Janja 19
19
Pole ŋa Efeje
1Ntini Apolose akihi o Korete, Pole ovuuli ngaala okuri Asi, oto Efeje. O ŋa nde obasihi alwoni ake. 2Nde opɨsi bo ndi: «Ntini e be leyalihi Nkʉmu, be lebahi Oduduma Santi?» Bo akaali ndi: «Bisi lekini oyuha se mawobo mo Oduduma Santi ni.» 3Pole opɨsi bo ndi: «Ateeme a be leyahi mani?» Bo akaali ndi: «Ateeme a Jan.» 4Pole ovurihi okaali na bo ndi: «Jan ampi bo ateeme amalekaala le eku. Nde se aduhi na baari mo oyalaha mvuuru aje oya ngula nde. Mvuuru jwa omakaaha Jesu.» 5Bo amana oyuha mbari e Pole, bo ayahi ateeme o nkuumi e Jesu a Nkʉmu. 6Pole olehi jyala o yula ecwi e bo, bo se abahi Oduduma Santi. O ŋa bo aya ma wobo ajuuyi akɨma. Bo se mawobo ma lengulu le Nkʉmu. 7Abalaha baa aki kuumi na vwele.
8Pole oyeni njo mavwonoŋo. O ŋa nde oki lemihi le angondo atari, nde se aki awobo bɨla lila. Nde atooso Onkani o Njyami, nde se osi mpari mo osa ndi bo ayuha. 9Ŋa ake aki njala oyuha kali, bo se aki njala oyalaha kali. Bo masebe mbari e Pole nca okuha. Ŋa Pole onyili bo, nde obiri alwoni bɨla nde. Ŋa ecuhu eso nde aki awobo bɨla bo nca lekoole le Tiranose. 10Jaa jya ebihi esibi jyele. Mo bu ndi baari aso ma ali o ngaala Asi na Ajife bɨla Angɨreke, ayuha mbari e Nkʉmu.
Baana a Seva
11Njyami osi emaa e lwari o ngula Pole. 12Mo osuumbu jwa, alehi amfa bɨla esware ma eki me emi tiila o nyuru e Pole o yula abyeri. Abyeri awuumi, na edidima me ebi ma eki o bo se ecuuhi. 13Ajife ake macuurihi edidima me ebi, ayeni me ebiri eso. Bo mamiha ocuura se edidima me ebi ma eki ma abyeri, o nkuumi e Jesu a Nkʉmu. Bo ma aduha ndi: «Me eduha na be, o nkuumi e Jesu a Pole atoosoho, lecuuha!» 14Baana ma abalaha a ncaami mo osi avwoŋi onini macwoloho o Seva, amihi osa se vwa. 15Ŋa odidima obi okaali na bo ndi: «Me yaa Jesu, me se eyaa Pole. Ŋa be ba na?» 16Ŋa balaha eki na edidima me ebi, ojwani bɨla baana a Seva. Nde aki ovʉli bo mpari, oyusihi bo ngaa yo mini. Bo acuuhi o njo e nde otaba na ampura. 17Asi Efeje aso, na Ajife bɨla Angɨreke, ayuhi jaa jya. Bo aso amoni vwoho. Bo ayalahi onkani o Njyami, bɨla onini o nkuumi e Jesu a Nkʉmu. 18Baari kuna ma yalihi Nkʉmu, ayi na asa komboso nkara yulu, o maami ma a bi a bo ma aki ma amasa. 19O nca baari ma aki ma amapasa ati, kuna ayi na esaangumu e bo, na acuha o mbaa o mwa baari aso. Mvunu esaangumu bya eki eto ekuumi ma mile etaani 50,000 ma adoro a nkoso. 20Mo osuumbu jwa, ŋa o mpari e Nkʉmu, mbari e Njyami eselehe oje na vusu, yo se eselehi olaha mpari.
Okʉrukusu ŋa Efeje
21Emana maami maa, Pole oyeesi bɨla Oduduma Santi mo ovuula Masedwane bɨla Akayi, mo oje na Jerusaleme. Nde oduhi ndi: «Me omana kwa, ove me se yeni Rome.» 22Nde otumi Timote bɨla Eraste Masedwane, bo vwele ayamiŋi nde. Ŋa nde anku osi aca ecuhu nca ngaala Asi. 23O ntini jya okʉrukusu nde mini ovi ŋa Efeje, obila o Njila e Nkʉmu. 24Mo oma, otʉli ankwere omo macwolohi o Demetrise, aki atʉla eji njo mo kele adoro, mo njyami okaasi macwoloho ma Atemise. Nde bɨla atʉli maamo abahi adoro a kuna o janja jya. 25Ŋa Demetrise okusihi atuli, bɨla baari masihi janja jya se aso. Nde na bo ndi: «Andihi a me, be leyaa mbɨri saabe lemakiriha baari ma anini ŋa o janja ji. 26Ŋa be lemamono, be se lemayuha mawobo o jaa jya. Pole yu aduha ndi: anjyami a baari matʉluha ka anjyami ni. Nde oma sa baari kuna oyalaha Nkʉmu. Ka ŋa Efeje kuuni ntu ni, ŋa na o nca ngaala Asi eso. 27Ebiiya ka janja e saabe ntu ni, ŋa na njo e njyami okaasi Atemise se abele yo. Ma aka maduha ndi Atemise njyami onini ni. Ni bu baari a mo ngaala Asi na a mo yula ncye aso ovwonoho nde!»
28Baari ayuha vwa abye nkala, awʉli ankɨma ndi: «Atemise njyami onini ŋa Efeje!» 29Ŋa okʉrukusu ovi mo onguundu oso. Baari aso ayeni mwa lebuhu le cinda. Abiri Ngayise bɨla Aritake se, asi Masedwane vwele mayeniŋi opiinga bɨla Pole. 30Pole osahi oje mwa lemvuuru, ŋa alwoni akaniŋi nde. 31Baari ma anini#19.31 Baari ma aki ma ama swolo mo oka ankʉmu o njyami ankani a bo. Acwolihi bo ma Ajyake. ake a mo ngaala Asi, aki andihi a Pole. Bo atumi baari mo ojyese nde ndi: «Ka jyaha o mwa lebuhu le cinda ni!» 32O ntini jya, okʉrukusu ovi o mpaniŋi e baari nca okuha. Ba ma duha ndi bu, ba ku se ma kaala akɨma. Ŋa baari kuna aki i ma yaa obila o bo ma ama kusaha abuha o co ni. 33Baari ake o nca lemvuuru aduhi na Alikisandre jaa leyiri. Nde mvuuru Ajife ma lehi levusu. Nde osaari kwoho, ma owobo na lemvuuru. 34Ŋa baari ajyaba ndi nde Ojife, bo awʉli ankɨma lemihi le atari mwele ndi: «Atemise omakaaha njyami onini ŋa Efeje!»
35Oteendi esaangumu a mo onguundu obuuni okwoso lemvuuru, nde oduhi ndi: «Asi Efeje, baari aso ayaa ndi onguundu Efeje ekyele njo e njyami okaasi onini ma cwoloho ma Atemise, bɨla odimi o nde ewu yulu. 36Mvuuru i buuna osa ekemi ni. Ove be lesa cuusa etima, omana be lecimiŋi jaa e be lebuuna osa. 37Be lemaya na baari ba kuuni, ni bu bo aka sa jaa e mbi o njo e njyami ni. Bo se aka tuha njyami a saabe okaasi ni. 38Yuhu Dimitrise bɨla atuli a nde masaha mvuuru a bo mabanaŋa, saabe na apami. Anjo mapamaŋa maami bɨla apami ali. Lejyehe mpili bo! 39Yuhu be na jaa nkɨma ma opɨsa, saabe lema mono okuha ankani. 40Njiila kali bo abaniŋi saabe ndi saabe baari le eyi na okʉrukusu, obila mo maami ma ayiri lobi. Saabe i buuna oduha obila lemakusuha abuha ni. Nde omana owobo vwa bo acalihi.»
Currently Selected:
Janja 19: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 19
19
Pole ŋa Efeje
1Ntini Apolose akihi o Korete, Pole ovuuli ngaala okuri Asi, oto Efeje. O ŋa nde obasihi alwoni ake. 2Nde opɨsi bo ndi: «Ntini e be leyalihi Nkʉmu, be lebahi Oduduma Santi?» Bo akaali ndi: «Bisi lekini oyuha se mawobo mo Oduduma Santi ni.» 3Pole opɨsi bo ndi: «Ateeme a be leyahi mani?» Bo akaali ndi: «Ateeme a Jan.» 4Pole ovurihi okaali na bo ndi: «Jan ampi bo ateeme amalekaala le eku. Nde se aduhi na baari mo oyalaha mvuuru aje oya ngula nde. Mvuuru jwa omakaaha Jesu.» 5Bo amana oyuha mbari e Pole, bo ayahi ateeme o nkuumi e Jesu a Nkʉmu. 6Pole olehi jyala o yula ecwi e bo, bo se abahi Oduduma Santi. O ŋa bo aya ma wobo ajuuyi akɨma. Bo se mawobo ma lengulu le Nkʉmu. 7Abalaha baa aki kuumi na vwele.
8Pole oyeni njo mavwonoŋo. O ŋa nde oki lemihi le angondo atari, nde se aki awobo bɨla lila. Nde atooso Onkani o Njyami, nde se osi mpari mo osa ndi bo ayuha. 9Ŋa ake aki njala oyuha kali, bo se aki njala oyalaha kali. Bo masebe mbari e Pole nca okuha. Ŋa Pole onyili bo, nde obiri alwoni bɨla nde. Ŋa ecuhu eso nde aki awobo bɨla bo nca lekoole le Tiranose. 10Jaa jya ebihi esibi jyele. Mo bu ndi baari aso ma ali o ngaala Asi na Ajife bɨla Angɨreke, ayuha mbari e Nkʉmu.
Baana a Seva
11Njyami osi emaa e lwari o ngula Pole. 12Mo osuumbu jwa, alehi amfa bɨla esware ma eki me emi tiila o nyuru e Pole o yula abyeri. Abyeri awuumi, na edidima me ebi ma eki o bo se ecuuhi. 13Ajife ake macuurihi edidima me ebi, ayeni me ebiri eso. Bo mamiha ocuura se edidima me ebi ma eki ma abyeri, o nkuumi e Jesu a Nkʉmu. Bo ma aduha ndi: «Me eduha na be, o nkuumi e Jesu a Pole atoosoho, lecuuha!» 14Baana ma abalaha a ncaami mo osi avwoŋi onini macwoloho o Seva, amihi osa se vwa. 15Ŋa odidima obi okaali na bo ndi: «Me yaa Jesu, me se eyaa Pole. Ŋa be ba na?» 16Ŋa balaha eki na edidima me ebi, ojwani bɨla baana a Seva. Nde aki ovʉli bo mpari, oyusihi bo ngaa yo mini. Bo acuuhi o njo e nde otaba na ampura. 17Asi Efeje aso, na Ajife bɨla Angɨreke, ayuhi jaa jya. Bo aso amoni vwoho. Bo ayalahi onkani o Njyami, bɨla onini o nkuumi e Jesu a Nkʉmu. 18Baari kuna ma yalihi Nkʉmu, ayi na asa komboso nkara yulu, o maami ma a bi a bo ma aki ma amasa. 19O nca baari ma aki ma amapasa ati, kuna ayi na esaangumu e bo, na acuha o mbaa o mwa baari aso. Mvunu esaangumu bya eki eto ekuumi ma mile etaani 50,000 ma adoro a nkoso. 20Mo osuumbu jwa, ŋa o mpari e Nkʉmu, mbari e Njyami eselehe oje na vusu, yo se eselehi olaha mpari.
Okʉrukusu ŋa Efeje
21Emana maami maa, Pole oyeesi bɨla Oduduma Santi mo ovuula Masedwane bɨla Akayi, mo oje na Jerusaleme. Nde oduhi ndi: «Me omana kwa, ove me se yeni Rome.» 22Nde otumi Timote bɨla Eraste Masedwane, bo vwele ayamiŋi nde. Ŋa nde anku osi aca ecuhu nca ngaala Asi. 23O ntini jya okʉrukusu nde mini ovi ŋa Efeje, obila o Njila e Nkʉmu. 24Mo oma, otʉli ankwere omo macwolohi o Demetrise, aki atʉla eji njo mo kele adoro, mo njyami okaasi macwoloho ma Atemise. Nde bɨla atʉli maamo abahi adoro a kuna o janja jya. 25Ŋa Demetrise okusihi atuli, bɨla baari masihi janja jya se aso. Nde na bo ndi: «Andihi a me, be leyaa mbɨri saabe lemakiriha baari ma anini ŋa o janja ji. 26Ŋa be lemamono, be se lemayuha mawobo o jaa jya. Pole yu aduha ndi: anjyami a baari matʉluha ka anjyami ni. Nde oma sa baari kuna oyalaha Nkʉmu. Ka ŋa Efeje kuuni ntu ni, ŋa na o nca ngaala Asi eso. 27Ebiiya ka janja e saabe ntu ni, ŋa na njo e njyami okaasi Atemise se abele yo. Ma aka maduha ndi Atemise njyami onini ni. Ni bu baari a mo ngaala Asi na a mo yula ncye aso ovwonoho nde!»
28Baari ayuha vwa abye nkala, awʉli ankɨma ndi: «Atemise njyami onini ŋa Efeje!» 29Ŋa okʉrukusu ovi mo onguundu oso. Baari aso ayeni mwa lebuhu le cinda. Abiri Ngayise bɨla Aritake se, asi Masedwane vwele mayeniŋi opiinga bɨla Pole. 30Pole osahi oje mwa lemvuuru, ŋa alwoni akaniŋi nde. 31Baari ma anini#19.31 Baari ma aki ma ama swolo mo oka ankʉmu o njyami ankani a bo. Acwolihi bo ma Ajyake. ake a mo ngaala Asi, aki andihi a Pole. Bo atumi baari mo ojyese nde ndi: «Ka jyaha o mwa lebuhu le cinda ni!» 32O ntini jya, okʉrukusu ovi o mpaniŋi e baari nca okuha. Ba ma duha ndi bu, ba ku se ma kaala akɨma. Ŋa baari kuna aki i ma yaa obila o bo ma ama kusaha abuha o co ni. 33Baari ake o nca lemvuuru aduhi na Alikisandre jaa leyiri. Nde mvuuru Ajife ma lehi levusu. Nde osaari kwoho, ma owobo na lemvuuru. 34Ŋa baari ajyaba ndi nde Ojife, bo awʉli ankɨma lemihi le atari mwele ndi: «Atemise omakaaha njyami onini ŋa Efeje!»
35Oteendi esaangumu a mo onguundu obuuni okwoso lemvuuru, nde oduhi ndi: «Asi Efeje, baari aso ayaa ndi onguundu Efeje ekyele njo e njyami okaasi onini ma cwoloho ma Atemise, bɨla odimi o nde ewu yulu. 36Mvuuru i buuna osa ekemi ni. Ove be lesa cuusa etima, omana be lecimiŋi jaa e be lebuuna osa. 37Be lemaya na baari ba kuuni, ni bu bo aka sa jaa e mbi o njo e njyami ni. Bo se aka tuha njyami a saabe okaasi ni. 38Yuhu Dimitrise bɨla atuli a nde masaha mvuuru a bo mabanaŋa, saabe na apami. Anjo mapamaŋa maami bɨla apami ali. Lejyehe mpili bo! 39Yuhu be na jaa nkɨma ma opɨsa, saabe lema mono okuha ankani. 40Njiila kali bo abaniŋi saabe ndi saabe baari le eyi na okʉrukusu, obila mo maami ma ayiri lobi. Saabe i buuna oduha obila lemakusuha abuha ni. Nde omana owobo vwa bo acalihi.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES