Janja 21
21
Pole aje Jerusaleme
1Bisi lenyili akuuru mo okuha Efeje. Leyahi mbuungu leyeni Kose tele tele. Eto na encyere leto Rode emana lekii Patara. 2Bisi le basihi mbuungu eyeniŋi na Finisi. Bisi se leyahi yo, leyeni. 3Bisi leki leya letaala Sipre, lesurihi ma lembere le Siri, leto Tiire. Jya biri anga mbuungu jya ma aki matusaha biibi e bo nca yo. 4Bisi lemoni alwoni o Tiire, lesi ecuhu ncaami bɨla bo. Oduduma Santi aki omaluula o bo, na Pole ndi: «Kaa jyehe Jerusaleme ni!» 5Ecuhu ncaami eyira, bisi letemiŋi mo oje na opiinga. Bo aso ayi na nyila bisi, lecuuhi nca onguundu, eki na akaasi na baana. Saabo aso lewuri avwo o paani okeri onini, leya levwono. 6Emana lelaasi abuha, bisi lekumi nca mbuungu. Alwoni se avurihi anjo a bo. 7Bisi lemani opiinga a bisi o Tiire, bisi leto Tolomayise. O ŋa bisi lewoosi baana ma anguhu, leci cuhu mo bɨla bo. 8Eto na encyere bisi leto Sesare. Leyeni o njo e Filipe, mvuuru atoosoho Ncya e mve. Bisi leki o njo e nde. Nde aki balaha maswoli o nca abalaha ancaami o Jerusaleme. 9Nde aki ŋa baana ma akaasi ana ma aki enkiina, ma wobihi ma lengulu le Njyami. 10Bisi leci ecuhu kuna o ŋa. Owobi a mbari e Njyami, ma cwolihi ma Angabise owi Jude. 11Nde oyi na mono bisi. Nde oyahi kwaamba e Pole okuri jyala bɨla nyiili e nde anku. Nde oduhi ndi: «Leyuha maami mo Oduduma Santi atooso: O Jerusaleme, ankʉmu ma Ajife ma aje okura nga kwaamba ji. Bo ma aje ompa nde na baari ma ali ka Ajife ni.» 12Bisi leyuha vwa, bisi bɨla baana ma anguhu a Sesare, lekaniŋi Pole na mpari eso, mo obɨsa oje Jerusaleme. 13Ŋa Pole okaali ndi: «Be lelila, be leswesehe me otima mo oma? Me, mo nkuumi e Jesu a Nkʉmu, ebuuna oyalaha akuri me endi, abumi me o Jerusaleme.» 14Mo osuumbu a bisi leka buuna okanaŋa nde ni, bisi se leka ma sa nkomoŋo ni. Bisi leduhi mbɨri: «Nkʉmu osa mo osuumbu a nde adii!»
15Eci cuhu eke eyira, lekarihi biibi, leyeni Jerusaleme. 16Alwoni a mo onguundu o Sesare ayeni na anyila bisi. Ayeni na bisi mpili e Menason osi Sipre. Nde aki amabiha na oka olwoni, bisi leci o njo e nde.
Pole aje ŋa akye Jake
17Bisi leto Jerusaleme, baana ma anguhu ayambi bisi na oswere oso. 18Cuhu eca, Pole oyeni bɨla bisi mpili e Jake. O ŋa akuuru mo okuha aso amakusuha abuha. 19Pole owoosi bo, oduhi bo maami a Njyami asi o ngula nde aso, mpili e baari ma ali ka Ajife ni. 20Akuuru mo okuha ayuha vwa, bo akuusi lekʉma le Njyami, bo na Pole ndi: «Mwana nguhu a bisi, we amono Ajife a kuna amibaha oyalihi, bo aso se manyiime ekele. 21Yuha maami a bo mayuhi o we: ndi we ayisiha Ajife aso ma kaha bɨla baari ma ali i yaa Njyami ni, mo onyila ekele e Moyise. We aduha mbɨri bo i sa baana sasi ni. Bo se i nyiima maami ma Ajife ni. 22Saabe osa buni? Mo oma, bo ŋa mayuha ndi we oli kuuni. 23Sa maami a bisi leduha we. Bisi na abalaha ana kuuni ma amakwara canga. 24Ya ŋa bo, sa cinda macukaha nyuru bɨla bo, we wura adoro o biri e bo. O ŋa aya ma buuna owuna bo ecwi. Ŋa baari aso ayaa ndi maami maduhi o we maa ekiini. Ŋa bo amono ndi we se anyiime ekele. 25Bisi lemateende baari ma ali ka Ajife ni osaangumu, ma amayalaha Nkʉmu. Bisi lemaduha bo maami a bisi leyeesi: be i buuna oja anyama ma ama mpa anjyami mo oca oca avwoŋi ni. Leka jyaha anyama ma kini na tohi ni, lekaa syaha obɨla.»
26Ŋa Pole obiri abalaha ma ana baa. Eto na encyere, Pole obaani cinda macukaha anyuru bɨla bo. Emana nde oyeni nca njo e Njyami. O ŋa nde oduhi bo cuhu e mvuuru na mvuuru aja ompa e nde vwoŋi, o ntini e cinda ewa.
Akwari Pole o nca njo e Njyami
27Ecuhu e ncaami e cinda macukaha nyuru eki eya me ewa. Ajife a ngaala Asi amoni Pole o nca njo e Njyami. Bo acyeesi lemvuuru leso, bo akwari Pole. 28Bo awʉli ankɨma ndi: «Be baari a Isayele, leya na ayamaŋa bisi. Lemono balaha eyisiha baari aso mbari e mbi me ebiri eso. Ndi bo abele ekele e Moyise, bo se abele njo e Njyami. Nde oma aya na angɨreke ama onyuniŋa kuuni. Nde omi sobo biri opeende ji!» 29Mo oma Ajife aki amamono Trofime osi Efeje bɨla Pole nca Jerusaleme. Bo acimiŋi ndi Pole aki oma nyuniŋa bɨla nde nca njo e Njyami.
30Okʉrukusu ovi nca onguundu oso. Baari akuhi na kuna. Bo akwari Pole, atusihi nde o nca njo e Njyami. O nci na nci ŋa bo abiindi edubihi. 31Baari aki masaha obuma Pole. Ŋa nkʉmu aworo a Rome oyuhi ndi okʉrukusu jwa omi kunwa onguundu o Jerusaleme oso. 32O nci na nci ŋa nde oyahi aworo bɨla ankʉmu ma aworo, odumi ma anciini mpili lemvuuru. Baari amono aworo bɨla ankʉmu ma aworo, bo anyili omabeere Pole. 33Nkʉmu aworo ociini, nde otumi okura Pole ma endi ma ankoso jyele. Emana nde opɨsi ndi: «Balaha ji na? Nde oma asa?» 34Ŋa o nca lemvuuru, ba ma duha ji jaa, maamo ma duha nkɨma. Ŋa nkʉmu aworo aka yuha jaa e ciici ni, obila ma lesuhu. Nde otumi ayeni na Pole nca njo aworo. 35Pole oto ma okuma ngumu onwa a njo, aworo asaari nde obila o mpari lemvuuru. 36Mo oma baari aso aki malwono nde na owʉla ankɨma ndi: «Lebuma nde!»
Pole awobo ma lengulu le nde anku
37Ntini ma sahi olehe Pole nca njo aworo jya, nde na nkʉmu aworo ndi: «Me ebuuna oduha jaa mo?» Nkʉmu aworo okaali nde ndi: «We oyaa owobo le ngɨreke? 38Ŋa we ka osi Ejipte ayi na okʉrukusu nca ecuhu e mbɨsa bi ni! Omana obiri ekuumi me enkama e baari ena (4,000) ma eli na anjasi nca kayi ni?» 39Pole okaali ndi: «Me Ojife osi onguundu o Tarse e Silisi. Me osi onguundu enini, kolo kolo e we mpa me lengulu mo owobo na baari ba.» 40Nkʉmu aworo ompi nde lengulu. Pole otemiŋi o ngumu onwa a njo. Nde osaari kwoho, bo se aya pi. Pole owobi na bo o juuyi le Ebɨre#21.40 Ebɨre, nca esaangumu ekɨma ma duha ndi nde awobi ma le arameyi. Obila Ajife ma wobo se Arameyi. ndi:
Currently Selected:
Janja 21: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 21
21
Pole aje Jerusaleme
1Bisi lenyili akuuru mo okuha Efeje. Leyahi mbuungu leyeni Kose tele tele. Eto na encyere leto Rode emana lekii Patara. 2Bisi le basihi mbuungu eyeniŋi na Finisi. Bisi se leyahi yo, leyeni. 3Bisi leki leya letaala Sipre, lesurihi ma lembere le Siri, leto Tiire. Jya biri anga mbuungu jya ma aki matusaha biibi e bo nca yo. 4Bisi lemoni alwoni o Tiire, lesi ecuhu ncaami bɨla bo. Oduduma Santi aki omaluula o bo, na Pole ndi: «Kaa jyehe Jerusaleme ni!» 5Ecuhu ncaami eyira, bisi letemiŋi mo oje na opiinga. Bo aso ayi na nyila bisi, lecuuhi nca onguundu, eki na akaasi na baana. Saabo aso lewuri avwo o paani okeri onini, leya levwono. 6Emana lelaasi abuha, bisi lekumi nca mbuungu. Alwoni se avurihi anjo a bo. 7Bisi lemani opiinga a bisi o Tiire, bisi leto Tolomayise. O ŋa bisi lewoosi baana ma anguhu, leci cuhu mo bɨla bo. 8Eto na encyere bisi leto Sesare. Leyeni o njo e Filipe, mvuuru atoosoho Ncya e mve. Bisi leki o njo e nde. Nde aki balaha maswoli o nca abalaha ancaami o Jerusaleme. 9Nde aki ŋa baana ma akaasi ana ma aki enkiina, ma wobihi ma lengulu le Njyami. 10Bisi leci ecuhu kuna o ŋa. Owobi a mbari e Njyami, ma cwolihi ma Angabise owi Jude. 11Nde oyi na mono bisi. Nde oyahi kwaamba e Pole okuri jyala bɨla nyiili e nde anku. Nde oduhi ndi: «Leyuha maami mo Oduduma Santi atooso: O Jerusaleme, ankʉmu ma Ajife ma aje okura nga kwaamba ji. Bo ma aje ompa nde na baari ma ali ka Ajife ni.» 12Bisi leyuha vwa, bisi bɨla baana ma anguhu a Sesare, lekaniŋi Pole na mpari eso, mo obɨsa oje Jerusaleme. 13Ŋa Pole okaali ndi: «Be lelila, be leswesehe me otima mo oma? Me, mo nkuumi e Jesu a Nkʉmu, ebuuna oyalaha akuri me endi, abumi me o Jerusaleme.» 14Mo osuumbu a bisi leka buuna okanaŋa nde ni, bisi se leka ma sa nkomoŋo ni. Bisi leduhi mbɨri: «Nkʉmu osa mo osuumbu a nde adii!»
15Eci cuhu eke eyira, lekarihi biibi, leyeni Jerusaleme. 16Alwoni a mo onguundu o Sesare ayeni na anyila bisi. Ayeni na bisi mpili e Menason osi Sipre. Nde aki amabiha na oka olwoni, bisi leci o njo e nde.
Pole aje ŋa akye Jake
17Bisi leto Jerusaleme, baana ma anguhu ayambi bisi na oswere oso. 18Cuhu eca, Pole oyeni bɨla bisi mpili e Jake. O ŋa akuuru mo okuha aso amakusuha abuha. 19Pole owoosi bo, oduhi bo maami a Njyami asi o ngula nde aso, mpili e baari ma ali ka Ajife ni. 20Akuuru mo okuha ayuha vwa, bo akuusi lekʉma le Njyami, bo na Pole ndi: «Mwana nguhu a bisi, we amono Ajife a kuna amibaha oyalihi, bo aso se manyiime ekele. 21Yuha maami a bo mayuhi o we: ndi we ayisiha Ajife aso ma kaha bɨla baari ma ali i yaa Njyami ni, mo onyila ekele e Moyise. We aduha mbɨri bo i sa baana sasi ni. Bo se i nyiima maami ma Ajife ni. 22Saabe osa buni? Mo oma, bo ŋa mayuha ndi we oli kuuni. 23Sa maami a bisi leduha we. Bisi na abalaha ana kuuni ma amakwara canga. 24Ya ŋa bo, sa cinda macukaha nyuru bɨla bo, we wura adoro o biri e bo. O ŋa aya ma buuna owuna bo ecwi. Ŋa baari aso ayaa ndi maami maduhi o we maa ekiini. Ŋa bo amono ndi we se anyiime ekele. 25Bisi lemateende baari ma ali ka Ajife ni osaangumu, ma amayalaha Nkʉmu. Bisi lemaduha bo maami a bisi leyeesi: be i buuna oja anyama ma ama mpa anjyami mo oca oca avwoŋi ni. Leka jyaha anyama ma kini na tohi ni, lekaa syaha obɨla.»
26Ŋa Pole obiri abalaha ma ana baa. Eto na encyere, Pole obaani cinda macukaha anyuru bɨla bo. Emana nde oyeni nca njo e Njyami. O ŋa nde oduhi bo cuhu e mvuuru na mvuuru aja ompa e nde vwoŋi, o ntini e cinda ewa.
Akwari Pole o nca njo e Njyami
27Ecuhu e ncaami e cinda macukaha nyuru eki eya me ewa. Ajife a ngaala Asi amoni Pole o nca njo e Njyami. Bo acyeesi lemvuuru leso, bo akwari Pole. 28Bo awʉli ankɨma ndi: «Be baari a Isayele, leya na ayamaŋa bisi. Lemono balaha eyisiha baari aso mbari e mbi me ebiri eso. Ndi bo abele ekele e Moyise, bo se abele njo e Njyami. Nde oma aya na angɨreke ama onyuniŋa kuuni. Nde omi sobo biri opeende ji!» 29Mo oma Ajife aki amamono Trofime osi Efeje bɨla Pole nca Jerusaleme. Bo acimiŋi ndi Pole aki oma nyuniŋa bɨla nde nca njo e Njyami.
30Okʉrukusu ovi nca onguundu oso. Baari akuhi na kuna. Bo akwari Pole, atusihi nde o nca njo e Njyami. O nci na nci ŋa bo abiindi edubihi. 31Baari aki masaha obuma Pole. Ŋa nkʉmu aworo a Rome oyuhi ndi okʉrukusu jwa omi kunwa onguundu o Jerusaleme oso. 32O nci na nci ŋa nde oyahi aworo bɨla ankʉmu ma aworo, odumi ma anciini mpili lemvuuru. Baari amono aworo bɨla ankʉmu ma aworo, bo anyili omabeere Pole. 33Nkʉmu aworo ociini, nde otumi okura Pole ma endi ma ankoso jyele. Emana nde opɨsi ndi: «Balaha ji na? Nde oma asa?» 34Ŋa o nca lemvuuru, ba ma duha ji jaa, maamo ma duha nkɨma. Ŋa nkʉmu aworo aka yuha jaa e ciici ni, obila ma lesuhu. Nde otumi ayeni na Pole nca njo aworo. 35Pole oto ma okuma ngumu onwa a njo, aworo asaari nde obila o mpari lemvuuru. 36Mo oma baari aso aki malwono nde na owʉla ankɨma ndi: «Lebuma nde!»
Pole awobo ma lengulu le nde anku
37Ntini ma sahi olehe Pole nca njo aworo jya, nde na nkʉmu aworo ndi: «Me ebuuna oduha jaa mo?» Nkʉmu aworo okaali nde ndi: «We oyaa owobo le ngɨreke? 38Ŋa we ka osi Ejipte ayi na okʉrukusu nca ecuhu e mbɨsa bi ni! Omana obiri ekuumi me enkama e baari ena (4,000) ma eli na anjasi nca kayi ni?» 39Pole okaali ndi: «Me Ojife osi onguundu o Tarse e Silisi. Me osi onguundu enini, kolo kolo e we mpa me lengulu mo owobo na baari ba.» 40Nkʉmu aworo ompi nde lengulu. Pole otemiŋi o ngumu onwa a njo. Nde osaari kwoho, bo se aya pi. Pole owobi na bo o juuyi le Ebɨre#21.40 Ebɨre, nca esaangumu ekɨma ma duha ndi nde awobi ma le arameyi. Obila Ajife ma wobo se Arameyi. ndi:
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES