HABAKU 3
3
Habaku A Akyu Hpyi Ga
1Ndai gaw myihtoi Habaku a akyu hpyi ga rai nga ai:
2O Madu e, nang galaw nit dai amu ni a lam ngai na ni ai,
ngai hkrit gari ai hte hpring nga nngai.
Ya chyawm gaw anhte a aten ni hta, nang galaw dan sai amu kaba ni
hpe kalang mi bai galaw u law.
Nang pawt sindawng nga ai shaloi pyi, matsan dum nga u law.
3Karai Kasang gaw Edom kaw nna bai sa wa nga ai;
chyoi pra ai Karai Kasang gaw Paran kawng ni kaw na sa wa nga ai.
Shi a hpung shingkang sumsing lamu ni hpe ka-up da nga ai;
ginding aga gaw shi hpe shakawn kungdawn ai ga hte hpring nga ai.
4Shi gaw htoi tu ai myihprap wan hte sa nga ai;
shi a daru magam n-gun makoi rawng nga ai
shi a hkra lata kaw na nhtoi wan gala nga ai.
5Shi gaw shi a shawng e ana ahkya dat dat nna
shi a hpang e si hkrung si htan hkan nang na matu hkang da nga ai.
6Shi hkring ai shaloi, ginding aga ashun awam nga ai;
nang praw mada yu ai shaloi, masha amyu baw ni hkrit gari nga ma ai.
Htani htana bum ni ga gamang mat nna;
dinggrin a nga nga ai kawng ni,
moi prat kaw nna shi hkawm nga ai kawng ni lup shang mat nga ai.
7Ngai gaw Hkusha masha ni hkrit nga ma ai hpe mung,
Midian masha ni hkrit gari nga ma ai hpe mung mu nngai.
8 Madu e, hka nu ni nang hpe masin shapawt nga ma ni?
Panglai gaw nang hpe masin kahtet shangun nga a ni?
Nang gaw sumwi ntsa hta jawn ndai;
na a amyu masha ni hpang de awng padang la sa wa yang,
laru sumwi gaw na a gumra leng rai nga ai.
9Nang gaw na ndan lang na matu mung,
na a pala ni gap dat na matu mung jin jin rai nga ndai.
Na a myihprap wan gaw ginding aga hpe ga mahka kau nu ai.
10Bum ni nang hpe mu ai shaloi, dai ni hkrit gari ma ai;
lamu ni kaw na hka ru hkrat nga ai.
Ginding aga a npu na hka ni wu kadu nga ai hte
dai ni a hka leng ni rawt lung wa nga ai.
11Na a lawan ai pala ni a kabrim ai hte
na a tu gala ai ri tu galam ai a majaw,
ajan hte shata hkring nga ma ai.
12Nang gaw masin kahtet ai hte ginding aga hta jawt hkawm nga ndai;
nang gaw sindawng kahtet ai hte masha amyu baw ni hpe kabye anut kau nga ndai.
13Nang gaw na a amyu masha ni hpe hkye la na matu mung,
nang lata da sai hkawhkam wa hpe hkye la na matu mung pru sa wa nga ndai.
Nang gaw n hkru ai ni a ningbaw wa hpe adup kadang kau nna
shi a hpang hkan masha ni hpe tsep kawp shamyit kau nit dai.
14Anhte hpe shabra kau na nga, laru bungga zawn ahpawt du wa nna,
matsan mayan masha ni hpe machyi shim ai hku dip gamyet sha na yu kabu nga ai shaloi,
na a pala ni dai hpyen hpung woi awn ai hpyendu wa hpe galun htinggrang kau nga nit dai.
15Nang gaw na a gumra ni hte panglai hka kabye dat ai hte
hka hkumbawp pru wa shangun nga ndai.
16Ngai gaw dai amu ni yawng a lam na nngai, ngai hkrit gari nga nngai;
nye a nten ni hkrit ai hte gari ashun nga li ai.
Nye a hkum gayaw hten htu nga ai,
nye a lagaw ahtu kataw nga ai.
Karai Kasang gaw anhte hpe gasat ai ni hpe ari jaw na ra ai shaloi,
ngai gaw dai aten du wa na hpe atsin sha ala nga na nngai.
17Lagum hpun ni hta asi n si,
sabyi ru ni hta asi n si,
tsanlun hpun hta asi n noi,
yi hkauna ni hta nai mam n shapraw,
sagu ni yawng si htum nna
dumsu lawng hta kaman rai mat ti mung,
18ngai gaw naw kabu gara ai hte kabu sharawng nga na nngai,
hpa majaw nga yang Madu Karai Kasang gaw nye a hkye la madu rai nga ai.
19Tsaw Htum ai dai Madu gaw ngai hpe n-gun jaw nga ai.
Shi gaw ngai hpe shannga lagaw zawn shangang ya nna,
ngai hpe bum ntsa hkan e shim nga shangun nga ai. #2Sa 22:34; Shk 18:33.
Currently Selected:
HABAKU 3: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
HABAKU 3
3
Habaku A Akyu Hpyi Ga
1Ndai gaw myihtoi Habaku a akyu hpyi ga rai nga ai:
2O Madu e, nang galaw nit dai amu ni a lam ngai na ni ai,
ngai hkrit gari ai hte hpring nga nngai.
Ya chyawm gaw anhte a aten ni hta, nang galaw dan sai amu kaba ni
hpe kalang mi bai galaw u law.
Nang pawt sindawng nga ai shaloi pyi, matsan dum nga u law.
3Karai Kasang gaw Edom kaw nna bai sa wa nga ai;
chyoi pra ai Karai Kasang gaw Paran kawng ni kaw na sa wa nga ai.
Shi a hpung shingkang sumsing lamu ni hpe ka-up da nga ai;
ginding aga gaw shi hpe shakawn kungdawn ai ga hte hpring nga ai.
4Shi gaw htoi tu ai myihprap wan hte sa nga ai;
shi a daru magam n-gun makoi rawng nga ai
shi a hkra lata kaw na nhtoi wan gala nga ai.
5Shi gaw shi a shawng e ana ahkya dat dat nna
shi a hpang e si hkrung si htan hkan nang na matu hkang da nga ai.
6Shi hkring ai shaloi, ginding aga ashun awam nga ai;
nang praw mada yu ai shaloi, masha amyu baw ni hkrit gari nga ma ai.
Htani htana bum ni ga gamang mat nna;
dinggrin a nga nga ai kawng ni,
moi prat kaw nna shi hkawm nga ai kawng ni lup shang mat nga ai.
7Ngai gaw Hkusha masha ni hkrit nga ma ai hpe mung,
Midian masha ni hkrit gari nga ma ai hpe mung mu nngai.
8 Madu e, hka nu ni nang hpe masin shapawt nga ma ni?
Panglai gaw nang hpe masin kahtet shangun nga a ni?
Nang gaw sumwi ntsa hta jawn ndai;
na a amyu masha ni hpang de awng padang la sa wa yang,
laru sumwi gaw na a gumra leng rai nga ai.
9Nang gaw na ndan lang na matu mung,
na a pala ni gap dat na matu mung jin jin rai nga ndai.
Na a myihprap wan gaw ginding aga hpe ga mahka kau nu ai.
10Bum ni nang hpe mu ai shaloi, dai ni hkrit gari ma ai;
lamu ni kaw na hka ru hkrat nga ai.
Ginding aga a npu na hka ni wu kadu nga ai hte
dai ni a hka leng ni rawt lung wa nga ai.
11Na a lawan ai pala ni a kabrim ai hte
na a tu gala ai ri tu galam ai a majaw,
ajan hte shata hkring nga ma ai.
12Nang gaw masin kahtet ai hte ginding aga hta jawt hkawm nga ndai;
nang gaw sindawng kahtet ai hte masha amyu baw ni hpe kabye anut kau nga ndai.
13Nang gaw na a amyu masha ni hpe hkye la na matu mung,
nang lata da sai hkawhkam wa hpe hkye la na matu mung pru sa wa nga ndai.
Nang gaw n hkru ai ni a ningbaw wa hpe adup kadang kau nna
shi a hpang hkan masha ni hpe tsep kawp shamyit kau nit dai.
14Anhte hpe shabra kau na nga, laru bungga zawn ahpawt du wa nna,
matsan mayan masha ni hpe machyi shim ai hku dip gamyet sha na yu kabu nga ai shaloi,
na a pala ni dai hpyen hpung woi awn ai hpyendu wa hpe galun htinggrang kau nga nit dai.
15Nang gaw na a gumra ni hte panglai hka kabye dat ai hte
hka hkumbawp pru wa shangun nga ndai.
16Ngai gaw dai amu ni yawng a lam na nngai, ngai hkrit gari nga nngai;
nye a nten ni hkrit ai hte gari ashun nga li ai.
Nye a hkum gayaw hten htu nga ai,
nye a lagaw ahtu kataw nga ai.
Karai Kasang gaw anhte hpe gasat ai ni hpe ari jaw na ra ai shaloi,
ngai gaw dai aten du wa na hpe atsin sha ala nga na nngai.
17Lagum hpun ni hta asi n si,
sabyi ru ni hta asi n si,
tsanlun hpun hta asi n noi,
yi hkauna ni hta nai mam n shapraw,
sagu ni yawng si htum nna
dumsu lawng hta kaman rai mat ti mung,
18ngai gaw naw kabu gara ai hte kabu sharawng nga na nngai,
hpa majaw nga yang Madu Karai Kasang gaw nye a hkye la madu rai nga ai.
19Tsaw Htum ai dai Madu gaw ngai hpe n-gun jaw nga ai.
Shi gaw ngai hpe shannga lagaw zawn shangang ya nna,
ngai hpe bum ntsa hkan e shim nga shangun nga ai. #2Sa 22:34; Shk 18:33.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.