Esima 4
4
Pyere ŋa Jan ka levuzu le okuga wo akuuru
1Pyere bila Jan kiigi kini ba alyele bila baari, mono ka aya ampi ambwoŋi bila mfumu ba baakyele Njo Njyami ŋa aSadiseye. 2Bo kiigi amabira nkeri ma eyizigi ba antuma ba baampa baari, ma bo ba ba alyele ndi, ma Jezu baari ba akpa kpa ba anyuzuga. 3Bo akuari bo ŋa bo akieli bo ma ongeneŋe, ma kajila ndi cugu oca, kabila vuzu kiigi yiga omikolo. 4Okorogo bege le baari ba ayugi mbari a Njyami ayaligi, otali a baari ba ayaligi seligi kumu ankama a baari (5.000).
5Vuzu oca oju wo akumu ba aJife, ŋa akuuru bila Ayizigi angiri avunuŋi ka Jeruzaleme. 6Ŋaa mfumu wo nca ampi ba ambwoŋi Ane bila Kayife ŋa Jan, ŋa Alesandre bila aso ba kaga le amfumu ba ampi ambwoŋi. 7Bo asi kayaa Pyere bila Jan kanca kari a bo, ŋaa bo apizi bo ndi: «Be ma mpari a na, sikali ma na be lesa maami ma?»
8Ŋaa Oduduma Cece kiigi ma anyunuŋa nca Pyere, nde ŋa bo ndi: «Be amfumu ba kasi bila be ba akuuru, 9lubu yiga ba alege bizi ejugu ma leve le asa balaga nga kaleme, ba apiza bizi ndi le lyele lemigi le ewuumi nde. 10Ave be leya mini be aso se baari ba Ezerayele, ŋaa ma a Jezu Kirisite wo Nazarete, wo komi be ma lemaanji, Njyami kanyusa nde nca baari baakpa kpa ma nde balaga li yiga tata ka miizi a be. 11Jezu ŋaa:
“Kele le be, be ba acwa anjo le lebeli,
ŋaa yiga lema kiriga kele le baawasa abaani a njo.”
12Kangula nde okima wo abuna vuzuga bizi a be kali, kayila ncye. Njyami ki mpa nca baari ba omuon kima ya ye buna vuzuga bizi a be ŋi.»
13Ekoli baari ba nca oju wo amfumu ba aJife, kabila bo akiigi mono tari le Pyere bila Jan, ŋaa bo se amoni ndi Pyere bila Jan etuma samisami ŋa ba akami oyeri ŋaa bo se jaa lemo le ayaayi kali. Ŋi bo ayaligi ndi bo baari ba Jezu. 14Ŋaa bo ba kamono mbuuru wo wuumi se kiigi ka kapaana bo, ŋaa bo akimabaga ojugu wo alege bo ŋi. 15Ŋaa bo ŋa Pyere bila Jan ndi le cuuga nji, bo asiili ma kalyele ka mpaniŋi a bo. 16Bo ba alyele ndi: «Lesa baari ba bunu? Kabila baari aso ba Jeruzaleme ayaayi tata ndi bo baari ba asa mpiri ye osiri, ŋaa bizi a be kibuna biza yo ŋi. 17Ŋaa ave bizi a be le liga bo ni, ncanke ncya yi eseligi eyeni nca kasi kaso, ŋaa lesa bo nkeri mabuni bo ki ma lyele bila mpini mbuuru ma Jezu ŋi.» 18Bo avuri ncwoli Pyere bila Jan ŋaa bo alegi bo okele bubu ma kacwolo bila ma kayiziga ma Jezu. 19Ŋaa Pyere bila Jan ŋa bo ndi: «Lepama ma be ankulu aka yemiŋi ka miizi a Njyami, ma kanyima be sikali Njyami. 20Ŋaa aka ma bizi, bizi leka buna nyina kalyele ma moni bizi bila ma yugi bizi ŋi.» 21Baari ba oju wo amfumu ba aJife avuru fali bila bo ŋaa amana bo apisi bo. Bo aki baga oyeri ma kasisa bo ŋi, kabila baari aso ampi Njyami leve ma ma ayiri. 22Mbuuru a balaga wo wuumi ma mpiri kiigi yiga vuli enkuumu ba esibi ena.
Obwoni wo ayaligi
23Amana pisa bo, Pyere bila Jan ayeni mpila andigi a bo ŋaa bo anaani bo aso ma adugi amfumu ba ampi ambwoŋi bila akuuru. 24Bo amana yuga kayumba kia ayaligi abwoni Njyami ma otuma omo ndi: «Mfumu we Mbuuru wo wanga yulu, ŋa ncye, lemere bila biibi eso beeli nca kari. 25We mbuuru wo wobi ma Oduduma Cece, ma onywa Davide wo nkaaga bizi ojanja we:
“Yi ngimiŋa yila baari, ema esa?
Baari ba ama kura ncuumu ma amaami ma oca!
26Amfumu ba esi ama saraga ma kajuana eta,
ŋaa akunji ami vunuŋa
ma njuru Mfumu Njyami bila Masiya a nde.”
27Ŋaa jaajaa Erode bila Pontese Pilate ami vunuŋa nca kangundu ki, bila baari baayi ba esi ekima ŋaa baari ba kasi ka Ezerayele ba akura ncuumu ma ojanji we Jezu wo cece, wo swoli we mva Masiya. 28Bo ami mana sa aso maasa kana we ka ebaani, nca mpari we ŋaa mva kajii we. 29Mfumu ŋaa yiga kese yemiŋi yemiŋi maami maasa bo bizi ŋaa mpa ajanji a we mpari ma kampa mbari a we bila tari leenini. 30Mvyere mpari a we ma ewuumi, ma eliimi eluari bila maami ma osizi aya ma nkuumu a ojanji a we Jezu, nde wo cece.» 31Ŋaa bo kiigi baabwono, biri ye ebaaka bo enyigi. Oduduma Cece nyuniŋi nca bo aso ŋaa bo ampi mbari a Njyami bila kawasi.
Ayaligi ba akaba kabaga ka mpanaŋa bo ŋa bo
32Bege le ayaligi kiigi jaa lemo, ŋa ecimiŋi se emo. Se mbuuru omo nca bo wo ajogo ma biibi e nde otu kali, ŋaa aso kiigi jaa lemo. 33Antuma ba kampa ncya ye enyuzigi e Mfumu, Jezu bila mpari yeenini. Ŋaa puga leenini kiigi leli yila bo. 34Nca bo se mbuuru omo kiigi aka kaama se keekalogo ŋi. Okorogo aso baakiigi ŋa anguunu sikali anjo ba katege mon ŋaa bo ba kaya bila ampara ma kiigi baga bo ma antegi. 35Ŋaa bo ba kaya suuza mon ncina miili ba antuma, ŋaa ba kampa ampara ma mbuuru ŋa mbuuru ma lemigi le akaama a nde. 36Jozefe wo olevite wo akuli ka kasi ka Cipre, wo antuma a Jezu wo acwoli ma Barnabase, yia ma kalyele ndi: «Ompi kawasi», 37tegi nguunu a nde ye ka kiigi ŋa yo, nde yi bila ampara ŋaa nde mpi mon ŋa antuma.
Currently Selected:
Esima 4: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 4
4
Pyere ŋa Jan ka levuzu le okuga wo akuuru
1Pyere bila Jan kiigi kini ba alyele bila baari, mono ka aya ampi ambwoŋi bila mfumu ba baakyele Njo Njyami ŋa aSadiseye. 2Bo kiigi amabira nkeri ma eyizigi ba antuma ba baampa baari, ma bo ba ba alyele ndi, ma Jezu baari ba akpa kpa ba anyuzuga. 3Bo akuari bo ŋa bo akieli bo ma ongeneŋe, ma kajila ndi cugu oca, kabila vuzu kiigi yiga omikolo. 4Okorogo bege le baari ba ayugi mbari a Njyami ayaligi, otali a baari ba ayaligi seligi kumu ankama a baari (5.000).
5Vuzu oca oju wo akumu ba aJife, ŋa akuuru bila Ayizigi angiri avunuŋi ka Jeruzaleme. 6Ŋaa mfumu wo nca ampi ba ambwoŋi Ane bila Kayife ŋa Jan, ŋa Alesandre bila aso ba kaga le amfumu ba ampi ambwoŋi. 7Bo asi kayaa Pyere bila Jan kanca kari a bo, ŋaa bo apizi bo ndi: «Be ma mpari a na, sikali ma na be lesa maami ma?»
8Ŋaa Oduduma Cece kiigi ma anyunuŋa nca Pyere, nde ŋa bo ndi: «Be amfumu ba kasi bila be ba akuuru, 9lubu yiga ba alege bizi ejugu ma leve le asa balaga nga kaleme, ba apiza bizi ndi le lyele lemigi le ewuumi nde. 10Ave be leya mini be aso se baari ba Ezerayele, ŋaa ma a Jezu Kirisite wo Nazarete, wo komi be ma lemaanji, Njyami kanyusa nde nca baari baakpa kpa ma nde balaga li yiga tata ka miizi a be. 11Jezu ŋaa:
“Kele le be, be ba acwa anjo le lebeli,
ŋaa yiga lema kiriga kele le baawasa abaani a njo.”
12Kangula nde okima wo abuna vuzuga bizi a be kali, kayila ncye. Njyami ki mpa nca baari ba omuon kima ya ye buna vuzuga bizi a be ŋi.»
13Ekoli baari ba nca oju wo amfumu ba aJife, kabila bo akiigi mono tari le Pyere bila Jan, ŋaa bo se amoni ndi Pyere bila Jan etuma samisami ŋa ba akami oyeri ŋaa bo se jaa lemo le ayaayi kali. Ŋi bo ayaligi ndi bo baari ba Jezu. 14Ŋaa bo ba kamono mbuuru wo wuumi se kiigi ka kapaana bo, ŋaa bo akimabaga ojugu wo alege bo ŋi. 15Ŋaa bo ŋa Pyere bila Jan ndi le cuuga nji, bo asiili ma kalyele ka mpaniŋi a bo. 16Bo ba alyele ndi: «Lesa baari ba bunu? Kabila baari aso ba Jeruzaleme ayaayi tata ndi bo baari ba asa mpiri ye osiri, ŋaa bizi a be kibuna biza yo ŋi. 17Ŋaa ave bizi a be le liga bo ni, ncanke ncya yi eseligi eyeni nca kasi kaso, ŋaa lesa bo nkeri mabuni bo ki ma lyele bila mpini mbuuru ma Jezu ŋi.» 18Bo avuri ncwoli Pyere bila Jan ŋaa bo alegi bo okele bubu ma kacwolo bila ma kayiziga ma Jezu. 19Ŋaa Pyere bila Jan ŋa bo ndi: «Lepama ma be ankulu aka yemiŋi ka miizi a Njyami, ma kanyima be sikali Njyami. 20Ŋaa aka ma bizi, bizi leka buna nyina kalyele ma moni bizi bila ma yugi bizi ŋi.» 21Baari ba oju wo amfumu ba aJife avuru fali bila bo ŋaa amana bo apisi bo. Bo aki baga oyeri ma kasisa bo ŋi, kabila baari aso ampi Njyami leve ma ma ayiri. 22Mbuuru a balaga wo wuumi ma mpiri kiigi yiga vuli enkuumu ba esibi ena.
Obwoni wo ayaligi
23Amana pisa bo, Pyere bila Jan ayeni mpila andigi a bo ŋaa bo anaani bo aso ma adugi amfumu ba ampi ambwoŋi bila akuuru. 24Bo amana yuga kayumba kia ayaligi abwoni Njyami ma otuma omo ndi: «Mfumu we Mbuuru wo wanga yulu, ŋa ncye, lemere bila biibi eso beeli nca kari. 25We mbuuru wo wobi ma Oduduma Cece, ma onywa Davide wo nkaaga bizi ojanja we:
“Yi ngimiŋa yila baari, ema esa?
Baari ba ama kura ncuumu ma amaami ma oca!
26Amfumu ba esi ama saraga ma kajuana eta,
ŋaa akunji ami vunuŋa
ma njuru Mfumu Njyami bila Masiya a nde.”
27Ŋaa jaajaa Erode bila Pontese Pilate ami vunuŋa nca kangundu ki, bila baari baayi ba esi ekima ŋaa baari ba kasi ka Ezerayele ba akura ncuumu ma ojanji we Jezu wo cece, wo swoli we mva Masiya. 28Bo ami mana sa aso maasa kana we ka ebaani, nca mpari we ŋaa mva kajii we. 29Mfumu ŋaa yiga kese yemiŋi yemiŋi maami maasa bo bizi ŋaa mpa ajanji a we mpari ma kampa mbari a we bila tari leenini. 30Mvyere mpari a we ma ewuumi, ma eliimi eluari bila maami ma osizi aya ma nkuumu a ojanji a we Jezu, nde wo cece.» 31Ŋaa bo kiigi baabwono, biri ye ebaaka bo enyigi. Oduduma Cece nyuniŋi nca bo aso ŋaa bo ampi mbari a Njyami bila kawasi.
Ayaligi ba akaba kabaga ka mpanaŋa bo ŋa bo
32Bege le ayaligi kiigi jaa lemo, ŋa ecimiŋi se emo. Se mbuuru omo nca bo wo ajogo ma biibi e nde otu kali, ŋaa aso kiigi jaa lemo. 33Antuma ba kampa ncya ye enyuzigi e Mfumu, Jezu bila mpari yeenini. Ŋaa puga leenini kiigi leli yila bo. 34Nca bo se mbuuru omo kiigi aka kaama se keekalogo ŋi. Okorogo aso baakiigi ŋa anguunu sikali anjo ba katege mon ŋaa bo ba kaya bila ampara ma kiigi baga bo ma antegi. 35Ŋaa bo ba kaya suuza mon ncina miili ba antuma, ŋaa ba kampa ampara ma mbuuru ŋa mbuuru ma lemigi le akaama a nde. 36Jozefe wo olevite wo akuli ka kasi ka Cipre, wo antuma a Jezu wo acwoli ma Barnabase, yia ma kalyele ndi: «Ompi kawasi», 37tegi nguunu a nde ye ka kiigi ŋa yo, nde yi bila ampara ŋaa nde mpi mon ŋa antuma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES