Isaias 26
26
Kantiga
1Dia na ciga ku e kantiga na kantadu na tera di Judá:
No tene un prasa forti
ku tene muras ku toris,
ku sedu salbason#Kap 60.18 ku Deus danu.
2Bo yabri porton#Sal 118.19-20
pa nason justu pudi yentra,
nason ku sedu fiel.
3Kil ku pui sintidu firmi na bo,
ku fiansa na bo,
abo, SIÑOR, bu ta guardal ketu, ku susegu.
4Bo fiansa na SIÑOR pa sempri,
pabia SIÑOR Deus i sedu roca
ku ka ten kumsada nin kabantada.
5I ta bati kilis ku sinta na kau la riba
i ta baŝa prasa altu,
i durbal te na con.
6Koitadis ku kilis ku kalkadu
e na yanda la, e masal.
7Kamiñu di justu i filadu.
Abo ku sedu justu,
bu ta filanta#Sal 37.23 kamiñu di justu.
8Anos tambi, SIÑOR, no na spera na bo;
no sta na kamiñu ku bu leis mostranu.
Kusa ku no korson misti
i pa lembra di bu nomi.
9Di noti#Sal 63.6 N ta dijau di korson;
parmaña sedu N ta buskau di spiritu.
Ora ku bu julga mundu,
jinti ku mora nel na nsina yanda diritu.
10Nin si omis mau e mostradu#Rom 2.4 fabur,
e ka ta nsina yanda diritu.
Mesmu na tera nunde ku jinti ta yanda diritu,
elis e ta fasi mal,
e ka ta rikuñisi garandesa di SIÑOR.
11SIÑOR, bu yalsa ja bu mon pa kastiga,
ma e ka nota pa el.
Pui elis pa e oja manera ku bu ama bu pobu;
pa e fika ku borgoña.
Ki fugu ku bu purpara, pa i kaba ku elis.
12SIÑOR, bu danu pas.
Tudu ku no fasi,
abo ku fasil pa nos.
13O SIÑOR no Deus,
utru siñoris#2 Kron 12.8 e manda riba di nos,
ma i bu nomi son ku no ta coma.
14Elis e muri ja, e ka na torna bibu;
se spiritus ka na torna riba pa tera.
Asin bu kastiga elis, bu kaba ku elis,
bu pui pa e ka lembradu mas.
15Bu buri e pobu, SIÑOR;
bu buri elis, bu ngaña gloria.
Bu ciganta tudu fronteras pa tera fika mas largu.
16SIÑOR, e buskau na foronta#Os 5.15
oca ku bu kuriẑi elis;
e tira tudu se orason ku vos pikininu.
17Suma minjer preñada, ora ki pertu padi,
i ta grita na si dur#Kap 13.8 di partu,
asin ku no staba bu dianti, o SIÑOR.
18No preña, no tursi ku dur di partu,
ma no bin padi bentu.
No ka tisi libramentu pa tera;
no tarbaju ka da rusultadu.
19Bu mortus#Dan 12.2 na bibu, se kurpus na lanta.
Abos ku mora na reia,
bo disperta, bo grita ku kontentamentu,
pabia bu serenu na sedu suma serenu ku ta arnoba paja.
Con na da vida pa ki difuntus ku sta nel.
20Ña pobu, bo bai, bo yentra#Kum 7.1; Sai 9.19; 12.22 na bo kuartus,
bo fica porta,
bo sukundi un bokadu
tok raiba di Deus pasa.
21Jubi, SIÑOR na bin sai na si lugar#Mik 1.3
pa kastiga moraduris di mundu pa se pekadus.
Con na tira sangi ku darmadu nel;
i ka na sukundi mas kilis ku matadu.
Currently Selected:
Isaias 26: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
Isaias 26
26
Kantiga
1Dia na ciga ku e kantiga na kantadu na tera di Judá:
No tene un prasa forti
ku tene muras ku toris,
ku sedu salbason#Kap 60.18 ku Deus danu.
2Bo yabri porton#Sal 118.19-20
pa nason justu pudi yentra,
nason ku sedu fiel.
3Kil ku pui sintidu firmi na bo,
ku fiansa na bo,
abo, SIÑOR, bu ta guardal ketu, ku susegu.
4Bo fiansa na SIÑOR pa sempri,
pabia SIÑOR Deus i sedu roca
ku ka ten kumsada nin kabantada.
5I ta bati kilis ku sinta na kau la riba
i ta baŝa prasa altu,
i durbal te na con.
6Koitadis ku kilis ku kalkadu
e na yanda la, e masal.
7Kamiñu di justu i filadu.
Abo ku sedu justu,
bu ta filanta#Sal 37.23 kamiñu di justu.
8Anos tambi, SIÑOR, no na spera na bo;
no sta na kamiñu ku bu leis mostranu.
Kusa ku no korson misti
i pa lembra di bu nomi.
9Di noti#Sal 63.6 N ta dijau di korson;
parmaña sedu N ta buskau di spiritu.
Ora ku bu julga mundu,
jinti ku mora nel na nsina yanda diritu.
10Nin si omis mau e mostradu#Rom 2.4 fabur,
e ka ta nsina yanda diritu.
Mesmu na tera nunde ku jinti ta yanda diritu,
elis e ta fasi mal,
e ka ta rikuñisi garandesa di SIÑOR.
11SIÑOR, bu yalsa ja bu mon pa kastiga,
ma e ka nota pa el.
Pui elis pa e oja manera ku bu ama bu pobu;
pa e fika ku borgoña.
Ki fugu ku bu purpara, pa i kaba ku elis.
12SIÑOR, bu danu pas.
Tudu ku no fasi,
abo ku fasil pa nos.
13O SIÑOR no Deus,
utru siñoris#2 Kron 12.8 e manda riba di nos,
ma i bu nomi son ku no ta coma.
14Elis e muri ja, e ka na torna bibu;
se spiritus ka na torna riba pa tera.
Asin bu kastiga elis, bu kaba ku elis,
bu pui pa e ka lembradu mas.
15Bu buri e pobu, SIÑOR;
bu buri elis, bu ngaña gloria.
Bu ciganta tudu fronteras pa tera fika mas largu.
16SIÑOR, e buskau na foronta#Os 5.15
oca ku bu kuriẑi elis;
e tira tudu se orason ku vos pikininu.
17Suma minjer preñada, ora ki pertu padi,
i ta grita na si dur#Kap 13.8 di partu,
asin ku no staba bu dianti, o SIÑOR.
18No preña, no tursi ku dur di partu,
ma no bin padi bentu.
No ka tisi libramentu pa tera;
no tarbaju ka da rusultadu.
19Bu mortus#Dan 12.2 na bibu, se kurpus na lanta.
Abos ku mora na reia,
bo disperta, bo grita ku kontentamentu,
pabia bu serenu na sedu suma serenu ku ta arnoba paja.
Con na da vida pa ki difuntus ku sta nel.
20Ña pobu, bo bai, bo yentra#Kum 7.1; Sai 9.19; 12.22 na bo kuartus,
bo fica porta,
bo sukundi un bokadu
tok raiba di Deus pasa.
21Jubi, SIÑOR na bin sai na si lugar#Mik 1.3
pa kastiga moraduris di mundu pa se pekadus.
Con na tira sangi ku darmadu nel;
i ka na sukundi mas kilis ku matadu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização