Actes 1
1
Dinyuni Diboti divangeninu bilumbi
1Tate Tyofile, mu gisangumu gi ami girege nyambile motsu me Sesu pakile vage ne gunenze ve dibandu 2kwange ne wisi wu yandi pande gu nzambi. Ne gumane vege migage, ne Dinyuni Diboti gu bilumbi bi yandi sale. 3Ne gufu, ne gukunde gabuge monyu, alabene nawu. Aberigitse mbili ndimbu, alabene nawu mu megumi mane me tsufu. Ne gwambilange mambu me bulongu bu Nyambi. 4Wisi wu bayilange mbure mosi abebigise re «Nuyarageme ne Serisalem, tumbe vingilanu di Taye nuvangenine, di ni nunweritse. 5Mbare Sambatisete nubatise mu mambe, tumbe yenu tsufu kwe nugubatisu mu Dinyuni Diboti.»
Sesu pande gu nzambi
6Ve bilumbi bi Sesu babilange mbure mosi nandi be mwivule re «Fumu, gigumbi gine re gi wugusekinzile bulongu bu Iserayel?» 7Abagule re «Sayenu, nubenze yabe gigumbi ne digwere di gurugile mambu mane. Taye ami re ne dinyange di gumevage ne tondeni andi. 8Tumbe Dinyuni Diboti digunusundile ne ndure. Nugube mbeyi tsi ami gu Serisalem, gu Sudé yotsu, gu Samari, kwange ne gusukile bulongu.» 9Negumane gwambile nane, apande gu nzambi, ve begengisilange atsyemuge gutsye dimungi, ve misu mawu. 10Ve begengisilange gu yulu, batu bebeye ne bidwaru bi fuge be bevudugile tsutsudu. 11Bebambile re «Bisi Galile gye gisisu gu yulu? Sesu yine ya pande gu nzambi vegari enu agukunde ruge neve nusemwenine gupande.»
Dibundu di bilumbi
12Vane, begabuge gu Serisalem, berambugile gu mukongu wu miri myanengu re Olivi wusabange tage ne Serisalem. Gotsu girini gi digwere di mwendu byeru. 13Ve bevudugile gu Serisalem bepande gu ndagu ndiki gu bebenguninange ne mbetsi. Gube: Pyere, San, Sake ne Anderé, Filip ne Tome, Baretelemi ne Matye, Sake mwane Alefé, Simu yanengu re giyani, ne Suda mwane Sake. 14Botsu, di awu dimosi begwarilange gulembe ne begetu, ne Mari nguye Sesu, ne bane be taye be Sesu.
Matyase salu ve givinge gi Suda
15Batu basinge Sesu bebengune babe kame ne megumi me beye me batu. Wisi mosi, Pyere ne guretseme vegari awu ne gubambile re 16«Bane be Nyambi, adyambile kanangu Davide ne Dinyuni Diboti, mu gisangumu gi Nyambi gukyelu Suda, wube mumbe wusu wu batu begange Sesu. Mbere digulabene. 17Ayibe arangu ve dibundu di etu di bilumbi. Yetu botsu dudyanzange mbure mosi mutu ne gi andi gidyaku. 18Ne doli tsi yandi sakile Sesu asumbe gyambe, asakumuge muru gutsi, abenzige mukakele, difumu ditubige, bigari byotsu bipanzige. 19Dyambu ne guyabegenu gu batu botsu be yadi Serisalem. Gyambe gine gi kulugu gu dilongu di awu re “Akeledam” gyambe gi melungu. 20Direndu mu gisangumu gi nimbu gukyelu Suda:
“Ndagu andi yisilu,
yiyatsagene mutu#1.20 Gisangumu gi nimbu (Psaume) 69.26.”
Gwandi
“Mutu nzusu abongi gidyanzu gi andi#1.20 Gisangumu gi nimbu (Psaume) 109.8.”
21Nonge dusali ve gari etu mutu mosi wube netu 22pakile ve San mubatisile gu mambe kwange ne wisi wu amapandile gu nzambi ve misu metu. Wugube mbeyi yi durambugilu du dufu du Sesu.»
23Bedile bebeye babe ngu ne guvyagene ve gidyanzu gi Suda: wurege Sosefe, wunengungu gwandi re Baresebas kumbu andi Susetise, wu mubeyi Matyase. 24Yawu botsu belembe re «Fumu, durigitsi, ndyayu re wayabi mirime mi batu, rigitse ndyabeni wu wugusale, 25gu guvyagesene ve givinge gi Suda mu gidyanzu gi gilumbi gi Sesu gi yandi sile gu gwende gu mbure andi.» 26Bevage gingane gi gusale mutu vegari awu. Matyase asalu, akundu ve digumi ne wumosi di bilumbi bi Sesu.
Currently Selected:
Actes 1: SWJ
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Actes 1
1
Dinyuni Diboti divangeninu bilumbi
1Tate Tyofile, mu gisangumu gi ami girege nyambile motsu me Sesu pakile vage ne gunenze ve dibandu 2kwange ne wisi wu yandi pande gu nzambi. Ne gumane vege migage, ne Dinyuni Diboti gu bilumbi bi yandi sale. 3Ne gufu, ne gukunde gabuge monyu, alabene nawu. Aberigitse mbili ndimbu, alabene nawu mu megumi mane me tsufu. Ne gwambilange mambu me bulongu bu Nyambi. 4Wisi wu bayilange mbure mosi abebigise re «Nuyarageme ne Serisalem, tumbe vingilanu di Taye nuvangenine, di ni nunweritse. 5Mbare Sambatisete nubatise mu mambe, tumbe yenu tsufu kwe nugubatisu mu Dinyuni Diboti.»
Sesu pande gu nzambi
6Ve bilumbi bi Sesu babilange mbure mosi nandi be mwivule re «Fumu, gigumbi gine re gi wugusekinzile bulongu bu Iserayel?» 7Abagule re «Sayenu, nubenze yabe gigumbi ne digwere di gurugile mambu mane. Taye ami re ne dinyange di gumevage ne tondeni andi. 8Tumbe Dinyuni Diboti digunusundile ne ndure. Nugube mbeyi tsi ami gu Serisalem, gu Sudé yotsu, gu Samari, kwange ne gusukile bulongu.» 9Negumane gwambile nane, apande gu nzambi, ve begengisilange atsyemuge gutsye dimungi, ve misu mawu. 10Ve begengisilange gu yulu, batu bebeye ne bidwaru bi fuge be bevudugile tsutsudu. 11Bebambile re «Bisi Galile gye gisisu gu yulu? Sesu yine ya pande gu nzambi vegari enu agukunde ruge neve nusemwenine gupande.»
Dibundu di bilumbi
12Vane, begabuge gu Serisalem, berambugile gu mukongu wu miri myanengu re Olivi wusabange tage ne Serisalem. Gotsu girini gi digwere di mwendu byeru. 13Ve bevudugile gu Serisalem bepande gu ndagu ndiki gu bebenguninange ne mbetsi. Gube: Pyere, San, Sake ne Anderé, Filip ne Tome, Baretelemi ne Matye, Sake mwane Alefé, Simu yanengu re giyani, ne Suda mwane Sake. 14Botsu, di awu dimosi begwarilange gulembe ne begetu, ne Mari nguye Sesu, ne bane be taye be Sesu.
Matyase salu ve givinge gi Suda
15Batu basinge Sesu bebengune babe kame ne megumi me beye me batu. Wisi mosi, Pyere ne guretseme vegari awu ne gubambile re 16«Bane be Nyambi, adyambile kanangu Davide ne Dinyuni Diboti, mu gisangumu gi Nyambi gukyelu Suda, wube mumbe wusu wu batu begange Sesu. Mbere digulabene. 17Ayibe arangu ve dibundu di etu di bilumbi. Yetu botsu dudyanzange mbure mosi mutu ne gi andi gidyaku. 18Ne doli tsi yandi sakile Sesu asumbe gyambe, asakumuge muru gutsi, abenzige mukakele, difumu ditubige, bigari byotsu bipanzige. 19Dyambu ne guyabegenu gu batu botsu be yadi Serisalem. Gyambe gine gi kulugu gu dilongu di awu re “Akeledam” gyambe gi melungu. 20Direndu mu gisangumu gi nimbu gukyelu Suda:
“Ndagu andi yisilu,
yiyatsagene mutu#1.20 Gisangumu gi nimbu (Psaume) 69.26.”
Gwandi
“Mutu nzusu abongi gidyanzu gi andi#1.20 Gisangumu gi nimbu (Psaume) 109.8.”
21Nonge dusali ve gari etu mutu mosi wube netu 22pakile ve San mubatisile gu mambe kwange ne wisi wu amapandile gu nzambi ve misu metu. Wugube mbeyi yi durambugilu du dufu du Sesu.»
23Bedile bebeye babe ngu ne guvyagene ve gidyanzu gi Suda: wurege Sosefe, wunengungu gwandi re Baresebas kumbu andi Susetise, wu mubeyi Matyase. 24Yawu botsu belembe re «Fumu, durigitsi, ndyayu re wayabi mirime mi batu, rigitse ndyabeni wu wugusale, 25gu guvyagesene ve givinge gi Suda mu gidyanzu gi gilumbi gi Sesu gi yandi sile gu gwende gu mbure andi.» 26Bevage gingane gi gusale mutu vegari awu. Matyase asalu, akundu ve digumi ne wumosi di bilumbi bi Sesu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES