Actes 14
14
Pol ne Barenebase gu Ikonyume
1Gu Ikonyume, Pol ne Barenebase bingene gu ndagu ndembu yi Sif ne gwanze musamu Nyambi. Vane mbili batu, Sif ne be sandi Sif bevege gitu gu Sesu. 2Tumbe Sif tsimosi tsi sandi ne gitu tsikokise bembatsi be sandi Sif nonge bekube ne pikile tsibi gukyelu bane be Nyambi. 3Nesi nane, Pol ne Barenebase betsinge gu Ikonyume. Bambilange gukyelu Fumu ne gitu gineni. Fumu bevege dinyange diguvage ndimbu ne bimage byarigitsi bureti bu mambu me bagwambili gukyelu gyesi gi andi. 4Bumongu bu yadi buke mebundu mebeye dine ne bilumbi, Pol ne Barenebase dimosi ne Sif tsi sandi ne gitu. 5Batu be yadi, Sif ne bivunde bi awu bene dibagi di gukwane ne guboke Pol ne Barenebase ne memani. 6Tumbe vane bedyulu, berine gu gyari gi yadi Lisetere ne Derebe, yadi tsi Likoni ne mu bindande. 7Vane banze musamu boti.
Pol ne Barenebase gu Lisetere
8Gu Lisetere, gubange mutu metsagene, ne gyere mu byeru; ayibange membogelotu aburilu. 9Ayulungu mambilange Pol. Pol mutsoke gisisu negulabe re ane gitu gi gubeluge. 10Amwambile ne dyufi dikene: «Rambuge, releme ne byeru bi agu!» Mutu lobuge dikabi atakule.
11Ve labile bumongu divage Pol, bamuge gu dilongu di bulongu bu Likoni: «Nyambi tsyabonge gigoleni gi mutu tsyasunde gu yetu!» 12Beluge Barenebase re «Sese», Pol re «Eremese», mbare Pol re abange gikambi. 13Muvegitsi pagu wu Sese abe ne ndagu nyambi awu ve dingeninu di yadi, abege mu minemindagu ngombi tsi sonu, yandi ne bumongu barondi vege bilumbi pagu. 14Tumbe ve bilumbi byabeye bedyulilu, bepase bidwaru bi awu ne gwende mbangu gu gari bumongu ne gwamuge re 15«Wo, gye gi nwavagili nane? Yetu du batu ne yenu. Dwanubegili musamu boti, gu gunwambile gusile bikokosi bi sandi ne musumbu. Geluganu gu Nyambi monyu yi sunde nzambi, ne tsyengi, nzube ne byotsu bi mune. 16Gigumbi gi vyoge, Nyambi sile bumongu be melongu motsu gubinge nzile tsi awu. 17Nesi nane, Nyambi sakoli rigitse girondu gi andi. Aganuvegitsili gu nzambi mvule ne milunde mu bigumbi, aganuvegi biguye ne gubase mirime mi enu ne mugangu.» 18Bevuru gwambile nane, dibe page gukale bumongu gu bevege pagu. 19Sif tsiruge gu Atyose, gu Pisidi negu Ikonyume, bedenge gitu gi bumongu. Betinde Pol memani gu gumuboke, sige bemudute gu gumuvuduse gu yadi, bepikilange re amafu. 20Tumbe ve bebingitsi be mutsyengile, arambuge ne gwingene gu yadi. Mbongwali ayende ne Barenebase gu Derebe.
Kabugu gu Atyose yi Siri
21Pol ne Barenebase banze musamu boti gu yadi Derebe. Mbili batu besinge Nyambi. Sige begabuge gu Lisetere, gu Ikonyume negu Atyose yi Pisidi. 22Besindisange mirime mi bebingitsi, bebegaremuse re gitu gi enu gi yadede. Bebambile re «Mu mbili mikengu dugwingenine gu bulongu bu Nyambi.» 23Mu mebundu motsu, bebesalile bivunde, negumane gwarile nzale negulembe, bebesambule Fumu yi bevagile gitu. 24Bevyogile ve Pisidi bevuduge gu Pafili. 25Banze musamu Nyambi gu Peresé. Sige bende gu Atali. 26Vane, bende mu bwatu gu Atyose yi Siri, yadi yi besambulilu mu gyesi gi Nyambi gu gidyanzu gi bevage. 27Ne guvuduge gu Atyose, begukige batu botsu be dibundu ne gwambile motsu me Nyambi vage nawu, nevu avegile gitu gu batu be sandi Sif. 28Pol ne Barenebase betsagene gigumbi ne bebingitsi be Atyose.
Currently Selected:
Actes 14: SWJ
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Actes 14
14
Pol ne Barenebase gu Ikonyume
1Gu Ikonyume, Pol ne Barenebase bingene gu ndagu ndembu yi Sif ne gwanze musamu Nyambi. Vane mbili batu, Sif ne be sandi Sif bevege gitu gu Sesu. 2Tumbe Sif tsimosi tsi sandi ne gitu tsikokise bembatsi be sandi Sif nonge bekube ne pikile tsibi gukyelu bane be Nyambi. 3Nesi nane, Pol ne Barenebase betsinge gu Ikonyume. Bambilange gukyelu Fumu ne gitu gineni. Fumu bevege dinyange diguvage ndimbu ne bimage byarigitsi bureti bu mambu me bagwambili gukyelu gyesi gi andi. 4Bumongu bu yadi buke mebundu mebeye dine ne bilumbi, Pol ne Barenebase dimosi ne Sif tsi sandi ne gitu. 5Batu be yadi, Sif ne bivunde bi awu bene dibagi di gukwane ne guboke Pol ne Barenebase ne memani. 6Tumbe vane bedyulu, berine gu gyari gi yadi Lisetere ne Derebe, yadi tsi Likoni ne mu bindande. 7Vane banze musamu boti.
Pol ne Barenebase gu Lisetere
8Gu Lisetere, gubange mutu metsagene, ne gyere mu byeru; ayibange membogelotu aburilu. 9Ayulungu mambilange Pol. Pol mutsoke gisisu negulabe re ane gitu gi gubeluge. 10Amwambile ne dyufi dikene: «Rambuge, releme ne byeru bi agu!» Mutu lobuge dikabi atakule.
11Ve labile bumongu divage Pol, bamuge gu dilongu di bulongu bu Likoni: «Nyambi tsyabonge gigoleni gi mutu tsyasunde gu yetu!» 12Beluge Barenebase re «Sese», Pol re «Eremese», mbare Pol re abange gikambi. 13Muvegitsi pagu wu Sese abe ne ndagu nyambi awu ve dingeninu di yadi, abege mu minemindagu ngombi tsi sonu, yandi ne bumongu barondi vege bilumbi pagu. 14Tumbe ve bilumbi byabeye bedyulilu, bepase bidwaru bi awu ne gwende mbangu gu gari bumongu ne gwamuge re 15«Wo, gye gi nwavagili nane? Yetu du batu ne yenu. Dwanubegili musamu boti, gu gunwambile gusile bikokosi bi sandi ne musumbu. Geluganu gu Nyambi monyu yi sunde nzambi, ne tsyengi, nzube ne byotsu bi mune. 16Gigumbi gi vyoge, Nyambi sile bumongu be melongu motsu gubinge nzile tsi awu. 17Nesi nane, Nyambi sakoli rigitse girondu gi andi. Aganuvegitsili gu nzambi mvule ne milunde mu bigumbi, aganuvegi biguye ne gubase mirime mi enu ne mugangu.» 18Bevuru gwambile nane, dibe page gukale bumongu gu bevege pagu. 19Sif tsiruge gu Atyose, gu Pisidi negu Ikonyume, bedenge gitu gi bumongu. Betinde Pol memani gu gumuboke, sige bemudute gu gumuvuduse gu yadi, bepikilange re amafu. 20Tumbe ve bebingitsi be mutsyengile, arambuge ne gwingene gu yadi. Mbongwali ayende ne Barenebase gu Derebe.
Kabugu gu Atyose yi Siri
21Pol ne Barenebase banze musamu boti gu yadi Derebe. Mbili batu besinge Nyambi. Sige begabuge gu Lisetere, gu Ikonyume negu Atyose yi Pisidi. 22Besindisange mirime mi bebingitsi, bebegaremuse re gitu gi enu gi yadede. Bebambile re «Mu mbili mikengu dugwingenine gu bulongu bu Nyambi.» 23Mu mebundu motsu, bebesalile bivunde, negumane gwarile nzale negulembe, bebesambule Fumu yi bevagile gitu. 24Bevyogile ve Pisidi bevuduge gu Pafili. 25Banze musamu Nyambi gu Peresé. Sige bende gu Atali. 26Vane, bende mu bwatu gu Atyose yi Siri, yadi yi besambulilu mu gyesi gi Nyambi gu gidyanzu gi bevage. 27Ne guvuduge gu Atyose, begukige batu botsu be dibundu ne gwambile motsu me Nyambi vage nawu, nevu avegile gitu gu batu be sandi Sif. 28Pol ne Barenebase betsagene gigumbi ne bebingitsi be Atyose.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES