gap na matu jin jin rai nga sai ndan kaw nna mung, majan a shoihpa shoirang yawng kaw na mung, hprawng lawt wa ai ni rai ma ai.
16Dai hpang Madu gaw ngai hpe, “Kedara amyu bawsang ni a galu kaba ai gaw laning mi tup hta htum mat wa na ra ai. 17Ndan gap ai ni gaw Kedara a share shagan lu ai masha ni rai nga ma ai, rai ti mung shanhte hta na nkau mi gaw hti ngam nga na mara ai. Dai Madu Israela a Karai Kasang ngai nan tsun ni ai,” ngu nna tsun wu ai.
Currently Selected:
ESAIA 21: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
ESAIA 21
21
Babelon Hkrat Sum Na Shingran
1Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai. 2Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai.
Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.
3Ngai mu ai hte na ai shingran hta shinggyim machyi ai num zawn hkam sha ai hkrit hpa lam hte nchyi nmu gaw ngai hta hpring nga li ai. 4Nye a baw sin mat li ai, ngai gaw hkrit gari nga nngai. Ngai gaw shana de du wa na matu la kau ni ai, rai ti mung dai gaw hkrit kahpra ai hta jan nna nye a matu kaman lila rai nga ai.
5Shingran hta lusha poi jin jin rai nga sai; manam ni dung na matu sagu panep ni hpe hpyan nep da nga sai. Shanhte gaw lu lu sha sha rai ma ai. Hpyen du langai mi gaw akajawng sha ning ngu sadi jaw dat wu ai: “Du salang ni e, nanhte a ninggang ni hpe hkyen da manu!”
6Dai hpang Madu gaw ngai hpe, “Sa nna sin langa langai tawn u, shi hpa mu ai lam shiga jaw na matu shi hpe tsun u. 7Marai lahkawng yep yep rai gumra jawn sa wa ai masha ni hte lawze ni hte gawla-uk ni hta jawn ai masha ni hpe shi mu ai rai yang, shi gaw shanhte hpe sadi maja ai hte maram yu nga u ga,” ngu nna tsun wu ai.
8Dai sin langa wa gaw, “Madu e, Ngai gaw nye a sin shara hta shani shana tsap let sin nngai,” ngu nna jahtau tsun wu ai.
9Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.
10Nye a amyu masha Israela e, nang gaw hkaulan mam zawn kabye anut ai hkrum nga nit dai, rai ti mung ya chyawm gaw Chyahtum Chyalai N-gun rawng ai dai Madu Israela a Karai Kasang kaw na ngai na ni ai kabu gara shiga ngai nang hpe tsun ndau ni ai.
Edom Hte Seng Ai Mungga
11Ndai gaw Edom hte seng ai mungga rai nga ai.
Marai langai mi gaw Edom mung kaw nna ngai hpe, “Sin langa wa e, Shana gaw kade na jang lai mat wa na rai nga a ta? Dai gaw kade na yang lai mat wa na lam, ngai hpe tsun dan e,” ngu nna shaga nga ai.
12Ngai gaw, “Jahpawt manap gaw du wa ra ai, rai ti mung shana bai du na ra ai. Nang bai san mayu ai rai yang, nhtang sa wa nna san u,” ngu nna htan we ai.
Arabi Hte Seng Ai Mungga
13Ndai gaw Arabi hte seng ai mungga rai nga ai.
Dedan masha ni e, nanhte gaw Arabi mung a hkun hkraw ai shara hta hpaga dabang hku but nga myit dai, 14nang kaw du sa wa ai hpang gara ai masha ni hpe lu na ntsin jaw ndai. Tema mung na masha ni e, nang gaw tsin-yam hkrum ai masha ni hpe lusha jaw nga ndai. 15Shanhte gaw shanhte hpe sat na matu jin jin rai nga ai nhtu kaw nna mung, gap na matu jin jin rai nga sai ndan kaw nna mung, majan a shoihpa shoirang yawng kaw na mung, hprawng lawt wa ai ni rai ma ai.
16Dai hpang Madu gaw ngai hpe, “Kedara amyu bawsang ni a galu kaba ai gaw laning mi tup hta htum mat wa na ra ai. 17Ndan gap ai ni gaw Kedara a share shagan lu ai masha ni rai nga ma ai, rai ti mung shanhte hta na nkau mi gaw hti ngam nga na mara ai. Dai Madu Israela a Karai Kasang ngai nan tsun ni ai,” ngu nna tsun wu ai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.