Janja 14
14
Pole bɨla Barnabase nca onguundu ŋa Ekonyome
1Ŋa Ekonyome maami ayiri mo osuumbu ju jwa. Pole bɨla Bernabase ayeni nca njo Ajife ma vwonoŋo. Bo atoosi mbari e Njyami. Ŋa lemvuuru lekuna, leli Ajife na leli ka Ajife ni, leyalihi Jesu. 2Ŋa Ajife ake abɨsi oyalaha. Bo ayahi baari ma aki ka Ajife ni ma lengulu le bo, mo bu ndi bo abasiha ecimiŋi me ebi o baana ma anguhu. 3Si o vwa, Pole bɨla Barnabase abihi ŋa Ekonyome. Bo awobihi bɨla lila leso o Nkʉmu. Ŋa Nkʉmu se olahi asisyele o maami a bo matoosihi o puha le nde. Emana nde ompi bo lengulu mo osa andiimi bɨla epuna. 4Asi onguundu kya aka ka jaa le mo ni. Ake ngula Ajife, maamo ngula antuma. 5Ajife bɨla na baari akɨmana ankʉmu a bo, akuri oswesehe na Pole bɨla Barnabase, ndi abuma bo ma akele. 6Ŋa abalaha vwele ayuhi jaa jya. Bo ayeni nca enguudu e Lekoni ŋa Liste bɨla Derbe na e ma apaani. 7O ŋa bo se atoosi Ncya e Mve.
Pole bɨla Barnabase o Liste
8O Liste eki na balaha mo eki i buuna oka ma otele ni. Nde oleme masi kulaha nde, nde i buuna olaana ni. 9Cuhu mo nde oyuhi Pole awobo. Pole okeesi nde yemiŋi, omoni ndi balaha jya na oyalihi mo ovuuha. 10Ŋa nde oduhi na ankala ndi: «Temeŋe, ka ma otele!» Balaha jya se elabi okabi olaani. 11Lemvuuru lemoni maami a Pole asi. Lo lenduhi mo juuyi le asi Likoni ndi: «Anjyami amiyaha nyuru e baari mo omwo, amisuruha na e saabe.» 12Bo aluhi Barnabase «Seese»#14.12 Jejse omakaaha Njyami angɨreke onini. ŋa Pole «Erimese». Mo oma Pole mvuuru awobihi o biri e bo aso. 13Osi avwoŋi a Seese jwa, oyi na angoombo ma amalaasa engunja ma akele amvunu, ma onwa onguundu. Nde bɨla lemvuuru masaha ompa Barnabase bɨla Pole vwoŋi. 14Ŋa antuma ayuha vwa, akasihi amfa a bo. Bo ayi ma anciini o mpaniŋi lemvuuru na owʉla ankɨma ndi: 15«Andihi a me, be lesa vwa mo oma? Bisi se baari mo omwo mva be. Bisi letooso be ŋa ni Ncya e Mve. Ŋa lenyila anjyami mo oca oca baa. Lekalaha ma lengulu le Njyami a mwo. Nde omasuumba yulu bɨla ncye, ŋa okeri onini bɨla me eli o yula ncye eso. 16Ma antini akala nde aki omanyila esi eso oswolo anjila a bo anku. 17Ni bu Njyami aki omalaha eve e nde, o ntini e nde atumi amvʉla awi yulu, bɨla esibi ma vuusaha biila. Nde oma mpa be biila, omaluusa etima e be ma oswere.» 18Se ŋa o bo mavʉli owobo vwa, Pole bɨla Barnabase amoni mpasi mo okanaŋa bo mo ompa vwoŋi.
19Ajife awi Antyose a Pisidi bɨla Ekonyome. Bo aya madiima baari ma lengulu le bo. O ŋa atʉni Pole akele, atusihi nde nca onguundu. Bo acimiŋi ndi nde aki omikwa. 20Ŋa alwoni amajeneŋe nde, Pole otemiŋi, onyuniŋi nca onguundu. Cuhu eca nde bɨla Barnabase ayeni Derbe.
Pole bɨla Barnabase mavuriha Antyose a Siri
21Nca onguundu o Derbe, Pole bɨla Barnabase ma tooso Ncya e Mve. Baari kuna akirihi alwoni. Pole bɨla Barnabase avurihi Liste, ŋa Ekonyome bɨla Antyose a Pisidi. 22Bo ampi alwoni mpari. Bo ayaasi bo mo osa nkomoŋo bɨla oyalihi. Aduhi bo ndi: «Saabe ove leyiri ma ampasi kuna, mo onyuniŋa nca Onkani o Njyami.» 23Pole bɨla Barnabase aswoli akuuru a me ekuha. Bo avwoni bo aki ongerehe, emana bo alahi akuuru baa na Nkʉmu a bo ma yalihi. 24Emana Pole bɨla Barnabase avuuli Pisidi ato Pamfili. 25Bo atoosi mbari e Njyami o Peraje, Emana ŋa bo ayeni Atali. 26O ŋa, bo ayahi mbuungu ma ovuriha Antyose a Siri. Nca onguundu kya ampi bo na mpolo e Njyami, mo janja e bo ma aki ma amisa. 27Bo ato Antyose a Siri, Pole bɨla Barnabase akusihi baari mo okuha. Bo aduhi maami a Njyami asi bɨla bo. Bo aduhi bo osuumbu a Njyami anaani njila oyalihi mo baari ma ali ka Ajife ni. 28Pole bɨla Barnabase aci ecuhu e kuna bɨla alwoni.
Currently Selected:
Janja 14: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Janja 14
14
Pole bɨla Barnabase nca onguundu ŋa Ekonyome
1Ŋa Ekonyome maami ayiri mo osuumbu ju jwa. Pole bɨla Bernabase ayeni nca njo Ajife ma vwonoŋo. Bo atoosi mbari e Njyami. Ŋa lemvuuru lekuna, leli Ajife na leli ka Ajife ni, leyalihi Jesu. 2Ŋa Ajife ake abɨsi oyalaha. Bo ayahi baari ma aki ka Ajife ni ma lengulu le bo, mo bu ndi bo abasiha ecimiŋi me ebi o baana ma anguhu. 3Si o vwa, Pole bɨla Barnabase abihi ŋa Ekonyome. Bo awobihi bɨla lila leso o Nkʉmu. Ŋa Nkʉmu se olahi asisyele o maami a bo matoosihi o puha le nde. Emana nde ompi bo lengulu mo osa andiimi bɨla epuna. 4Asi onguundu kya aka ka jaa le mo ni. Ake ngula Ajife, maamo ngula antuma. 5Ajife bɨla na baari akɨmana ankʉmu a bo, akuri oswesehe na Pole bɨla Barnabase, ndi abuma bo ma akele. 6Ŋa abalaha vwele ayuhi jaa jya. Bo ayeni nca enguudu e Lekoni ŋa Liste bɨla Derbe na e ma apaani. 7O ŋa bo se atoosi Ncya e Mve.
Pole bɨla Barnabase o Liste
8O Liste eki na balaha mo eki i buuna oka ma otele ni. Nde oleme masi kulaha nde, nde i buuna olaana ni. 9Cuhu mo nde oyuhi Pole awobo. Pole okeesi nde yemiŋi, omoni ndi balaha jya na oyalihi mo ovuuha. 10Ŋa nde oduhi na ankala ndi: «Temeŋe, ka ma otele!» Balaha jya se elabi okabi olaani. 11Lemvuuru lemoni maami a Pole asi. Lo lenduhi mo juuyi le asi Likoni ndi: «Anjyami amiyaha nyuru e baari mo omwo, amisuruha na e saabe.» 12Bo aluhi Barnabase «Seese»#14.12 Jejse omakaaha Njyami angɨreke onini. ŋa Pole «Erimese». Mo oma Pole mvuuru awobihi o biri e bo aso. 13Osi avwoŋi a Seese jwa, oyi na angoombo ma amalaasa engunja ma akele amvunu, ma onwa onguundu. Nde bɨla lemvuuru masaha ompa Barnabase bɨla Pole vwoŋi. 14Ŋa antuma ayuha vwa, akasihi amfa a bo. Bo ayi ma anciini o mpaniŋi lemvuuru na owʉla ankɨma ndi: 15«Andihi a me, be lesa vwa mo oma? Bisi se baari mo omwo mva be. Bisi letooso be ŋa ni Ncya e Mve. Ŋa lenyila anjyami mo oca oca baa. Lekalaha ma lengulu le Njyami a mwo. Nde omasuumba yulu bɨla ncye, ŋa okeri onini bɨla me eli o yula ncye eso. 16Ma antini akala nde aki omanyila esi eso oswolo anjila a bo anku. 17Ni bu Njyami aki omalaha eve e nde, o ntini e nde atumi amvʉla awi yulu, bɨla esibi ma vuusaha biila. Nde oma mpa be biila, omaluusa etima e be ma oswere.» 18Se ŋa o bo mavʉli owobo vwa, Pole bɨla Barnabase amoni mpasi mo okanaŋa bo mo ompa vwoŋi.
19Ajife awi Antyose a Pisidi bɨla Ekonyome. Bo aya madiima baari ma lengulu le bo. O ŋa atʉni Pole akele, atusihi nde nca onguundu. Bo acimiŋi ndi nde aki omikwa. 20Ŋa alwoni amajeneŋe nde, Pole otemiŋi, onyuniŋi nca onguundu. Cuhu eca nde bɨla Barnabase ayeni Derbe.
Pole bɨla Barnabase mavuriha Antyose a Siri
21Nca onguundu o Derbe, Pole bɨla Barnabase ma tooso Ncya e Mve. Baari kuna akirihi alwoni. Pole bɨla Barnabase avurihi Liste, ŋa Ekonyome bɨla Antyose a Pisidi. 22Bo ampi alwoni mpari. Bo ayaasi bo mo osa nkomoŋo bɨla oyalihi. Aduhi bo ndi: «Saabe ove leyiri ma ampasi kuna, mo onyuniŋa nca Onkani o Njyami.» 23Pole bɨla Barnabase aswoli akuuru a me ekuha. Bo avwoni bo aki ongerehe, emana bo alahi akuuru baa na Nkʉmu a bo ma yalihi. 24Emana Pole bɨla Barnabase avuuli Pisidi ato Pamfili. 25Bo atoosi mbari e Njyami o Peraje, Emana ŋa bo ayeni Atali. 26O ŋa, bo ayahi mbuungu ma ovuriha Antyose a Siri. Nca onguundu kya ampi bo na mpolo e Njyami, mo janja e bo ma aki ma amisa. 27Bo ato Antyose a Siri, Pole bɨla Barnabase akusihi baari mo okuha. Bo aduhi maami a Njyami asi bɨla bo. Bo aduhi bo osuumbu a Njyami anaani njila oyalihi mo baari ma ali ka Ajife ni. 28Pole bɨla Barnabase aci ecuhu e kuna bɨla alwoni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES