Actes 12
12
Sake boku, Pyere veru gu nzugu
1Gigumbi gine, kanangu Erode pakile gukwane batu bemosi be dibundu. 2Abokise ne dibambu Sake mwane taye ne San. 3Ne gulabe re Sif betsedironde, negukunde gangise gwandi Pyere ve mumengu Pembi tsi sarandi. 4Erode mugangise amuvere gu nzugu, neguvage mebundu mane me gori yine yine gumurare. Apikilange gumutabulile bumbanze ve piti pasi re mumengu Pake wavyoge. 5Pyere araru gu nzugu, tumbe batu be dibundu belembange Nyambi ne gikanene gukyelu andi.
Pyere magobulu ne yanze Fumu
6Erode yibe ne dibagi digu mutabulile bumbanze ve piti. Dibeti nesi agubegu ve piti, Pyere ayibe gyelu vegari gori beye, atungu ne pange beye, sige beraritsi ve wusu mune ndagu nzugu. 7Susegile, yanze Fumu yiruge, girini gi ndagu nzugu gibase ne giyalele. Yanze gibitse Pyere, amurambuse yandi re «Vure ne guretseme!» Pange tsinyanguge mu mekake mandi. 8Yanze mwambile re «Vere mutumbe agu, dware pondu tsi agu!» Pyere mugobise. Yanze akunde re «Dware kutu agu, mbingi.» 9Pyere vuduge gu nzugu ve nzime yanze. Aseyabange dyamurugili ne yanze re dingenze, apikilange re ndosi. 10Bevyoge murumbe ne muraritsi rege, wu mubeye ne muraritsi. Bevuduge ve digugi di medilu digengesene ne yadi. Ditsibuge vike ve wusu awu bevuduge. Bende mu nzile. Sige, vane ne vane yanze musile.
11Sige Pyere neguyabe ditse murugile yandi re «Nyalabi re negu ngenze Fumu tsevegitse yanze andi, gutse nyobule mu mekake me Erode ne mu mabi motsu me bumongu bu Sif mbere bepage.»
12Pyere negulu nane, ayende gu ndagu Mari, nguye San yanengu gwandi re Marek. Mbili batu bebengune gune gwelembe. 13Pyere dukitse ve mune ndagu, mudyanzitsi mugetu wanengu re Rode aruge gutse tsibule. 14Neguyabe dyufi di Pyere akube ne mugangu, nesi agutsibule digugi ayende mbangu gwe gwambile bembatsi re Pyere ke ve mune ndagu. 15Bembatsi re «Wabeli!» Tumbe yandi re negungenze. Yawu re «Kabe dinyuni di andi.» 16Pyere, vagange kegudukitse. Sige ve batsibulile digugi, negumwene, yawu botsu besutu. 17Ne dikake, abevage re volanu sige abambile nevu Fumu muvudusile gu nzugu. Akunde re «Dyambilyanu Sake#12.17 Sake yiyi re yi mwane nguye ne Sesu. ne bane be Nyambi botsu.» Sige avuduge ne gwende gu nzusu. 18Wisi negutsamuge, gukube kumvu vegari gori beke kwegwivulange gike Pyere. 19Erode mukebise, tumbe besemwene. Negutsutse beraritsi be nzugu, avege dinyange digu beboke. Sige, Erode yusuge Sudé ayende gu Sesaré gu abile mwe gigumbi.
Dufu du Erode Agiripe
20Erode tibe kabu neni ne bisi Tir ne Sidon. Basumbi biguye ne byotsu gu bulongu bu kanangu Erode. Bisi Tire ne bisi Sidon bulesenu gu gwelabe Erode gu gukebe dinonge, vane bevote Blasetis, yandi garari girini gi ndagu kanangu. 21Wisi eni, Erode dware gidwaru gi kanangu, atsagene ve gipu gi andi gi bundumbe sige abambile ve piti. 22Bumongu negwamuge: «Ayine nyambi yagwambili, sa mutu tsinge!» 23Tumbe gigumbi gyeni gyamosi, yanze Fumu dimbe Erode, mbare akwe kuvege bundumbe ve mbure Nyambi. Re dibandu asyegilu ne misobu, afu.
24Musamu Nyambi wulalegenange ke gulalegene. 25Barenebase ne Sol, ne gumane gidyanzu gi beruminu gu Serisalem, begabuge gu Atyose, bebege nawu San yi lugu Marek.
Currently Selected:
Actes 12: SWJ
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Actes 12
12
Sake boku, Pyere veru gu nzugu
1Gigumbi gine, kanangu Erode pakile gukwane batu bemosi be dibundu. 2Abokise ne dibambu Sake mwane taye ne San. 3Ne gulabe re Sif betsedironde, negukunde gangise gwandi Pyere ve mumengu Pembi tsi sarandi. 4Erode mugangise amuvere gu nzugu, neguvage mebundu mane me gori yine yine gumurare. Apikilange gumutabulile bumbanze ve piti pasi re mumengu Pake wavyoge. 5Pyere araru gu nzugu, tumbe batu be dibundu belembange Nyambi ne gikanene gukyelu andi.
Pyere magobulu ne yanze Fumu
6Erode yibe ne dibagi digu mutabulile bumbanze ve piti. Dibeti nesi agubegu ve piti, Pyere ayibe gyelu vegari gori beye, atungu ne pange beye, sige beraritsi ve wusu mune ndagu nzugu. 7Susegile, yanze Fumu yiruge, girini gi ndagu nzugu gibase ne giyalele. Yanze gibitse Pyere, amurambuse yandi re «Vure ne guretseme!» Pange tsinyanguge mu mekake mandi. 8Yanze mwambile re «Vere mutumbe agu, dware pondu tsi agu!» Pyere mugobise. Yanze akunde re «Dware kutu agu, mbingi.» 9Pyere vuduge gu nzugu ve nzime yanze. Aseyabange dyamurugili ne yanze re dingenze, apikilange re ndosi. 10Bevyoge murumbe ne muraritsi rege, wu mubeye ne muraritsi. Bevuduge ve digugi di medilu digengesene ne yadi. Ditsibuge vike ve wusu awu bevuduge. Bende mu nzile. Sige, vane ne vane yanze musile.
11Sige Pyere neguyabe ditse murugile yandi re «Nyalabi re negu ngenze Fumu tsevegitse yanze andi, gutse nyobule mu mekake me Erode ne mu mabi motsu me bumongu bu Sif mbere bepage.»
12Pyere negulu nane, ayende gu ndagu Mari, nguye San yanengu gwandi re Marek. Mbili batu bebengune gune gwelembe. 13Pyere dukitse ve mune ndagu, mudyanzitsi mugetu wanengu re Rode aruge gutse tsibule. 14Neguyabe dyufi di Pyere akube ne mugangu, nesi agutsibule digugi ayende mbangu gwe gwambile bembatsi re Pyere ke ve mune ndagu. 15Bembatsi re «Wabeli!» Tumbe yandi re negungenze. Yawu re «Kabe dinyuni di andi.» 16Pyere, vagange kegudukitse. Sige ve batsibulile digugi, negumwene, yawu botsu besutu. 17Ne dikake, abevage re volanu sige abambile nevu Fumu muvudusile gu nzugu. Akunde re «Dyambilyanu Sake#12.17 Sake yiyi re yi mwane nguye ne Sesu. ne bane be Nyambi botsu.» Sige avuduge ne gwende gu nzusu. 18Wisi negutsamuge, gukube kumvu vegari gori beke kwegwivulange gike Pyere. 19Erode mukebise, tumbe besemwene. Negutsutse beraritsi be nzugu, avege dinyange digu beboke. Sige, Erode yusuge Sudé ayende gu Sesaré gu abile mwe gigumbi.
Dufu du Erode Agiripe
20Erode tibe kabu neni ne bisi Tir ne Sidon. Basumbi biguye ne byotsu gu bulongu bu kanangu Erode. Bisi Tire ne bisi Sidon bulesenu gu gwelabe Erode gu gukebe dinonge, vane bevote Blasetis, yandi garari girini gi ndagu kanangu. 21Wisi eni, Erode dware gidwaru gi kanangu, atsagene ve gipu gi andi gi bundumbe sige abambile ve piti. 22Bumongu negwamuge: «Ayine nyambi yagwambili, sa mutu tsinge!» 23Tumbe gigumbi gyeni gyamosi, yanze Fumu dimbe Erode, mbare akwe kuvege bundumbe ve mbure Nyambi. Re dibandu asyegilu ne misobu, afu.
24Musamu Nyambi wulalegenange ke gulalegene. 25Barenebase ne Sol, ne gumane gidyanzu gi beruminu gu Serisalem, begabuge gu Atyose, bebege nawu San yi lugu Marek.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES