Actes 25
25
Pol gagwivuli gubegu ve wusu Sesare
1Tsufu yireru tsi tugu andi gu musyengi, Fesetis rambuge Sesaré ayende gu Serisalem. 2Bivunde bibevegitsi be pagu ne bidyeti bi Sif beruge gutsefunde Pol. Bemwivule 3gubesile gugabuse Pol gu Serisalem, mbare batunge dugwegu digumuboke mu nzile. 4Tumbe Fesetis yagule re «Pol ayi gu nzugu gu Sesaré, mebeni gwandi mepape nyagabuge. 5Abene dinyange vegari enu bendi nami gu Sesaré gwefunde mutu wune gere atsevage dyambu dibi.» 6Fesetis vyose ginane gotsu digumi di tsufu nawu, sige agabuge gu Sesaré. Mbongwali, atsagene gu ndagu migage ne guvege dinyange di gurugise Pol. 7Ve rugile Pol, Sif tsirambuge Serisalem tsimutsyenge tsimufuregile mbili mambu me range me yawu besabenze rigitse bilimbe. 8Pol gu gukwekane yandi re «Nzavage dibi, gukyelu mugage Sif, ne gukyelu ndagu Nyambi, nesi gukyelu Sesare.»
9Fesetis, kebange girondu gi Sif, ayivule Pol, «Warondi gwende gu Serisalem gwesosisu gune ve wusu ami gukyelu dyambu dine?» 10Pol yagule «Ni vave ve wusu migage mi Sesare re vave digavilu. Nzavage dibi gukyelu Sif, nevu wayabili ndyabeni. 11Gere nine mbele, gere nzevage dibi di nigubokilu, nzabuse gufu. Tumbe gere gu sandi mengenze gu motsu me batu babe bagwambili gukyelu ami, gu sandi mutu wune dinyange di gunzake ve yawu. Nyarondi gwesosisu ve wusu Sesare.» 12Vane Fesetis, negumane gwambile ne dibundu di andi, ayagule re «Wutsegwivule gwesosisu gu Sesare, kabe wugwende ve wusu andi.»
Pol ve wusu Agirip ne Berenis
13Be tsufu kwe, kanangu Agirip ne ketu andi, Berenis, beruge gu Sesaré gutsebwegise Fesetis. 14Nevu bevyose vane mbili tsufu, Fesetis yambile ne kanangu dyambu di Pol, «Gu mutu wu Felikese sile gu nzugu gugu. 15Ve nyendile gu Serisalem, bivunde bi bevegitsi be pagu ne bivunde bi Sif bemufunde, benyambile re nimukilisi. 16Nibagule re bisi Rom besakilisi mutu nesi agwambile di yandi tsevage, ve wusu batu betsemufunde. 17Betseruge nami gugu. Mbogwali nitsagene gu ndagu migage nivege dinyange di gumurugise. 18Batu bemufunde beruge, tumbe besetube bigume bi mambu neve nipikilange. 19Besose ne Pol gukyelu mugitse awu ne gukyelu Sesu yifu, yi yandi agavagi re ayi monyu. 20Gu menu, nzelabe neve mbere nivagile gu dyambu di munogune, re dibandu ni mwivule gwesosisu gu Serisalem gukyelu dyambu dine. 21Tumbe Pol asesinge bumbanze bu awu, ayivule gwesosisu gu Sesare. Vane, nivege dinyange di gumurare gu nzugu, kwange ve nigumuvegitsile gu Sesare.» 22Agirip yambile Fesetis, «Nyarondi gulilu mutu wune mebeni.» Fesetis mwagule re, «Mugese, wugumulilu».
23Kabe mbongwali, Agirip ne Berenis beruge gilonge ne gwingene gu ndagu misosu ne tsambi ne milolu ne bidyeti bi gori ne bidyeti bi yadi. Ne dinyange di Fesetis, Pol rugisu. 24Vane Fesetis yambile, «Kanangu Agirip ne yenu botsu nuvave, nwalabi mutu wuwu bumongu bwotsu bu Sif butse gutse mufunde gu menu, gu Serisalem kwange gunu, ne gwamuge re a sandi ne dinyange di gube monyu. 25Tumbe menu nzalabe gigume gi dyambu gi gumubokile. Tumbe, neve yandi beni atseronde gwesosisu ve wusu Sesare, nibonge dibagi di gumuvegitse. 26Vane, nzane gigume gi gurendile Sesare gukyelu andi, re dibandu nzemubegile ve wusu enu, viri viri gu ndyayu, kanangu Agirip, nonge nikube ne dyambu digurende pasi re nwamusosise. 27Nyalabi page guvegitse gu Rom, mwisi nzugu pasi re nzagwambile reti reti dyambu di gatogulilu.»
Currently Selected:
Actes 25: SWJ
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Actes 25
25
Pol gagwivuli gubegu ve wusu Sesare
1Tsufu yireru tsi tugu andi gu musyengi, Fesetis rambuge Sesaré ayende gu Serisalem. 2Bivunde bibevegitsi be pagu ne bidyeti bi Sif beruge gutsefunde Pol. Bemwivule 3gubesile gugabuse Pol gu Serisalem, mbare batunge dugwegu digumuboke mu nzile. 4Tumbe Fesetis yagule re «Pol ayi gu nzugu gu Sesaré, mebeni gwandi mepape nyagabuge. 5Abene dinyange vegari enu bendi nami gu Sesaré gwefunde mutu wune gere atsevage dyambu dibi.» 6Fesetis vyose ginane gotsu digumi di tsufu nawu, sige agabuge gu Sesaré. Mbongwali, atsagene gu ndagu migage ne guvege dinyange di gurugise Pol. 7Ve rugile Pol, Sif tsirambuge Serisalem tsimutsyenge tsimufuregile mbili mambu me range me yawu besabenze rigitse bilimbe. 8Pol gu gukwekane yandi re «Nzavage dibi, gukyelu mugage Sif, ne gukyelu ndagu Nyambi, nesi gukyelu Sesare.»
9Fesetis, kebange girondu gi Sif, ayivule Pol, «Warondi gwende gu Serisalem gwesosisu gune ve wusu ami gukyelu dyambu dine?» 10Pol yagule «Ni vave ve wusu migage mi Sesare re vave digavilu. Nzavage dibi gukyelu Sif, nevu wayabili ndyabeni. 11Gere nine mbele, gere nzevage dibi di nigubokilu, nzabuse gufu. Tumbe gere gu sandi mengenze gu motsu me batu babe bagwambili gukyelu ami, gu sandi mutu wune dinyange di gunzake ve yawu. Nyarondi gwesosisu ve wusu Sesare.» 12Vane Fesetis, negumane gwambile ne dibundu di andi, ayagule re «Wutsegwivule gwesosisu gu Sesare, kabe wugwende ve wusu andi.»
Pol ve wusu Agirip ne Berenis
13Be tsufu kwe, kanangu Agirip ne ketu andi, Berenis, beruge gu Sesaré gutsebwegise Fesetis. 14Nevu bevyose vane mbili tsufu, Fesetis yambile ne kanangu dyambu di Pol, «Gu mutu wu Felikese sile gu nzugu gugu. 15Ve nyendile gu Serisalem, bivunde bi bevegitsi be pagu ne bivunde bi Sif bemufunde, benyambile re nimukilisi. 16Nibagule re bisi Rom besakilisi mutu nesi agwambile di yandi tsevage, ve wusu batu betsemufunde. 17Betseruge nami gugu. Mbogwali nitsagene gu ndagu migage nivege dinyange di gumurugise. 18Batu bemufunde beruge, tumbe besetube bigume bi mambu neve nipikilange. 19Besose ne Pol gukyelu mugitse awu ne gukyelu Sesu yifu, yi yandi agavagi re ayi monyu. 20Gu menu, nzelabe neve mbere nivagile gu dyambu di munogune, re dibandu ni mwivule gwesosisu gu Serisalem gukyelu dyambu dine. 21Tumbe Pol asesinge bumbanze bu awu, ayivule gwesosisu gu Sesare. Vane, nivege dinyange di gumurare gu nzugu, kwange ve nigumuvegitsile gu Sesare.» 22Agirip yambile Fesetis, «Nyarondi gulilu mutu wune mebeni.» Fesetis mwagule re, «Mugese, wugumulilu».
23Kabe mbongwali, Agirip ne Berenis beruge gilonge ne gwingene gu ndagu misosu ne tsambi ne milolu ne bidyeti bi gori ne bidyeti bi yadi. Ne dinyange di Fesetis, Pol rugisu. 24Vane Fesetis yambile, «Kanangu Agirip ne yenu botsu nuvave, nwalabi mutu wuwu bumongu bwotsu bu Sif butse gutse mufunde gu menu, gu Serisalem kwange gunu, ne gwamuge re a sandi ne dinyange di gube monyu. 25Tumbe menu nzalabe gigume gi dyambu gi gumubokile. Tumbe, neve yandi beni atseronde gwesosisu ve wusu Sesare, nibonge dibagi di gumuvegitse. 26Vane, nzane gigume gi gurendile Sesare gukyelu andi, re dibandu nzemubegile ve wusu enu, viri viri gu ndyayu, kanangu Agirip, nonge nikube ne dyambu digurende pasi re nwamusosise. 27Nyalabi page guvegitse gu Rom, mwisi nzugu pasi re nzagwambile reti reti dyambu di gatogulilu.»
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES