HEBRE 5
5
1Hkinjawng agyi shagu gaw, yubak a jaw e hkungga hte kumhpaw kumhpa nawng ya u ga, masha ni hta na lata la nna, shinggyim masha ni a malai Karai Kasang hpe daw jau na matu san da hkrum ai wa rai nga ai. 2Shi hkum nan pyi lam amyu myu hta gawng kya nga ai rai nna, machye machyang kata ai ni, shut hpyit lam dam ai ni hpe sumnung ai myit madun lu ai wa rai nga ai. 3Shi nan gawng kya nga ai majaw, masha kaga ni a yubak mara a matu sha n rai, shi nan a yubak mara a matu mung hkungga nawng la ra nga ai.#Heb 7:27; Jaw 9:7; 16:6,15-17. 4Kadai wa mung tinang a hkum hpe hkinjawng agyi kaba tai ai arawng hta lata dang da lu ai n rai; Arun hpe zawn Karai Kasang e shaga la hkrum ai masha wa chyu sha hkinjawng agyi kaba byin tai lu nga ai. #2Hl 26:18; Yhn 3:27.
5Dai hte maren Hkristu gaw hkinjawng agyi kaba arawng hta shi hkum dai shi shagrau la wu ai n rai. Shing rai na malai,
“Nang gaw Nye a Kasha rai nga ndai;
dai ni ngai na a Kawa tai wa ni ai.” nga nna tsun ai Karai Kasang she shi hpe shagrau wu ai.#Heb 1:8; Shk 2:7; Yhn 8:54.
6Kaga Chyum Ga shara mi hta,
“Nang gaw Melhkizedek a hkringhtawng dagraw ai,
htani htana hkinjawng tai na rin dai,” nga nna mung tsun da nga ai. #Heb 7:17,21; Shk 110:4.
7Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai. #Mat 26:37,42,53; Yhn 12:27; 17:1. 8Shi gaw Karai Kasang a Kasha nan rai nga ai, rai ti mung nni nkri hkam ai hte madat mara ai lam hpe sharin la wu ai. 9Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai. 10Karai Kasang mung shi hpe Melhkizedek a hkringhtawng dagraw ai hkinjawng agyi kaba wa re ai ngu nna tsun ndau ya wu ai.#Heb 6:20.
Makam Masham Hta Na N Htak Mat Wa Mu Ga Sadi Jaw Ai Lam
11Ndai lam hte seng nna anhte tsun shara law law lu ga ai, rai ti mung nanhte gaw alawan n chye na hkraw ai ni rai myit dai majaw, nanhte hpe sanglang dan na yak la nga ai. 12Aten hpe sawn yu yang nanhte gaw sara ni tai ram manit dai, rai ti mung Karai Kasang a shawng na ga kanu mungga hpe pyi marai langai ngai e nanhte hpe naw sharin ya ra nga myit dai. Nanhte gaw ja ai lu sha sha na malai chyu sha naw alu ra nga myit dai. 13Chyu sha naw alu nga ai wa kadai mung, jaw ai hte shut ai lam hte seng nna ginhka chye ai mahkrum madup n nga ai ma chyangai sha naw arai nga ai. 14Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.
Currently Selected:
HEBRE 5: JCLB
Highlight
Copy
Compare
Share
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
HEBRE 5
5
1Hkinjawng agyi shagu gaw, yubak a jaw e hkungga hte kumhpaw kumhpa nawng ya u ga, masha ni hta na lata la nna, shinggyim masha ni a malai Karai Kasang hpe daw jau na matu san da hkrum ai wa rai nga ai. 2Shi hkum nan pyi lam amyu myu hta gawng kya nga ai rai nna, machye machyang kata ai ni, shut hpyit lam dam ai ni hpe sumnung ai myit madun lu ai wa rai nga ai. 3Shi nan gawng kya nga ai majaw, masha kaga ni a yubak mara a matu sha n rai, shi nan a yubak mara a matu mung hkungga nawng la ra nga ai.#Heb 7:27; Jaw 9:7; 16:6,15-17. 4Kadai wa mung tinang a hkum hpe hkinjawng agyi kaba tai ai arawng hta lata dang da lu ai n rai; Arun hpe zawn Karai Kasang e shaga la hkrum ai masha wa chyu sha hkinjawng agyi kaba byin tai lu nga ai. #2Hl 26:18; Yhn 3:27.
5Dai hte maren Hkristu gaw hkinjawng agyi kaba arawng hta shi hkum dai shi shagrau la wu ai n rai. Shing rai na malai,
“Nang gaw Nye a Kasha rai nga ndai;
dai ni ngai na a Kawa tai wa ni ai.” nga nna tsun ai Karai Kasang she shi hpe shagrau wu ai.#Heb 1:8; Shk 2:7; Yhn 8:54.
6Kaga Chyum Ga shara mi hta,
“Nang gaw Melhkizedek a hkringhtawng dagraw ai,
htani htana hkinjawng tai na rin dai,” nga nna mung tsun da nga ai. #Heb 7:17,21; Shk 110:4.
7Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai. #Mat 26:37,42,53; Yhn 12:27; 17:1. 8Shi gaw Karai Kasang a Kasha nan rai nga ai, rai ti mung nni nkri hkam ai hte madat mara ai lam hpe sharin la wu ai. 9Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai. 10Karai Kasang mung shi hpe Melhkizedek a hkringhtawng dagraw ai hkinjawng agyi kaba wa re ai ngu nna tsun ndau ya wu ai.#Heb 6:20.
Makam Masham Hta Na N Htak Mat Wa Mu Ga Sadi Jaw Ai Lam
11Ndai lam hte seng nna anhte tsun shara law law lu ga ai, rai ti mung nanhte gaw alawan n chye na hkraw ai ni rai myit dai majaw, nanhte hpe sanglang dan na yak la nga ai. 12Aten hpe sawn yu yang nanhte gaw sara ni tai ram manit dai, rai ti mung Karai Kasang a shawng na ga kanu mungga hpe pyi marai langai ngai e nanhte hpe naw sharin ya ra nga myit dai. Nanhte gaw ja ai lu sha sha na malai chyu sha naw alu ra nga myit dai. 13Chyu sha naw alu nga ai wa kadai mung, jaw ai hte shut ai lam hte seng nna ginhka chye ai mahkrum madup n nga ai ma chyangai sha naw arai nga ai. 14Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.