Filipenses 2
2
Nsa̱ꞌá láꞌví Cristo maáréꞌ jee kúñáꞌnú nasɨ́kuitɨꞌ re̱ꞌ vitan
1Saájee, nu̱u̱nꞌ íyó neí iniꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo,
jee nu̱u̱nꞌ ñúnúunꞌ re̱ꞌ yó sáꞌá ya̱ núváꞌa iniꞌ‑ó,
jee nu̱u̱nꞌ chíneí táꞌán Ta̱chi̱ꞌ Ííꞌ Ndiosíꞌ jín yó sáva koo ma̱ni̱ꞌ táꞌán‑ó ɨɨn inka‑ó,
jee nu̱u̱nꞌ ñunkúún iniꞌ‑ó ɨɨn inka táꞌán‑ó jee nu̱u̱nꞌ kúnáꞌví iniꞌ‑ó ɨɨn inka táꞌán‑ó.
2Jee nu̱u̱nꞌ íyó suꞌva nijia, jee saꞌá rán ya̱ chuchítú ya̱ nasásɨ́ɨꞌ kue̱ꞌe̱ꞌ rán ka̱ꞌ iniꞌ ánímaꞌ ni̱ꞌ,
jie̱ꞌe̱ꞌ ya̱ nuún iniꞌ rán,
jín jie̱ꞌe̱ꞌ ya̱ ɨɨn nuún kunu̱u̱nꞌ rán ɨɨn inka rán,
jín jie̱ꞌe̱ꞌ ya̱ kani nuún iniꞌ rán,
jín jie̱ꞌe̱ꞌ ya̱ kuꞌun nuún iniꞌ rán.
3Jee koto ná sáꞌá rán ni ɨɨn tiñu ya̱ sáꞌá uꞌvi iniꞌ rán,
ni ya̱ sáꞌá téyɨ́ɨ́ rán.
Chisaꞌ kani láꞌví iniꞌ rán,
jee tɨɨn ta ɨɨn rán kuéntáꞌ ya̱ kúñáꞌnú ka̱ꞌ ɨɨn inka rán nsú káꞌ maárán.
4Koto nániꞌvɨꞌ iniꞌ ni ɨɨn rán kua̱chi rá tiñu ya̱ kino̱o va̱ꞌa nu̱u̱nꞌ‑u,
soo suni ta ɨɨn rán naniꞌvɨꞌ iniꞌ‑i ya̱ váꞌa nu̱u̱nꞌ inka ñɨvɨ.
5Suꞌva ɨɨn nuún kuꞌun iniꞌ antúníꞌ rán kua̱ꞌ nñu̱ꞌun iniꞌ antúníꞌ Cristo Jesús.
6Chi sú kúvi re̱ꞌ Ndiosíꞌ ya̱ ɨɨn nuún kúvi re̱ꞌ jín Ndiosíꞌ,
soo ntu nñúꞌun iniꞌ re̱ꞌ ya̱ nuni̱ꞌin re̱ꞌ ya̱ kino̱o re̱ꞌ ya̱ ɨɨn nuún kúñáꞌnú re̱ꞌ jín Ndiosíꞌ. #2:6-7 Sa̱naanꞌ kúvi kachiꞌ‑ó: chi sú kúvi re̱ꞌ Ndiosíꞌ ya̱ ɨɨn nuún kúvi re̱ꞌ jín Ndiosíꞌ, soo ntu nka̱neeꞌ re̱ꞌ ya̱ ɨɨn nuún kúñáꞌnú re̱ꞌ jín Ndiosíꞌ chi kúñáꞌnú nijia re̱ꞌ. Soo nxi̱nóo re̱ꞌ ya̱ kúñáꞌnú re̱ꞌ, jee nnu̱un maáréꞌ sáva tɨɨn re̱ꞌ tiñu kuvi re̱ꞌ musúꞌ.
7Jee nxi̱nóo re̱ꞌ ya̱ kúñáꞌnú re̱ꞌ, jee nnu̱un maáréꞌ sáva tɨɨn re̱ꞌ tiñu kuvi re̱ꞌ musúꞌ.
Jee ɨɨn nuún nkenta re̱ꞌ kúvi re̱ꞌ jín te̱e ñunéꞌyúꞌ.
8Sáá ɨɨn nuún ni ntu̱vi re̱ꞌ jín te̱e,
jee nsa̱ꞌá láꞌví re̱ꞌ maáréꞌ,
jee nkenta re̱ꞌ nka̱níjiá re̱ꞌ Ndiosíꞌ ne̱ jín tu̱ꞌun ya̱ kuviꞌ re̱ꞌ,
¡sú ne̱ kuviꞌ re̱ꞌ nu̱u̱nꞌ kurúsiꞌ!
9Saáva suni Ndiosíꞌ nxi̱náa re̱ꞌ Jesús kúñáꞌnú re̱ꞌ ka̱ꞌ nu̱u̱nꞌ nɨꞌɨ.
Jee njia̱ꞌa Ndiosíꞌ nu̱u̱nꞌ re̱ꞌ tiñu #2:9 Tu̱ꞌun griego káchíꞌ yaꞌá: njia̱ꞌa Ndiosíꞌ nu̱u̱nꞌ re̱ꞌ súví kúñáꞌnú ka̱ꞌ. Súví yaꞌá kuíni káchíꞌ: tiñu níso re̱ꞌ, áxí: kúñáꞌnú re̱ꞌ. kúñáꞌnú ka̱ꞌ nsú káꞌ nta̱ká tiñu.
10Sáva nakui̱ñɨ̱ꞌ ítɨ́ nta̱ká rá nééꞌ ñuunꞌ íyó súkún,
jín nta̱ká rá nééꞌ nu̱u̱nꞌ ñu̱ꞌún,
jín nta̱ká rá íyó chi̱ji ñuꞌun #2:10 Rá ñɨvɨ níꞌiꞌ
kuneñu̱ꞌun ráa Jesús, sáá teso̱ꞌo ráa súví re̱ꞌ.
11Jín sáva nta̱ká ráa ku̱ꞌvayuꞌú, ya̱ I̱toꞌoꞌ ví Jesús ya̱ níso re̱ꞌ tiñu Cristo,
jee suꞌva stúvi ráa, ya̱ máá viiꞌ kúñáꞌnú ví Ndiosíꞌ ya̱ kúvi Tááꞌ‑ó.
Rá ñɨvɨ yɨ́ꞌɨ́ nu̱u̱nꞌ Cristo kúvi kuéntáꞌ ɨɨn ñuꞌunꞌ túúnꞌ nu̱u̱nꞌ ñɨ̱vɨ́
12Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán. 13Chi máá Ndiosíꞌ ví ya̱ sátíñú re̱ꞌ iniꞌ rán, sáva kuvi iniꞌ rán saꞌá rán tiñu váꞌa, jín sáva saꞌá rán maa sánikua̱ꞌ ya̱ váꞌa kuíni re̱ꞌ.
14Nta̱ká tiñu ya̱ saꞌá rán, jee koto kákuíyuꞌú rán jee koto kántátúꞌun rán. 15Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ, 16ni jiáꞌnu ni̱ꞌin rán jín tu̱ꞌun Jesús ya̱ sáꞌá‑a ya̱ kutekuꞌ nijia ñɨvɨ jín Ndiosíꞌ. Jee nu̱u̱nꞌ jiáꞌnu rán suꞌva, jee kuvi kusɨ̱ɨ̱ꞌ téyɨ́ɨ́ iniꞌ ni̱ꞌ jie̱ꞌe̱ꞌ rán ki̱vɨ̱ꞌ niji Cristo, ya̱ nsáꞌ ka̱ꞌá ninu ni̱ꞌ nika ni̱ꞌ ichi re̱ꞌ, jee nsáꞌ ka̱ꞌá nsa̱tíñú ni̱ꞌ nu̱u̱nꞌ re̱ꞌ. 17Retú kaꞌniꞌ rá ñɨvɨ Roma nuꞌuꞌ, suꞌva nasokoꞌ ni̱ꞌ maáníꞌ nu̱u̱nꞌ Ndiosíꞌ. Jee suꞌva sikétáꞌán ni̱ꞌ maáníꞌ jín ya̱ násokoꞌ rán maárán nu̱u̱nꞌ re̱ꞌ, ya̱ sáꞌá rán tiñu re̱ꞌ chi kúneí iniꞌ rán re̱ꞌ. Saáva sú kaꞌniꞌ ráa nuꞌuꞌ, jee sɨ̱ɨ̱ꞌ koo iniꞌ ánímaꞌ ni̱ꞌ, jee kúsɨ́ɨꞌ iniꞌ ni̱ꞌ jín nta̱ká rán. 18Jee suni suꞌva íyó koo sɨ̱ɨ̱ꞌ iniꞌ ánímaꞌ rán, jee kusɨ̱ɨ̱ꞌ iniꞌ rán jín nuꞌuꞌ.
Timoteo jín Epafrodito
19Retú I̱toꞌoꞌ‑ó Jesús kuíni, íyó tu̱ꞌun neí iniꞌ ni̱ꞌ ya̱ tají ya̱chi̱ꞌ ni̱ꞌ Timoteo nu̱u̱nꞌ rán, sáva nusɨ̱ɨ̱ꞌ iniꞌ ni̱ꞌ ya̱ ni̱ꞌi̱nꞌ ni̱ꞌ tu̱ꞌun jie̱ꞌe̱ꞌ ránoꞌó. 20Chi ntu̱náꞌ íyó ni ɨɨn inka te̱e yaꞌá jín ni̱ꞌ, ya̱ nuún ñúꞌún iniꞌ‑i jín ni̱ꞌ jie̱ꞌe̱ꞌ rán, kuéntáꞌ maáréꞌ, ya̱ nániꞌvɨꞌ nijia iniꞌ‑i jie̱ꞌe̱ꞌ rán. 21Chi nɨꞌɨ ráa nánukú tiñu ya̱ kino̱o va̱ꞌa nu̱u̱nꞌ maáráa, jee nsú tiñu Jesucristo nánukú ráa. 22Soo jíníꞌ rán, sáá jiáꞌnu va̱ꞌa Timoteo, chi nsa̱tíñú re̱ꞌ jín ni̱ꞌ, sáva kueꞌnu tu̱ꞌun váꞌa Jesús, kuéntáꞌ ɨɨn se̱ꞌya sátíñú jín tátáꞌ re̱ꞌ. 23Saájee ñúꞌún iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, sáá kukáꞌnú iniꞌ ni̱ꞌ ya̱ na̱ja kuvi jín tiñu nóꞌo ni̱ꞌ. 24Soo retú kuíni I̱toꞌoꞌ‑ó, ne̱ yuchí kúkáꞌnú iniꞌ ni̱ꞌ ya̱ suni maáníꞌ kua̱jiaaꞌ ya̱chi̱ꞌ ni̱ꞌ kune̱ꞌyá ni̱ꞌ ránoꞌó.
25Jiáni iniꞌ ni̱ꞌ ya̱ jíniñúꞌún ni̱ꞌ chuichí ni̱ꞌ Epafrodito kua̱jiaaꞌ‑a nu̱u̱nꞌ rán. Jee kúvi re̱ꞌ ñaniꞌ ni̱ꞌ, jee táꞌán sátíñú jín ni̱ꞌ ví re̱ꞌ, jee táꞌán náma jín ni̱ꞌ tu̱ꞌun Jesús ví re̱ꞌ, kuéntáꞌ táꞌán ɨɨn soldado kántáꞌán. Nchu̱ichí rán re̱ꞌ chineí re̱ꞌ nuꞌuꞌ jín ya̱ jíniñúꞌún ni̱ꞌ. 26Jiáni iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, chi níyo iniꞌ re̱ꞌ kua̱jiaaꞌ ne̱ꞌyá re̱ꞌ ránoꞌó, chi nániꞌvɨꞌ iniꞌ re̱ꞌ jie̱ꞌe̱ꞌ rán, chi nku̱káꞌnú iniꞌ rán ya̱ kúꞌvíꞌ re̱ꞌ. 27Jee íyó nijia ya̱ nkuꞌviꞌ re̱ꞌ sáá né íyó kuviꞌ re̱ꞌ nékúvi. Soo nku̱náꞌví iniꞌ Ndiosíꞌ re̱ꞌ, jee nnuvi re̱ꞌ. Jee nsú kua̱chi maáréꞌ ni nku̱náꞌví iniꞌ Ndiosíꞌ, chi suni ne̱ maáníꞌ ni ka̱ꞌ, sáva nkóo tu̱ꞌun núkuíꞌyá nasɨ́kuitɨꞌ ka̱ꞌ iniꞌ ni̱ꞌ jie̱ꞌe̱ꞌ re̱ꞌ. 28Saáva saꞌ víꞌí káꞌ va̱ne̱ꞌ ñúꞌún iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, sáva nusɨ̱ɨ̱ꞌ iniꞌ rán ya̱ kune̱ꞌyá tuku rán re̱ꞌ. Jee sáva nkóo tu̱ꞌun kúkuíꞌyáꞌ iniꞌ ni̱ꞌ ka̱ꞌ. 29Saájee sɨ̱ɨ̱ꞌ koo iniꞌ rán nakuatáꞌví rán re̱ꞌ sáá kenta re̱ꞌ, jie̱ꞌe̱ꞌ ya̱ yɨ́ꞌɨ́ re̱ꞌ nu̱u̱nꞌ I̱toꞌoꞌ‑ó. Jee saꞌá ñáꞌnú rán nu̱u̱nꞌ rá ñɨvɨ íyó kuéntáꞌ íyó maáréꞌ. 30Chi jie̱ꞌe̱ꞌ tiñu Cristo, nkenta re̱ꞌ ya̱ yatin kuviꞌ re̱ꞌ. Chi ñeꞌneꞌ iniꞌ re̱ꞌ kuviꞌ re̱ꞌ, sáva ñasɨꞌ re̱ꞌ nu̱u̱nꞌ rán jín tiñu chi nchi̱neí re̱ꞌ nuꞌuꞌ ya̱ ntu kúvi saꞌá rán jín nuꞌuꞌ.
Currently Selected:
Filipenses 2: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Filipenses 2
2
Nsa̱ꞌá láꞌví Cristo maáréꞌ jee kúñáꞌnú nasɨ́kuitɨꞌ re̱ꞌ vitan
1Saájee, nu̱u̱nꞌ íyó neí iniꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo,
jee nu̱u̱nꞌ ñúnúunꞌ re̱ꞌ yó sáꞌá ya̱ núváꞌa iniꞌ‑ó,
jee nu̱u̱nꞌ chíneí táꞌán Ta̱chi̱ꞌ Ííꞌ Ndiosíꞌ jín yó sáva koo ma̱ni̱ꞌ táꞌán‑ó ɨɨn inka‑ó,
jee nu̱u̱nꞌ ñunkúún iniꞌ‑ó ɨɨn inka táꞌán‑ó jee nu̱u̱nꞌ kúnáꞌví iniꞌ‑ó ɨɨn inka táꞌán‑ó.
2Jee nu̱u̱nꞌ íyó suꞌva nijia, jee saꞌá rán ya̱ chuchítú ya̱ nasásɨ́ɨꞌ kue̱ꞌe̱ꞌ rán ka̱ꞌ iniꞌ ánímaꞌ ni̱ꞌ,
jie̱ꞌe̱ꞌ ya̱ nuún iniꞌ rán,
jín jie̱ꞌe̱ꞌ ya̱ ɨɨn nuún kunu̱u̱nꞌ rán ɨɨn inka rán,
jín jie̱ꞌe̱ꞌ ya̱ kani nuún iniꞌ rán,
jín jie̱ꞌe̱ꞌ ya̱ kuꞌun nuún iniꞌ rán.
3Jee koto ná sáꞌá rán ni ɨɨn tiñu ya̱ sáꞌá uꞌvi iniꞌ rán,
ni ya̱ sáꞌá téyɨ́ɨ́ rán.
Chisaꞌ kani láꞌví iniꞌ rán,
jee tɨɨn ta ɨɨn rán kuéntáꞌ ya̱ kúñáꞌnú ka̱ꞌ ɨɨn inka rán nsú káꞌ maárán.
4Koto nániꞌvɨꞌ iniꞌ ni ɨɨn rán kua̱chi rá tiñu ya̱ kino̱o va̱ꞌa nu̱u̱nꞌ‑u,
soo suni ta ɨɨn rán naniꞌvɨꞌ iniꞌ‑i ya̱ váꞌa nu̱u̱nꞌ inka ñɨvɨ.
5Suꞌva ɨɨn nuún kuꞌun iniꞌ antúníꞌ rán kua̱ꞌ nñu̱ꞌun iniꞌ antúníꞌ Cristo Jesús.
6Chi sú kúvi re̱ꞌ Ndiosíꞌ ya̱ ɨɨn nuún kúvi re̱ꞌ jín Ndiosíꞌ,
soo ntu nñúꞌun iniꞌ re̱ꞌ ya̱ nuni̱ꞌin re̱ꞌ ya̱ kino̱o re̱ꞌ ya̱ ɨɨn nuún kúñáꞌnú re̱ꞌ jín Ndiosíꞌ. #2:6-7 Sa̱naanꞌ kúvi kachiꞌ‑ó: chi sú kúvi re̱ꞌ Ndiosíꞌ ya̱ ɨɨn nuún kúvi re̱ꞌ jín Ndiosíꞌ, soo ntu nka̱neeꞌ re̱ꞌ ya̱ ɨɨn nuún kúñáꞌnú re̱ꞌ jín Ndiosíꞌ chi kúñáꞌnú nijia re̱ꞌ. Soo nxi̱nóo re̱ꞌ ya̱ kúñáꞌnú re̱ꞌ, jee nnu̱un maáréꞌ sáva tɨɨn re̱ꞌ tiñu kuvi re̱ꞌ musúꞌ.
7Jee nxi̱nóo re̱ꞌ ya̱ kúñáꞌnú re̱ꞌ, jee nnu̱un maáréꞌ sáva tɨɨn re̱ꞌ tiñu kuvi re̱ꞌ musúꞌ.
Jee ɨɨn nuún nkenta re̱ꞌ kúvi re̱ꞌ jín te̱e ñunéꞌyúꞌ.
8Sáá ɨɨn nuún ni ntu̱vi re̱ꞌ jín te̱e,
jee nsa̱ꞌá láꞌví re̱ꞌ maáréꞌ,
jee nkenta re̱ꞌ nka̱níjiá re̱ꞌ Ndiosíꞌ ne̱ jín tu̱ꞌun ya̱ kuviꞌ re̱ꞌ,
¡sú ne̱ kuviꞌ re̱ꞌ nu̱u̱nꞌ kurúsiꞌ!
9Saáva suni Ndiosíꞌ nxi̱náa re̱ꞌ Jesús kúñáꞌnú re̱ꞌ ka̱ꞌ nu̱u̱nꞌ nɨꞌɨ.
Jee njia̱ꞌa Ndiosíꞌ nu̱u̱nꞌ re̱ꞌ tiñu #2:9 Tu̱ꞌun griego káchíꞌ yaꞌá: njia̱ꞌa Ndiosíꞌ nu̱u̱nꞌ re̱ꞌ súví kúñáꞌnú ka̱ꞌ. Súví yaꞌá kuíni káchíꞌ: tiñu níso re̱ꞌ, áxí: kúñáꞌnú re̱ꞌ. kúñáꞌnú ka̱ꞌ nsú káꞌ nta̱ká tiñu.
10Sáva nakui̱ñɨ̱ꞌ ítɨ́ nta̱ká rá nééꞌ ñuunꞌ íyó súkún,
jín nta̱ká rá nééꞌ nu̱u̱nꞌ ñu̱ꞌún,
jín nta̱ká rá íyó chi̱ji ñuꞌun #2:10 Rá ñɨvɨ níꞌiꞌ
kuneñu̱ꞌun ráa Jesús, sáá teso̱ꞌo ráa súví re̱ꞌ.
11Jín sáva nta̱ká ráa ku̱ꞌvayuꞌú, ya̱ I̱toꞌoꞌ ví Jesús ya̱ níso re̱ꞌ tiñu Cristo,
jee suꞌva stúvi ráa, ya̱ máá viiꞌ kúñáꞌnú ví Ndiosíꞌ ya̱ kúvi Tááꞌ‑ó.
Rá ñɨvɨ yɨ́ꞌɨ́ nu̱u̱nꞌ Cristo kúvi kuéntáꞌ ɨɨn ñuꞌunꞌ túúnꞌ nu̱u̱nꞌ ñɨ̱vɨ́
12Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán. 13Chi máá Ndiosíꞌ ví ya̱ sátíñú re̱ꞌ iniꞌ rán, sáva kuvi iniꞌ rán saꞌá rán tiñu váꞌa, jín sáva saꞌá rán maa sánikua̱ꞌ ya̱ váꞌa kuíni re̱ꞌ.
14Nta̱ká tiñu ya̱ saꞌá rán, jee koto kákuíyuꞌú rán jee koto kántátúꞌun rán. 15Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ, 16ni jiáꞌnu ni̱ꞌin rán jín tu̱ꞌun Jesús ya̱ sáꞌá‑a ya̱ kutekuꞌ nijia ñɨvɨ jín Ndiosíꞌ. Jee nu̱u̱nꞌ jiáꞌnu rán suꞌva, jee kuvi kusɨ̱ɨ̱ꞌ téyɨ́ɨ́ iniꞌ ni̱ꞌ jie̱ꞌe̱ꞌ rán ki̱vɨ̱ꞌ niji Cristo, ya̱ nsáꞌ ka̱ꞌá ninu ni̱ꞌ nika ni̱ꞌ ichi re̱ꞌ, jee nsáꞌ ka̱ꞌá nsa̱tíñú ni̱ꞌ nu̱u̱nꞌ re̱ꞌ. 17Retú kaꞌniꞌ rá ñɨvɨ Roma nuꞌuꞌ, suꞌva nasokoꞌ ni̱ꞌ maáníꞌ nu̱u̱nꞌ Ndiosíꞌ. Jee suꞌva sikétáꞌán ni̱ꞌ maáníꞌ jín ya̱ násokoꞌ rán maárán nu̱u̱nꞌ re̱ꞌ, ya̱ sáꞌá rán tiñu re̱ꞌ chi kúneí iniꞌ rán re̱ꞌ. Saáva sú kaꞌniꞌ ráa nuꞌuꞌ, jee sɨ̱ɨ̱ꞌ koo iniꞌ ánímaꞌ ni̱ꞌ, jee kúsɨ́ɨꞌ iniꞌ ni̱ꞌ jín nta̱ká rán. 18Jee suni suꞌva íyó koo sɨ̱ɨ̱ꞌ iniꞌ ánímaꞌ rán, jee kusɨ̱ɨ̱ꞌ iniꞌ rán jín nuꞌuꞌ.
Timoteo jín Epafrodito
19Retú I̱toꞌoꞌ‑ó Jesús kuíni, íyó tu̱ꞌun neí iniꞌ ni̱ꞌ ya̱ tají ya̱chi̱ꞌ ni̱ꞌ Timoteo nu̱u̱nꞌ rán, sáva nusɨ̱ɨ̱ꞌ iniꞌ ni̱ꞌ ya̱ ni̱ꞌi̱nꞌ ni̱ꞌ tu̱ꞌun jie̱ꞌe̱ꞌ ránoꞌó. 20Chi ntu̱náꞌ íyó ni ɨɨn inka te̱e yaꞌá jín ni̱ꞌ, ya̱ nuún ñúꞌún iniꞌ‑i jín ni̱ꞌ jie̱ꞌe̱ꞌ rán, kuéntáꞌ maáréꞌ, ya̱ nániꞌvɨꞌ nijia iniꞌ‑i jie̱ꞌe̱ꞌ rán. 21Chi nɨꞌɨ ráa nánukú tiñu ya̱ kino̱o va̱ꞌa nu̱u̱nꞌ maáráa, jee nsú tiñu Jesucristo nánukú ráa. 22Soo jíníꞌ rán, sáá jiáꞌnu va̱ꞌa Timoteo, chi nsa̱tíñú re̱ꞌ jín ni̱ꞌ, sáva kueꞌnu tu̱ꞌun váꞌa Jesús, kuéntáꞌ ɨɨn se̱ꞌya sátíñú jín tátáꞌ re̱ꞌ. 23Saájee ñúꞌún iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, sáá kukáꞌnú iniꞌ ni̱ꞌ ya̱ na̱ja kuvi jín tiñu nóꞌo ni̱ꞌ. 24Soo retú kuíni I̱toꞌoꞌ‑ó, ne̱ yuchí kúkáꞌnú iniꞌ ni̱ꞌ ya̱ suni maáníꞌ kua̱jiaaꞌ ya̱chi̱ꞌ ni̱ꞌ kune̱ꞌyá ni̱ꞌ ránoꞌó.
25Jiáni iniꞌ ni̱ꞌ ya̱ jíniñúꞌún ni̱ꞌ chuichí ni̱ꞌ Epafrodito kua̱jiaaꞌ‑a nu̱u̱nꞌ rán. Jee kúvi re̱ꞌ ñaniꞌ ni̱ꞌ, jee táꞌán sátíñú jín ni̱ꞌ ví re̱ꞌ, jee táꞌán náma jín ni̱ꞌ tu̱ꞌun Jesús ví re̱ꞌ, kuéntáꞌ táꞌán ɨɨn soldado kántáꞌán. Nchu̱ichí rán re̱ꞌ chineí re̱ꞌ nuꞌuꞌ jín ya̱ jíniñúꞌún ni̱ꞌ. 26Jiáni iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, chi níyo iniꞌ re̱ꞌ kua̱jiaaꞌ ne̱ꞌyá re̱ꞌ ránoꞌó, chi nániꞌvɨꞌ iniꞌ re̱ꞌ jie̱ꞌe̱ꞌ rán, chi nku̱káꞌnú iniꞌ rán ya̱ kúꞌvíꞌ re̱ꞌ. 27Jee íyó nijia ya̱ nkuꞌviꞌ re̱ꞌ sáá né íyó kuviꞌ re̱ꞌ nékúvi. Soo nku̱náꞌví iniꞌ Ndiosíꞌ re̱ꞌ, jee nnuvi re̱ꞌ. Jee nsú kua̱chi maáréꞌ ni nku̱náꞌví iniꞌ Ndiosíꞌ, chi suni ne̱ maáníꞌ ni ka̱ꞌ, sáva nkóo tu̱ꞌun núkuíꞌyá nasɨ́kuitɨꞌ ka̱ꞌ iniꞌ ni̱ꞌ jie̱ꞌe̱ꞌ re̱ꞌ. 28Saáva saꞌ víꞌí káꞌ va̱ne̱ꞌ ñúꞌún iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, sáva nusɨ̱ɨ̱ꞌ iniꞌ rán ya̱ kune̱ꞌyá tuku rán re̱ꞌ. Jee sáva nkóo tu̱ꞌun kúkuíꞌyáꞌ iniꞌ ni̱ꞌ ka̱ꞌ. 29Saájee sɨ̱ɨ̱ꞌ koo iniꞌ rán nakuatáꞌví rán re̱ꞌ sáá kenta re̱ꞌ, jie̱ꞌe̱ꞌ ya̱ yɨ́ꞌɨ́ re̱ꞌ nu̱u̱nꞌ I̱toꞌoꞌ‑ó. Jee saꞌá ñáꞌnú rán nu̱u̱nꞌ rá ñɨvɨ íyó kuéntáꞌ íyó maáréꞌ. 30Chi jie̱ꞌe̱ꞌ tiñu Cristo, nkenta re̱ꞌ ya̱ yatin kuviꞌ re̱ꞌ. Chi ñeꞌneꞌ iniꞌ re̱ꞌ kuviꞌ re̱ꞌ, sáva ñasɨꞌ re̱ꞌ nu̱u̱nꞌ rán jín tiñu chi nchi̱neí re̱ꞌ nuꞌuꞌ ya̱ ntu kúvi saꞌá rán jín nuꞌuꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.