Asi Filipe 2
2
Krisi mvuuru a sambɨrisa na onini
1Yuhu ekiihi e be bɨla Krisi me eyaasa be, yuhu dya le nde ekooso be, yuhu be leli bɨla nde mo Oduduma, be se yuhu na njala abuha bɨla leve, 2ŋa lesa mbɨri me swere o ntini e be leli jaa lemo. Ove be leki dya lemo, otima omo na ecimiŋi se emo. 3Be leka syaha maami bɨla odidima a mfunwamwo si kali mo olaha nyuru ni. Ŋa be leki baari a sambɨrisa, be leyahi abuha mva baari mavʉli be anku. 4Mvuuru na mvuuru i sa acimiŋa o nde anku ni, ŋa be lesa cimiŋa ma abuha. 5Be leki vwa o mpaniŋi e be, mva lesyaha mo Jesu Krisi:
6Nde aki osuumbu omo bɨla Njyami,
okoroho nde aka saha oka mva Njyami ni.
7Ŋa nde onyili biibi eso kalihi
nde okirihi mva ojanji.
Okirihi mva baari ma omwo,
ayahi nde mva mvuuru omwo
8nde ovurihi nci, nde onyiimi tii ngo leku,
leku le ma lembanji.
9Kya obila o Njyami akuusi nde o biri e nkara yulu
emana nde ompi nde nkuumi evʉli ankuumi aso,
10mo bu ndi o nkuumi e Jesu baari aso,
o yulu bɨla ncye na ncina ncye,
awuri avwo,
11ŋa baari aso ayalaha ndi:
«Nkʉmu omakaaha Jesu Krisi,
ma lekʉma le Njyami a Taara.»
Lekyeme mva oyalala o yula ncye
12O vwa baana ma anguhu a me emavʉla odya, ŋa be lemacwomo na onyiimi ntini e me eki o paani e be. Be leselihi oka vwa, se me o ŋa kali. Lejanja ma evuuhi e be bɨla levuriha le nci na onyiimi, 13obila Njyami mvuuru ajanja o mpaniŋi e be. Nde mvuuru ampaaaha ediiŋi na esiihi lemihi na maami ma ave a nde amayeese.
14Leesa maami aso aŋiini bɨla etohi kali, 15mo bu ndi be leka baari ma ali i mono jaa e mbi o bo ni, si kali baari ma ali ce ce. Baana a Njyami ma ali jaa e mbi o bo kali, o mpaniŋi e njubu esyaha maami ma abi, ma ali se na ecimiŋi me ebi. Ŋa ove be lekyemi o mpaniŋi e bo mva oyalala o yula ncye, 16ma lelaha le bo mbari lebihi. Kya obila o me emono ove o be o cuhu e Krisi aya, obila me eka janja me emoni ampasi ngori ni.
17Ŋa se ajiriha tohi e me mo vwoŋi e be lempa Njyami mo janja e mo oyalihi o be, me emono ove me se eswere bɨla be aso. 18Mo osuumbu ju jwa be se lemono ove, leswere bɨla me!
Timote bɨla Epafrodite
19Me na lila o Jesu a Nkʉmu, me eya tuha na otuma be Timote, mo bu ndi me se eyaasa nyuru ma ancya a be a me eje oyuha. 20Me mvuuru okɨma kali. Mvuuru acimiŋa mva me, amonoŋo ongwo o jaa jaa o maami a be kali. 21Bo aso amoniŋi ongwo ni o maami a bo anku, ka mo maami a Jesu Krisi ni. 22Ŋa be leyahi esima e Timote ama asa: mva o mwana asyaha o paani e taara a nde, nde ojanji bɨla me mo Ncya e Mve. 23Me na alila mo otuma be nde, ŋa me emasa amono osuumbu a maami mayira na me. 24Me eyaa sisyele o Nkʉmu, mbɨri me eya tuha na oya na amono be me anku.
25Ŋa me cimiŋi ovuura be Epafrodite, mwana a nguhu a me ajanjiha bɨla me, nde se ajwaniŋa bɨla me lengulu le mo. A be letumi mo oya na ayamaŋa me o janja ntini e me eki na kaama. 26Mo oma, nde aki na njala ovuriha omono be aso kuna! Nde aki amono obayi mo osuumbu a be leyuhi ancya a ngaa e nde. 27Nde obyeli osahi okwa. Ŋa Njyami omoni nde nkerihi, ka nde otu ni na me aso. Mo odʉma me ema aka nca obi antini aso. 28Me evuriha otuma be nde asisari mo bu ndi, be omono nde be leselehe oswere ŋa me i mamono obi kuna ni. 29Ŋa leyamba nde yemiŋi na oswere o Nkʉmu bo mini, ove be lenyiimi baari ma ali mva nde. 30Mo obila o nde asahi okwa mo janja e Krisi, nde osahi oyele lebihi le nde, mo oyamaŋa me o ntini e be leli i buuna osa be anku ni.
Currently Selected:
Asi Filipe 2: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Asi Filipe 2
2
Krisi mvuuru a sambɨrisa na onini
1Yuhu ekiihi e be bɨla Krisi me eyaasa be, yuhu dya le nde ekooso be, yuhu be leli bɨla nde mo Oduduma, be se yuhu na njala abuha bɨla leve, 2ŋa lesa mbɨri me swere o ntini e be leli jaa lemo. Ove be leki dya lemo, otima omo na ecimiŋi se emo. 3Be leka syaha maami bɨla odidima a mfunwamwo si kali mo olaha nyuru ni. Ŋa be leki baari a sambɨrisa, be leyahi abuha mva baari mavʉli be anku. 4Mvuuru na mvuuru i sa acimiŋa o nde anku ni, ŋa be lesa cimiŋa ma abuha. 5Be leki vwa o mpaniŋi e be, mva lesyaha mo Jesu Krisi:
6Nde aki osuumbu omo bɨla Njyami,
okoroho nde aka saha oka mva Njyami ni.
7Ŋa nde onyili biibi eso kalihi
nde okirihi mva ojanji.
Okirihi mva baari ma omwo,
ayahi nde mva mvuuru omwo
8nde ovurihi nci, nde onyiimi tii ngo leku,
leku le ma lembanji.
9Kya obila o Njyami akuusi nde o biri e nkara yulu
emana nde ompi nde nkuumi evʉli ankuumi aso,
10mo bu ndi o nkuumi e Jesu baari aso,
o yulu bɨla ncye na ncina ncye,
awuri avwo,
11ŋa baari aso ayalaha ndi:
«Nkʉmu omakaaha Jesu Krisi,
ma lekʉma le Njyami a Taara.»
Lekyeme mva oyalala o yula ncye
12O vwa baana ma anguhu a me emavʉla odya, ŋa be lemacwomo na onyiimi ntini e me eki o paani e be. Be leselihi oka vwa, se me o ŋa kali. Lejanja ma evuuhi e be bɨla levuriha le nci na onyiimi, 13obila Njyami mvuuru ajanja o mpaniŋi e be. Nde mvuuru ampaaaha ediiŋi na esiihi lemihi na maami ma ave a nde amayeese.
14Leesa maami aso aŋiini bɨla etohi kali, 15mo bu ndi be leka baari ma ali i mono jaa e mbi o bo ni, si kali baari ma ali ce ce. Baana a Njyami ma ali jaa e mbi o bo kali, o mpaniŋi e njubu esyaha maami ma abi, ma ali se na ecimiŋi me ebi. Ŋa ove be lekyemi o mpaniŋi e bo mva oyalala o yula ncye, 16ma lelaha le bo mbari lebihi. Kya obila o me emono ove o be o cuhu e Krisi aya, obila me eka janja me emoni ampasi ngori ni.
17Ŋa se ajiriha tohi e me mo vwoŋi e be lempa Njyami mo janja e mo oyalihi o be, me emono ove me se eswere bɨla be aso. 18Mo osuumbu ju jwa be se lemono ove, leswere bɨla me!
Timote bɨla Epafrodite
19Me na lila o Jesu a Nkʉmu, me eya tuha na otuma be Timote, mo bu ndi me se eyaasa nyuru ma ancya a be a me eje oyuha. 20Me mvuuru okɨma kali. Mvuuru acimiŋa mva me, amonoŋo ongwo o jaa jaa o maami a be kali. 21Bo aso amoniŋi ongwo ni o maami a bo anku, ka mo maami a Jesu Krisi ni. 22Ŋa be leyahi esima e Timote ama asa: mva o mwana asyaha o paani e taara a nde, nde ojanji bɨla me mo Ncya e Mve. 23Me na alila mo otuma be nde, ŋa me emasa amono osuumbu a maami mayira na me. 24Me eyaa sisyele o Nkʉmu, mbɨri me eya tuha na oya na amono be me anku.
25Ŋa me cimiŋi ovuura be Epafrodite, mwana a nguhu a me ajanjiha bɨla me, nde se ajwaniŋa bɨla me lengulu le mo. A be letumi mo oya na ayamaŋa me o janja ntini e me eki na kaama. 26Mo oma, nde aki na njala ovuriha omono be aso kuna! Nde aki amono obayi mo osuumbu a be leyuhi ancya a ngaa e nde. 27Nde obyeli osahi okwa. Ŋa Njyami omoni nde nkerihi, ka nde otu ni na me aso. Mo odʉma me ema aka nca obi antini aso. 28Me evuriha otuma be nde asisari mo bu ndi, be omono nde be leselehe oswere ŋa me i mamono obi kuna ni. 29Ŋa leyamba nde yemiŋi na oswere o Nkʉmu bo mini, ove be lenyiimi baari ma ali mva nde. 30Mo obila o nde asahi okwa mo janja e Krisi, nde osahi oyele lebihi le nde, mo oyamaŋa me o ntini e be leli i buuna osa be anku ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES