Actes 7
7
Gilombi gite Etyene
1Givunde gi muvegitsi pagu negumwivule re «Me bagwambili gukyelu agu me ngenze?» 2Etyene ne gwagule, «Bembatsi nami ne be tate, nyulilu anu. Nyambi didume yi vudugile mukoku etu Aberam gu yandi abilange gu Mesopotami, nesi agwetsagene gu Aran. 3Nyambi mwambile re “Yusuge bulongu bu agu ne gifumbe gi agu, yende gu bulongu bu nigukurigitse#7.3 Gengile Dibandu (Genèse) 12.1.” 4Aberam ne gusuge bulongu bu Babilone#7.4 Mesopotami ne Babylone ginange gimosi ne gwetsagene gu Aran. Vane taye andi ne gufu, sige Nyambi neguvyose Aberam gu bulongu bu nuvu bubu. 5Vane, Nyambi asemuvege ke pagere mbure, nesi mwe ginange gi gusunze byeru, tumbe Nyambi mutungile ndagi, “Nigukuvege bulongu bubu, bugube bu agu, ne bane bagu gu ginzime gi agu#7.5 Gengile Dibandu (Genèse) 13.15.” Lavane, Aberam gigumbi gine mbere asebetsi ne mwane. 6Nyambi mwambile re “Bane be bane bagu begutsagene gu bulongu sabwawu. Vane begukaluge bevige, begukwanu mu kame yine tsi mipume. 7Tumbe Nyambi gwandi yambile re Nigukilise bumongu bugu bekaluse bevige bawu. Sige, begusuge gu buvige beguruge gunu gutsekitse#7.7 Gengile Dibandu (Genèse) 15.13-14; Divudugilu (Exode) 3.12.” 8Sige Nyambi tunge pangeni ne Aberam. Ndimbu pangeni eni, pure nziye. Vane, Aberam tabule mwane andi Isake pure nziye ve adugisile ginane gi tsufu. Isake tabule mwane andi Sakob pure nziye, Sakob gwandi tabule bane bandi pure tsi nziye, digumi ne be beye di begulu betu.
9Begulu betu babe ne dingandi ne mwane taye awu Sosefe. Bemusumbise gere muvige gu Esipete. Tumbe Nyambi abe nandi, 10amwobule mu meguge mandi motsu. Amuvege dyele di gwambile ne Farawu, kanangu yi Esipete. Amuvege gwandi gyesi gi gurondu ne kanangu. Kanangu mubyatse ngowu yi Esipete ne givunde gi ndagu andi yotsu. 11Tumbe gube mundale gu bulongu bwotsu bu Esipete negu bulongu bu Kanan. Mukengu wube wuneni nesi begulu betu bese kunde dengange biguye. 12Sakob negulu re gu biguye gu Esipete, negurume begulu betu nyongu rege. 13Ve bemagwendile nyongu mubeye, Sosefe negukweyabise ne bane be taye tsi andi. Farawu neguyabe gitsapele gi Sosefe. 14Sosefe neguberume gwebonge taye andi Sakob ne gitsapele gyotsu. Gibe, megumi mane gumereru me batu ne batu beranu. 15Sakob yende gu Esipete gu afile, ne begulu betu botsu gwandi. 16Bebege bibindi bi awu gu Sisem, bitsigu gu pesi yi sumbe Aberam ne fure ne bane be Emore, gu Siseme.
17Gigumbi gi gurigitse ndagi yi Nyambi tunge ne Aberam gike beli. Bumongu bu etu bufunange ka gufune gu Esipete. 18Tumbe, ve byalile kanangu yone gu Esipete yiseyabe Sosefe. 19Kanangu yine yi tsimbisu bumongu bu etu negukengise begulu betu kwange negubegandise gu kunde rare bane be kali nonge bekufu.
20Gigumbi gine re gyaburilu Moyise. Givwandi gi mwane, gi Nyambi ronde. Mu migweli mireru, abungulilu gu ndagu taye andi. 21Va musisile biburu bi andi, mwane Farawu wu mugetu amubonge, amubege gu mbugi andi, abungule gere mwane andi. 22Reve Moyise nengile dyele dyotsu di bisi Esipete negube mutu didume mu gyambitsi ne givagitsi gi andi.
23Negudugise megumi mane me mipume, ayibe ne pikele yi gwelabe bane be taye tsi andi bane be Iserayel. 24Negulabe mwisi Esipete gadimbi mwisi Iserayel. Moyise gu gukane giburu gi andi, aboke mwisi Esipete. 25Apikile re bane be taye tsi andi begulu re Nyambi garondi mubonge ve mbure mwobutsi awu tumbe bese dyulilu nane. 26Mbongwali, Moyise negulabe bane bebeye be Iserayel badimbeni. Negubambile re “Bembatsi anu, nu bane be taye. Gye gi nwabokenini?” 27Tumbe awukwanange mbatsi negumumage amwambile re “Nye tse kubyatse givunde ne nzonzi vegari etu? 28Warondi mboke nevu wutsebokile mwisi Esipete mesige?” 29Moyise negulu nane, negurine. Ayende gwetsagene gu buweni, gu bulongu bu Madyan. Gune, abure bane be beye be bebagele.
30Mu megumi mane me mipume, gu ginange gyumuge gi beli ne mukongu Sinayi, yanze negu kwelabise ve Moyise, gu gari mulutsu dibake dyanyengi. 31Ve Moyise labile nane, amame. Negugogule gwegengile. Fumu negumwambile re. 32“Ni Nyambi begulu bagu, Nyambi Aberam, yi Isake ne Sakob.” Moyise neguregeme ne wome asekunde rungule gengile. 33Fumu negumwambile re “Yusule pondu tsi agu. Mbare, ve wuvu ve rereri. 34Nyalabe mukengu bumongu bu ami gu Esipete, nyagulu mibimu mi andi. Nyasunde guse bwobule. Sige, yende, nyakurumi gu Esipete.”
35Moyise eni yibemage negumwambile re “Nye tse kubyatse givunde ne nzonzi?”, yandi Nyambi rume gere givunde ne mwobutsi, ne gyamusu gi yanze yi muvudugile gu dibake. 36Moyise re vuduse bane be Iserayel gu Esipete, neguvagange mambu mamamu ne bimage, gu Esipete, gu nzube benge ne gu ginange gyumuge mu megumi mane me mipume. 37Moyise re kunde gwambile bane be Iserayel re “Nyambi gunutindile mubigitsi gere menu, agube mwane taye enu#7.37 Deteronom 18.15,18.” 38Ve gukemine bumongu mbure mosi gu ginange gyumuge, Moyise abe vane. Abange gikambi ve gari begulu betu ne yanze yi mwambilange gu yulu mukongu Sinayi, amwambilange mambu mavegi monyu gu guduyabise moni. 39Tumbe begulu betu beseronde mugobise, bemumage, berondange ka gugabuge gu Esipete. 40Ve Moyise abile gu mukongu, bane be Iserayel bambile Aron re “Dutulili nyambi yi gwendange ve wusu etu, mbare Moyise yitseduvuduse gu Esipete, dusayabi gi mamurugile.” 41Betule gikokosi gi mwane ngombi bekugivegange pagu, bekube ne mugangu neni wugube ne gikokosi gibetule yawu beni. 42Tumbe Nyambi negubelige nzime, negubesise gulembe mbwelile tsi nzambi, nevu direndilu mu gisangumu gi bebigitsi:
“Bumongu bu Iserayel, gu ginange gyumuge
menu re wu nuvege bibulu ne pagu tsi susu
gu megumi mane me mipume?
43Vyage, nunangule disambe di nyambi Molok
ne gigoleni gi nyambi dumbwelile Refan,
bikokosi binupake gu gubikutemine.
Re dibandu nigunuragigile ne Babilone#7.43 Amos 5.25-27.”
44Gu ginange gyumuge, begulu betu babange ne disambe di gibengunu ne Nyambi#7.44 Ve bane be Iserayel babilange gu ginange gyumuge babange ne disambe di bebegange mbure tsyotsu dibebenguninange ne Nyambi.. Moyise dirunge nevu Nyambi mwambilile. Adirunge kanevu alabile. 45Gigumbi neguvyoge, bane be begulu betu bevegu gwandi disambe dine. Ne Sosué bebyale bulongu bu bumongu bu Nyambi sanze ve wusu awu. Bebege disambe gu bulongu bu Nyambi bevangenine. Dibe gune kwange ne gigumbi gi Davide. 46Davide rondu ne Nyambi. Negumwivule dinyange di gurungile Nyambi yi Sakob ndagu. 47Tumbe Salomu re rungile Nyambi ndagu. 48Lavane Nyambi Yulu satsageni ndagu yi rungu ne batu. Adyambile gu munu mubigitsi:
49“Nzambi gipu gi ami gi kanangu,
tsyengi mbure yi nya sunzili byeru bi ami.
Ndagu re yi nugubenze tungile?
Mbure gye ni benze tsagenine?
50Menu re nisunde byotsu bine ne mekake mami#7.50 Esayi 66.1-2.”»
51Etyene negukunde gwambile bivunde bi nzonzi: «Yenu nu batu be range gulu, mirime ne maru menu medibe gu Nyambi. Nu gere begulu benu, nusinde mirime gu Dinyuni Diboti! 52Bekengise bebigitsi botsu! Beboke nesi benegwanzange tsangu yi tugu Mutu Sungeme, Kirisete. Sige vane, nusake Sesu Mutu Sugeme numuboke! 53Nuvegu mugage Nyambi ne yanze, tumbe nusemugobise!»
Dufu du Etyene
54Ve bivunde bi nzonzi bulilu nane, Betibe kabu. Besyege ngeku, ne kabu gukyelu Etyene. 55Tumbe yandi ne Dinyuni Diboti, ne gugengise gu nzambi, alabe didume di Nyambi, ne Sesu meteli ve mebagele me Nyambi. 56Ne gwambile re «Nyalabi nzambi yitsibuge ne Mwane Mutu meteli ve mebagele me Nyambi.» 57Vane botsu bulu mambu mane bamuge bekwekudibe maru. Yawu botsu besugumugile Etyene, 58bemuvuduse gu yadi, bemutuke memani. Mbeyi besunze bidwaru bi awu gu byeru bi mufudu wanengu re Sol. 59Ve bemutukilange memani, Etyene lembange re «Fumu Sesu, bonge monyu ami.» 60Vane, aberuge mekuteme ne guamuge ne ngudu tsyotsu: «Fumu, benyesi dibi dine!» Ne gumane gwambile nane, afu.
Currently Selected:
Actes 7: SWJ
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Actes 7
7
Gilombi gite Etyene
1Givunde gi muvegitsi pagu negumwivule re «Me bagwambili gukyelu agu me ngenze?» 2Etyene ne gwagule, «Bembatsi nami ne be tate, nyulilu anu. Nyambi didume yi vudugile mukoku etu Aberam gu yandi abilange gu Mesopotami, nesi agwetsagene gu Aran. 3Nyambi mwambile re “Yusuge bulongu bu agu ne gifumbe gi agu, yende gu bulongu bu nigukurigitse#7.3 Gengile Dibandu (Genèse) 12.1.” 4Aberam ne gusuge bulongu bu Babilone#7.4 Mesopotami ne Babylone ginange gimosi ne gwetsagene gu Aran. Vane taye andi ne gufu, sige Nyambi neguvyose Aberam gu bulongu bu nuvu bubu. 5Vane, Nyambi asemuvege ke pagere mbure, nesi mwe ginange gi gusunze byeru, tumbe Nyambi mutungile ndagi, “Nigukuvege bulongu bubu, bugube bu agu, ne bane bagu gu ginzime gi agu#7.5 Gengile Dibandu (Genèse) 13.15.” Lavane, Aberam gigumbi gine mbere asebetsi ne mwane. 6Nyambi mwambile re “Bane be bane bagu begutsagene gu bulongu sabwawu. Vane begukaluge bevige, begukwanu mu kame yine tsi mipume. 7Tumbe Nyambi gwandi yambile re Nigukilise bumongu bugu bekaluse bevige bawu. Sige, begusuge gu buvige beguruge gunu gutsekitse#7.7 Gengile Dibandu (Genèse) 15.13-14; Divudugilu (Exode) 3.12.” 8Sige Nyambi tunge pangeni ne Aberam. Ndimbu pangeni eni, pure nziye. Vane, Aberam tabule mwane andi Isake pure nziye ve adugisile ginane gi tsufu. Isake tabule mwane andi Sakob pure nziye, Sakob gwandi tabule bane bandi pure tsi nziye, digumi ne be beye di begulu betu.
9Begulu betu babe ne dingandi ne mwane taye awu Sosefe. Bemusumbise gere muvige gu Esipete. Tumbe Nyambi abe nandi, 10amwobule mu meguge mandi motsu. Amuvege dyele di gwambile ne Farawu, kanangu yi Esipete. Amuvege gwandi gyesi gi gurondu ne kanangu. Kanangu mubyatse ngowu yi Esipete ne givunde gi ndagu andi yotsu. 11Tumbe gube mundale gu bulongu bwotsu bu Esipete negu bulongu bu Kanan. Mukengu wube wuneni nesi begulu betu bese kunde dengange biguye. 12Sakob negulu re gu biguye gu Esipete, negurume begulu betu nyongu rege. 13Ve bemagwendile nyongu mubeye, Sosefe negukweyabise ne bane be taye tsi andi. Farawu neguyabe gitsapele gi Sosefe. 14Sosefe neguberume gwebonge taye andi Sakob ne gitsapele gyotsu. Gibe, megumi mane gumereru me batu ne batu beranu. 15Sakob yende gu Esipete gu afile, ne begulu betu botsu gwandi. 16Bebege bibindi bi awu gu Sisem, bitsigu gu pesi yi sumbe Aberam ne fure ne bane be Emore, gu Siseme.
17Gigumbi gi gurigitse ndagi yi Nyambi tunge ne Aberam gike beli. Bumongu bu etu bufunange ka gufune gu Esipete. 18Tumbe, ve byalile kanangu yone gu Esipete yiseyabe Sosefe. 19Kanangu yine yi tsimbisu bumongu bu etu negukengise begulu betu kwange negubegandise gu kunde rare bane be kali nonge bekufu.
20Gigumbi gine re gyaburilu Moyise. Givwandi gi mwane, gi Nyambi ronde. Mu migweli mireru, abungulilu gu ndagu taye andi. 21Va musisile biburu bi andi, mwane Farawu wu mugetu amubonge, amubege gu mbugi andi, abungule gere mwane andi. 22Reve Moyise nengile dyele dyotsu di bisi Esipete negube mutu didume mu gyambitsi ne givagitsi gi andi.
23Negudugise megumi mane me mipume, ayibe ne pikele yi gwelabe bane be taye tsi andi bane be Iserayel. 24Negulabe mwisi Esipete gadimbi mwisi Iserayel. Moyise gu gukane giburu gi andi, aboke mwisi Esipete. 25Apikile re bane be taye tsi andi begulu re Nyambi garondi mubonge ve mbure mwobutsi awu tumbe bese dyulilu nane. 26Mbongwali, Moyise negulabe bane bebeye be Iserayel badimbeni. Negubambile re “Bembatsi anu, nu bane be taye. Gye gi nwabokenini?” 27Tumbe awukwanange mbatsi negumumage amwambile re “Nye tse kubyatse givunde ne nzonzi vegari etu? 28Warondi mboke nevu wutsebokile mwisi Esipete mesige?” 29Moyise negulu nane, negurine. Ayende gwetsagene gu buweni, gu bulongu bu Madyan. Gune, abure bane be beye be bebagele.
30Mu megumi mane me mipume, gu ginange gyumuge gi beli ne mukongu Sinayi, yanze negu kwelabise ve Moyise, gu gari mulutsu dibake dyanyengi. 31Ve Moyise labile nane, amame. Negugogule gwegengile. Fumu negumwambile re. 32“Ni Nyambi begulu bagu, Nyambi Aberam, yi Isake ne Sakob.” Moyise neguregeme ne wome asekunde rungule gengile. 33Fumu negumwambile re “Yusule pondu tsi agu. Mbare, ve wuvu ve rereri. 34Nyalabe mukengu bumongu bu ami gu Esipete, nyagulu mibimu mi andi. Nyasunde guse bwobule. Sige, yende, nyakurumi gu Esipete.”
35Moyise eni yibemage negumwambile re “Nye tse kubyatse givunde ne nzonzi?”, yandi Nyambi rume gere givunde ne mwobutsi, ne gyamusu gi yanze yi muvudugile gu dibake. 36Moyise re vuduse bane be Iserayel gu Esipete, neguvagange mambu mamamu ne bimage, gu Esipete, gu nzube benge ne gu ginange gyumuge mu megumi mane me mipume. 37Moyise re kunde gwambile bane be Iserayel re “Nyambi gunutindile mubigitsi gere menu, agube mwane taye enu#7.37 Deteronom 18.15,18.” 38Ve gukemine bumongu mbure mosi gu ginange gyumuge, Moyise abe vane. Abange gikambi ve gari begulu betu ne yanze yi mwambilange gu yulu mukongu Sinayi, amwambilange mambu mavegi monyu gu guduyabise moni. 39Tumbe begulu betu beseronde mugobise, bemumage, berondange ka gugabuge gu Esipete. 40Ve Moyise abile gu mukongu, bane be Iserayel bambile Aron re “Dutulili nyambi yi gwendange ve wusu etu, mbare Moyise yitseduvuduse gu Esipete, dusayabi gi mamurugile.” 41Betule gikokosi gi mwane ngombi bekugivegange pagu, bekube ne mugangu neni wugube ne gikokosi gibetule yawu beni. 42Tumbe Nyambi negubelige nzime, negubesise gulembe mbwelile tsi nzambi, nevu direndilu mu gisangumu gi bebigitsi:
“Bumongu bu Iserayel, gu ginange gyumuge
menu re wu nuvege bibulu ne pagu tsi susu
gu megumi mane me mipume?
43Vyage, nunangule disambe di nyambi Molok
ne gigoleni gi nyambi dumbwelile Refan,
bikokosi binupake gu gubikutemine.
Re dibandu nigunuragigile ne Babilone#7.43 Amos 5.25-27.”
44Gu ginange gyumuge, begulu betu babange ne disambe di gibengunu ne Nyambi#7.44 Ve bane be Iserayel babilange gu ginange gyumuge babange ne disambe di bebegange mbure tsyotsu dibebenguninange ne Nyambi.. Moyise dirunge nevu Nyambi mwambilile. Adirunge kanevu alabile. 45Gigumbi neguvyoge, bane be begulu betu bevegu gwandi disambe dine. Ne Sosué bebyale bulongu bu bumongu bu Nyambi sanze ve wusu awu. Bebege disambe gu bulongu bu Nyambi bevangenine. Dibe gune kwange ne gigumbi gi Davide. 46Davide rondu ne Nyambi. Negumwivule dinyange di gurungile Nyambi yi Sakob ndagu. 47Tumbe Salomu re rungile Nyambi ndagu. 48Lavane Nyambi Yulu satsageni ndagu yi rungu ne batu. Adyambile gu munu mubigitsi:
49“Nzambi gipu gi ami gi kanangu,
tsyengi mbure yi nya sunzili byeru bi ami.
Ndagu re yi nugubenze tungile?
Mbure gye ni benze tsagenine?
50Menu re nisunde byotsu bine ne mekake mami#7.50 Esayi 66.1-2.”»
51Etyene negukunde gwambile bivunde bi nzonzi: «Yenu nu batu be range gulu, mirime ne maru menu medibe gu Nyambi. Nu gere begulu benu, nusinde mirime gu Dinyuni Diboti! 52Bekengise bebigitsi botsu! Beboke nesi benegwanzange tsangu yi tugu Mutu Sungeme, Kirisete. Sige vane, nusake Sesu Mutu Sugeme numuboke! 53Nuvegu mugage Nyambi ne yanze, tumbe nusemugobise!»
Dufu du Etyene
54Ve bivunde bi nzonzi bulilu nane, Betibe kabu. Besyege ngeku, ne kabu gukyelu Etyene. 55Tumbe yandi ne Dinyuni Diboti, ne gugengise gu nzambi, alabe didume di Nyambi, ne Sesu meteli ve mebagele me Nyambi. 56Ne gwambile re «Nyalabi nzambi yitsibuge ne Mwane Mutu meteli ve mebagele me Nyambi.» 57Vane botsu bulu mambu mane bamuge bekwekudibe maru. Yawu botsu besugumugile Etyene, 58bemuvuduse gu yadi, bemutuke memani. Mbeyi besunze bidwaru bi awu gu byeru bi mufudu wanengu re Sol. 59Ve bemutukilange memani, Etyene lembange re «Fumu Sesu, bonge monyu ami.» 60Vane, aberuge mekuteme ne guamuge ne ngudu tsyotsu: «Fumu, benyesi dibi dine!» Ne gumane gwambile nane, afu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES