Filipiye 3
3
Lemigi le kaka tele ka miizi a Njyami
1Ŋa be, andumu a mi, leka nca kase be levunuŋa ma Mfumu! Bwa ye kasa mi obi ma kavura teende be elogo jomankulu bya ŋi, ŋa ma be, evuli tata. 2Lesa oyeri ma amva! Lesa oyeri ma ajanji baabi! Lesa oyeri ma anga ncazi maabi. 3Angaa ncazi le tata, bizi. Okorogo, bizi kasala Njyami ma Oduduma nde wo ayamba bizi, ma Kirisite Jezu otu bizi lejogo ŋa bizi leka lege tari ma akabi ŋi. 4Ŋaa mi kiigi ebuna kabaga tari ma mi ankulu. Aka mbuuru okima kiigi abuna kacimiŋa ndi nde ŋa mpyeme ma kabaga tari ma nde ankulu, mi kiigi ebuna kacimiŋa leevuli bwa. 5Mi kiigi asi ncazi cugu le ompuomo amana kakula mi. Mi Ezerayele wo lekula, nkwono mi kiigi kaga le Bezame, Ebere mpabigi le Ebere. Mi kiigi cura Ngiri ye aJife ma oFarizi woove. 6Mi kiigi kyele angiri a bizi yomini eli mi kiigi mpa Okuga mpasi. Mi si mva ka alyele Ngiri tii eli mbuuru ki buna kakala mi ma kalogo ŋi. 7Mi kiigi ni mi ebaga osolo bila elogo bya, ŋaa yiga, ma Kirisite, mi emono mini bya elogo booca. 8Kaya le Kirisite Jezu o Mfumu a mi, mono kalogo keeve. Ecimiŋi e mi, njwori ba lebaga, kalogo kali kangula kaya kya. Ma nde, mi ma andaga njwori ŋa mi yiga kamono elogo bya njwori mva elogo e kiri, mabuni ma kabaga Kirisite. 9Jya le mi lwori kaka lemo bila nde ŋa ma kaka bila nde. Mi ki tele ŋi ma mi wo anyima Ngiri, ŋaa ma mi wo ma yalaga Kirisite. Kamaka Njyami wo avuta tele, ŋa nde avuta tele ma mbuuru wo ayalaga. 10Kalogo kamon kajii mi, ma kaya Kirisite, ŋa ma mpari ye enyuzugi e nde. Kajii mi kabaga bugu le ampasi a nde bila kawuana nde nca leku le nde, 11bila tari eli mi eje kaka mi se asata kanca ba amakpa.
Kabara nciini tii ncwo
12Mi ka lyele ni mi yiga ma abaga emi beesaga ŋi, sikali mini mi yiga ka tata ŋi. Ŋaa mi kini ebara nciini mabuni mi yaga elogo e nde, kabila Kirisite Jezu ma ayaga mi ma kaka ma nde. 13Andumu, mi eka cimiŋa ni mi miyaga jo ŋi. Ŋaa mi elumuŋa baali ngula mi, ŋa mi esa mpari mabuni mi to beeli ka osu o mi. Ŋaa kamaka kalogo kamon keesaga mi kasa: 14mi ebara nciini ma kato osu ma kayaga wura. Njyami acwolo bizi a be kayulu ma kayaga nde ma Kirisite Jezu.
15Bizi a be aso ba leli anga baari nca lila, ave bizi a be lecimiŋi ma lemigi lya. Aka be ŋa ecimiŋi ekima, Njyami aje kampa be kawa kayila ŋa. 16Ŋaa le lwono njila yo mankulu yia ye elwoni bizi tii lubu!
17Andumu, be aso lesa mva mi, ŋa lekese baari baba yaga osumbu o bizi wo kaka. 18Kabila bege le baari kasa mva anywon a Kirisite, eli ma akpa kayila lemaanji. Mi abaana lyele be bwa, ŋa mi avura lyele be lubu, ma kalili. 19Bo baaje kanywoŋo, kabila njyami a bo omwoyi o bo. Bo kajiima lekuma ba eje bo kasa okuru. Ŋa bo kacimiŋa elogo ba okiri wu. 20Ŋaa ma bizi, kangundu ka bizi kali kayulu: kaŋa, bizi le njila Ovuzigi bila tari leenini, Mfumu Kirisite Jezu. 21Nde aje kakaala nyuru bizi a be yeeli mpari kali, ma kawuana nyuru nde ye lekuma. Nde asa bwa bila mpari eli esa ndi elogo njwori ncina nde.
Currently Selected:
Filipiye 3: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Filipiye 3
3
Lemigi le kaka tele ka miizi a Njyami
1Ŋa be, andumu a mi, leka nca kase be levunuŋa ma Mfumu! Bwa ye kasa mi obi ma kavura teende be elogo jomankulu bya ŋi, ŋa ma be, evuli tata. 2Lesa oyeri ma amva! Lesa oyeri ma ajanji baabi! Lesa oyeri ma anga ncazi maabi. 3Angaa ncazi le tata, bizi. Okorogo, bizi kasala Njyami ma Oduduma nde wo ayamba bizi, ma Kirisite Jezu otu bizi lejogo ŋa bizi leka lege tari ma akabi ŋi. 4Ŋaa mi kiigi ebuna kabaga tari ma mi ankulu. Aka mbuuru okima kiigi abuna kacimiŋa ndi nde ŋa mpyeme ma kabaga tari ma nde ankulu, mi kiigi ebuna kacimiŋa leevuli bwa. 5Mi kiigi asi ncazi cugu le ompuomo amana kakula mi. Mi Ezerayele wo lekula, nkwono mi kiigi kaga le Bezame, Ebere mpabigi le Ebere. Mi kiigi cura Ngiri ye aJife ma oFarizi woove. 6Mi kiigi kyele angiri a bizi yomini eli mi kiigi mpa Okuga mpasi. Mi si mva ka alyele Ngiri tii eli mbuuru ki buna kakala mi ma kalogo ŋi. 7Mi kiigi ni mi ebaga osolo bila elogo bya, ŋaa yiga, ma Kirisite, mi emono mini bya elogo booca. 8Kaya le Kirisite Jezu o Mfumu a mi, mono kalogo keeve. Ecimiŋi e mi, njwori ba lebaga, kalogo kali kangula kaya kya. Ma nde, mi ma andaga njwori ŋa mi yiga kamono elogo bya njwori mva elogo e kiri, mabuni ma kabaga Kirisite. 9Jya le mi lwori kaka lemo bila nde ŋa ma kaka bila nde. Mi ki tele ŋi ma mi wo anyima Ngiri, ŋaa ma mi wo ma yalaga Kirisite. Kamaka Njyami wo avuta tele, ŋa nde avuta tele ma mbuuru wo ayalaga. 10Kalogo kamon kajii mi, ma kaya Kirisite, ŋa ma mpari ye enyuzugi e nde. Kajii mi kabaga bugu le ampasi a nde bila kawuana nde nca leku le nde, 11bila tari eli mi eje kaka mi se asata kanca ba amakpa.
Kabara nciini tii ncwo
12Mi ka lyele ni mi yiga ma abaga emi beesaga ŋi, sikali mini mi yiga ka tata ŋi. Ŋaa mi kini ebara nciini mabuni mi yaga elogo e nde, kabila Kirisite Jezu ma ayaga mi ma kaka ma nde. 13Andumu, mi eka cimiŋa ni mi miyaga jo ŋi. Ŋaa mi elumuŋa baali ngula mi, ŋa mi esa mpari mabuni mi to beeli ka osu o mi. Ŋaa kamaka kalogo kamon keesaga mi kasa: 14mi ebara nciini ma kato osu ma kayaga wura. Njyami acwolo bizi a be kayulu ma kayaga nde ma Kirisite Jezu.
15Bizi a be aso ba leli anga baari nca lila, ave bizi a be lecimiŋi ma lemigi lya. Aka be ŋa ecimiŋi ekima, Njyami aje kampa be kawa kayila ŋa. 16Ŋaa le lwono njila yo mankulu yia ye elwoni bizi tii lubu!
17Andumu, be aso lesa mva mi, ŋa lekese baari baba yaga osumbu o bizi wo kaka. 18Kabila bege le baari kasa mva anywon a Kirisite, eli ma akpa kayila lemaanji. Mi abaana lyele be bwa, ŋa mi avura lyele be lubu, ma kalili. 19Bo baaje kanywoŋo, kabila njyami a bo omwoyi o bo. Bo kajiima lekuma ba eje bo kasa okuru. Ŋa bo kacimiŋa elogo ba okiri wu. 20Ŋaa ma bizi, kangundu ka bizi kali kayulu: kaŋa, bizi le njila Ovuzigi bila tari leenini, Mfumu Kirisite Jezu. 21Nde aje kakaala nyuru bizi a be yeeli mpari kali, ma kawuana nyuru nde ye lekuma. Nde asa bwa bila mpari eli esa ndi elogo njwori ncina nde.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES