Esima 25
25
Poole si kacwolo Sezar
1Amana ecugu etari ba eyi nde nca bungu, Fesetise yeni Sezare ŋa kumi Jeruzaleme. 2Amfumu ba ampi ambwoŋi ŋa ankani ba aJife ayi wazaga ka miizi a nde ŋa bo asosi Poole. 3Bo aselegi pizi nde ma kasa bo leve, ma kavuta Poole Jeruzaleme, ma bo ba kuri kiimi ma kabuma le nde ma njila. 4Ŋaa Fesetise kaali bo ndi: «Poole li ka ongeneŋe ka Sezare. Ŋa miankulu, mi e vuraga tuga tuga. 5Ndi amfumu a be ayila mi ka Sezare ŋa bo akati balaga lia, aka nde maasa kalogo keebi.» 6Fesetise ki ecugu mpwomo sikali kuumu ka Jeruzaleme. Amana, nde vurugi Sezare. Enyuzuga, nde vi ncina yila biri ye ba apama, ŋa dugi ma kaya bila Poole ka miizi a nde. 7Ŋaa wua kato, aJife ba awi Jeruzaleme ajeniŋi nde. Bo akati Poole ma bege le amaami maabi, ŋaa bo aki buna mueze ni syele ŋi. 8Ŋaa Poole cuuli njuru ma kalyele ndi: «Mi ki sa jaa leebi ŋi, se ma ngiri aJife, se ma Njo Njyami, se ma Sezar, mfumu woonini wo aRome.»
9Ŋaa Fesetise jii ni aJife amono ove ma nde, ŋaa pizi Poole: «We ayalaga kaje Jeruzaleme ba apama we ka miizi a mi ma jaa lia?» 10Poole kaali ndi: «Yiga mi ka ka levuzu le biri le Sezar ŋa kaŋa ba apama mi. Mi ki sa kalogo keebi ma aJife ŋi, mva ka e yayi weankulu tata. 11Aka mi ŋa ncozo obi ŋa mi maasa jaa leebi le lebira mi leku, mi eka bira leku ŋi. Ŋaa aka jaa le syele nca osozo o baari baakata ma mi, mbuuru ki buna mpa mi nca njiala e bo ŋi. Mi ecwolo Sezar.» 12Ŋaa Fesetise kamana lyele bila anga andwo a nde, kaali ndi: «We ma acwolo Sezar, we aje ka ka miizi a Sezar.»
Poole ka miizi ma Angiripa ŋa Berenise
13Ecugu eyira, mfumu Angiripa ŋa Berenise nkeri a nde atoyi Sezare ma kabiga Fesetise. 14Ŋaa ka esi bo ecugu kuna kaŋa, Fesetise wobi jaa le Poole ŋa Angiripa. Ŋa nde dugi ndi: «Ŋa balaga lemo ka kunu, eli Felise ma anyina ma ongeneŋe. 15Ŋaa mi je Jeruzaleme, ampi ambwoŋi baanini ŋa ankuuru ba aJife ayi kata nde jaa, bo apizi mi ma kampama nde. 16Ŋaa mi kaali bo ni aRome ba ka baana pama mbuuru ma yi osumbu ŋi. Ave wo akati baani vunuŋi bila ba akati nde, ŋa nde bagi antini a nde ma kacuula njuru. 17Ŋaa bo ayi kunu bila mi. Ŋa eki biga ŋi, enyuzuga, mi vi ncina ka biri ye baapama, mi dugi ma kaya bila balaga lia. 18Baakati nde ayi mueze njuru, ŋaa bo aki kata nde se ma jaa le nkeri le kiigi cimiŋa mi ni. 19Bo atogi bila nde yila eyaligi ba Njyami a bo, ŋa yila balaga lemo nkuumu Jezu. Balaga lia le ma akpa, ŋaa Poole alyele ni nde li mwo. 20Ŋaa ma mi, mi kiigi ki ya lemigi le kasa ma yia sila jaa ŋi, mabwa, mi pizi Poole aka nde yalaga ma kaje Jeruzaleme mabuni apama nde ma jaa lia. 21Ŋaa Poole si kacwolo: nde pizi ni jaa le nde wo akura lo mfumu woonini. Mi ma atuma ni akyele nde ka ongeneŋe tii ntini ye tuma mi nde mpila Sezar.» 22Angiripa dugi ma Fesetise ndi: «Mi se ŋa njala kayuga balaga li.» Fesetise kaali nde ndi: «Mbari, we ayuga nde.»
23Enyuzuga, Angiripa ŋa Berenise atoyi bila bege le baari a bo ŋa anyunuŋi nca katini ka baalyele amaami bila amfumu ba aworo ŋa ankani ba kangundu. Yila etumi e Fesetise ayi ŋa Poole. 24Ŋaa Fesetise dugi ndi: «Mfumu Angiripa, ŋa be aso ba leeli bila bizi, be lemono balaga li. Baari ba aJife aso ayi lyele ma nde bila mi, ka Jeruzaleme ŋa kunu, ati nya ni nde kiigi ki buna kaka mwo ŋi. 25Ŋaa mi, mi ki mono jaa leebi lesa nde eli nde ka kpa ŋi. Ŋaa nde-ankulu ma acwolo mfumu woonini, mi mi kana katuma nde Rome. 26Mi kalogo kancinci ka eteende mfumu woonini ma nde kali, mabwa, mi ya bila nde ka miizi a be, ŋa vulu vulu ka miizi a we mfumu Angiripa, mabuni ka emana piza we nde, mi ŋa kalogo ma kateende. 27Kabila ka miizi a mi, ka yemiŋi ma katuma ongeneŋe eli akini mueze maami ma makata nde ove ove ŋi.»
Currently Selected:
Esima 25: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 25
25
Poole si kacwolo Sezar
1Amana ecugu etari ba eyi nde nca bungu, Fesetise yeni Sezare ŋa kumi Jeruzaleme. 2Amfumu ba ampi ambwoŋi ŋa ankani ba aJife ayi wazaga ka miizi a nde ŋa bo asosi Poole. 3Bo aselegi pizi nde ma kasa bo leve, ma kavuta Poole Jeruzaleme, ma bo ba kuri kiimi ma kabuma le nde ma njila. 4Ŋaa Fesetise kaali bo ndi: «Poole li ka ongeneŋe ka Sezare. Ŋa miankulu, mi e vuraga tuga tuga. 5Ndi amfumu a be ayila mi ka Sezare ŋa bo akati balaga lia, aka nde maasa kalogo keebi.» 6Fesetise ki ecugu mpwomo sikali kuumu ka Jeruzaleme. Amana, nde vurugi Sezare. Enyuzuga, nde vi ncina yila biri ye ba apama, ŋa dugi ma kaya bila Poole ka miizi a nde. 7Ŋaa wua kato, aJife ba awi Jeruzaleme ajeniŋi nde. Bo akati Poole ma bege le amaami maabi, ŋaa bo aki buna mueze ni syele ŋi. 8Ŋaa Poole cuuli njuru ma kalyele ndi: «Mi ki sa jaa leebi ŋi, se ma ngiri aJife, se ma Njo Njyami, se ma Sezar, mfumu woonini wo aRome.»
9Ŋaa Fesetise jii ni aJife amono ove ma nde, ŋaa pizi Poole: «We ayalaga kaje Jeruzaleme ba apama we ka miizi a mi ma jaa lia?» 10Poole kaali ndi: «Yiga mi ka ka levuzu le biri le Sezar ŋa kaŋa ba apama mi. Mi ki sa kalogo keebi ma aJife ŋi, mva ka e yayi weankulu tata. 11Aka mi ŋa ncozo obi ŋa mi maasa jaa leebi le lebira mi leku, mi eka bira leku ŋi. Ŋaa aka jaa le syele nca osozo o baari baakata ma mi, mbuuru ki buna mpa mi nca njiala e bo ŋi. Mi ecwolo Sezar.» 12Ŋaa Fesetise kamana lyele bila anga andwo a nde, kaali ndi: «We ma acwolo Sezar, we aje ka ka miizi a Sezar.»
Poole ka miizi ma Angiripa ŋa Berenise
13Ecugu eyira, mfumu Angiripa ŋa Berenise nkeri a nde atoyi Sezare ma kabiga Fesetise. 14Ŋaa ka esi bo ecugu kuna kaŋa, Fesetise wobi jaa le Poole ŋa Angiripa. Ŋa nde dugi ndi: «Ŋa balaga lemo ka kunu, eli Felise ma anyina ma ongeneŋe. 15Ŋaa mi je Jeruzaleme, ampi ambwoŋi baanini ŋa ankuuru ba aJife ayi kata nde jaa, bo apizi mi ma kampama nde. 16Ŋaa mi kaali bo ni aRome ba ka baana pama mbuuru ma yi osumbu ŋi. Ave wo akati baani vunuŋi bila ba akati nde, ŋa nde bagi antini a nde ma kacuula njuru. 17Ŋaa bo ayi kunu bila mi. Ŋa eki biga ŋi, enyuzuga, mi vi ncina ka biri ye baapama, mi dugi ma kaya bila balaga lia. 18Baakati nde ayi mueze njuru, ŋaa bo aki kata nde se ma jaa le nkeri le kiigi cimiŋa mi ni. 19Bo atogi bila nde yila eyaligi ba Njyami a bo, ŋa yila balaga lemo nkuumu Jezu. Balaga lia le ma akpa, ŋaa Poole alyele ni nde li mwo. 20Ŋaa ma mi, mi kiigi ki ya lemigi le kasa ma yia sila jaa ŋi, mabwa, mi pizi Poole aka nde yalaga ma kaje Jeruzaleme mabuni apama nde ma jaa lia. 21Ŋaa Poole si kacwolo: nde pizi ni jaa le nde wo akura lo mfumu woonini. Mi ma atuma ni akyele nde ka ongeneŋe tii ntini ye tuma mi nde mpila Sezar.» 22Angiripa dugi ma Fesetise ndi: «Mi se ŋa njala kayuga balaga li.» Fesetise kaali nde ndi: «Mbari, we ayuga nde.»
23Enyuzuga, Angiripa ŋa Berenise atoyi bila bege le baari a bo ŋa anyunuŋi nca katini ka baalyele amaami bila amfumu ba aworo ŋa ankani ba kangundu. Yila etumi e Fesetise ayi ŋa Poole. 24Ŋaa Fesetise dugi ndi: «Mfumu Angiripa, ŋa be aso ba leeli bila bizi, be lemono balaga li. Baari ba aJife aso ayi lyele ma nde bila mi, ka Jeruzaleme ŋa kunu, ati nya ni nde kiigi ki buna kaka mwo ŋi. 25Ŋaa mi, mi ki mono jaa leebi lesa nde eli nde ka kpa ŋi. Ŋaa nde-ankulu ma acwolo mfumu woonini, mi mi kana katuma nde Rome. 26Mi kalogo kancinci ka eteende mfumu woonini ma nde kali, mabwa, mi ya bila nde ka miizi a be, ŋa vulu vulu ka miizi a we mfumu Angiripa, mabuni ka emana piza we nde, mi ŋa kalogo ma kateende. 27Kabila ka miizi a mi, ka yemiŋi ma katuma ongeneŋe eli akini mueze maami ma makata nde ove ove ŋi.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES