Apoclipsis 15
15
Rá ni uxáꞌ rá najiáꞌáꞌ ííꞌ jín ni u̱xa̱ꞌ rá tu̱nóꞌó koo nu̱u̱nꞌ nɨ́ꞌɨ
1Saájee niniꞌ ni̱ꞌ inka ka̱ꞌ seña ne̱ antivɨ́ súkún, ya̱ mánasɨ́ nijia ya̱ tívɨ́ xíniꞌ ni̱ꞌ. Chi íñɨ́ u̱xa̱ꞌ najiáꞌáꞌ ííꞌ Ndiosíꞌ, ya̱ va̱ji ráa jín ni uxáꞌ tu̱nóꞌó ya̱ ku̱ꞌva ráa kunoꞌo rá ñɨvɨ. Jee tu̱nóꞌó nu̱u̱nꞌ nɨ́ꞌɨ kúvi‑i chi sáá nɨꞌɨ rá tu̱nóꞌó yukuán jee stu̱ꞌúꞌ Ndiosíꞌ rá tu̱nóꞌó xéénꞌ jie̱ꞌe̱ꞌ kítɨ́ꞌ iniꞌ re̱ꞌ jie̱ꞌe̱ꞌ rá ñɨvɨ kua̱chi.
2Jee niniꞌ ni̱ꞌ ya̱ kuéntáꞌ íyó nteñúꞌún nute ya̱ túvi ni núvíꞌ ichi kuéntáꞌ vidrio, jee sákánuun nute vá jín ñuꞌunꞌ. Jee rá ñɨvɨ ya̱ nku̱neí ráa si̱kɨ̱ꞌ kitɨ xéénꞌ kákini vá, jín si̱kɨ̱ꞌ santúꞌ ñunéꞌyúꞌ máá maátíꞌ, jín ya̱ ntu níso seña ti̱ꞌ te̱e̱nꞌ ráa, ni jín numero súví ti̱ꞌ, jee íñɨ́ rá ñɨvɨ vá yúnteñúꞌún vá ínaꞌá ráa yaaꞌ arpa ya̱ njiáꞌa Ndiosíꞌ nu̱u̱nꞌ ráa. 3Jee jíta ráa yaaꞌ ya̱ ntavaꞌ Moisés, te̱e ya̱ nkuvi re̱ꞌ musúꞌ nyɨ̱tíñú‑u nu̱u̱nꞌ Ndiosíꞌ ne̱ yanaꞌán. Jee suni jíta rá ñɨvɨ vá yaaꞌ ya̱ ntavaꞌ maáréꞌ ya̱ kúvi Lanchi Lúlí Ndiosíꞌ, jee káchíꞌ ráa:
Na̱ ka̱ꞌ ñáꞌnú ka̱ꞌ tiñu sáꞌá nú, Ndiosíꞌ, jee tívɨ́ xá xíniꞌ ráníꞌ néꞌyá ránꞌ maa,
I̱toꞌoꞌ ránꞌ Ndiosíꞌ, ya̱ níso fesáꞌ ííꞌ ni̱ꞌin kúñáꞌnú nasɨ́kuitɨꞌ nú nu̱u̱nꞌ kua̱íyó.
Jee na̱a̱ꞌ kúvi nú jee máá tiñu na̱a̱ꞌ máá tiñu váꞌa nijia sáꞌá nú.
Jee noꞌó nísotíñú nú ya̱ tátúníꞌ nú kua̱íyó kuitɨꞌ nu̱u̱nꞌ rá nación.
4Chi, ¿né ɨɨn ntu ñúyúꞌví iniꞌ‑i noꞌó, rúsa? I̱toꞌoꞌ ránꞌ,
jee, ¿né ɨɨn ntu nákuetúꞌún‑u noꞌó ya̱ ntu káchíꞌ‑i ya̱ kúñáꞌnú nú, rúsa? ¡Ni ɨɨn!
Chi métúꞌún maánú vá i̱i̱ꞌ.
Chi kiji kua̱íyó rá ñɨvɨ ntáká nación kuneñu̱ꞌun ráa noꞌó.
Chi túvi ya̱ sáꞌá nú rá tiñu na̱a̱ꞌ,
sukuán jíta ráa.
5Jee sáá njia̱ꞌa yaꞌá, jee niniꞌ ni̱ꞌ ya̱ nine iniꞌ veꞌi ííꞌ iniꞌ veñu̱ꞌun káꞌnú Ndiosíꞌ ya̱ nééꞌ antivɨ́ súkún nu̱u̱nꞌ íyó va̱ꞌa yu̱u̱ꞌ tiáxín níso ley Ndiosíꞌ. 6Jee iniꞌ veñu̱ꞌun vá nkikene ni uxáꞌ rá najiáꞌáꞌ ííꞌ ya̱ nísotíñú ni uxáꞌ rá tu̱nóꞌó. Jee ñúꞌún ráa saꞌma váꞌa máá ñunkúún nijia ya̱ jiánu̱te̱ꞌ, jee núꞌníꞌ manchíjí oro ni̱ka ráa. 7Saájee ɨɨn rá ni kúmíꞌ rá tékúꞌ vá njia̱ꞌa‑a ɨɨn ɨɨn ko̱ꞌo̱ꞌ tikokóꞌ oro nu̱u̱nꞌ ni uxáꞌ rá najiáꞌáꞌ ííꞌ vá. Jee iniꞌ rá ko̱ꞌo̱ꞌ vá ñúchitú tu̱nóꞌó xéénꞌ ya̱ xinóꞌo Ndiosíꞌ rá ñɨvɨ ntu yɨ́ꞌɨ́ ráa nu̱u̱nꞌ re̱ꞌ, chi kítɨ́ꞌ iniꞌ re̱ꞌ, jee maáréꞌ ví Ndiosíꞌ tékúꞌ re̱ꞌ nɨ́ɨ́nkání. 8Jee nñu̱chitú iniꞌ veꞌi ííꞌ vá ñu̱ꞌma̱ꞌ, ya̱ váji ne̱ nu̱u̱nꞌ maáréꞌ ya̱ máá kúñáꞌnú ví re̱ꞌ, chi íyó víꞌí fesáꞌ ííꞌ re̱ꞌ. Jee ni ɨɨn ñɨvɨ ni ntu nkúvi ki̱vɨ ráa iniꞌ veñu̱ꞌun káꞌnú vá nekuaꞌ nɨꞌɨ ni uxáꞌ rá tu̱nóꞌó vá sikúnkuvi ni uxáꞌ rá najiáꞌáꞌ ííꞌ vá.
Currently Selected:
Apoclipsis 15: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Apoclipsis 15
15
Rá ni uxáꞌ rá najiáꞌáꞌ ííꞌ jín ni u̱xa̱ꞌ rá tu̱nóꞌó koo nu̱u̱nꞌ nɨ́ꞌɨ
1Saájee niniꞌ ni̱ꞌ inka ka̱ꞌ seña ne̱ antivɨ́ súkún, ya̱ mánasɨ́ nijia ya̱ tívɨ́ xíniꞌ ni̱ꞌ. Chi íñɨ́ u̱xa̱ꞌ najiáꞌáꞌ ííꞌ Ndiosíꞌ, ya̱ va̱ji ráa jín ni uxáꞌ tu̱nóꞌó ya̱ ku̱ꞌva ráa kunoꞌo rá ñɨvɨ. Jee tu̱nóꞌó nu̱u̱nꞌ nɨ́ꞌɨ kúvi‑i chi sáá nɨꞌɨ rá tu̱nóꞌó yukuán jee stu̱ꞌúꞌ Ndiosíꞌ rá tu̱nóꞌó xéénꞌ jie̱ꞌe̱ꞌ kítɨ́ꞌ iniꞌ re̱ꞌ jie̱ꞌe̱ꞌ rá ñɨvɨ kua̱chi.
2Jee niniꞌ ni̱ꞌ ya̱ kuéntáꞌ íyó nteñúꞌún nute ya̱ túvi ni núvíꞌ ichi kuéntáꞌ vidrio, jee sákánuun nute vá jín ñuꞌunꞌ. Jee rá ñɨvɨ ya̱ nku̱neí ráa si̱kɨ̱ꞌ kitɨ xéénꞌ kákini vá, jín si̱kɨ̱ꞌ santúꞌ ñunéꞌyúꞌ máá maátíꞌ, jín ya̱ ntu níso seña ti̱ꞌ te̱e̱nꞌ ráa, ni jín numero súví ti̱ꞌ, jee íñɨ́ rá ñɨvɨ vá yúnteñúꞌún vá ínaꞌá ráa yaaꞌ arpa ya̱ njiáꞌa Ndiosíꞌ nu̱u̱nꞌ ráa. 3Jee jíta ráa yaaꞌ ya̱ ntavaꞌ Moisés, te̱e ya̱ nkuvi re̱ꞌ musúꞌ nyɨ̱tíñú‑u nu̱u̱nꞌ Ndiosíꞌ ne̱ yanaꞌán. Jee suni jíta rá ñɨvɨ vá yaaꞌ ya̱ ntavaꞌ maáréꞌ ya̱ kúvi Lanchi Lúlí Ndiosíꞌ, jee káchíꞌ ráa:
Na̱ ka̱ꞌ ñáꞌnú ka̱ꞌ tiñu sáꞌá nú, Ndiosíꞌ, jee tívɨ́ xá xíniꞌ ráníꞌ néꞌyá ránꞌ maa,
I̱toꞌoꞌ ránꞌ Ndiosíꞌ, ya̱ níso fesáꞌ ííꞌ ni̱ꞌin kúñáꞌnú nasɨ́kuitɨꞌ nú nu̱u̱nꞌ kua̱íyó.
Jee na̱a̱ꞌ kúvi nú jee máá tiñu na̱a̱ꞌ máá tiñu váꞌa nijia sáꞌá nú.
Jee noꞌó nísotíñú nú ya̱ tátúníꞌ nú kua̱íyó kuitɨꞌ nu̱u̱nꞌ rá nación.
4Chi, ¿né ɨɨn ntu ñúyúꞌví iniꞌ‑i noꞌó, rúsa? I̱toꞌoꞌ ránꞌ,
jee, ¿né ɨɨn ntu nákuetúꞌún‑u noꞌó ya̱ ntu káchíꞌ‑i ya̱ kúñáꞌnú nú, rúsa? ¡Ni ɨɨn!
Chi métúꞌún maánú vá i̱i̱ꞌ.
Chi kiji kua̱íyó rá ñɨvɨ ntáká nación kuneñu̱ꞌun ráa noꞌó.
Chi túvi ya̱ sáꞌá nú rá tiñu na̱a̱ꞌ,
sukuán jíta ráa.
5Jee sáá njia̱ꞌa yaꞌá, jee niniꞌ ni̱ꞌ ya̱ nine iniꞌ veꞌi ííꞌ iniꞌ veñu̱ꞌun káꞌnú Ndiosíꞌ ya̱ nééꞌ antivɨ́ súkún nu̱u̱nꞌ íyó va̱ꞌa yu̱u̱ꞌ tiáxín níso ley Ndiosíꞌ. 6Jee iniꞌ veñu̱ꞌun vá nkikene ni uxáꞌ rá najiáꞌáꞌ ííꞌ ya̱ nísotíñú ni uxáꞌ rá tu̱nóꞌó. Jee ñúꞌún ráa saꞌma váꞌa máá ñunkúún nijia ya̱ jiánu̱te̱ꞌ, jee núꞌníꞌ manchíjí oro ni̱ka ráa. 7Saájee ɨɨn rá ni kúmíꞌ rá tékúꞌ vá njia̱ꞌa‑a ɨɨn ɨɨn ko̱ꞌo̱ꞌ tikokóꞌ oro nu̱u̱nꞌ ni uxáꞌ rá najiáꞌáꞌ ííꞌ vá. Jee iniꞌ rá ko̱ꞌo̱ꞌ vá ñúchitú tu̱nóꞌó xéénꞌ ya̱ xinóꞌo Ndiosíꞌ rá ñɨvɨ ntu yɨ́ꞌɨ́ ráa nu̱u̱nꞌ re̱ꞌ, chi kítɨ́ꞌ iniꞌ re̱ꞌ, jee maáréꞌ ví Ndiosíꞌ tékúꞌ re̱ꞌ nɨ́ɨ́nkání. 8Jee nñu̱chitú iniꞌ veꞌi ííꞌ vá ñu̱ꞌma̱ꞌ, ya̱ váji ne̱ nu̱u̱nꞌ maáréꞌ ya̱ máá kúñáꞌnú ví re̱ꞌ, chi íyó víꞌí fesáꞌ ííꞌ re̱ꞌ. Jee ni ɨɨn ñɨvɨ ni ntu nkúvi ki̱vɨ ráa iniꞌ veñu̱ꞌun káꞌnú vá nekuaꞌ nɨꞌɨ ni uxáꞌ rá tu̱nóꞌó vá sikúnkuvi ni uxáꞌ rá najiáꞌáꞌ ííꞌ vá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.