Romanos 8
8
Na̱ja jiáꞌnu‑ó sáꞌá Ta̱chi̱ꞌ Ííꞌ Ndiosíꞌ
1Saájee vitan jee ni ntu̱náꞌ íyó ya̱ sijíta Ndiosíꞌ xinóꞌo re̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Cristo Jesús, [ya̱ ntu jiáꞌnu ráa ka̱ꞌ sáni níyo néꞌén iniꞌ ráa jín yɨkɨkúñu ráa, chisaꞌ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ]. 2Chi nku̱neí Ta̱chi̱ꞌ Ííꞌ Ndiosíꞌ sáꞌá re̱ꞌ ya̱ kutekuꞌ‑ó jín Ndiosíꞌ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús, jee nákani núne re̱ꞌ ránoꞌó ya̱ nsáꞌ kɨꞌɨ‑ó ka̱ꞌ xi̱ntíín kua̱chi jín nsáꞌ kenta‑ó kuéntáꞌ kuviꞌ‑ó nu̱u̱nꞌ Ndiosíꞌ. 3Chi máá maá Ndiosíꞌ nsa̱ꞌá re̱ꞌ tiñu vá ya̱ ntu nkúvi saꞌá ley nta̱túníꞌ re̱ꞌ ya̱ njiáꞌa re̱ꞌ nu̱u̱nꞌ Moisés. Jee ntu nkúvi saꞌá ley vá tiñu vá, chi táyáꞌ ley vá chi táyáꞌ iniꞌ‑ó jee ntu nkúneí‑ó sikúnkuvi‑ó ley vá jín yɨkɨkúñu‑ó. Jee máá maá Ndiosíꞌ nsa̱ꞌá re̱ꞌ tiñu vá chi nchu̱ichí re̱ꞌ Se̱ꞌya re̱ꞌ nu̱u̱nꞌ ñɨ̱vɨ́ yaꞌá jín yɨkɨkúñu‑u ya̱ kúnkunuún jín yɨkɨkúñu ñɨvɨ yɨ́ꞌɨ́ xi̱ntíín kua̱chi, sú ntu íyó kua̱chi re̱ꞌ. Jee nta̱jí re̱ꞌ Se̱ꞌya re̱ꞌ sáva kuviꞌ‑i so̱ko̱ꞌ‑o maáa jie̱ꞌe̱ꞌ kua̱chi‑ó, sáva sukuán nsi̱jíta Ndiosíꞌ kua̱chi‑ó ya̱ nna̱kuniso Jesús maa iniꞌ yɨkɨkúñu re̱ꞌ. 4Nsa̱ꞌá Ndiosíꞌ sukuán sáva kuvi sikúnkuvi‑ó ntáká tiñu na̱a̱ꞌ ya̱ tátúníꞌ ley, #8:4 Áxí kuvi kachiꞌ‑ó: nsa̱ꞌá Ndiosíꞌ sukuán sáva kúvi sikúnkuvi re̱ꞌ ya̱ tátúníꞌ ley sáva kuvi‑ó ñɨvɨ na̱a̱ꞌ. ya̱ ntu ka̱ꞌ jiáꞌnu‑ó ichi néꞌén sáni níyo iniꞌ‑ó, chisaꞌ jiáꞌnu‑ó sáni kuíni Ta̱chi̱ꞌ Ííꞌ Ndiosíꞌ.
5Chi rá ñɨvɨ jiáꞌnu ráa sáni kuíni ráa jín ñunéꞌyúꞌ ráa jee túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ. Soo rá ñɨvɨ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ, jee túví ráa antúníꞌ ráa nu̱u̱nꞌ rá tiñu sáni kuíni Ta̱chi̱ꞌ Ííꞌ Ndiosíꞌ. 6Chi rá ñɨvɨ túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ, jee sáꞌá‑a ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ. Soo rá ñɨvɨ túví ráa antúníꞌ ráa nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ jee sáꞌá‑a ya̱ kutekuꞌ ráa jín Ndiosíꞌ jee va̱ꞌa kúvi iniꞌ ráa.
7Chi rá ñɨvɨ túví ráa antúníꞌ ráa sáni kuíni ráa, ya̱ ntu yɨ́tíñú ráa nu̱u̱nꞌ Ndiosíꞌ, jee jíníꞌ u̱ꞌvi̱ꞌ ráa Ndiosíꞌ. Jee ntu chíꞌi ráa maáráa xi̱ntíín tu̱ꞌun tátúníꞌ Ndiosíꞌ, jee ni ntu kúvi chiꞌi ráa maáráa xi̱ntíín tu̱ꞌun tátúníꞌ re̱ꞌ. 8Jee rá ñɨvɨ ya̱ yɨ́tíñú ráa jiáꞌnu ráa sáni kuíni ráa, ntu̱náꞌ kúvi saꞌá ráa sáva kuva̱ꞌa iniꞌ Ndiosíꞌ kune̱ꞌyá re̱ꞌ ráa.
9Soo ránoꞌó chi ntu̱ví ka̱ꞌ yɨ́ꞌɨ́ rán xi̱ntíín sáni kuíni rán saꞌá rán, chisaꞌ yɨ́ꞌɨ́ rán xi̱ntíín Ta̱chi̱ꞌ Ííꞌ Ndiosíꞌ, chi Ta̱chi̱ꞌ Ííꞌ Ndiosíꞌ yɨ́ꞌɨ́ re̱ꞌ iniꞌ rán. Soo retú néni ɨɨn ñɨvɨ ya̱ ntu yɨ́ꞌɨ́ Ta̱chi̱ꞌ Ííꞌ Cristo iniꞌ ráa jee ntu kúvi ráa ñɨvɨ Cristo. 10Soo nu̱u̱nꞌ yɨ́ꞌɨ́ Cristo iniꞌ rán, sú kɨ̱naanꞌ yɨkɨkúñu rán sáva kuviꞌ‑i jie̱ꞌe̱ꞌ kua̱chi rán, soo ánímaꞌ rán kutekuꞌ‑u jín re̱ꞌ #8:10 Áxí kúvi kachiꞌ‑ó: soo Ta̱chi̱ꞌ Ííꞌ Ndiosíꞌ sáꞌá‑a ya̱ kutekuꞌ rán jín re̱ꞌ. jie̱ꞌe̱ꞌ ya̱ nsiíyo Ndiosíꞌ kua̱chi rán sáva nkino̱o na̱a̱ꞌ rán nu̱u̱nꞌ re̱ꞌ. 11Jee nna̱xinákóo Ndiosíꞌ Jesús nkene‑e nteñu rá ni̱yɨ jee nxi̱nátekuꞌ re̱ꞌ maa. Jee nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ iniꞌ rán, jee maáréꞌ ya̱ nna̱xinákóo ñunéꞌyúꞌ Cristo Jesús nkene‑e nteñu rá ni̱yɨ jee suni sukuán maáréꞌ xinátekuꞌ re̱ꞌ ñunéꞌyúꞌ rán ya̱ jíꞌíꞌ. Jee saꞌá re̱ꞌ maa jín Ta̱chi̱ꞌ Ííꞌ re̱ꞌ ya̱ yɨ́ꞌɨ́‑ɨ iniꞌ rán.
12Jee saáva, ránoꞌó ñanitáꞌán, táyáꞌvi‑ó nu̱u̱nꞌ Jesús, soo nsáꞌ táyáꞌvi‑ó nu̱u̱nꞌ na̱sa níyo iniꞌ‑ó sáva ntu kueꞌnu‑ó sáni níyo iniꞌ rán kuéntáꞌ rá ñɨvɨ ntu yɨ́tíñú ráa nu̱u̱nꞌ Ndiosíꞌ. 13Chi retú jiáꞌnu rán sáni kuíni rán jín ñunéꞌyúꞌ kua̱chi rán saájee kɨ̱naanꞌ rán nu̱u̱nꞌ Ndiosíꞌ. Soo retú jín fesáꞌ ííꞌ Ta̱chi̱ꞌ Ííꞌ Ndiosíꞌ jee xináánꞌ rán tiñu niváꞌa sáꞌá rán jín yɨkɨkúñu rán jee kutekuꞌ rán jín Ndiosíꞌ.
14Chi ntáká rá ñɨvɨ ya̱ jiáꞌnu ráa sáni chúꞌun Ta̱chi̱ꞌ Ííꞌ Ndiosíꞌ ichi ráa, jee suviráa vá kúvi se̱ꞌya Ndiosíꞌ. 15Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!” #8:15 Rá tu̱ꞌun yaꞌá ví‑i: ¡Abba! ¡Tááꞌ ni̱ꞌ! Abba kúvi tu̱ꞌun arameo ya̱ kuíni káchíꞌ: Tááꞌ. 16Jee máá maá Ta̱chi̱ꞌ Ííꞌ Ndiosíꞌ jiáꞌa ya̱ naáꞌ nu̱u̱nꞌ ánímaꞌ‑ó, ya̱ kúvi‑ó se̱ꞌya Ndiosíꞌ. 17Jee ya̱ ya kúvi‑ó se̱ꞌya Ndiosíꞌ, jee suni ni̱ꞌi̱nꞌ‑ó ɨɨn ta̱ꞌvi̱ꞌ. Chi kutaꞌviꞌ‑ó ta̱ꞌvi̱ꞌ taji Ndiosíꞌ nu̱u̱nꞌ‑ó. Jee kutaꞌviꞌ nkáá‑ó ta̱ꞌvi̱ꞌ vá jín Cristo. Retú kuiñɨ ni̱ꞌin‑ó jín Cristo jee íyó ñɨvɨ koto u̱ꞌvi̱ꞌ ráa yó kuéntáꞌ nito u̱ꞌvi̱ꞌ ráa re̱ꞌ. Jee nu̱u̱nꞌ nóꞌo‑órán sukuán jín Cristo, jee suni saꞌá Ndiosíꞌ ya̱ viiꞌ kuñáꞌnú nkáá‑ó jín Cristo.
Íyó tu̱neí iniꞌ‑ó ya̱ viiꞌ kuñáꞌnú nkáá‑ó jín Cristo
18Chi kúnáaꞌ iniꞌ ni̱ꞌ ya̱ naáꞌ ya̱ ntu yɨ́yáꞌvi rá tu̱nóꞌó nóꞌo‑ó tiempúꞌ vitan nu̱u̱nꞌ ya̱ viiꞌ nasɨ́kuitɨꞌ kuñáꞌnú‑ó saꞌá Ndiosíꞌ ya̱ stúvi re̱ꞌ tiempúꞌ kiji ichinúúnꞌ. 19Chi ntáká ya̱ nsa̱ꞌá Ndiosíꞌ nétu numíjiꞌíꞌ ráa ya̱ nasaꞌá Ndiosíꞌ yó ya̱ kájíkuitɨꞌ tu̱vi‑ó sukuán ya̱ kúvi nijia‑ó se̱ꞌya re̱ꞌ. 20Chi ntáká rá íyó ñɨ̱vɨ́ yaꞌá yɨ́ꞌɨ́‑ɨ xi̱ntíín tiñu ka̱ꞌá. Jee nsáꞌ kuíni maáráa nóꞌo ráa sukuán. Chisaꞌ sáni nkuna̱a̱ꞌ iniꞌ Ndiosíꞌ chiꞌi re̱ꞌ nɨꞌɨ xi̱ntíín tiñu ka̱ꞌá sukuán. Soo nétu ráa íyó tu̱ꞌun kúneí iniꞌ ráa 21ne̱ máá maá ntáká rá íyó ñɨ̱vɨ́ yaꞌá ya̱ suni nakani núne Ndiosíꞌ maa nu̱u̱nꞌ yɨ́ꞌɨ́‑ɨ xi̱ntíín tu̱ꞌun tívɨ́ ráa, sáva nakui̱ñɨ̱ꞌ núne ráa jín rá se̱ꞌya Ndiosíꞌ sáá viiꞌ kuñáꞌnú‑ó saꞌá Ndiosíꞌ.
22Chi jíníꞌ‑ó ya̱ ne̱ tiempúꞌ vitan nkáá jiáku iniꞌ ntáká ya̱ íyó ñɨ̱vɨ́ yaꞌá jee nkáá nóꞌo‑o, kuéntáꞌ nóꞌo ɨɨn ñaꞌan ya̱ téꞌnéꞌ iniꞌ ña ya̱ kaku se̱ꞌya ña. 23Soo nsáꞌ kua̱chi ñɨ̱vɨ́ yaꞌá nóꞌo sukuán, chisaꞌ suni máá maáórán ranika̱ꞌ nóꞌo‑órán sukuán. Yɨ́ꞌɨ́ Ta̱chi̱ꞌ Ííꞌ iniꞌ‑ó jee kúvi re̱ꞌ ya̱ xíꞌnañúꞌún nu̱u̱nꞌ saꞌ víꞌí káꞌ ni̱ꞌi̱nꞌ‑ó. Saáva suni tána kuéká‑ó iniꞌ maáó chi nétu numíjiꞌíꞌ‑ó ya̱ saꞌá Ndiosíꞌ nɨꞌɨ jie̱ꞌe̱ꞌ nna̱keꞌen Ndiosíꞌ yó kuvi‑ó se̱ꞌya re̱ꞌ, chi nakani núne re̱ꞌ yɨkɨkúñu‑ó sáva ntívɨ́‑ɨ ka̱ꞌ jee nasaꞌá jiáá re̱ꞌ maa. 24Chi nna̱tavaꞌ Ndiosíꞌ yó nu̱u̱nꞌ kua̱chi‑ó nsi̱káku re̱ꞌ yó sáva íyó tu̱ꞌun neí iniꞌ‑ó nétu‑ó ya̱ ni̱ꞌi̱nꞌ‑ó ya̱ saꞌá re̱ꞌ sukuán jín‑ó. Íyó tu̱ꞌun neí iniꞌ‑ó ya̱ saꞌá re̱ꞌ sukuán soo retú ya̱ túvi nijinꞌ néꞌyá‑ó maa, saájee ya̱ ntu̱ví ka̱ꞌ kúvi‑i tu̱ꞌun neí iniꞌ‑ó nétu‑ó maa. Chi retú néꞌyá ɨɨn ñɨvɨ maa, ¿na̱kui chi íyó ka̱ꞌ tu̱ꞌun neí iniꞌ‑i nétu‑u vá rúja? 25Soo retú íyó tu̱ꞌun neí iniꞌ‑ó ya̱ ntu túvi néꞌyá‑ó, jee jiéꞌnéꞌ iniꞌ‑ó nétu kuvi iniꞌ‑ó maa.
26Jee suni sukuán chíneí chítuvi Ta̱chi̱ꞌ Ííꞌ yó chi táyáꞌ iniꞌ‑ó. Chi sáá ntu jíníꞌ‑ó na̱sa kaꞌanꞌ‑ó jín Ndiosíꞌ, soo máá maá Ta̱chi̱ꞌ Ííꞌ vá tána re̱ꞌ jíkánꞌ táꞌvíꞌ re̱ꞌ nu̱u̱nꞌ Ndiosíꞌ jie̱ꞌe̱ꞌ‑ó ya̱ ntu níꞌínꞌ‑ó sákachiꞌ‑ó. 27Jee maá Ndiosíꞌ jíníꞌ re̱ꞌ ya̱ kúvi iniꞌ ánímaꞌ ñɨvɨ, jee ya̱ jíníꞌ re̱ꞌ ya̱ ná kúvi ya̱ kúníꞌ Ta̱chi̱ꞌ Ííꞌ re̱ꞌ, chi sánikua̱ꞌ kuíni maá Ndiosíꞌ jee Ta̱chi̱ꞌ Ííꞌ vá jíkánꞌ táꞌvíꞌ re̱ꞌ jie̱ꞌe̱ꞌ‑ó ya̱ nsa̱ꞌá sɨ́ɨ́n Ndiosíꞌ yó sáva kɨꞌɨ‑ó nu̱u̱nꞌ re̱ꞌ.
Si̱kɨ̱ꞌ ka̱ꞌ sáꞌá Ndiosíꞌ ya̱ kúneí‑ó si̱kɨ̱ꞌ ya̱ niváꞌa
28Jee jíníꞌ‑ó ya̱ ntáká tiñu ya̱ kúvi jín rá ñɨvɨ ya̱ ñúnúunꞌ ráa Ndiosíꞌ jee jiátíñú Ndiosíꞌ rá tiñu vá sáva saꞌá re̱ꞌ ya̱ kúvi ya̱ váꞌa nu̱u̱nꞌ ráa ya̱ nkana re̱ꞌ ráa ya̱ kɨꞌɨ ráa nu̱u̱nꞌ re̱ꞌ sáni nkuna̱a̱ꞌ iniꞌ re̱ꞌ. 29Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a. 30Jee rá ñɨvɨ ya̱ Ndiosíꞌ saá ya̱ nkuna̱a̱ꞌ ya̱chi̱ꞌ iniꞌ re̱ꞌ, jee suni nkana re̱ꞌ ráa kɨꞌɨ ráa nu̱u̱nꞌ re̱ꞌ. Jee rá ñɨvɨ nkana re̱ꞌ jee suni nsiíyo re̱ꞌ kua̱chi ráa sáva nkino̱o na̱a̱ꞌ ráa nu̱u̱nꞌ re̱ꞌ. Jee rá ñɨvɨ nsiíyo re̱ꞌ kua̱chi ráa, jee suni saꞌá re̱ꞌ ya̱ viiꞌ kuñáꞌnú ráa.
31¿Ná kúvi ya̱ kachiꞌ‑ó jie̱ꞌe̱ꞌ rá tu̱ꞌun yaꞌá, résa? Chi nu̱u̱nꞌ íñɨ́ Ndiosíꞌ jín‑ó, ¿né ɨɨn ya̱ kenta si̱kɨ̱ꞌ‑ó nu̱u̱nꞌ Ndiosíꞌ résa? ¡Ntu̱né kúneí ráa nɨ́ɨ́nkání! 32Chi Ndiosíꞌ ntu nkúsáꞌán re̱ꞌ Se̱ꞌya re̱ꞌ, chisaꞌ nna̱ku̱ꞌva re̱ꞌ Se̱ꞌya re̱ꞌ sáva kuviꞌ‑i jie̱ꞌe̱ꞌ ntáká‑ó ya̱ kúvi ya̱ váꞌa nu̱u̱nꞌ‑ó. Jee nu̱u̱nꞌ ntaji re̱ꞌ Se̱ꞌya re̱ꞌ sukuán jee suni íyó nijia ya̱ sikútaꞌviꞌ re̱ꞌ nu̱u̱nꞌ‑ó ntáká ka̱ꞌ ya̱ kiji jie̱ꞌe̱ꞌ ya̱ njia̱ꞌa re̱ꞌ Se̱ꞌya re̱ꞌ. 33¿Né ɨɨn vá xi̱kóñáꞌán nu̱u̱nꞌ Ndiosíꞌ rá ñɨvɨ ya̱ nka̱ji re̱ꞌ? ¡Ntu̱ví!, chi Ndiosíꞌ ví ya̱ nsiíyo re̱ꞌ kua̱chi ráa sáva nkuna̱a̱ꞌ iniꞌ re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ. 34¿Né ɨɨn vá sijíta‑a yó nu̱u̱nꞌ Ndiosíꞌ résa? ¡Ntu̱ví!, chi maá Cristo Jesús ví ya̱ níꞌiꞌ re̱ꞌ jie̱ꞌe̱ꞌ‑ó, jee suni maáréꞌ ví ya̱ nna̱tekuꞌ re̱ꞌ jee nnako̱o re̱ꞌ nkene re̱ꞌ nteñu rá ni̱yɨ. Jee nééꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ, jee suni yɨ́tuvi re̱ꞌ jíkánꞌ táꞌvíꞌ re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ. 35¿Né ɨɨn vá kuneí‑i saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Cristo yó, résa? ¿Á tu̱nóꞌó, áxí tu̱nkuíꞌyáꞌ iniꞌ, áxí ya̱ jíto u̱ꞌvi̱ꞌ ñɨvɨ yó, áxí ta̱ma̱ꞌ, áxí ya̱ kúmániꞌ saꞌma kuꞌun‑ó, áxí sáá táꞌánꞌ‑ó tu̱nóꞌó íyó i̱yo, áxí kaꞌniꞌ ñɨvɨ yó jín yuchiꞌ espada, résa? ¡Ntu̱ví kuitɨꞌ! 36Chi sáni káchíꞌ Tu̱ꞌun Ndiosíꞌ níso nu̱u̱nꞌ Tutuꞌ:
Jie̱ꞌe̱ꞌ noꞌó núnuví íyó ñɨvɨ ya̱ kaꞌniꞌ ráa ránuꞌuꞌ.
Ñúꞌún iniꞌ ñɨvɨ kaꞌniꞌ ráa ránuꞌuꞌ kuéntáꞌ lanchi ya̱ jiáꞌníꞌ ráa.
37Soo súka̱ꞌ nóꞌo‑ó tu̱nóꞌó sukuán, jee Cristo ya̱ ñúnúunꞌ re̱ꞌ yó, maáréꞌ sáꞌá re̱ꞌ ya̱ ntántúníꞌ kuneí‑ó núneí ka̱ꞌ iniꞌ‑ó, 38chi jíníꞌ ni̱ꞌ ya̱ naáꞌ ya̱ ntu̱náꞌ íyó ya̱ sáꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó:
ni ya̱ jíꞌíꞌ‑ó,
ni ya̱ tékúꞌ‑ó,
ni rá najiáꞌáꞌ ííꞌ Ndiosíꞌ,
ni rá néetiñu, va̱ni te̱e, va̱ni najiáꞌáꞌ ííꞌ,
ni rá ta̱chi̱ꞌ kíni ñáꞌnú ya̱ níso fuersáꞌ,
ni rá ya̱ íyó tiempúꞌ vitan,
ni rá ya̱ koo tiempúꞌ kiji,
39ni ya̱ íyó súkún,
ni ya̱ íyó nu̱u̱nꞌ kúnú,
ni ɨɨn inka ka̱ꞌ ya̱ nsa̱ꞌá Ndiosíꞌ maa, ni nkúvi saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó Cristo Jesús.
Currently Selected:
Romanos 8: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Romanos 8
8
Na̱ja jiáꞌnu‑ó sáꞌá Ta̱chi̱ꞌ Ííꞌ Ndiosíꞌ
1Saájee vitan jee ni ntu̱náꞌ íyó ya̱ sijíta Ndiosíꞌ xinóꞌo re̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Cristo Jesús, [ya̱ ntu jiáꞌnu ráa ka̱ꞌ sáni níyo néꞌén iniꞌ ráa jín yɨkɨkúñu ráa, chisaꞌ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ]. 2Chi nku̱neí Ta̱chi̱ꞌ Ííꞌ Ndiosíꞌ sáꞌá re̱ꞌ ya̱ kutekuꞌ‑ó jín Ndiosíꞌ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús, jee nákani núne re̱ꞌ ránoꞌó ya̱ nsáꞌ kɨꞌɨ‑ó ka̱ꞌ xi̱ntíín kua̱chi jín nsáꞌ kenta‑ó kuéntáꞌ kuviꞌ‑ó nu̱u̱nꞌ Ndiosíꞌ. 3Chi máá maá Ndiosíꞌ nsa̱ꞌá re̱ꞌ tiñu vá ya̱ ntu nkúvi saꞌá ley nta̱túníꞌ re̱ꞌ ya̱ njiáꞌa re̱ꞌ nu̱u̱nꞌ Moisés. Jee ntu nkúvi saꞌá ley vá tiñu vá, chi táyáꞌ ley vá chi táyáꞌ iniꞌ‑ó jee ntu nkúneí‑ó sikúnkuvi‑ó ley vá jín yɨkɨkúñu‑ó. Jee máá maá Ndiosíꞌ nsa̱ꞌá re̱ꞌ tiñu vá chi nchu̱ichí re̱ꞌ Se̱ꞌya re̱ꞌ nu̱u̱nꞌ ñɨ̱vɨ́ yaꞌá jín yɨkɨkúñu‑u ya̱ kúnkunuún jín yɨkɨkúñu ñɨvɨ yɨ́ꞌɨ́ xi̱ntíín kua̱chi, sú ntu íyó kua̱chi re̱ꞌ. Jee nta̱jí re̱ꞌ Se̱ꞌya re̱ꞌ sáva kuviꞌ‑i so̱ko̱ꞌ‑o maáa jie̱ꞌe̱ꞌ kua̱chi‑ó, sáva sukuán nsi̱jíta Ndiosíꞌ kua̱chi‑ó ya̱ nna̱kuniso Jesús maa iniꞌ yɨkɨkúñu re̱ꞌ. 4Nsa̱ꞌá Ndiosíꞌ sukuán sáva kuvi sikúnkuvi‑ó ntáká tiñu na̱a̱ꞌ ya̱ tátúníꞌ ley, #8:4 Áxí kuvi kachiꞌ‑ó: nsa̱ꞌá Ndiosíꞌ sukuán sáva kúvi sikúnkuvi re̱ꞌ ya̱ tátúníꞌ ley sáva kuvi‑ó ñɨvɨ na̱a̱ꞌ. ya̱ ntu ka̱ꞌ jiáꞌnu‑ó ichi néꞌén sáni níyo iniꞌ‑ó, chisaꞌ jiáꞌnu‑ó sáni kuíni Ta̱chi̱ꞌ Ííꞌ Ndiosíꞌ.
5Chi rá ñɨvɨ jiáꞌnu ráa sáni kuíni ráa jín ñunéꞌyúꞌ ráa jee túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ. Soo rá ñɨvɨ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ, jee túví ráa antúníꞌ ráa nu̱u̱nꞌ rá tiñu sáni kuíni Ta̱chi̱ꞌ Ííꞌ Ndiosíꞌ. 6Chi rá ñɨvɨ túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ, jee sáꞌá‑a ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ. Soo rá ñɨvɨ túví ráa antúníꞌ ráa nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ jee sáꞌá‑a ya̱ kutekuꞌ ráa jín Ndiosíꞌ jee va̱ꞌa kúvi iniꞌ ráa.
7Chi rá ñɨvɨ túví ráa antúníꞌ ráa sáni kuíni ráa, ya̱ ntu yɨ́tíñú ráa nu̱u̱nꞌ Ndiosíꞌ, jee jíníꞌ u̱ꞌvi̱ꞌ ráa Ndiosíꞌ. Jee ntu chíꞌi ráa maáráa xi̱ntíín tu̱ꞌun tátúníꞌ Ndiosíꞌ, jee ni ntu kúvi chiꞌi ráa maáráa xi̱ntíín tu̱ꞌun tátúníꞌ re̱ꞌ. 8Jee rá ñɨvɨ ya̱ yɨ́tíñú ráa jiáꞌnu ráa sáni kuíni ráa, ntu̱náꞌ kúvi saꞌá ráa sáva kuva̱ꞌa iniꞌ Ndiosíꞌ kune̱ꞌyá re̱ꞌ ráa.
9Soo ránoꞌó chi ntu̱ví ka̱ꞌ yɨ́ꞌɨ́ rán xi̱ntíín sáni kuíni rán saꞌá rán, chisaꞌ yɨ́ꞌɨ́ rán xi̱ntíín Ta̱chi̱ꞌ Ííꞌ Ndiosíꞌ, chi Ta̱chi̱ꞌ Ííꞌ Ndiosíꞌ yɨ́ꞌɨ́ re̱ꞌ iniꞌ rán. Soo retú néni ɨɨn ñɨvɨ ya̱ ntu yɨ́ꞌɨ́ Ta̱chi̱ꞌ Ííꞌ Cristo iniꞌ ráa jee ntu kúvi ráa ñɨvɨ Cristo. 10Soo nu̱u̱nꞌ yɨ́ꞌɨ́ Cristo iniꞌ rán, sú kɨ̱naanꞌ yɨkɨkúñu rán sáva kuviꞌ‑i jie̱ꞌe̱ꞌ kua̱chi rán, soo ánímaꞌ rán kutekuꞌ‑u jín re̱ꞌ #8:10 Áxí kúvi kachiꞌ‑ó: soo Ta̱chi̱ꞌ Ííꞌ Ndiosíꞌ sáꞌá‑a ya̱ kutekuꞌ rán jín re̱ꞌ. jie̱ꞌe̱ꞌ ya̱ nsiíyo Ndiosíꞌ kua̱chi rán sáva nkino̱o na̱a̱ꞌ rán nu̱u̱nꞌ re̱ꞌ. 11Jee nna̱xinákóo Ndiosíꞌ Jesús nkene‑e nteñu rá ni̱yɨ jee nxi̱nátekuꞌ re̱ꞌ maa. Jee nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ iniꞌ rán, jee maáréꞌ ya̱ nna̱xinákóo ñunéꞌyúꞌ Cristo Jesús nkene‑e nteñu rá ni̱yɨ jee suni sukuán maáréꞌ xinátekuꞌ re̱ꞌ ñunéꞌyúꞌ rán ya̱ jíꞌíꞌ. Jee saꞌá re̱ꞌ maa jín Ta̱chi̱ꞌ Ííꞌ re̱ꞌ ya̱ yɨ́ꞌɨ́‑ɨ iniꞌ rán.
12Jee saáva, ránoꞌó ñanitáꞌán, táyáꞌvi‑ó nu̱u̱nꞌ Jesús, soo nsáꞌ táyáꞌvi‑ó nu̱u̱nꞌ na̱sa níyo iniꞌ‑ó sáva ntu kueꞌnu‑ó sáni níyo iniꞌ rán kuéntáꞌ rá ñɨvɨ ntu yɨ́tíñú ráa nu̱u̱nꞌ Ndiosíꞌ. 13Chi retú jiáꞌnu rán sáni kuíni rán jín ñunéꞌyúꞌ kua̱chi rán saájee kɨ̱naanꞌ rán nu̱u̱nꞌ Ndiosíꞌ. Soo retú jín fesáꞌ ííꞌ Ta̱chi̱ꞌ Ííꞌ Ndiosíꞌ jee xináánꞌ rán tiñu niváꞌa sáꞌá rán jín yɨkɨkúñu rán jee kutekuꞌ rán jín Ndiosíꞌ.
14Chi ntáká rá ñɨvɨ ya̱ jiáꞌnu ráa sáni chúꞌun Ta̱chi̱ꞌ Ííꞌ Ndiosíꞌ ichi ráa, jee suviráa vá kúvi se̱ꞌya Ndiosíꞌ. 15Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!” #8:15 Rá tu̱ꞌun yaꞌá ví‑i: ¡Abba! ¡Tááꞌ ni̱ꞌ! Abba kúvi tu̱ꞌun arameo ya̱ kuíni káchíꞌ: Tááꞌ. 16Jee máá maá Ta̱chi̱ꞌ Ííꞌ Ndiosíꞌ jiáꞌa ya̱ naáꞌ nu̱u̱nꞌ ánímaꞌ‑ó, ya̱ kúvi‑ó se̱ꞌya Ndiosíꞌ. 17Jee ya̱ ya kúvi‑ó se̱ꞌya Ndiosíꞌ, jee suni ni̱ꞌi̱nꞌ‑ó ɨɨn ta̱ꞌvi̱ꞌ. Chi kutaꞌviꞌ‑ó ta̱ꞌvi̱ꞌ taji Ndiosíꞌ nu̱u̱nꞌ‑ó. Jee kutaꞌviꞌ nkáá‑ó ta̱ꞌvi̱ꞌ vá jín Cristo. Retú kuiñɨ ni̱ꞌin‑ó jín Cristo jee íyó ñɨvɨ koto u̱ꞌvi̱ꞌ ráa yó kuéntáꞌ nito u̱ꞌvi̱ꞌ ráa re̱ꞌ. Jee nu̱u̱nꞌ nóꞌo‑órán sukuán jín Cristo, jee suni saꞌá Ndiosíꞌ ya̱ viiꞌ kuñáꞌnú nkáá‑ó jín Cristo.
Íyó tu̱neí iniꞌ‑ó ya̱ viiꞌ kuñáꞌnú nkáá‑ó jín Cristo
18Chi kúnáaꞌ iniꞌ ni̱ꞌ ya̱ naáꞌ ya̱ ntu yɨ́yáꞌvi rá tu̱nóꞌó nóꞌo‑ó tiempúꞌ vitan nu̱u̱nꞌ ya̱ viiꞌ nasɨ́kuitɨꞌ kuñáꞌnú‑ó saꞌá Ndiosíꞌ ya̱ stúvi re̱ꞌ tiempúꞌ kiji ichinúúnꞌ. 19Chi ntáká ya̱ nsa̱ꞌá Ndiosíꞌ nétu numíjiꞌíꞌ ráa ya̱ nasaꞌá Ndiosíꞌ yó ya̱ kájíkuitɨꞌ tu̱vi‑ó sukuán ya̱ kúvi nijia‑ó se̱ꞌya re̱ꞌ. 20Chi ntáká rá íyó ñɨ̱vɨ́ yaꞌá yɨ́ꞌɨ́‑ɨ xi̱ntíín tiñu ka̱ꞌá. Jee nsáꞌ kuíni maáráa nóꞌo ráa sukuán. Chisaꞌ sáni nkuna̱a̱ꞌ iniꞌ Ndiosíꞌ chiꞌi re̱ꞌ nɨꞌɨ xi̱ntíín tiñu ka̱ꞌá sukuán. Soo nétu ráa íyó tu̱ꞌun kúneí iniꞌ ráa 21ne̱ máá maá ntáká rá íyó ñɨ̱vɨ́ yaꞌá ya̱ suni nakani núne Ndiosíꞌ maa nu̱u̱nꞌ yɨ́ꞌɨ́‑ɨ xi̱ntíín tu̱ꞌun tívɨ́ ráa, sáva nakui̱ñɨ̱ꞌ núne ráa jín rá se̱ꞌya Ndiosíꞌ sáá viiꞌ kuñáꞌnú‑ó saꞌá Ndiosíꞌ.
22Chi jíníꞌ‑ó ya̱ ne̱ tiempúꞌ vitan nkáá jiáku iniꞌ ntáká ya̱ íyó ñɨ̱vɨ́ yaꞌá jee nkáá nóꞌo‑o, kuéntáꞌ nóꞌo ɨɨn ñaꞌan ya̱ téꞌnéꞌ iniꞌ ña ya̱ kaku se̱ꞌya ña. 23Soo nsáꞌ kua̱chi ñɨ̱vɨ́ yaꞌá nóꞌo sukuán, chisaꞌ suni máá maáórán ranika̱ꞌ nóꞌo‑órán sukuán. Yɨ́ꞌɨ́ Ta̱chi̱ꞌ Ííꞌ iniꞌ‑ó jee kúvi re̱ꞌ ya̱ xíꞌnañúꞌún nu̱u̱nꞌ saꞌ víꞌí káꞌ ni̱ꞌi̱nꞌ‑ó. Saáva suni tána kuéká‑ó iniꞌ maáó chi nétu numíjiꞌíꞌ‑ó ya̱ saꞌá Ndiosíꞌ nɨꞌɨ jie̱ꞌe̱ꞌ nna̱keꞌen Ndiosíꞌ yó kuvi‑ó se̱ꞌya re̱ꞌ, chi nakani núne re̱ꞌ yɨkɨkúñu‑ó sáva ntívɨ́‑ɨ ka̱ꞌ jee nasaꞌá jiáá re̱ꞌ maa. 24Chi nna̱tavaꞌ Ndiosíꞌ yó nu̱u̱nꞌ kua̱chi‑ó nsi̱káku re̱ꞌ yó sáva íyó tu̱ꞌun neí iniꞌ‑ó nétu‑ó ya̱ ni̱ꞌi̱nꞌ‑ó ya̱ saꞌá re̱ꞌ sukuán jín‑ó. Íyó tu̱ꞌun neí iniꞌ‑ó ya̱ saꞌá re̱ꞌ sukuán soo retú ya̱ túvi nijinꞌ néꞌyá‑ó maa, saájee ya̱ ntu̱ví ka̱ꞌ kúvi‑i tu̱ꞌun neí iniꞌ‑ó nétu‑ó maa. Chi retú néꞌyá ɨɨn ñɨvɨ maa, ¿na̱kui chi íyó ka̱ꞌ tu̱ꞌun neí iniꞌ‑i nétu‑u vá rúja? 25Soo retú íyó tu̱ꞌun neí iniꞌ‑ó ya̱ ntu túvi néꞌyá‑ó, jee jiéꞌnéꞌ iniꞌ‑ó nétu kuvi iniꞌ‑ó maa.
26Jee suni sukuán chíneí chítuvi Ta̱chi̱ꞌ Ííꞌ yó chi táyáꞌ iniꞌ‑ó. Chi sáá ntu jíníꞌ‑ó na̱sa kaꞌanꞌ‑ó jín Ndiosíꞌ, soo máá maá Ta̱chi̱ꞌ Ííꞌ vá tána re̱ꞌ jíkánꞌ táꞌvíꞌ re̱ꞌ nu̱u̱nꞌ Ndiosíꞌ jie̱ꞌe̱ꞌ‑ó ya̱ ntu níꞌínꞌ‑ó sákachiꞌ‑ó. 27Jee maá Ndiosíꞌ jíníꞌ re̱ꞌ ya̱ kúvi iniꞌ ánímaꞌ ñɨvɨ, jee ya̱ jíníꞌ re̱ꞌ ya̱ ná kúvi ya̱ kúníꞌ Ta̱chi̱ꞌ Ííꞌ re̱ꞌ, chi sánikua̱ꞌ kuíni maá Ndiosíꞌ jee Ta̱chi̱ꞌ Ííꞌ vá jíkánꞌ táꞌvíꞌ re̱ꞌ jie̱ꞌe̱ꞌ‑ó ya̱ nsa̱ꞌá sɨ́ɨ́n Ndiosíꞌ yó sáva kɨꞌɨ‑ó nu̱u̱nꞌ re̱ꞌ.
Si̱kɨ̱ꞌ ka̱ꞌ sáꞌá Ndiosíꞌ ya̱ kúneí‑ó si̱kɨ̱ꞌ ya̱ niváꞌa
28Jee jíníꞌ‑ó ya̱ ntáká tiñu ya̱ kúvi jín rá ñɨvɨ ya̱ ñúnúunꞌ ráa Ndiosíꞌ jee jiátíñú Ndiosíꞌ rá tiñu vá sáva saꞌá re̱ꞌ ya̱ kúvi ya̱ váꞌa nu̱u̱nꞌ ráa ya̱ nkana re̱ꞌ ráa ya̱ kɨꞌɨ ráa nu̱u̱nꞌ re̱ꞌ sáni nkuna̱a̱ꞌ iniꞌ re̱ꞌ. 29Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a. 30Jee rá ñɨvɨ ya̱ Ndiosíꞌ saá ya̱ nkuna̱a̱ꞌ ya̱chi̱ꞌ iniꞌ re̱ꞌ, jee suni nkana re̱ꞌ ráa kɨꞌɨ ráa nu̱u̱nꞌ re̱ꞌ. Jee rá ñɨvɨ nkana re̱ꞌ jee suni nsiíyo re̱ꞌ kua̱chi ráa sáva nkino̱o na̱a̱ꞌ ráa nu̱u̱nꞌ re̱ꞌ. Jee rá ñɨvɨ nsiíyo re̱ꞌ kua̱chi ráa, jee suni saꞌá re̱ꞌ ya̱ viiꞌ kuñáꞌnú ráa.
31¿Ná kúvi ya̱ kachiꞌ‑ó jie̱ꞌe̱ꞌ rá tu̱ꞌun yaꞌá, résa? Chi nu̱u̱nꞌ íñɨ́ Ndiosíꞌ jín‑ó, ¿né ɨɨn ya̱ kenta si̱kɨ̱ꞌ‑ó nu̱u̱nꞌ Ndiosíꞌ résa? ¡Ntu̱né kúneí ráa nɨ́ɨ́nkání! 32Chi Ndiosíꞌ ntu nkúsáꞌán re̱ꞌ Se̱ꞌya re̱ꞌ, chisaꞌ nna̱ku̱ꞌva re̱ꞌ Se̱ꞌya re̱ꞌ sáva kuviꞌ‑i jie̱ꞌe̱ꞌ ntáká‑ó ya̱ kúvi ya̱ váꞌa nu̱u̱nꞌ‑ó. Jee nu̱u̱nꞌ ntaji re̱ꞌ Se̱ꞌya re̱ꞌ sukuán jee suni íyó nijia ya̱ sikútaꞌviꞌ re̱ꞌ nu̱u̱nꞌ‑ó ntáká ka̱ꞌ ya̱ kiji jie̱ꞌe̱ꞌ ya̱ njia̱ꞌa re̱ꞌ Se̱ꞌya re̱ꞌ. 33¿Né ɨɨn vá xi̱kóñáꞌán nu̱u̱nꞌ Ndiosíꞌ rá ñɨvɨ ya̱ nka̱ji re̱ꞌ? ¡Ntu̱ví!, chi Ndiosíꞌ ví ya̱ nsiíyo re̱ꞌ kua̱chi ráa sáva nkuna̱a̱ꞌ iniꞌ re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ. 34¿Né ɨɨn vá sijíta‑a yó nu̱u̱nꞌ Ndiosíꞌ résa? ¡Ntu̱ví!, chi maá Cristo Jesús ví ya̱ níꞌiꞌ re̱ꞌ jie̱ꞌe̱ꞌ‑ó, jee suni maáréꞌ ví ya̱ nna̱tekuꞌ re̱ꞌ jee nnako̱o re̱ꞌ nkene re̱ꞌ nteñu rá ni̱yɨ. Jee nééꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ, jee suni yɨ́tuvi re̱ꞌ jíkánꞌ táꞌvíꞌ re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ. 35¿Né ɨɨn vá kuneí‑i saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Cristo yó, résa? ¿Á tu̱nóꞌó, áxí tu̱nkuíꞌyáꞌ iniꞌ, áxí ya̱ jíto u̱ꞌvi̱ꞌ ñɨvɨ yó, áxí ta̱ma̱ꞌ, áxí ya̱ kúmániꞌ saꞌma kuꞌun‑ó, áxí sáá táꞌánꞌ‑ó tu̱nóꞌó íyó i̱yo, áxí kaꞌniꞌ ñɨvɨ yó jín yuchiꞌ espada, résa? ¡Ntu̱ví kuitɨꞌ! 36Chi sáni káchíꞌ Tu̱ꞌun Ndiosíꞌ níso nu̱u̱nꞌ Tutuꞌ:
Jie̱ꞌe̱ꞌ noꞌó núnuví íyó ñɨvɨ ya̱ kaꞌniꞌ ráa ránuꞌuꞌ.
Ñúꞌún iniꞌ ñɨvɨ kaꞌniꞌ ráa ránuꞌuꞌ kuéntáꞌ lanchi ya̱ jiáꞌníꞌ ráa.
37Soo súka̱ꞌ nóꞌo‑ó tu̱nóꞌó sukuán, jee Cristo ya̱ ñúnúunꞌ re̱ꞌ yó, maáréꞌ sáꞌá re̱ꞌ ya̱ ntántúníꞌ kuneí‑ó núneí ka̱ꞌ iniꞌ‑ó, 38chi jíníꞌ ni̱ꞌ ya̱ naáꞌ ya̱ ntu̱náꞌ íyó ya̱ sáꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó:
ni ya̱ jíꞌíꞌ‑ó,
ni ya̱ tékúꞌ‑ó,
ni rá najiáꞌáꞌ ííꞌ Ndiosíꞌ,
ni rá néetiñu, va̱ni te̱e, va̱ni najiáꞌáꞌ ííꞌ,
ni rá ta̱chi̱ꞌ kíni ñáꞌnú ya̱ níso fuersáꞌ,
ni rá ya̱ íyó tiempúꞌ vitan,
ni rá ya̱ koo tiempúꞌ kiji,
39ni ya̱ íyó súkún,
ni ya̱ íyó nu̱u̱nꞌ kúnú,
ni ɨɨn inka ka̱ꞌ ya̱ nsa̱ꞌá Ndiosíꞌ maa, ni nkúvi saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó Cristo Jesús.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.