Esima 19
19
Poole ka Efeze
1Ntini ye kiigi Apolose ka Korete, Poole taaŋi angala ma bungu le Azi, ŋa kato Efeze. Kaŋaa, nde taniŋi alwoni ake. 2Ŋa pizi bo ndi: «Be le ma abaga Oduduma Cece ntini ye be ka leyaligi?» Bo akaali ŋa nde ndi: «Ŋaa lekini yuga ba alyele ma Oduduma Cece ŋi.» 3Poole pizi ŋa bo ndi: «Ŋaa ateemi ma ayaga be mani?» Bo akaali ŋa nde ndi: «Ateemi a Jan.» 4Poole ŋa bo ndi: «Jan ampa ateemi ma baari ba ayaligi ni bo ba kaala eku, ŋa nde kalyele ŋa baari a Ezerayele ni ayalaga maami ma wo aje kayaa amana nde, ma kalyele ni Jezu.» 5Bo amana yuga mbari yia, bo ayagi ateemi ma nkuumu a Mfumu Jezu. 6Poole legi njiala yila bo, ŋa Oduduma Cece yi yila bo. Bo yiga ba alyele ajui akima, ŋa ampi amaami ma bagi bo ma Njyami. 7Baari baa otali otoyi kuumu ŋa bwele. 8Poole amono akama kaje njo ye aJife ye baabwono, ŋa tii angondo atari, nde yagi mbari bila tari. Nde amono alyele ma omfumu o Njyami bila nde kasa mpana mabuni ba bayuzuga nde ayalaga. 9Ŋaa kuna ba kasa ocu onono, njala kayalaga kali, ŋa bo ba kasebe Njila Mfumu ka miizi a baari ba maakuga. Ŋaa Poole cyegi kaŋaa, kato ma kaje biri alwoni, ŋa cugu ŋa cugu nde kalyele bila bo kanca lekooli le mbuuru wo acwoli ma Tyranise. 10Yo ebigi esibi jwele, eli yiga ba akiigi kanca bungu le Azi, aJife bila anGereke yiga ayugi mbari a Mfumu.
Baana ba abalaga a Seva
11Njyami kasa ampiri alwari kangula Poole. 12Ŋaa bwa se kaayi bila abyeri amfa ŋa eswari beekiigi ciila njuru a nde, bo aso angayi awi ŋa epundu beebi ba kacyege ma bo. 13AJife ake ba akiigi taaŋa angala ma kacuta epundi beebi, ayaligi se ma kayaga nkuumu a Jezu yila ba akiigi ŋa epundu beebi. Bo adugi ndi: «Mi elyele be ma kacuga ma nkuumu e Jezu wu ni Poole ampa mbari!» 14Yia lemigi leekiigi sa baana ba abalaga ancaami ba ompi ambwoŋi woonini Jife, nkuumu Seva. 15Ŋaa cugu lemo kapundu keebi ka kaali ŋa bo ndi: «Mi njaayi Jezu, ŋa Poole, ŋaa be, be bana?» 16Ŋaa balaga le nga kapundu keebi leyi va yila bo, ŋa vuli bo aso mpari, nde bumi bo luuba levuli bwa. Kaba amaduma njo nde yiga otaba ŋaa njuru eso yiga ampura atu. 17Baari ba Efeze, aJife bila anGereke, ayugi jaa yia, aso abagi bwogo ŋa bo yiga ba anyima nkuumu a Mfumu Jezu. 18Bege le baari eli yiga ayaligi ba ka ya siiŋa ankinkeri maami maabi ma si bo. 19Kuna le baari baapazi oti ba maji ayi bila abuku, ŋa bo acugi mo ka miizi a baari aso. Bo alegi otali ma abuku ŋa abagi enkuumu ba amile ataani (50.000) ma ampara. 20Bwa ma mbari a Mfumu, ye kaselege kayele nca mpari nde.
Ngimiŋa ka Efeze
21Amana maami maa, Poole kani kabuula Masedoyine bila Akayi ma kaje le Jeruzaleme. Nde kalyele ndi: «Mi emana kwa, ave mi se mi moni Arome.» 22Ŋaa nde tumi abuga a nde ba sala bwele ka Masedoyine, Timote bila Erasete, ŋaa ndemankulu baani siili ntini mon nca bungu le Azi. 23Ma ntini yia nguza yeenini evi ka Efeze ma Njila Njyami. 24Okorogo kiigi ŋa balaga lemo nkuumu Demeteriyuse nde asa elogo ma ampara. Nde kiigi bwo se anjo ma akyeŋe maali mva njo ye baabwono okaazi wooli ŋa ove mva ngondo wo ba acwolo ma Aretemise. Ŋa ma janja lia nde kampa abwoyi ba wura leeve. 25Nde kuzugi ajanji baa, ŋa baakiigi ŋa janja mva le bo lia, ŋa nde ŋa bo ndi: «Ba da, be leyaayi ni bizi a be mpari ŋa ma janja li. 26Ŋaa be ŋa lemono sikali leyuga ka alyele jaa le leyira li, Poole wu alyele ndi, anjyami baasi abalaga ka anjyami ŋi, ŋa nde maasa kuna le baari kayalaga ka baali ka Efeze otu ŋi, ŋaa nca katini ka bungu leso le Azi. 27Jaa lia lebuna biiza nkuumu a janja le bizi a be. Ŋaa lo se lebuna biiza njo ye lebwono okaazi woonini wooli ŋa owali mva ngondo Aretemise; ŋaa ba apiina onkani ba okaazi wooli ŋa ove eli lebwono ebiri eso nca bungu le Azi ŋa nca okiri!» 28Ŋaa bo baakiigi yuzuga bwa, bo abiri nkeri yeenini, ŋa yiga baata nya ndi: «Onini kamaka Aretemise wo Efezi!» 29Ngimiŋa yia eyeni nca kangundu kaso. Baari baakiigi bira bila bo Ngayuse ŋa Arisetareke, aMasedoyine bwele baakiigi abuga ba opinga a Poole, ŋa ba kaje ma njiimi ma kasa esima ma nciini. 30Poole sagi kacuuga ka miizi ma lembuuru, ŋaa alwoni aligi nde ma kasa. 31Ake baakiigi ajanji baanini ka bungu le Azi, baakiigi andigi a nde, atumi nde esizigi ma kampa nde akolokolo ni kabiza kaje biri ye baasa esima. 32Ŋaa ma ntini yia baari ba maakuga aso kiigi yiga nca kaduma, ake bakata nya ma jaa lemo, baamo bakata nya ma lekima, ŋa kuna kanca bo akiyaa se jaa levunuŋa bo ŋi. 33Baari ake nca lembuuru ba kanaana jaa lia ŋa balaga lemo le nkuumu Alesandre eli aJife akiigi ciniŋa ka levuzu. Ŋa Alesandre si njiimi ma kwogo: nde ŋani yaga mbari ma kalyele lemigi le jaa ka miizi ma lembuuru. 34Ŋaa baari amayaa ndi nde Jife, bo aso ati nya ndi ma oju wo ambila amon, ŋa bwa ntini esi atari mwele: «Onini kamaka Aretemise wo Efezi!»
35Okorogo ojanji mfumu wo kangundu buni kasa lembuuru kawuuma ŋa nde dugi ndi: «Asi Efeze, baari aso ayaayi ni kangundu ka Efeze ŋa akyele njo ye baabwono Aretemise woonini bila kaduduma ka nde ka keewa yulu. 36Mbuuru wo atuna nde kali, ŋa ave be lesuuzi etuma ŋa lebira maami ma esisi kasa. 37Be le maaya bila abalaga baa ka kunu, eli bo aka asa jaa leebi ma njo ye baabwono ŋi, ŋa bo aki tuga okaazi a bizi a be wo ove mva ngondo ŋi. 38Aka Demeteriyuse bila abuga a nde asala ŋa jaa le ka kata bo mbuuru, ŋaa ebiri baba apama bila ankani. Mono kacu ka aje sa bo osozo! 39Aka be ŋa jaa lekima le kalyele, le selege lo nca okuga ma kalwono ngiri a bizi a be. 40Okorogo aya akati bizi a be ma anga ecu onono ma jaa le leyiri lubu. Jaa lekima le lempa bizi a be mpieme ni levunuŋa kali.» Amana mbari yia, nde cali ba amaakuga.
Currently Selected:
Esima 19: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 19
19
Poole ka Efeze
1Ntini ye kiigi Apolose ka Korete, Poole taaŋi angala ma bungu le Azi, ŋa kato Efeze. Kaŋaa, nde taniŋi alwoni ake. 2Ŋa pizi bo ndi: «Be le ma abaga Oduduma Cece ntini ye be ka leyaligi?» Bo akaali ŋa nde ndi: «Ŋaa lekini yuga ba alyele ma Oduduma Cece ŋi.» 3Poole pizi ŋa bo ndi: «Ŋaa ateemi ma ayaga be mani?» Bo akaali ŋa nde ndi: «Ateemi a Jan.» 4Poole ŋa bo ndi: «Jan ampa ateemi ma baari ba ayaligi ni bo ba kaala eku, ŋa nde kalyele ŋa baari a Ezerayele ni ayalaga maami ma wo aje kayaa amana nde, ma kalyele ni Jezu.» 5Bo amana yuga mbari yia, bo ayagi ateemi ma nkuumu a Mfumu Jezu. 6Poole legi njiala yila bo, ŋa Oduduma Cece yi yila bo. Bo yiga ba alyele ajui akima, ŋa ampi amaami ma bagi bo ma Njyami. 7Baari baa otali otoyi kuumu ŋa bwele. 8Poole amono akama kaje njo ye aJife ye baabwono, ŋa tii angondo atari, nde yagi mbari bila tari. Nde amono alyele ma omfumu o Njyami bila nde kasa mpana mabuni ba bayuzuga nde ayalaga. 9Ŋaa kuna ba kasa ocu onono, njala kayalaga kali, ŋa bo ba kasebe Njila Mfumu ka miizi a baari ba maakuga. Ŋaa Poole cyegi kaŋaa, kato ma kaje biri alwoni, ŋa cugu ŋa cugu nde kalyele bila bo kanca lekooli le mbuuru wo acwoli ma Tyranise. 10Yo ebigi esibi jwele, eli yiga ba akiigi kanca bungu le Azi, aJife bila anGereke yiga ayugi mbari a Mfumu.
Baana ba abalaga a Seva
11Njyami kasa ampiri alwari kangula Poole. 12Ŋaa bwa se kaayi bila abyeri amfa ŋa eswari beekiigi ciila njuru a nde, bo aso angayi awi ŋa epundu beebi ba kacyege ma bo. 13AJife ake ba akiigi taaŋa angala ma kacuta epundi beebi, ayaligi se ma kayaga nkuumu a Jezu yila ba akiigi ŋa epundu beebi. Bo adugi ndi: «Mi elyele be ma kacuga ma nkuumu e Jezu wu ni Poole ampa mbari!» 14Yia lemigi leekiigi sa baana ba abalaga ancaami ba ompi ambwoŋi woonini Jife, nkuumu Seva. 15Ŋaa cugu lemo kapundu keebi ka kaali ŋa bo ndi: «Mi njaayi Jezu, ŋa Poole, ŋaa be, be bana?» 16Ŋaa balaga le nga kapundu keebi leyi va yila bo, ŋa vuli bo aso mpari, nde bumi bo luuba levuli bwa. Kaba amaduma njo nde yiga otaba ŋaa njuru eso yiga ampura atu. 17Baari ba Efeze, aJife bila anGereke, ayugi jaa yia, aso abagi bwogo ŋa bo yiga ba anyima nkuumu a Mfumu Jezu. 18Bege le baari eli yiga ayaligi ba ka ya siiŋa ankinkeri maami maabi ma si bo. 19Kuna le baari baapazi oti ba maji ayi bila abuku, ŋa bo acugi mo ka miizi a baari aso. Bo alegi otali ma abuku ŋa abagi enkuumu ba amile ataani (50.000) ma ampara. 20Bwa ma mbari a Mfumu, ye kaselege kayele nca mpari nde.
Ngimiŋa ka Efeze
21Amana maami maa, Poole kani kabuula Masedoyine bila Akayi ma kaje le Jeruzaleme. Nde kalyele ndi: «Mi emana kwa, ave mi se mi moni Arome.» 22Ŋaa nde tumi abuga a nde ba sala bwele ka Masedoyine, Timote bila Erasete, ŋaa ndemankulu baani siili ntini mon nca bungu le Azi. 23Ma ntini yia nguza yeenini evi ka Efeze ma Njila Njyami. 24Okorogo kiigi ŋa balaga lemo nkuumu Demeteriyuse nde asa elogo ma ampara. Nde kiigi bwo se anjo ma akyeŋe maali mva njo ye baabwono okaazi wooli ŋa ove mva ngondo wo ba acwolo ma Aretemise. Ŋa ma janja lia nde kampa abwoyi ba wura leeve. 25Nde kuzugi ajanji baa, ŋa baakiigi ŋa janja mva le bo lia, ŋa nde ŋa bo ndi: «Ba da, be leyaayi ni bizi a be mpari ŋa ma janja li. 26Ŋaa be ŋa lemono sikali leyuga ka alyele jaa le leyira li, Poole wu alyele ndi, anjyami baasi abalaga ka anjyami ŋi, ŋa nde maasa kuna le baari kayalaga ka baali ka Efeze otu ŋi, ŋaa nca katini ka bungu leso le Azi. 27Jaa lia lebuna biiza nkuumu a janja le bizi a be. Ŋaa lo se lebuna biiza njo ye lebwono okaazi woonini wooli ŋa owali mva ngondo Aretemise; ŋaa ba apiina onkani ba okaazi wooli ŋa ove eli lebwono ebiri eso nca bungu le Azi ŋa nca okiri!» 28Ŋaa bo baakiigi yuzuga bwa, bo abiri nkeri yeenini, ŋa yiga baata nya ndi: «Onini kamaka Aretemise wo Efezi!» 29Ngimiŋa yia eyeni nca kangundu kaso. Baari baakiigi bira bila bo Ngayuse ŋa Arisetareke, aMasedoyine bwele baakiigi abuga ba opinga a Poole, ŋa ba kaje ma njiimi ma kasa esima ma nciini. 30Poole sagi kacuuga ka miizi ma lembuuru, ŋaa alwoni aligi nde ma kasa. 31Ake baakiigi ajanji baanini ka bungu le Azi, baakiigi andigi a nde, atumi nde esizigi ma kampa nde akolokolo ni kabiza kaje biri ye baasa esima. 32Ŋaa ma ntini yia baari ba maakuga aso kiigi yiga nca kaduma, ake bakata nya ma jaa lemo, baamo bakata nya ma lekima, ŋa kuna kanca bo akiyaa se jaa levunuŋa bo ŋi. 33Baari ake nca lembuuru ba kanaana jaa lia ŋa balaga lemo le nkuumu Alesandre eli aJife akiigi ciniŋa ka levuzu. Ŋa Alesandre si njiimi ma kwogo: nde ŋani yaga mbari ma kalyele lemigi le jaa ka miizi ma lembuuru. 34Ŋaa baari amayaa ndi nde Jife, bo aso ati nya ndi ma oju wo ambila amon, ŋa bwa ntini esi atari mwele: «Onini kamaka Aretemise wo Efezi!»
35Okorogo ojanji mfumu wo kangundu buni kasa lembuuru kawuuma ŋa nde dugi ndi: «Asi Efeze, baari aso ayaayi ni kangundu ka Efeze ŋa akyele njo ye baabwono Aretemise woonini bila kaduduma ka nde ka keewa yulu. 36Mbuuru wo atuna nde kali, ŋa ave be lesuuzi etuma ŋa lebira maami ma esisi kasa. 37Be le maaya bila abalaga baa ka kunu, eli bo aka asa jaa leebi ma njo ye baabwono ŋi, ŋa bo aki tuga okaazi a bizi a be wo ove mva ngondo ŋi. 38Aka Demeteriyuse bila abuga a nde asala ŋa jaa le ka kata bo mbuuru, ŋaa ebiri baba apama bila ankani. Mono kacu ka aje sa bo osozo! 39Aka be ŋa jaa lekima le kalyele, le selege lo nca okuga ma kalwono ngiri a bizi a be. 40Okorogo aya akati bizi a be ma anga ecu onono ma jaa le leyiri lubu. Jaa lekima le lempa bizi a be mpieme ni levunuŋa kali.» Amana mbari yia, nde cali ba amaakuga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES