KASA 2
2
Chyoi Pra Ai Wenyi Yu Wa Ai Lam
1Ya, Pentekoti shani du jang, kam sham ai ni nlang hte gaw shara mi hta sha hpawng nga ma ai.#Kas 1:14; Jaw 23:15; Trj 16:9-11. 2Shaloi lamu de na nbung laru kaba wa ai zawn, akajawng sha ngoi kadu pru nna shanhte rawng nga ai nta ting hpring chyat rai wa ai. 3Shaloi bra garan ai wan shinglet zawn re ai mung, shanhte kaw dan pru nna langai hte langai a ntsa e jung nga ai. 4Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.
5Dai aten hta mungkan ting na mungdan langai hte langai hta nga ai tara hkungga ai Yuda masha ni Yerusalem mare e nga nga ma ai. 6Shanhte dai nsen hpe na ma yang, masha wunawng wuwa hpawng nga ma ai. Kam sham ai ni hkai dan ai lam ni hpe kadai mung kadai tinang amyu ga hku na la lu ai majaw shanhte mau mat ma ai. 7Mau mahka let shanhte gaw, “Ndai zawn nga nna shaga nga ai masha ni gaw Galile masha ni n rai nga ma ni? 8Dai rai yang, shanhte tsun ai hpe anhte yawng tinang a amyu ga hku na la lu ai gaw kaning re ai rai nga a ta? 9Anhte gaw Parhti, Medi, Elam, mung na ni hte Mesapotamia mung e nga ai ni, Yuda hte Kapadokia mung, Pontu hte Asi, 10Hprugi hte Pamhpuli, Egutu hte Kureni makau na Lebu ginwang hkan e nga ai ni, Roma nna wa nga ai ni ngu ai Yuda masha hte Proselutu ni, 11Kreti hte Arabi mung na ni rai nga ga ai. Dai rai yang, Karai Kasang galaw ai mauhpa magam amu lam ni shanhte hkai dan ai ga hpe, tinang a amyu ga hku na la lu nga ga hka!,” nga nna myit kahpra mau let tsun ma ai. 12Shanhte gaw mau mahka ung ang let, “Ndai zawn byin ai lam gaw hpa baw lachyum wa rai nga a ta?,” nga nna shada san hkat nga ma ai.
13Rai ti mung nkau mi gaw, “Shanhte sabyi nang nga ma ai,” nga nna tsun jahpoi ma ai.
Petru A Mungga
14Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu! 15Nanhte zawn nawn ai hku ndai ni sabyi nang nga ma ai n rai. Hpa majaw nga yang ya e jahpawt hkying jahku sha naw rai nga ai. 16Ndai lam chyawm gaw, myihtoi Yoela tsun da ai lam rai nga ai. Shi tsun ai gaw,
17‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta,
nye a Wenyi ngai ru jaw na nngai.
Nanhte a shayi shadang sha ni, myihtoi htoi na mara ai.
Nanhte a brang ram ni shingran mu nna
nanhte a ding la ni yup mang mu na mara ai.#Kas 10:45; 21:9; Yoe 2:28,32; Zeh 12:10.
18Rai sa, dai nhtoi hte yang nye a nchyang la ni hte nye a nchyang jan ni a ntsa e
nye a Wenyi ngai ru jaw nna,
shanhte nye a mungga htawn tsun na mara ai.
19Ngai gaw ntsa de sumsing lamu e lamik kumla ni,
lawu de ga ntsa e mauhpa amu ni ngu ai,
sai, wan hte htat la ai wan hkut hpe madun dan na nngai;
20Karai Kasang a galu kaba ai hte hpung shingkang rawng ai Nhtoi garai n du yang,
jan gaw nsin chyip rai mat nna,
shata mung sai zawn hkyeng mat na ra ai.
21Dai shaloi e dai Madu a mying nsang hpe gang shaga ai ni kadai mung, hkye hkrang la ai hkrum na ma ra ai,’ nga ai.
22Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai. 23Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai. #Mat 26:24; Luk 22:22; 24:44. 24Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.#Kas 4:10; 10:40; 13:30-31; 17:31; 1Ko 15:15. 25Dai Madu a lam hte seng nna Dawi tsun ai gaw,
‘Dai Madu hpe nye a myi man chyaw ngai tut tut mu lu nga nngai.
Ngai myit shamu shamawt ai n hkrum u ga, Madu gaw nye a makau e nga nga ai.#Shk 16:8.
26Dai re ai majaw nye a myit masin kabu gara ai hte hpring nna,
nye a n-gup ngwi pyaw ai ga hte hpring nga li ai.
Ngai gaw si chye ai masha rai nga ti mung,
myit amu sha hte myit mada nga na nngai.
27Hpa majaw nga yang nang ngai hpe Katsan ga e kabai kau da ndai n rai;
na a kangka ai shangun ma wa hpe,
lup sung hku hta yat tsam mat shangun na ndai n rai.
28Asak hkrung ai lam nang ngai hpe madun dan nit dai;
nang ngai hte nga nga ai majaw ngai hpe kabu gara ai hte jahpring ya na rin dai,’ nga ai.
29“Hpu nau ni e, anhte a kaji daju rai nna kajai gumhkawng ai Dawi a lam hpe ngai asan sha tsun dan na n ngai. Shi gaw si wa ai hte lup makoi hkrum sai rai nna shi a lup gaw dai ni du hkra anhte hte rau nga nga ai. 30Dai wa gaw myihtoi langai mi rai nga ai rai nna shi a amyu matu hta na langai wa mi hpe Hkawhkam tai na matu san da na nga nna Karai Kasang dagam ga shaka tawn da sai lam shi chye wu ai majaw, #2Sa 7:12-13; Shk 132:11; Luk 1:32,69; 2Tm 2:8. 31Karai Kasang gaw du na ra ai aten hta hpa baw galaw hkyen nga ai lam Dawi chye wu ai rai nna Meshia bai hkrung rawt wa na lam hte seng nna,
‘Madu hpe Katsan ga hta kabai tawn da na n rai,
Shi a hkum hkrang dai lup sung hku hta yat tsam mat shangun na n rai,’ nga nna shi tsun da wu ai.”
32Dai Yesu hpe Karai Kasang jahkrung sharawt la wu ai rai nna anhte yawng mung dai lam a sakse ni rai nga ga ai. 33Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai. 34Hpa majaw nga yang, sumsing lamu de lung wa ai wa gaw Dawi n rai, rai ti mung shi nan she ning nga ai,
‘Madu Karai Kasang gaw nye a Madu hpe tsun wu ai gaw,
35Na a gumlau ni hpe, na a lagaw nhpang e lagaw kabye lahkum, ngai shatai kau ai du hkra,
nye a hkra maga de dung nga u nga ai.’
36Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.
37Shawa masha ni dai ga hpe na ma yang, shanhte a myit hta hkra malu ai rai nna shanhte gaw Petru hte kaga Kasa ni hpe, “Hpu nau ni e, anhte kaning rai na rai ta?,” ngu nna tsun ma ai.
38Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai. 39Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.
40Petru gaw ga kaga law law hte mung sakse hkam nna, “Nanhte gaw nanhte a hkum hpe ndai n hkru ai masha ni hkrum sha nga ai ari hta na lawt pru lu myit ga law!,” ngu nna shanhte hpe shadut shadum jahprang wu ai. 41Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai. 42Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.
Kam Sham Ai Ni A Asak Hkrung Lam
43Kasa ni gaw lamik kumla law law hte mauhpa amu ni galaw dan ma ai majaw masha nlang hte mung hkrit kang shajang ma ai. 44Kam sham ai ni nlang hte gaw shara mi hta sha rau hpawng nga nna, arai yawng mayawng hpe jawm lang ma ai.#Kas 4:32-34. 45Shanhte gaw tinang a sut rai ni hpe dut kau nna kadai wa hpe mung n ginhka ai, ra kadawn ai hte maren karan jaw mu ai. 46Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai. 47Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.
Currently Selected:
KASA 2: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.
KASA 2
2
Chyoi Pra Ai Wenyi Yu Wa Ai Lam
1Ya, Pentekoti shani du jang, kam sham ai ni nlang hte gaw shara mi hta sha hpawng nga ma ai.#Kas 1:14; Jaw 23:15; Trj 16:9-11. 2Shaloi lamu de na nbung laru kaba wa ai zawn, akajawng sha ngoi kadu pru nna shanhte rawng nga ai nta ting hpring chyat rai wa ai. 3Shaloi bra garan ai wan shinglet zawn re ai mung, shanhte kaw dan pru nna langai hte langai a ntsa e jung nga ai. 4Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.
5Dai aten hta mungkan ting na mungdan langai hte langai hta nga ai tara hkungga ai Yuda masha ni Yerusalem mare e nga nga ma ai. 6Shanhte dai nsen hpe na ma yang, masha wunawng wuwa hpawng nga ma ai. Kam sham ai ni hkai dan ai lam ni hpe kadai mung kadai tinang amyu ga hku na la lu ai majaw shanhte mau mat ma ai. 7Mau mahka let shanhte gaw, “Ndai zawn nga nna shaga nga ai masha ni gaw Galile masha ni n rai nga ma ni? 8Dai rai yang, shanhte tsun ai hpe anhte yawng tinang a amyu ga hku na la lu ai gaw kaning re ai rai nga a ta? 9Anhte gaw Parhti, Medi, Elam, mung na ni hte Mesapotamia mung e nga ai ni, Yuda hte Kapadokia mung, Pontu hte Asi, 10Hprugi hte Pamhpuli, Egutu hte Kureni makau na Lebu ginwang hkan e nga ai ni, Roma nna wa nga ai ni ngu ai Yuda masha hte Proselutu ni, 11Kreti hte Arabi mung na ni rai nga ga ai. Dai rai yang, Karai Kasang galaw ai mauhpa magam amu lam ni shanhte hkai dan ai ga hpe, tinang a amyu ga hku na la lu nga ga hka!,” nga nna myit kahpra mau let tsun ma ai. 12Shanhte gaw mau mahka ung ang let, “Ndai zawn byin ai lam gaw hpa baw lachyum wa rai nga a ta?,” nga nna shada san hkat nga ma ai.
13Rai ti mung nkau mi gaw, “Shanhte sabyi nang nga ma ai,” nga nna tsun jahpoi ma ai.
Petru A Mungga
14Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu! 15Nanhte zawn nawn ai hku ndai ni sabyi nang nga ma ai n rai. Hpa majaw nga yang ya e jahpawt hkying jahku sha naw rai nga ai. 16Ndai lam chyawm gaw, myihtoi Yoela tsun da ai lam rai nga ai. Shi tsun ai gaw,
17‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta,
nye a Wenyi ngai ru jaw na nngai.
Nanhte a shayi shadang sha ni, myihtoi htoi na mara ai.
Nanhte a brang ram ni shingran mu nna
nanhte a ding la ni yup mang mu na mara ai.#Kas 10:45; 21:9; Yoe 2:28,32; Zeh 12:10.
18Rai sa, dai nhtoi hte yang nye a nchyang la ni hte nye a nchyang jan ni a ntsa e
nye a Wenyi ngai ru jaw nna,
shanhte nye a mungga htawn tsun na mara ai.
19Ngai gaw ntsa de sumsing lamu e lamik kumla ni,
lawu de ga ntsa e mauhpa amu ni ngu ai,
sai, wan hte htat la ai wan hkut hpe madun dan na nngai;
20Karai Kasang a galu kaba ai hte hpung shingkang rawng ai Nhtoi garai n du yang,
jan gaw nsin chyip rai mat nna,
shata mung sai zawn hkyeng mat na ra ai.
21Dai shaloi e dai Madu a mying nsang hpe gang shaga ai ni kadai mung, hkye hkrang la ai hkrum na ma ra ai,’ nga ai.
22Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai. 23Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai. #Mat 26:24; Luk 22:22; 24:44. 24Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.#Kas 4:10; 10:40; 13:30-31; 17:31; 1Ko 15:15. 25Dai Madu a lam hte seng nna Dawi tsun ai gaw,
‘Dai Madu hpe nye a myi man chyaw ngai tut tut mu lu nga nngai.
Ngai myit shamu shamawt ai n hkrum u ga, Madu gaw nye a makau e nga nga ai.#Shk 16:8.
26Dai re ai majaw nye a myit masin kabu gara ai hte hpring nna,
nye a n-gup ngwi pyaw ai ga hte hpring nga li ai.
Ngai gaw si chye ai masha rai nga ti mung,
myit amu sha hte myit mada nga na nngai.
27Hpa majaw nga yang nang ngai hpe Katsan ga e kabai kau da ndai n rai;
na a kangka ai shangun ma wa hpe,
lup sung hku hta yat tsam mat shangun na ndai n rai.
28Asak hkrung ai lam nang ngai hpe madun dan nit dai;
nang ngai hte nga nga ai majaw ngai hpe kabu gara ai hte jahpring ya na rin dai,’ nga ai.
29“Hpu nau ni e, anhte a kaji daju rai nna kajai gumhkawng ai Dawi a lam hpe ngai asan sha tsun dan na n ngai. Shi gaw si wa ai hte lup makoi hkrum sai rai nna shi a lup gaw dai ni du hkra anhte hte rau nga nga ai. 30Dai wa gaw myihtoi langai mi rai nga ai rai nna shi a amyu matu hta na langai wa mi hpe Hkawhkam tai na matu san da na nga nna Karai Kasang dagam ga shaka tawn da sai lam shi chye wu ai majaw, #2Sa 7:12-13; Shk 132:11; Luk 1:32,69; 2Tm 2:8. 31Karai Kasang gaw du na ra ai aten hta hpa baw galaw hkyen nga ai lam Dawi chye wu ai rai nna Meshia bai hkrung rawt wa na lam hte seng nna,
‘Madu hpe Katsan ga hta kabai tawn da na n rai,
Shi a hkum hkrang dai lup sung hku hta yat tsam mat shangun na n rai,’ nga nna shi tsun da wu ai.”
32Dai Yesu hpe Karai Kasang jahkrung sharawt la wu ai rai nna anhte yawng mung dai lam a sakse ni rai nga ga ai. 33Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai. 34Hpa majaw nga yang, sumsing lamu de lung wa ai wa gaw Dawi n rai, rai ti mung shi nan she ning nga ai,
‘Madu Karai Kasang gaw nye a Madu hpe tsun wu ai gaw,
35Na a gumlau ni hpe, na a lagaw nhpang e lagaw kabye lahkum, ngai shatai kau ai du hkra,
nye a hkra maga de dung nga u nga ai.’
36Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.
37Shawa masha ni dai ga hpe na ma yang, shanhte a myit hta hkra malu ai rai nna shanhte gaw Petru hte kaga Kasa ni hpe, “Hpu nau ni e, anhte kaning rai na rai ta?,” ngu nna tsun ma ai.
38Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai. 39Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.
40Petru gaw ga kaga law law hte mung sakse hkam nna, “Nanhte gaw nanhte a hkum hpe ndai n hkru ai masha ni hkrum sha nga ai ari hta na lawt pru lu myit ga law!,” ngu nna shanhte hpe shadut shadum jahprang wu ai. 41Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai. 42Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.
Kam Sham Ai Ni A Asak Hkrung Lam
43Kasa ni gaw lamik kumla law law hte mauhpa amu ni galaw dan ma ai majaw masha nlang hte mung hkrit kang shajang ma ai. 44Kam sham ai ni nlang hte gaw shara mi hta sha rau hpawng nga nna, arai yawng mayawng hpe jawm lang ma ai.#Kas 4:32-34. 45Shanhte gaw tinang a sut rai ni hpe dut kau nna kadai wa hpe mung n ginhka ai, ra kadawn ai hte maren karan jaw mu ai. 46Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai. 47Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.