Esima 17
17
Poole ŋa Silase ka Tesalonike
1Bo ayiri ma le Afipolise bila Apoloni ŋa atoyi Tesalonike eli aJife kiigi ŋa njo ye baabwono. 2Mva ka ebaana sa nde, Poole yeni ecugu ba baawuuma etari, bo asi lebila ma eteendi bila baari baakiigi kaŋaa. 3Nde lyeli bo lo ŋa mvyeri ndi, ma eteendi bwa, Masiya kiigi amono mpasi ŋa akpa, ŋa nde anyuzuga nca baari baakpakpa. Nde alyele bo ndi: «Jezu wu ni mi elyele be, ŋa nde Masiya.» 4Ake nca aJife ayaligi ŋa bazagi Poole bila Silase, bege le anGereke baakiigi bwono Njyami, asi bwa bila bege le akaazi. 5Ŋaa aJife baamo asi mfunuŋa mwon yomini. Bo akuzigi ye bi baari ba oca ba amoni nca ewombo, alegi nguza ka mpaniŋi a lembuuru bila nca kangundu. Bo ayi nyunuŋa nca njo Zaso ma kaya kasaga Poole bila Silase ma kasuuza bo ka miizi a baari. 6Bo amabiza bo kamono, bo ajiimi Zaso bila ye bibuga ake ba andumu akima ka miizi ma ankani ba kangundu, ŋa bo yiga baata esarigi ndi: «Abalaga ba alegi ngimiŋa ma okiri oso, ŋa bo yiga amiya kunu! 7Ŋaa Zaso mbuuru wo yamba bo ka njo nde. Baari ba aso kasa maami ma eli mfumu kasi aRome woonini, Sezar ma aliga mo. Ayuga bo ba adugi ŋa mfumu kasi aRome okima, Jezu.» 8Ambari maa aciili lembuuru bila ankani. 9Ma kacuzuga, Zaso bila abuga ave bo kiigi abaani wuri ovuna mpila ankani.
Poole ŋa Silase ka Bere
10Eto lempiibi andumu asi kaje Poole bila Silase ka Bere. Bo ato, bo ayeni njo aJife ye baabwono. 11AJife a Bere ba se kiigi avuli kayamba abuga ma aJife ba Tesalonike. Bo ayaligi mbari a Njyami bila njya leenini. Cugu ŋa cugu, bo ba kaselege kese mbari a Njyami ma kamono aka maami ma alyele Poole tele. 12Kuna le baari nca bo ayaligi, ŋa nca anGereke ŋa akaazi ba etomi bila abalaga ba akukuna ayaligi se. 13Ŋaa aJife a Tesalonike ama yuga bwa ndi Poole ampa mbari a Njyami ka Bere se, bo ayi kwa se ŋa asi ngimiŋa, ŋa alegi lembuuru oncincyezi. 14Andumu ba se amono bwa kancinci ŋaa atumi Poole ma kaje kacu ka lemere, ŋaa Silase bila Timote asiili ka Bere. 15Ba abiri Poole ayeni bila nde tii Atene. Ŋaa bo avurigi Bere bila maami ma Poole ma kadugi bo ma Silase bila Timote. Nde ŋa bo ndi, leje baraga bo ŋa asisari.
Poole ka Atene
16Ntini ye kiigi njila Poole, Silase ŋa Timote ka Atene, otuma nde kiigi ma abya, ma nde wo moni kangundu kiigi ka maaluula ma eduduma. 17Ŋaa nde kalyele nca njo aJife ye baabwono bila aJife ŋa baali ka Jife ŋi eli baabwono Njyami, ŋa yila biri ye akuga baari, cugu ŋa cugu, bila baari eli nde abuna kavunuŋa. 18Ŋaa anga oyeri ake ba akiigi Epikuri ŋa aSetoyisi amono ba alyele bila nde. Ake apizi ndi: «Ngaa lesugu wu ema kalyele?» Baamon adugi ndi: «Nde mva mbuuru wo alyele ma anjyami ba anjya». Okorogo, Poole ampa ncia yeemve ye Jezu. Nde se alyele ndi baari baakpakpa baanyuzuga. 19Ŋaa bo ayagi nde, ŋaa bo ayeni bila nde ka miizi ma ankani ba Areyopaje adugi ndi: «We abuna kalyele bizi maami ma anyarigi ma ayiziga we ma? 20Kabila maami ma alyele we bizi le kayuga mo ma acu a bizi ŋi. Ŋa bizi le saga ya mo ema maalyele.» 21Okorogo, baari ba Atene aso bila anjya ba kangundu kia kiigi e bo eyiila kaka ma kalyele bila ma kayuga amaami ma anyarigi. 22Poole temiŋi ma otele ka levuzu le Areyopaje, ŋa dugi ndi: «Ateni, mi emono ni be baari ba lesaga kaya amaami ma anjyami. 23Ntini ye elwoni mi kangundu ka be, ŋa mi kesi biibi ba ncui be ma kabwono anjyami a be. Mi moni se ncaga bila eteendi bi: “Ŋa njyami eli ki ya ŋi.” Wo abwono be eli be le ki ya nde ŋi, ŋaa mi aya lyele be. 24Njyami wo owangi okiri oso bila beeli yila nde, kamaka Mfumu wo yulu bila ncye, nde akaka nca anjo ma ancua baari ŋi. 25Nde kaama ni baari ayamaŋa nde kali, kabila nde kalogo kaka kami kali. Nde mbuuru wo ampa baari omwo, owuru ŋa biibi eso beemo. 26Ma mbuuru omwo omo nde yiri ma kawanga ajui a baari aso ayila ncye eso. Ka ebaana kawanga nde tali antini a bo, ŋa nde yezigi endili ma ebiri beeka bo. 27Nde si bwa ndi, baari asaga nde, ŋa bo yiga asemi bo alaba njyala bo abazigi nde. Okorogo, nde ki laa mbuuru ŋa mbuuru ŋi. 28Kabila:
“Ma nde bizi a be leli mwon,
lenyiga ŋa leeli.”
Mva ka elyeli ba ba ayuma ake adugi lo ndi:
“Bizi a be se baana.”»
29Ŋaa bizi a be ampabigi a nde, bizi a be ki buna cimiŋa ni Njyami ma awuana kaduduma ka nore, ka ampara sikali kele, le baari kiigi le amabwo, ma si bo ma ecimiŋi bo. 30Ŋaa Njyami akama tala antini sikali abalaga ba abizi kaya nde. Ŋaa yiga, nde alyele ŋa baari oso baali ma ebiri eso ma ka kaala eku. 31Nde ma aswolo cugu lemo ma kampama okiri oso bila opami. Nde ma aswolo balaga lemo mabwa. Ŋa nde ma amvyere yemiŋi ma baari aso ni jaa li jaajaa ma nde wo ma anyusa balaga li ma leku. 32Ŋaa bo amayuga kalyele Poole ma enyuzugi e baari baakpakpa, ake asebi nde, ŋa baamo adugi ndi: «Bizi le yuga mbari we yia cugu lekima.» 33Ma bwa Poole ciegi nca bo. 34Ŋaa baari ake abazigi nde ŋa bo ayaligi. Kanca paniŋi a bo, ŋa Denise, wo oju wo Areyopaje, ŋa okaazi omo nkuumu Damarise, ŋa akima bila bo.
Currently Selected:
Esima 17: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 17
17
Poole ŋa Silase ka Tesalonike
1Bo ayiri ma le Afipolise bila Apoloni ŋa atoyi Tesalonike eli aJife kiigi ŋa njo ye baabwono. 2Mva ka ebaana sa nde, Poole yeni ecugu ba baawuuma etari, bo asi lebila ma eteendi bila baari baakiigi kaŋaa. 3Nde lyeli bo lo ŋa mvyeri ndi, ma eteendi bwa, Masiya kiigi amono mpasi ŋa akpa, ŋa nde anyuzuga nca baari baakpakpa. Nde alyele bo ndi: «Jezu wu ni mi elyele be, ŋa nde Masiya.» 4Ake nca aJife ayaligi ŋa bazagi Poole bila Silase, bege le anGereke baakiigi bwono Njyami, asi bwa bila bege le akaazi. 5Ŋaa aJife baamo asi mfunuŋa mwon yomini. Bo akuzigi ye bi baari ba oca ba amoni nca ewombo, alegi nguza ka mpaniŋi a lembuuru bila nca kangundu. Bo ayi nyunuŋa nca njo Zaso ma kaya kasaga Poole bila Silase ma kasuuza bo ka miizi a baari. 6Bo amabiza bo kamono, bo ajiimi Zaso bila ye bibuga ake ba andumu akima ka miizi ma ankani ba kangundu, ŋa bo yiga baata esarigi ndi: «Abalaga ba alegi ngimiŋa ma okiri oso, ŋa bo yiga amiya kunu! 7Ŋaa Zaso mbuuru wo yamba bo ka njo nde. Baari ba aso kasa maami ma eli mfumu kasi aRome woonini, Sezar ma aliga mo. Ayuga bo ba adugi ŋa mfumu kasi aRome okima, Jezu.» 8Ambari maa aciili lembuuru bila ankani. 9Ma kacuzuga, Zaso bila abuga ave bo kiigi abaani wuri ovuna mpila ankani.
Poole ŋa Silase ka Bere
10Eto lempiibi andumu asi kaje Poole bila Silase ka Bere. Bo ato, bo ayeni njo aJife ye baabwono. 11AJife a Bere ba se kiigi avuli kayamba abuga ma aJife ba Tesalonike. Bo ayaligi mbari a Njyami bila njya leenini. Cugu ŋa cugu, bo ba kaselege kese mbari a Njyami ma kamono aka maami ma alyele Poole tele. 12Kuna le baari nca bo ayaligi, ŋa nca anGereke ŋa akaazi ba etomi bila abalaga ba akukuna ayaligi se. 13Ŋaa aJife a Tesalonike ama yuga bwa ndi Poole ampa mbari a Njyami ka Bere se, bo ayi kwa se ŋa asi ngimiŋa, ŋa alegi lembuuru oncincyezi. 14Andumu ba se amono bwa kancinci ŋaa atumi Poole ma kaje kacu ka lemere, ŋaa Silase bila Timote asiili ka Bere. 15Ba abiri Poole ayeni bila nde tii Atene. Ŋaa bo avurigi Bere bila maami ma Poole ma kadugi bo ma Silase bila Timote. Nde ŋa bo ndi, leje baraga bo ŋa asisari.
Poole ka Atene
16Ntini ye kiigi njila Poole, Silase ŋa Timote ka Atene, otuma nde kiigi ma abya, ma nde wo moni kangundu kiigi ka maaluula ma eduduma. 17Ŋaa nde kalyele nca njo aJife ye baabwono bila aJife ŋa baali ka Jife ŋi eli baabwono Njyami, ŋa yila biri ye akuga baari, cugu ŋa cugu, bila baari eli nde abuna kavunuŋa. 18Ŋaa anga oyeri ake ba akiigi Epikuri ŋa aSetoyisi amono ba alyele bila nde. Ake apizi ndi: «Ngaa lesugu wu ema kalyele?» Baamon adugi ndi: «Nde mva mbuuru wo alyele ma anjyami ba anjya». Okorogo, Poole ampa ncia yeemve ye Jezu. Nde se alyele ndi baari baakpakpa baanyuzuga. 19Ŋaa bo ayagi nde, ŋaa bo ayeni bila nde ka miizi ma ankani ba Areyopaje adugi ndi: «We abuna kalyele bizi maami ma anyarigi ma ayiziga we ma? 20Kabila maami ma alyele we bizi le kayuga mo ma acu a bizi ŋi. Ŋa bizi le saga ya mo ema maalyele.» 21Okorogo, baari ba Atene aso bila anjya ba kangundu kia kiigi e bo eyiila kaka ma kalyele bila ma kayuga amaami ma anyarigi. 22Poole temiŋi ma otele ka levuzu le Areyopaje, ŋa dugi ndi: «Ateni, mi emono ni be baari ba lesaga kaya amaami ma anjyami. 23Ntini ye elwoni mi kangundu ka be, ŋa mi kesi biibi ba ncui be ma kabwono anjyami a be. Mi moni se ncaga bila eteendi bi: “Ŋa njyami eli ki ya ŋi.” Wo abwono be eli be le ki ya nde ŋi, ŋaa mi aya lyele be. 24Njyami wo owangi okiri oso bila beeli yila nde, kamaka Mfumu wo yulu bila ncye, nde akaka nca anjo ma ancua baari ŋi. 25Nde kaama ni baari ayamaŋa nde kali, kabila nde kalogo kaka kami kali. Nde mbuuru wo ampa baari omwo, owuru ŋa biibi eso beemo. 26Ma mbuuru omwo omo nde yiri ma kawanga ajui a baari aso ayila ncye eso. Ka ebaana kawanga nde tali antini a bo, ŋa nde yezigi endili ma ebiri beeka bo. 27Nde si bwa ndi, baari asaga nde, ŋa bo yiga asemi bo alaba njyala bo abazigi nde. Okorogo, nde ki laa mbuuru ŋa mbuuru ŋi. 28Kabila:
“Ma nde bizi a be leli mwon,
lenyiga ŋa leeli.”
Mva ka elyeli ba ba ayuma ake adugi lo ndi:
“Bizi a be se baana.”»
29Ŋaa bizi a be ampabigi a nde, bizi a be ki buna cimiŋa ni Njyami ma awuana kaduduma ka nore, ka ampara sikali kele, le baari kiigi le amabwo, ma si bo ma ecimiŋi bo. 30Ŋaa Njyami akama tala antini sikali abalaga ba abizi kaya nde. Ŋaa yiga, nde alyele ŋa baari oso baali ma ebiri eso ma ka kaala eku. 31Nde ma aswolo cugu lemo ma kampama okiri oso bila opami. Nde ma aswolo balaga lemo mabwa. Ŋa nde ma amvyere yemiŋi ma baari aso ni jaa li jaajaa ma nde wo ma anyusa balaga li ma leku. 32Ŋaa bo amayuga kalyele Poole ma enyuzugi e baari baakpakpa, ake asebi nde, ŋa baamo adugi ndi: «Bizi le yuga mbari we yia cugu lekima.» 33Ma bwa Poole ciegi nca bo. 34Ŋaa baari ake abazigi nde ŋa bo ayaligi. Kanca paniŋi a bo, ŋa Denise, wo oju wo Areyopaje, ŋa okaazi omo nkuumu Damarise, ŋa akima bila bo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES