Ngalate 6
6
Lebira elemi ma abuha
1Baana ma anguhu, yuhu buha omisa jaa e mbi, be leli na lebihi lo oduduma be baari lempa nde ndwo bɨla oduduma oduusu. We osi ayiba caki we omava nca ecinihi me ebi se . 2Lebira elemi ma abuha, mo vwa be leje onyiima ekele e Krisi. 3Yuhu mvuuru acimiha ndi nde ovʉli abuha okiimbi, ni bu nde mvuuru oca, nde akiisaha nyuru e nde anku. 4Ŋa mvuuru na mvuuru okeesi esiihi e nde anku maami. Nde omono jaa esa nde ove e ma nyuru e nde, nde osweri o nde anku. Ŋa ka mo oyelehe lebihi le nde bɨla abuha ni. 5Obila mvuuru na mvuuru aje oyalaha maami a nde anku.
6Mvuuru mayisiha Mbari e Njyami, ove nde okabi osolo a nde bɨla mvuuru ayisiha nde.
7Be leka tamaha ni: ma aka sebehe Njyami ni. Obila mvuuru na mvuuru aje otolo biibi e nde aje okuna. 8Mvuuru akuna biibi e ma akabi a nde anku, otolo se biibi me empaha akabi, omakaaha leku. Mvuuru akuuna mo oduduma, otolo se biibi mo oduduma ampaha, omakaaha lebihi le mbumbu. 9Lesa leve, saabe i kolo ni. Obila yuhu saabe i vuriha mbɨsa ni, saabe leje otolo mburu ma antini ma aje oya. 10Ŋa ma antini ma amisiila na saabe, lejanja mo osa baari aso leve. Vʉli vʉli na baana ma anguhu a saabe a mo oyalihi.
Ejyesihi ma lembɨsa bɨla owoosi
11Lemono ampɨri ma anini ma, a me eteende be mo kwoho o me anku. 12Baari mampa be okura mo osa sasi, omakaaha baari masaha olaha anyuru, mo maami a baari omwo. Bo njala ndi aswesihi bo obila ma lembanji le Krisi kali. 13Obila baari masyaha sasi bibaa maka nyiimaha ekele ni. Ŋa bo masaha ndi be lesa sasi, mo bu ndi bo ajoho o sasi eli ndiimi e ma akabi a be. 14Mo me, me ojoho ni ma lembanji le Jesu Krisi a Nkʉmu a saabe. Mo oma, obila mo lo, amakomo maami a yula ncye ma lembanji o me. Me se emakwa obila o maami a yula ncye. 15Jaa e simi simi kuuni ka mvuuru amisa sa sasi si kali akini osa sasi ni. Jaa e simi simi kuuni omakaaha ni ewaangihi me enyarihi.
16Ŋa mo baari manyiimaha eyisihi e me, me eduha mbɨri: oduusu bɨla eve e Njyami eka bɨla bo, na o yula baari a Njyami aso.
17Na emaka be mvuuru i maswesehe me ni, obila me na ejɨri o nyuru e me ma ambaba a Jesu.
18Ŋa baana ma anguhu, mpolo e Jesu Krisi a Nkʉmu a saabe eka na bɨla oduduma a be! Amene.
Currently Selected:
Ngalate 6: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Ngalate 6
6
Lebira elemi ma abuha
1Baana ma anguhu, yuhu buha omisa jaa e mbi, be leli na lebihi lo oduduma be baari lempa nde ndwo bɨla oduduma oduusu. We osi ayiba caki we omava nca ecinihi me ebi se . 2Lebira elemi ma abuha, mo vwa be leje onyiima ekele e Krisi. 3Yuhu mvuuru acimiha ndi nde ovʉli abuha okiimbi, ni bu nde mvuuru oca, nde akiisaha nyuru e nde anku. 4Ŋa mvuuru na mvuuru okeesi esiihi e nde anku maami. Nde omono jaa esa nde ove e ma nyuru e nde, nde osweri o nde anku. Ŋa ka mo oyelehe lebihi le nde bɨla abuha ni. 5Obila mvuuru na mvuuru aje oyalaha maami a nde anku.
6Mvuuru mayisiha Mbari e Njyami, ove nde okabi osolo a nde bɨla mvuuru ayisiha nde.
7Be leka tamaha ni: ma aka sebehe Njyami ni. Obila mvuuru na mvuuru aje otolo biibi e nde aje okuna. 8Mvuuru akuna biibi e ma akabi a nde anku, otolo se biibi me empaha akabi, omakaaha leku. Mvuuru akuuna mo oduduma, otolo se biibi mo oduduma ampaha, omakaaha lebihi le mbumbu. 9Lesa leve, saabe i kolo ni. Obila yuhu saabe i vuriha mbɨsa ni, saabe leje otolo mburu ma antini ma aje oya. 10Ŋa ma antini ma amisiila na saabe, lejanja mo osa baari aso leve. Vʉli vʉli na baana ma anguhu a saabe a mo oyalihi.
Ejyesihi ma lembɨsa bɨla owoosi
11Lemono ampɨri ma anini ma, a me eteende be mo kwoho o me anku. 12Baari mampa be okura mo osa sasi, omakaaha baari masaha olaha anyuru, mo maami a baari omwo. Bo njala ndi aswesihi bo obila ma lembanji le Krisi kali. 13Obila baari masyaha sasi bibaa maka nyiimaha ekele ni. Ŋa bo masaha ndi be lesa sasi, mo bu ndi bo ajoho o sasi eli ndiimi e ma akabi a be. 14Mo me, me ojoho ni ma lembanji le Jesu Krisi a Nkʉmu a saabe. Mo oma, obila mo lo, amakomo maami a yula ncye ma lembanji o me. Me se emakwa obila o maami a yula ncye. 15Jaa e simi simi kuuni ka mvuuru amisa sa sasi si kali akini osa sasi ni. Jaa e simi simi kuuni omakaaha ni ewaangihi me enyarihi.
16Ŋa mo baari manyiimaha eyisihi e me, me eduha mbɨri: oduusu bɨla eve e Njyami eka bɨla bo, na o yula baari a Njyami aso.
17Na emaka be mvuuru i maswesehe me ni, obila me na ejɨri o nyuru e me ma ambaba a Jesu.
18Ŋa baana ma anguhu, mpolo e Jesu Krisi a Nkʉmu a saabe eka na bɨla oduduma a be! Amene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES