Esima 15
15
Okuga ka Jeruzaleme
1Abalaga ake asurugi ka Jude ma Antiyoce, akiigi yiziga andumu ndi: «Be lebira sa cazi mva kaalyele aNgiri a Moyize, be lekabuna vuuga ŋi.» 2Poole ŋa Barenabase aki yalaga eyizigi bia ŋi. Ŋa bo abagi lebila leenini bila abalaga baa. Ŋaa akuri ncuumu ma kaswolo Poole bila Barenabase ŋa abuga ba ayaligi ba Antiyoce ma kaje Jeruzaleme ma kalyele ma jaa lia bila antuma ŋa ankuuru. 3Ŋaa baari ba Okuga ka Antiyoce ampi bo biibi ma ojya o bo. Mva bo ba ayiri ma bungu le Fenisi ŋa Samari, bo ba ka alyele lemigi le baali ka aJife ŋi ka ayaligi njila Kirisite. Ncia yia empi kase keenini ma andumu aso. 4Ŋaa bo ato Jeruzaleme, ayaligi, ŋa antuma bila ankuuru ŋa baari aso ba Okuga ayaligi bo mpila bo. Ŋaa bo adugi bo amaami aso ma si Njyami ma bo. 5Ŋaa aJife ake ba oju wo aFarizi ba ama ayalaga Jezu atemiŋi, bo ba alyele ndi: «Ayaligi baali ka aJife ŋi ave asi ncazi, ŋa bo anyimi Ngiri.» 6Antuma bila ankuuru avunuŋi kapaana ojugu wua. 7Bo amana lebila leenini, Pyere yagi mbari ndi: «Ee, andumu a mi, mva be ka le yayi ni Njyami swoli mi nca mpanaŋa be kiigi ema abiga, ma kampa mbari a nde ma baali ka aJife ŋi, mabuni bo ayuga ŋa bo yiga aka ayaligi. 8Ŋa Njyami wo yayi etuma e baari, nde amvyere ndi nde ayalaga ma kampa bo Oduduma Cece mva bizi a be. 9Njyami ki lyele ndi mi bizi a bo sikali bizi a be ŋi, kabila ma lila nde cuki etuma e bo. 10Ŋaa be meema lencoŋo Njyami? Be lesaga lege kayila esamaŋa ba alwoni olemi ba ankaaga a bizi a be ba a bizi kabira, se bizi le kibuna ŋi! 11Okorogo ma puga le Mfumu Jezu, bizi a be le yaligi kavuzuga, ma lemigi loankulu lia mva bo.»
12Ŋaa lembuuru leso le kipi, ŋa leyugi Barenabase ŋa Poole baalyele ma anjiimi bila ampiri maasi Njyami ma bo mpila baali ka aJife ŋi. 13Ŋaa bo amana kalyele, Jake yagi mbari wobi ndi: «Andumu a mi, leyuga mi! 14Simon alyele lemigi, ka ebaani, Njyami kuri ma kaswolo nca esi baari ba ba abira nkuumu a nde. 15Ŋa mbari antuma-Njyami ba akuri ami sa yo, mva nde ka ateendi ndi:
16“Amana ŋaa, mi eya vuruga, Mfumu dugi,
ma kavura ncua njo ye Davide ye caligi,
mi evuruga kozo njo nde ye encaligi,
ŋa mi yiga elege yo eka ma otele.
17Ŋaa baari amwo aso yiga asaga Mfumu,
Ee, esi eso ba ecwoli mi eka e mi.
Bia elyeli e Mfumu,
18ŋa nde si kaya maami ma, antini kiigi ami biga.”»
19Jake ovuru dugi ndi: «Ma bwa mi ecimiŋa ni, lebizi ka ma bwo amaami ampasi ma baali ka aJife ŋi ba ami kalaga mpila Njyami. 20Ŋaa le teende ma bo, bo abiza kaja anyama baabi ba baampa ambwoŋi ma eduduma, ma kabiza sa maami maabi ma baala, ŋa ma kabiza ja akabi ba anyama ba baapia akii, ŋi togi. 21Kabila ma antini akala, baari ba kalyele ma Ngiri a Moyize nca kangundu ŋa kangundu, ŋa ba atanga yo nca anjo ba aJife ma ntini le cugu ŋa cugu le ba awuuma.»
Kasangumu ka atumi ma ayaligi baali ka aJife ŋi
22Ŋaa antuma ŋa ankuuru, bila Okuga oso akuri ma kaswolo baamo kanca bo ŋa ma katuma Antiyoce bila Poole ŋa Barenabase. Bo aswoli Jude wo ba acwolo ma Baresabase ŋa Silase, abalaga bwele ba baanyima kanca andumu. 23Bo ampi bo kasangumu kya:
«Andumu a be, antuma ŋa ankuuru, atumi ŋa andumu baali ka aJife ŋi ba baaka ka Antiyoce, ka Syri ŋa ka Silisi, be lema anyuzuga! 24Bizi leyugi ndi baari ake ba awi mpila bizi a be, bo ami kaala etuma e be ŋa ecimiŋi ma ewobi e bo. Ŋaa bizi a be leki lyele bo ma kasa ŋi. 25Ma bwa bizi lekuru ojugu omo ma kaswolo abalaga ŋa ma katuma bo mpila be. Bo ayila andigi a bizi anjya, Barenabase ŋa Poole, 26bo baama mpa omwo o bo ma janja le Mfumu Jezu Kirisite. 27Ŋaa bizi le tuma be Jude ŋa Silase ma kaya lyele be jaa le bizi ankulu le eteendi kunu. 28Okorogo, Oduduma Cece ŋa bizi ankulu lekuru ojugu ma kabiza mpa be olemi okima, kangula angiri maa eli leki buna lyele ni leki ya ŋi: 29Be lebizi kaja anyama baabi ba baampa ambwoŋi ma eduduma. Lebizi kanywa togi, ŋa ma kabiza ja akabi ba anyama ba baapia akii, ma kabiza sa maami maabi ma baala. Ŋaa be le nyima maami ma aso ŋaa be lesi yemiŋi. Bizi lempa be obigi wo abaana ba anguugu.»
30Bo aciegi ŋaa asurigi Antiyoce. Bo asi kavunuŋa ayaligi ŋa ma kampa bo kasangumu. 31Bo aliri kasangumu, ŋa bo abagi kase kayila kasangumu kabila mbari yia empi bo kawasi. 32Jude ŋa Silase, bo-ankulu kiigi antuma-Njyami, ba kalyele kuna ŋa bo ampi andumu kawasi ŋa mpari nca lila. 33Ma ntini mon andumu asi bo kavuruga bila kadusu mpila ba atumi bo. [ 34Ŋaa Silase siili ka Antiyoce, ŋaa Jude nyunuŋi Jeruzaleme nde otu#15.34 Olwo wo e etari ŋa ena ba kamono nca kuna le maami ma ateendi kala ŋi .] 35Ŋaa Poole ŋa Barenabase bo aki ka Antiyoce. Bila abuga kuna, bo ba ayiziga ŋa ma kampa mbari a Mfumu.
Poole ŋa Barenabase abayi anjila
36Ecugu eke ba eyiri Poole dugi ma Barenabase ndi: «Le vuruga kakye andumu kanca engundu eso ba lempi mbari a Mfumu, ma kamono mva keeli bo.» 37Barenabase kiigi kuri ojugu ma kabira bila nde Jan wo ba acwolo ma Mareke, 38ŋaa Poole kimono ove ma kaya bila bo mbuuru wooli ma amana ciege ka kiigi bo ka Pamfili eli nde kiyila bo nca janja ŋi. 39Bo abagi otogi kanca panaŋi a bo, ŋaa bo abaayi anjila. Barenabase yagi Mareke bila nde akumi nca vaari ma Cypre. 40Poole, ma kacu ka nde, swoli Silase ŋa yeni. Andumu atumi bo bila puga le Mfumu. 41Bo ayiri ma bungu le Syri ŋa Silisi ma kampa Ekuga mpari.
Currently Selected:
Esima 15: teg
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 15
15
Okuga ka Jeruzaleme
1Abalaga ake asurugi ka Jude ma Antiyoce, akiigi yiziga andumu ndi: «Be lebira sa cazi mva kaalyele aNgiri a Moyize, be lekabuna vuuga ŋi.» 2Poole ŋa Barenabase aki yalaga eyizigi bia ŋi. Ŋa bo abagi lebila leenini bila abalaga baa. Ŋaa akuri ncuumu ma kaswolo Poole bila Barenabase ŋa abuga ba ayaligi ba Antiyoce ma kaje Jeruzaleme ma kalyele ma jaa lia bila antuma ŋa ankuuru. 3Ŋaa baari ba Okuga ka Antiyoce ampi bo biibi ma ojya o bo. Mva bo ba ayiri ma bungu le Fenisi ŋa Samari, bo ba ka alyele lemigi le baali ka aJife ŋi ka ayaligi njila Kirisite. Ncia yia empi kase keenini ma andumu aso. 4Ŋaa bo ato Jeruzaleme, ayaligi, ŋa antuma bila ankuuru ŋa baari aso ba Okuga ayaligi bo mpila bo. Ŋaa bo adugi bo amaami aso ma si Njyami ma bo. 5Ŋaa aJife ake ba oju wo aFarizi ba ama ayalaga Jezu atemiŋi, bo ba alyele ndi: «Ayaligi baali ka aJife ŋi ave asi ncazi, ŋa bo anyimi Ngiri.» 6Antuma bila ankuuru avunuŋi kapaana ojugu wua. 7Bo amana lebila leenini, Pyere yagi mbari ndi: «Ee, andumu a mi, mva be ka le yayi ni Njyami swoli mi nca mpanaŋa be kiigi ema abiga, ma kampa mbari a nde ma baali ka aJife ŋi, mabuni bo ayuga ŋa bo yiga aka ayaligi. 8Ŋa Njyami wo yayi etuma e baari, nde amvyere ndi nde ayalaga ma kampa bo Oduduma Cece mva bizi a be. 9Njyami ki lyele ndi mi bizi a bo sikali bizi a be ŋi, kabila ma lila nde cuki etuma e bo. 10Ŋaa be meema lencoŋo Njyami? Be lesaga lege kayila esamaŋa ba alwoni olemi ba ankaaga a bizi a be ba a bizi kabira, se bizi le kibuna ŋi! 11Okorogo ma puga le Mfumu Jezu, bizi a be le yaligi kavuzuga, ma lemigi loankulu lia mva bo.»
12Ŋaa lembuuru leso le kipi, ŋa leyugi Barenabase ŋa Poole baalyele ma anjiimi bila ampiri maasi Njyami ma bo mpila baali ka aJife ŋi. 13Ŋaa bo amana kalyele, Jake yagi mbari wobi ndi: «Andumu a mi, leyuga mi! 14Simon alyele lemigi, ka ebaani, Njyami kuri ma kaswolo nca esi baari ba ba abira nkuumu a nde. 15Ŋa mbari antuma-Njyami ba akuri ami sa yo, mva nde ka ateendi ndi:
16“Amana ŋaa, mi eya vuruga, Mfumu dugi,
ma kavura ncua njo ye Davide ye caligi,
mi evuruga kozo njo nde ye encaligi,
ŋa mi yiga elege yo eka ma otele.
17Ŋaa baari amwo aso yiga asaga Mfumu,
Ee, esi eso ba ecwoli mi eka e mi.
Bia elyeli e Mfumu,
18ŋa nde si kaya maami ma, antini kiigi ami biga.”»
19Jake ovuru dugi ndi: «Ma bwa mi ecimiŋa ni, lebizi ka ma bwo amaami ampasi ma baali ka aJife ŋi ba ami kalaga mpila Njyami. 20Ŋaa le teende ma bo, bo abiza kaja anyama baabi ba baampa ambwoŋi ma eduduma, ma kabiza sa maami maabi ma baala, ŋa ma kabiza ja akabi ba anyama ba baapia akii, ŋi togi. 21Kabila ma antini akala, baari ba kalyele ma Ngiri a Moyize nca kangundu ŋa kangundu, ŋa ba atanga yo nca anjo ba aJife ma ntini le cugu ŋa cugu le ba awuuma.»
Kasangumu ka atumi ma ayaligi baali ka aJife ŋi
22Ŋaa antuma ŋa ankuuru, bila Okuga oso akuri ma kaswolo baamo kanca bo ŋa ma katuma Antiyoce bila Poole ŋa Barenabase. Bo aswoli Jude wo ba acwolo ma Baresabase ŋa Silase, abalaga bwele ba baanyima kanca andumu. 23Bo ampi bo kasangumu kya:
«Andumu a be, antuma ŋa ankuuru, atumi ŋa andumu baali ka aJife ŋi ba baaka ka Antiyoce, ka Syri ŋa ka Silisi, be lema anyuzuga! 24Bizi leyugi ndi baari ake ba awi mpila bizi a be, bo ami kaala etuma e be ŋa ecimiŋi ma ewobi e bo. Ŋaa bizi a be leki lyele bo ma kasa ŋi. 25Ma bwa bizi lekuru ojugu omo ma kaswolo abalaga ŋa ma katuma bo mpila be. Bo ayila andigi a bizi anjya, Barenabase ŋa Poole, 26bo baama mpa omwo o bo ma janja le Mfumu Jezu Kirisite. 27Ŋaa bizi le tuma be Jude ŋa Silase ma kaya lyele be jaa le bizi ankulu le eteendi kunu. 28Okorogo, Oduduma Cece ŋa bizi ankulu lekuru ojugu ma kabiza mpa be olemi okima, kangula angiri maa eli leki buna lyele ni leki ya ŋi: 29Be lebizi kaja anyama baabi ba baampa ambwoŋi ma eduduma. Lebizi kanywa togi, ŋa ma kabiza ja akabi ba anyama ba baapia akii, ma kabiza sa maami maabi ma baala. Ŋaa be le nyima maami ma aso ŋaa be lesi yemiŋi. Bizi lempa be obigi wo abaana ba anguugu.»
30Bo aciegi ŋaa asurigi Antiyoce. Bo asi kavunuŋa ayaligi ŋa ma kampa bo kasangumu. 31Bo aliri kasangumu, ŋa bo abagi kase kayila kasangumu kabila mbari yia empi bo kawasi. 32Jude ŋa Silase, bo-ankulu kiigi antuma-Njyami, ba kalyele kuna ŋa bo ampi andumu kawasi ŋa mpari nca lila. 33Ma ntini mon andumu asi bo kavuruga bila kadusu mpila ba atumi bo. [ 34Ŋaa Silase siili ka Antiyoce, ŋaa Jude nyunuŋi Jeruzaleme nde otu#15.34 Olwo wo e etari ŋa ena ba kamono nca kuna le maami ma ateendi kala ŋi .] 35Ŋaa Poole ŋa Barenabase bo aki ka Antiyoce. Bila abuga kuna, bo ba ayiziga ŋa ma kampa mbari a Mfumu.
Poole ŋa Barenabase abayi anjila
36Ecugu eke ba eyiri Poole dugi ma Barenabase ndi: «Le vuruga kakye andumu kanca engundu eso ba lempi mbari a Mfumu, ma kamono mva keeli bo.» 37Barenabase kiigi kuri ojugu ma kabira bila nde Jan wo ba acwolo ma Mareke, 38ŋaa Poole kimono ove ma kaya bila bo mbuuru wooli ma amana ciege ka kiigi bo ka Pamfili eli nde kiyila bo nca janja ŋi. 39Bo abagi otogi kanca panaŋi a bo, ŋaa bo abaayi anjila. Barenabase yagi Mareke bila nde akumi nca vaari ma Cypre. 40Poole, ma kacu ka nde, swoli Silase ŋa yeni. Andumu atumi bo bila puga le Mfumu. 41Bo ayiri ma bungu le Syri ŋa Silisi ma kampa Ekuga mpari.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES